有囝囡讀緊中三的家長們

virgokaren

原文章由 edithedith 於 07-8-20 11:50 發表
virgokaren
我終於問到我家姐lu, 佢個女以前在Adelaide讀的那間boarding school 叫 Annesley College, http://www.annesley.sa.edu.au/, 你可上網看看

edithedith：
真係無巧不成話，我同姨甥女第一次去AEC個升學展，第一間參觀的學校就係 Annesley College，我姨甥女俾佢地學校d相深深吸引住，可能係第一間，那兩位老師又幾nice，所以我姨甥女對
Adelaide 和 Annesley College都幾好印象的。
等我搵番本brochure，再研究下這間學校先。
咁你家姐對這間學校的評價好嗎？
你姨甥女又有何 comment？成績如何？老師有愛心嗎？學校著重啟發學生嗎？學費貴不貴？(比起其他私校)

你姨甥仔是今年升F.4 or F.5？
他是不是讀英中的？只需要讀六星期的英文，英文成績應該很不錯！那他十月只需讀個多月的year 10，一月便可升讀year 11。
你姨甥仔考的是 AEAS 吧！他經那一間 agent 去啊？

你姨甥仔和我姨甥女的計劃差不多，但我怕她需要讀很多星期的英文，那就大失預算了。:time:

你給我的資料絕對有用呀！Thanks alot！
最好幫我問下考AEAS要注意些什麼？
我希望幫姨甥女預習一下，吾係佢要讀成年英文就死得！！！

*******************************************
哈~~~你大女正是和我大姨甥女同一間學校，她讀的時候，有幾個學姊(sixth form)都考得幾好，有一個入Oxford，一個入 Warwick 架！係我大姨甥女吾肯讀上去，激死人！

酒店工咁辛苦架？但相對來說，係咪無返 office 咁悶呀？
有d人吾悶得架！工作開心就吾覺辛苦了。
*******************************************

edithedith

virgokaren

我姨甥女和姨甥仔也是讀中四時過去澳洲讀書的, 佢兩姊弟都是讀循道中學的, 兩個都讀得書的, 而且不用死讀那種, 姨甥女讀得好好, 聽講佢Year12時個High School Exam考出來有九十多分(因佢係澳洲公民, 所以d成績要同本土居民compare, 而不是跟海外生compare, 所以就算看似高分, 都不是這樣計算的), 我家姐對money 無乜所謂(不像我這窮等人家每每都要小心計算), 所以佢無乜點去比較學校的價錢, 不過這所學校的學費可能在當時是比較貴的, 但相對我們又未必係貴的那種, 姨甥女初時讀得唔係好開心, 因為在香港自由慣了, 這麼大個女才要尊守宿舍那麼多規則(如要晚上九時多睡, 不能隨便自由活動, 連吃食物都規管等等..), 但有一樣非常奇怪的活動他們竟然批準, 就是打麻將了, 因為佢地以為這是一種智力遊戲 . 另外要提醒你, 在澳洲讀書絕對不能帶任何食物入境 , 只能在當地購買, 所以行李只需帶日用品便可了.

至於考AEAS試方面, 可以買本預習書, 我家姐有買, 要成二百幾蚊好貴, 但佢話無乜用, 我已幫你問佢借, 如果佢找到的話, 我找時間借給你吧, 佢個agent在灣仔, 名為Aston Education, Tel: 2866 9933 你可聯絡Miss Louise YEUNG.

原文章由 virgokaren 於 07-8-21 03:03 發表


edithedith：
真係無巧不成話，我同姨甥女第一次去AEC個升學展，第一間參觀的學校就係 Annesley College，我姨甥女俾佢地學校d相深深吸引住，可能係第一間，那兩位老師又幾nice，所以我姨甥女對
Adelaide ...

