有冇小朋友讀緊"公文式"入黎分享下啦

pgn

heidi 媽,

我是新加入,借問聲你聽過公文中文,知否那裡有得讀
請指教       

Aries媽咪

heidi媽,

妳囡囡真係好犀利      

咁妳幾時先比佢考試呀?  妳囡囡學緊係咪9個字, 老師收幾$.

讀公文妳覺得有無用呀?

fanny_wong

Aries媽咪,

原來係金鐘, 7月16日果批都好d, 因為我今個星期六先去取成績表, 如果太早去連成績表都帶唔到law , 其實想請教你, 呢個學校小一有幾多班?多少人一班?係咪新校?會係傳統教學?學費幾錢?有冇普通話堂?唔好意思太多問題希望你唔好介意, 因為我睇過佢網頁好似冇mud資料咁 ,

咁你個囡囡取左成績表未呀?

Aries媽咪

Fanny,

學校理念係兩文三語, 即時話數學用英文, 中文用普通話, 英語當然係全英語, 有5班, 每班30-35人 , 一年12000學費, 係全新學校, 沒有其他班別, 只收06小一生.

我囡囡星期四攞成積表, 昨天已經知道佢考到全級第二, 我都好開心, 因上學期佢考到全級第一, 我真係好唔開心, 因壓力好大, 妳知唔知我好慘呀! 因學校只有頭三名先有名次, 所以這學期比到我超大壓力, 這張成績表好重要, 對佢考其他學校好緊要, 所以不容有失, 但只是我壓力大, 囡囡我又沒有再加壓力比佢, 始終佢得五歲人仔, 好彩攞到第二, 我都好安慰

Aries媽咪

heidi媽,

我囡囡只學得很皮毛, 唔好話考試, 彈得點本琴書, 我都安樂啦
我囡囡依家學緊9個字, 妳囡囡使唔使學1個鐘呀?

fanny_wong

Aries媽咪,

係呀K2成績表都好重要由其是下學期, 你囡囡考到全級第二名, 恭喜 恭喜 我都唔知我囡囡考成點, 囡囡前日話比我聽老師同佢講佢有個中文書法獎, 我囡囡好開心, 但係我就一般, 因為囡囡之前都係得到呢個獎, 如果係多一個獎就仲開心   , 你囡囡咁好成績考小學都應該冇問題架  

Aries媽咪

fanny,

妳囡囡寫字一定好靚的, 兩年都攞書法獎, 都唔錯的

妳究竟係邊日面試呀? 聽說16/7係將軍澳面試的, 妳係咪呀?

fanny_wong

Aries媽咪,

尋日開信箱終於都收到啦   我囡囡係7月16日面試, 冇錯呀地點係將軍澳循道衛理小學,不過我個no.好似係23x, 咁你個no.排幾多呀?我驚唔收呀, 因為我個囡囡都好怕羞, 又冇mud課外活動証書, 間幼稚園都係好普通既學校, 如果唔得又要再搵啦! :cry:

Aries媽咪

heidi媽,

多謝妳先, 不過我自己覺得有名次有好有唔好, 好就係知道自己小朋友成績去到邊到, 唔好就係有好大壓力, 今次囡囡攞第二比上次攞第一, 就來得輕鬆好多, 我成個人鬆晒, 起碼唔使再咩住第一個名 其實小朋友唔好做第一嗰個, 會好辛苦, 如果囡囡學校有100人考到頭20名, 我都好欣慰.
這幼稚園有些像小學的, 全級只有頭三名先名次, 考試測驗都係一行一行咁坐, 考試卷, 唔可以睇其他同學, 我自己就幾鐘意, 因一早比佢有考試模式, 上到小學會易適應d.
妳囡囡考這小學, 使唔使考筆試呀? 我自己都幾有興趣這小學, 因近地鐡站, 交通好方便, 聽朋友說今年視學報告很好, 這學校的學生, 很有自信, 但不囂張.

Aries媽咪

fanny_wong 寫道:
Aries媽咪,

尋日開信箱終於都收到啦   我囡囡係7月16日面試, 冇錯呀地點係將軍澳循道衛理小學,不過我個no.好似係23x, 咁你個no.排幾多呀?我驚唔收呀, 因為我個囡囡都好怕羞, 又冇mud課外活動証書, 間幼稚園都係好普通既學校, 如果唔得又要再搵啦! :cry:

fanny,

妳唔使太緊張, 星期六我考完話比妳聽考咩啦
我囡囡都好怕羞, 好靜, 唔多出聲, 到時最緊要叫佢有禮貌d, 記得提佢叫人,及人地比嘢佢要講多謝

fanny_wong

Aries媽咪,

你面試完會話比我聽呀, 識到妳真好 , thx!

fanny_wong

Aries媽咪,

原來我囡囡下星期六要參加學校畢業禮表演, 排舞已排左好耐但係原來表演日係下星期六, 我都未問老師係上午定下午,如果上午公文數可改下午, 但如果係下午表演就點去面試呀, 都唔知點算好真係頭痛  

Aries媽咪

fanny,
畢業禮通常上午的, 應該唔會對面試有影響, 妳考幾點呀?

fanny_wong

Aries媽咪,

囡囡面試時間係3:00, 希望d時間可以配合得到啦, 先前仲想可以有多d時間慢慢去而家就可能會好緊迫啦

Aries媽咪

fanny,

妳囡囡有無午睡的習慣呀?
如果佢太倦會影響佢表現, 記得買定d佢鐘意食嘅嘢, 氹吓佢呀, 妳這麼近, 最好都係返屋企沖個涼, 咁就醒神d

fanny_wong

Aries媽咪 寫道:
fanny,

妳囡囡有無午睡的習慣呀?
如果佢太倦會影響佢表現, 記得買定d佢鐘意食嘅嘢, 氹吓佢呀, 妳這麼近, 最好都係返屋企沖個涼, 咁就醒神d

我囡囡就一時時有午睡, 不過我都會買定d零食比佢, 希望好似你咁講會醒神d啦, 你囡囡聽日就面試心情點呀?