將軍澳富康德寶(DEBORAH)

homingm

12312>>我BB報o左九月入讀n1，我都未收到有關做校服的事宜，我稔開學前一個月會收到學校的通知，因我見八月入讀n1的都係七月才去學校訂校服。

homingm

昨天去了德寶的畢業禮，小朋友的表演很精彩，所穿的服裝由老師設計，很美麗，要讚一讚老師們付出的心機，國際班小朋友的英語唔錯bor，講得好好，我而家先知國際班的班主任有一兩個係男西人老師來o架

fifi

homingm,

哇﹐你大仔已經畢業啦﹐好快。我都覺得D老師好好人﹐次次去都有問必答﹐都好nice﹐但就見唔到個外籍班主任﹐希望個女鐘意佢啦

homingm

fifi >>我大仔只係讀緊k1o架，我出席畢業禮只不過想捧下呀仔場，因為佢有份表演

cwy

Hi! 各位媽咪,
我想幫我囡囡報出年(2005/9),想問下小朋友讀國際班o既媽咪，係咪讀國際班無中文讀呢?咁你o地係咪都諗住升小學時俾小朋友讀國際學校呢?如果讀番普通學校會唔會追唔番d中文呢!謝謝你們的分享!

homingm

下學期開始國際班將會有中文讀

cwy 寫道:
Hi! 各位媽咪,
我想幫我囡囡報出年(2005/9),想問下小朋友讀國際班o既媽咪，係咪讀國際班無中文讀呢?咁你o地係咪都諗住升小學時俾小朋友讀國際學校呢?如果讀番普通學校會唔會追唔番d中文呢!謝謝你們的分享!

HALAHA

各位mama,
昨天我去咗幫囡囡做校服和交8月份的學費.
我覺得出地鐵到德寶那條路真是好晒,太陽好猛,你們會不會給小朋友搭校車,我囡囡仲要暈車浪,都不知點算.好煩,好煩........

wing530

fifi,

Dr. Kong 入會好似要比錢架! 不過好似好平架咋~ 而家買兩對有8折, 都係時候入貨啦!     

我地主流班9號開學啦, 頭3日返1個鐘, 之後返2個鐘, 1星期後就正式啦~ 我昨日無去呀, 我叫左保母去, 阿仔買左 size 6 呀~

健康記錄表, 我之前問過學校, 話n1先要, K1唔使架喎! 至於校車, 我見大約8:15係新寶城後門個回旋處(海悅停車場)等, 都方便你喎~     

乜條毛巾仔係咁用架? 我仲以為抹手仔用tim, 咁咪要"乾"既囉, 我都驚佢喊呀, 未試過一個人"獨立"過呀!

fifi

homingm,
唔好意思﹐搞錯o左添。 你仔仔好叻啊﹐參加表演。

你點知下學期開始有中文讀啊﹐前幾個月同個國際班的主任傾開﹐佢仲話學校考慮緊國際班K3開始加中文。咁下學期開始係唔係K1都有中文學啊﹖

HALAHA﹐
我都覺將軍澳地鐵到德寶條路真係好長﹐我雖然沒行過﹐但挓車見到都覺得唔近﹐特別係夏天同打風落雨會仲麻煩。唔記得你住係將軍澳邊度啊﹖

wing530,
我都睇中o左對皮鞋仔﹐不過波鞋沒睇中﹐買唔到兩對咁一定要入會先有8折啦。

我女都係買o左size 6, 買時都有套上身試﹐但返來除左入面D衫﹐又覺得大o左D﹐正唸緊係唔係拎返去換size 5呢。

健康記錄表, n1先要﹖ K1唔使架﹖咁點解比我啊﹖等我打電話去問下先。校車8:15係新寶城後門個回旋處都唔算早啊﹐我自己送都唸住8﹕30出車﹐驚朝早塞車。

唔使驚﹐小朋友好快適應。

12312

homingm:
我住在你附近. 你bb是 8/2002 or 9/2002 年bb呀?
我bb 將會同你 囝囝 是同學, 我同bb 報讀 富康 主流 n1班,
我問到朋友take 校服, 希望有用啦, d 校服真是好貴呀.   
另外 , 我都是煩緊工人的野.

homingm

12312 >>我仔仔係8/2002出世，咦！咁可能有機會做同學仔wor 雖然哥哥都有一套舊o既校服，佢咁大隻，可能未必o岩身，所以我會買多一套校服

homingm

fifi >>因曾經收過學校的notice話國際班將會有中文學，但就唔記得講o既係咪由k1開始，不過上次係畢業禮同一個讀國際班的媽咪傾開，佢話囡囡讀o左兩年國際班，d英文就講得好好，但中文認字就真係唔得，所以如果國際班都有埋中文可以平衡一下兩方面的發展

homingm

原來國際班比主流班真係free好多，國際班k1都未開始學寫字，到而家都只係線條練習，而主流班上學期開始一些線條練習，下學期已開始學寫字(係直接寫係一個空格內)，呀仔係班裡係細仔，見佢執筆寫字唔係好夠力都"dum"佢辛苦 :cry:

Nattia

Hi! 各位TKO媽咪, 我係新加入來討論, 希望大家比D意見. Thank You!

我個女而家2歲, 我都考慮緊出年比佢讀富康德寶K1, 請問課程深唔深, 多唔多功課做, 是不是K1開始要寫字, 另外學校有沒有舉辦興趣班比小朋友參加, 收費又貴唔貴呢? 因為學費已經唔平, 加埋雜費(是否$5,000一年, 還有沒有其他費用), 再加埋其他興趣班的費用, 都幾 "拿利" !!!

fifi

homingm,

係啊﹐國際班係free好多﹐就係因為咁﹐我D先擇國際班﹐覺得D小朋友咁係個﹐唔需要太大壓力﹐由得佢自由發揮啦﹐想佢做每件野都有‘自發性’﹐有興趣去做好過比人迫﹐小朋友天性好玩好動嘛。

主流班應該多好多練習做﹐睇個書雜費就知﹐國際$594﹐主流$25XX﹐唔知有冇沽錯

cwy

homingm,
Thank for your information!

fifi,
咁你諗住俾小朋友升番國際學校定普通學校呢?

wing530

fifi,
你想換校服size 5, 乜你唔係話2,4,6 咁既咩? 一換就要去到size 4啦喎~ 國際班加中文又幾好喎, 可以接番本地小學, d雜費又平好多喎, 我地1年$5000蚊架~

係呢, 有無人知多唔多攪活動架? 我剩係聽過1年1次"親子旅行", 其他都好似無咁既??? 會唔會有course比小朋友參加既呢?    

homingm

wing530：
我覺得德寶唔算多有戶外的親子活動，好似你所講o既一年只有一次親子旅行，另外，聖誕節會有親子的聖誕吊飾設計，中秋節會有親子燈籠設計等，活動就唔多，我覺得德寶較重視學術評估，每兩三個月就會有一次學術評估。

至於課外活動學校定期會有不同的課外活動，例如：英語fun fun fun，小小司儀訓練班(由其他機構所舉辦)，電腦班等，八堂費用$480，有d班會係放學前舉行，有d就會係星期六舉行。

homingm

更正：應是六堂$480 :wink:

wing530

唔該哂, homingm,

o我~ 原來都有課外活動攪既, 都好喎, 可以學下野, 不過, 好似好貴咁既~

聽你講, 話有d聖誕吊飾設計呀, 親子燈籠設計呀, 我就怕怕啦, 我無乜設計天份架! 到時都唔知點算呀?