[ 本文章最後由 edithedith 於 07-8-21 10:29 編輯 ]

virgokaren

原文章由 edithedith 於 07-8-21 10:28 發表
virgokaren
我姨甥女和姨甥仔也是讀中四時過去澳洲讀書的, 佢兩姊弟都是讀循道中學的, 兩個都讀得書的, 而且不用死讀那種, 姨甥女讀得好好, 聽講佢Year12時個High School Exam考出來有九十多分(因佢係澳洲公 ...

edithedith ：
如果你家姐搵到本 AEAS預習書，記得借俾我啊！
上星期我姨甥女去深圳購書中心，我叫佢買本IELTS回來參考下，佢竟然買哂成套，但又漏左取cassette tapes。
IELTS 對中學生來說是太深了，而且澳洲中學都很少要求看
IELTS 成績，所以用處不大。
你姨甥女和姨甥仔都是澳洲公民？那他們的學費會比我們這類 overseas students 便宜些。
聽你咁講，Annesley 好似幾嚴喎，咁樣我姨甥女可以早睡早起，身體好！請問【食物管制】係咩意思？不準她們吃零食嗎？
為什麼你姨甥女會選擇去 Adelaide ？
她現在讀那一間 University？
我想問下去  Adelaide 交通方便嗎？機票會不會比較難買和貴些？
係澳洲好似話如果選擇讀 year 12 上大學就要和澳洲本土學生比併，所以有些 agent 教我們香港人可以轉讀 foundation，入大學會容易些。
你家姐兩個囝囡都咁叻，真係開心！
好羨慕那些囝囡讀書聰明又自動自覺的家長，始終我未做過人地亞媽，有時也覺得很吃力，又不知道自己的方法 work 吾 work ！

[ 本文章最後由 virgokaren 於 07-8-22 13:11 編輯 ]

edithedith

virgokaren

先別說升學澳洲的事先, 其實我羨慕你個姨甥女有個咁好的呀姨, 我兩個家姐都唔會咁好對我d女, 不過亦唔係差, 只係唔會好似你咁樣咁肉緊佢, 但係佢地又會互相照顧佢地兩姊妹d細路, 所以我好多野都係靠自己, 尤其係個大女, 當年真係教到我想死呀 , 至於佢地細路d野都係每次家庭聚會時所講, 佢地係以成績為上的人, 只要你成績好就係乜都好掂, 唔好的話無論你幾尊重長輩都係廢的一名, 所以佢地對我大女同對我細女好唔同, 成日讚我細女, 但我好抗拒咁樣做人, 所以近年好都好少同佢地講我兩個女的事, 但說真心話, 你真係一位好呀姨

我都有本ILETS的本, 但不知現放在那裏:( Adelaide的交通問題要待我大姨甥仔上msn才可以問, 至於那兩位澳洲公民的姨甥, 以我所知佢地讀的係私校, 所以無優惠, 要上到大學才可以有, 大姨甥女在Macquarie University讀Accounting, 來年會升Year 2, 睇佢讀書以似好輕鬆, 成日聽佢去唱k, 打麻將, 同人食飯, 行街, 又拍拖, 返到HK放假就真係放假, 唔會再有溫書呢個動作, 但係呢, 唔知點解d成績又好ok播, 所以都好難話點樣去計算讀書事吧 大姨甥仔又不同, 佢真係好比心機去讀, 好有自發性......

其實係大姨甥仔去Adelaide讀書先, 咁我個大家姐就話佢個女不如都去呢個地方讀, 咁樣有乜事都有照應, 所以咪去左呢個地方讀law.

係呀, 你講得對呀, 如果選擇讀 year 12 上大學就要係同澳洲本土學生比併架, 所以你替姨甥女想清楚才好行動呀, 因為佢地本土個分要求都幾高架.

virgokaren

原文章由 edithedith 於 07-8-23 10:49 發表
virgokaren
先別說升學澳洲的事先, 其實我羨慕你個姨甥女有個咁好的呀姨, 我兩個家姐都唔會咁好對我d女, 不過亦唔係差, 只係唔會好似你咁樣咁肉緊佢, 但係佢地又會互相照顧佢地兩姊妹d細路, 所以我好多野都係 ...

你太過獎我了！你欣賞我但我姨甥女可能未必咁欣賞我，因為吾多吾少我都俾左d 壓力佢！
我家姐、姐夫因為工作太忙，而且佢地無興趣和耐性好似我咁周圍搜集資料，所以我早早就係家族中的教育部長，專管教育事務。
而我家姐、姐夫就係財政部，我計劃好就由佢地支賬，我仲有個妹，佢係最受歡迎的，因為佢係康樂部，負責玩的(其實佢都吾係好多時間陪姨甥女玩)，但佢從來不過問讀書事，所以就最受歡迎啦！

幸好我呢個姨甥女俾我洗左腦，明白【萬般皆下品，唯有讀書高】，但奈何她資質又唔算高，所以我才苦惱籌謀讓她可以繼續升學的途徑！

咦！聽你咁講，讀 year 12 咪辛苦d？ :(
但吾讀 year 12 ，就無中學畢業證書。
如果轉讀 foundation，我要計劃定中學要讀邊間至接到上果間大學喎！(無得揀其他大學)

其實我想佢讀 high school 享受下中學生活的樂趣，係香港真係壓力好大，而且中學d 水平太參差！
昨天我看到，好似話 Canberra 的 high school 吾駛考公開試，以學校成績入 U，吾知係咪真？係真我又可能要考慮轉呔！

講返轉頭，你兩位家姐，都係好典型的香港人心態，好少人比較囝囡乖吾乖，多數都比成績叻吾叻。無"計"！

edithedith

virgokaren

先要比幾個 你同你個妹, 我個人就好enjoy家庭凝聚力了, 我成日同兩個女講, 她們將來都要彼此相親相愛, 要互照顧, 所以佢地現在已入哂腦了  

另外, 我個細女因為真切feel過no pain no gain這個formula, 所以現在是比較肯發功的, 但我仍略覺得佢未有發盡功, 所以仍需要push

告訴你一過真實的case, 係我現在同事個女, 她在澳洲讀緊Year12, 佢完全無興趣讀書但又自以為比別人醒, 佢媽媽見佢在香港都不會有大作為, 情願花錢比個機會佢去外國見識同希望佢在外國的學習環境下會有好的改變, 佢讀完中三便到澳洲讀Eng course, 之後入讀中學, 但佢考出來的成績不很好, 入大學的機會好微, 我同事都打定輸數佢讀完Year12便會回港, 但最頭痛的問題是: 佢返到香港既無會考cert, 手持的澳洲中學考試成績, 又不知香港公司會否承認學歷, 真正係兩頭唔到岸了, 所以, 我覺得, 如果保險一點, 還是考完會考再讀Foundation會比較好一點吧. 因為在外地讀書實係要好靠個人的自我控制能力, 至於那些不用睇公開試的成績升大學的國家, 講真, 佢個drop out rate都好高, 尤其是Canada, 佢地大學係無留班呢回事的(資料來源在我教會的一位弟兄, 佢個仔現正在加拿大今年會入讀大學)

總之都係那句, 盡你這個教育部長的力量, 使姨甥女自行發功, 那麼, 成績指日可待了:)

原文章由 virgokaren 於 07-8-23 12:49 發表



你太過獎我了！你欣賞我但我姨甥女可能未必咁欣賞我，因為吾多吾少我都俾左d 壓力佢！
我家姐、姐夫因為工作太忙，而且佢地無興趣和耐性好似我咁周圍搜集資料，所以我早早就係家族 ...

KWT

virgokaren

大姨甥女當年佢唔肯係英國升讀 A-level，番香港入 IVE 讀 fashion design，但最後又唔係做 designer，而家做個普 .....

路過.我有個表妹又係在 IVE 讀 fashion design，但最後又唔係做 designer,選擇做飲食業.幾年成績,學非所用.這使我感到在 IVE 讀 fashion design可能是d人都係冇興趣,純粹混張Cert交代父母及其他人期望(如果想得不對請指正).

virgokaren

KWT:
說到我大姨甥女，係吾係混張Cert交代父母，我吾否定這個可能。不過，事實佢都係中意 design ，例如佢好中意將一樣好簡單的物件，重新包裝，將佢改頭換面。(佢連ATM咭都改裝，成間房都剪剪貼貼)
至於讀 fashion design 可能係因為佢貪靚，又以為好易讀，但原來要讀布料、車衣....好多野，又原來做個merchandiser 要捱得好辛苦.....所以，我覺得佢係應該讀 graphic design 而吾係讀 fashion design！但年青人，有時吾想得咁細緻！
好多人讀果科，又未必一定入到行，大姨甥女個人性格吾屬於拼博型，所以係我地大人眼中就係"冇乜大志"，條路係佢自己揀，也就由她自己闖囉！

原文章由 EVA222 於 07-8-25 15:47 硐表
昨日我女正講起呢個話題,佢聽讀設計d fd講,話呢行好講人脈關係,理工加外國畢業返來,持大學學位都有不少人,學位或文憑想入行真係不容易.

係呀！其實 fashion designer 係香港，行頭好窄，好多人都未必做到 designer ，可能做下merchandiser 、廚窗設計，或其他有少少相關的職業。

virgokaren

原文章由 edithedith 於 07-8-23 14:27 硐表
virgokaren
先要比幾個 你同你個妹, 我個人就好enjoy家庭凝聚力了, 我成日同兩個女講, 她們將來都要彼此相親相愛, 要互照顧, 所以佢地現在已入哂腦了  
另外, 我個細女因為真切feel過no pain no gai ...

係呀！有兄弟姊妹都有d好處的，而家好多細路係獨生子女，第時都吾知同邊個相親相愛, 互相照顧囉！

你講果個 case 我都有點擔心架！
我屋企人本來想早d俾佢去外國讀書，但我覺得佢未夠基礎和自學能力，所以我一直不敢提這件事。但Form 3這年，我看到她有學習動機和開始懂得編配時間溫習，所以才開始 plan 下這個留學計劃。
我都擔心佢得吾得架，但吾試過又吾知，而家都係雙邊進行，但如果係香港會考失手，又係由 year 11 讀起咋，咁咪盞搞？

你朋友個女的case，如果她還是有心讀大學，可以轉讀一年 foundation 或讀 diploma 再入 university year 2。
澳洲讀書有這個好處，係我地香港人可以開兩條路，由year 12 or foundation 入U，再吾係讀 diploma 或 TAFE 入 U。

至於澳洲中學公開試成績，香港僱主會承認的，不過，實問：點解你吾讀埋大學至返來呀？

正46

我覺得唔使太執著用什形式去表達, 無論係100分, 考第一, A, 5* 等等, 都只不過是供大家參考的數字, 因為背後太多因素影響了, 例如:題目的深淺, 學生之間的程度, 評核人的質素等等都影響好大.

edithedith

virgokaren

真係唔好意思啦, 我個姨甥仔考完個AEAS試之後就第一時間丟左本書同光碟, 佢一句話本書無用就丟, 真係比佢激死呀, 不過你唔駛擔心, 因為我呢個姨甥仔雖然讀英中, 但英文只係麻麻地, 佢考出來的作文(7/20), 都係要去讀英文, 以我所見, 都無乜邊個唔駛讀英文lu. 重有呢, 我個姨甥仔已經在上個星期六飛左去澳洲升學lu, 所以在香港只係得番我兩個女咋, 真係無哂d表兄弟姊妹在港, 你話呀, 單單在我身邊都已經有咁多個往外跑去讀書, 真係要栽培d細路要幾多錢呢? 我地父母只有繼續做隻牛 係家希望我個細女可以照我個計劃咁樣讀上去

原文章由 virgokaren 於 07-8-26 02:04 硐表


係呀！有兄弟姊妹都有d好處的，而家好多細路係獨生子女，第時都吾知同邊個相親相愛, 互相照顧囉！

你講果個 case 我都有點擔心架！
我屋企人本來想早d俾佢去外國讀書，但我覺得佢未夠基礎和自學能力，所以我一直不敢提這件事。 ...

edithedith

EVA222

係, 你講得無錯, 學歷過高的人自負得很, 亦很容易遇挫折, 只係學歷較低的人因為自知自己比不上人, 而迫於安於現狀吧了, 更甚的自卑心作崇呢, 你女有張美國名牌大學的學位証書, 你當然祈望佢在現實社會時會做高級行政人員, 可能你對於佢現在的工作/職位/薪酬都有點失望, 因為未做到高層, 但係, 佢已入到大公司做, 再加上如果佢係叻女一名, 爬上去高層的話, 真係話都無咁易啦, 但係, 如果那些沒有如你女般的學歷, 莫講話入大公司, 連找分工作都困難啦, 今非昔比, 不論你學歷高低, 工時都超長, 相信你女只係剛畢業回來無耐, 要累積十年八年經驗先會有好的薪酬職位等等的, 你又何必這樣心痛她呢?

原文章由 EVA222 於 07-8-26 10:57 硐表

無乜大志反為會舒服,讀得書多反為唔輕易放下身段,有思想鬥爭好容易高不成低不就.
讀果科未必入到果行,香港唔係咁多職位容納得到,而且好多行業萎縮中,所以而家好多大學生走左去做保險、銀行sales,呢類工種真係幾厭惡 ...

edithedith

KWT

雖然讀IVE確實有一班唔知自己想點但求重有書讀的學生去讀, 但係就真係做就左一個讀實用科目的學院比佢地, 起碼d學生讀完之後個人大個左, 思想會變得成熟, 所以好多畢業生讀完都未必會做番佢所讀的, 再加上社會係咪真係有咁多同類工作比這些畢業生呢, 所以, 我個人認為, 在別無選擇之下, 讀IVE仍然不失為一個讀書的好途徑.

原文章由 KWT 於 07-8-25 10:44 硐表
virgokaren

大姨甥女當年佢唔肯係英國升讀 A-level，番香港入 IVE 讀 fashion design，但最後又唔係做 designer，而家做個普 .....

路過.我有個表妹又係在 IVE 讀 fashion design，但最後又唔係做 designer,選擇做飲食業. ...

virgokaren

原文章由 EVA222 於 07-8-26 10:57 硐表
無乜大志反為會舒服,讀得書多反為唔輕易放下身段,有思想鬥爭好容易高不成低不就.
讀果科未必入到果行,香港唔係咁多職位容納得到,而且好多行業萎縮中,所以而家好多大學生走左去做保險、銀行sales,呢類工種真係幾厭惡 ...

EVA222 ：
你講得好呀！大學畢業/名牌大學畢業證書，都只係一張入場卷，無左呢張入場卷，又無熟人帶位，肯定你連場都入吾到，也沒有市場 bargain 價值，只有工揀你，你無得揀工。

而且，我深信讀大學，在環境上，若有幸遇到好的教授、好的同學，教學相長，孩子們應該有所啟發，而不再是停留在中學畢業生的層面上。

有時做人都要靠些運氣，不一定讀得書多就一定成功，但讀得書多就一定懂得多角度去看每一件事物，也懂得多些方法去尋找自己的出路。所以我讚成孩子多讀書，而且，讀大學也很好玩啊，我希望姨甥女能有機會去體驗這個過程。

我記得你囡囡讀書好叻！年青人現階段捱下吾緊要，你"鄧"佢辛苦，但佢可能好有滿足感，一d都吾覺辛苦架！而且，到佢有經驗，做到高層時，就可以安享晚年啦！
多多鼓勵下佢，煲多d亞媽靚湯俾佢飲啦！

[ 本文章最後由 virgokaren 於 07-8-27 11:53 編輯 ]

virgokaren

原文章由 edithedith 於 07-8-27 10:47 硐表
virgokaren
真係唔好意思啦, 我個姨甥仔考完個AEAS試之後就第一時間丟左本書同光碟, 佢一句話本書無用就丟, 真係比佢激死呀, 不過你唔駛擔心, 因為我呢個姨甥仔雖然讀英中, 但英文只係麻麻地, 佢考出來的作文(7/20) ...

哦！掉左拿，吾緊要啦！
我估除非IELTS有六分，否則係人都要讀英文先。我只係想姨甥女考好d，唔駛讀咁多星期英文，早D投入中學生活嘛！
你覺得你姨甥仔英文麻麻，可能佢好過我姨甥女十倍呢！

你姨甥仔咁快手就搞掂，我仲係度揀揀揀！
因為我好怕揀錯學店，浪費時間又浪費錢呀！(因為我有陰影呀！)

BTW，你家族咁多人出國留學，真係有些壓力喎！

edithedith

virgokaren

其實最早選擇送子女出國讀書係我, 我送左個大女 去英國讀書, 因為佢當時讀得差, 我希望她在外地有轉機同會學好些英文. 接住下來的是我個細姨甥女(即現在在英國將會升讀Year13 -- 中七), 大姨甥仔(即現在讀緊大學Year 3), 我大姨甥女(即現在讀緊大學Year 1), 細姨甥仔(即上星期六飛去澳洲的那位).

雖然我大女係先頭部隊, 但佢在我(娘家)家族中亦第一個(正確的說係唯一的一個)失意回流的 "失敗者" , 雖然佢今年會入讀理大的酒店高級文憑, 但想當日送得佢出去讀, 係希望佢能夠好似條直線咁取得大學畢業證書的, 但事與願違, 所以我對送小女出國讀書仍有所保留. 雖然我d家姐d仔女都OK, 已按BBA途徑前進, 但我明白各人有各人的命運的.

你之前回覆EVA222的說話講得很對, 一個人在社會上的成功與否, 伯樂和幸運是不可缺少的一個非常重要關鍵, 就算你沒有大學文憑, 只要你有其他天賦而這天賦被廣泛地被社會和世界知悉(即成名了), 機會, 成功, 名和利便會隨之而來的了. 這是一個永恆不變的人生定律:)

如果金錢可以的話, 我還是suggest你為姨甥女選擇私校好一點.

原文章由 virgokaren 於 07-8-27 18:04 硐表


哦！掉左拿，吾緊要啦！
我估除非IELTS有六分，否則係人都要讀英文先。我只係想姨甥女考好d，唔駛讀咁多星期英文，早D投入中學生活嘛！
你覺得你姨甥仔英文麻麻，可能佢好過我姨甥女十倍呢！ops:" />ops:" />ops:" />

你姨甥仔咁快手就搞掂，我仲係度揀 ...

[ 本文章最後由 edithedith 於 07-8-28 11:51 編輯 ]

virgokaren

原文章由 edithedith 於 07-8-28 11:47 硐表
virgokaren
其實最早選擇送子女出國讀書係我, 我送左個大女 去英國讀書, 因為佢當時讀得差, 我希望她在外地有轉機同會學好些英文. 接住下來的是我個細姨甥女(即現在在英國將會升讀Year13 -- 中七), 大姨甥仔(即 ...

我大姨甥女都是一個失敗的例子唷！
不過，這個大的和細的性格不同，而且，大果個去英國讀書並不是她的意願，而細呢個係心理上做好準備，也是她自己願意去的。
所以而家我每次都和她一起去升學展，每間學校都讓她認識，她在展場也自動向各學校的老師提問。
我們不求她會突飛猛進，只願她按步就班讀完大學，學會自律、自學、自我要求便算完成責任了。

還是私校比較好嗎？
我心目中都有幾間私立女校，吾知寄宿係咪真係嚴d架？
每晚有人睇佢地溫習的，是嗎？
大果個話寄宿d人有些好dirty，成日吾沖涼，又吾洗衫。

住 homestay 吾知會唔會太 free？
佢好中意睡覺，我驚佢每日放學就睡，放假又睡，睡到懞 左，吾識讀書呀！！！

KWT

Hi!各位.原來我真是唔知道讀design行頭咁窄.

我有個朋友在Brisbane住,佢話現時多左很多中國學生及韓國學生來讀書,佢地父母都不惜腰頭錢交足full fare來讀書,有些還會選擇homestay在當地人屋企住,佢話一定要小心選擇,有很多剩係想賺錢,在中國人家庭,他們跟你用中文溝通,而這些很多父母都不知道.

virgokaren,
我覺得你姨娚女最好具有識聽識講少少英文才去澳洲讀書.我記得多年前(當時我做太空人)跟我同一時間在澳洲的兩兄弟,弟弟要先讀英文進修班才可正式入學,但是唔夠一年佢已經日日與一大班同年紀的外國人(印度,韓國)一起吸煙,時常一大群少年坐在圖書館門前近入口高聲喧嘩玩耍及吐口水,時常比圖書館員趕走,而佢地(當地人)看他們的眼神充滿鄙視,我至今仍然記得,印象深刻.當然無心向學.初時我有問佢地讀書有冇困難,弟弟話上堂聽唔明老師講什麼.加上遇到一班同病相憐的同學,很容易放棄學壞.