2007年8月開學宏福幻兒園既媽咪一齊入來傾下

天藍

hongmimi ,

我仔仔係到想嚇我, 係到扮獅子張牙舞爪,
所以張相張開十隻手指, 其實我仔仔都唔
係好多頭髮, 以家大個好少少, 以前細個
仲少, 我叫佢做光頭仔架~~
你仔仔張相都好斯文, 個樣好純, 你仔仔
係咪好乖架???

626mama,

真係好家長日同你坐埋附近, 仲有緣同你
都係N1 Candy組, 真係好好好開心~~

Dear all,

唔知你地又係邊班???  報告報告!!!

昊藍(天藍) --- N1 Candy (上午班)

ElainAiolia

To All,

我即係以前o既'Elain&Aiolia'，現巳改用户名為'ElainAiolia'。
因上星期返工好忙，所以好耐無上BK了。

pcdogxx,
我見到你一家人坐第一行(因我認得你囡囡)，而坐你隔離係o米
Hongmimi(即著黑色衫長髮果位)，而我就坐你o地後面果行最
右手邊果兩位(包括我老公)，當時我著黑色有領Polo恤長頭髮果
個，本來諗住同你o地打招呼，但我咁啱撞到個同事佢個仔又報
o左N1，不過係下午班，所以掛住傾計無同你o地相認，唔好意
思！

我子聰讀N1-Panda班，好似唔同你o地班呀！

係呢，我想問你o地張大頭相點樣上傳o架？(希望你o地唔好笑我
蠢啦！)因我搞o左好耐都唔掂先問o下你o地o者，希望你o地幫
o下我。真係萬二分感激。

pcdogxx

各位好..

原來今日淨係得我一個帶小朋友咋..  阿女坐到最尾都頂唔順開始扭計喇.. 跟住爸爸帶左佢出去..  點解冇人同我相認既?  哈哈..

又一個巧合喇.. 哈哈.. 我女同Hongmimi 囝囝真係同班呀..   讀 N1 Rabbit, 爸媽係同學, 而家連仔女都同學..  好攪笑...

626mama,
試下堂睇下點先, 可能我嫌辛苦唔願去架..   不過我果度搭車去好快.. 半個鐘到架咋..  
係咪架? 女仔似爹地會好嫁架咩?  我未聽過既    係就好咯.. 望都望佢嫁得好啦.  (2歲都未夠咁快諗嫁..   )

Hongmimi,
我地真係要諗下對埋襯家都好喎..  哈哈..  又會橋成咁既..  
做乜你成日都post唔到既. 我又未試過喎..   唉..  嫲嫲成日話熱, 要阿女剪短頭髮.. 我好想同佢留長紮下辮仔架嘛..   自從上年新年見過(仲要訓左覺)匡匡, 我都未見過佢.. 遲d返學就成日見到啦..  

天藍
係呀, 咪就係我囉, 我驚你地認唔到我, 坐第一排架嘛..  做乜唔叫我呀?     乜原來宏福pg都係外藉老師教架.. 咁11x又唔係貴喎.   你囝囝同626mama 囝囝同班咁橋既.. 哈哈..   大家都有個伴, 幾好喎...  Hongmimi 見到Rabbit班張點名紙有子聰個名, 唔知係唔係Elian&Aiolia個囝囝呢..

pcdogxx

ElainAiolia
出完先見到你個post添.. 係呀.. Hongmimi 就係坐係我隔離呀.
我老公都識得你個同事架..  哈哈..

乜子聰讀panda班咩? 我仲以為同我地一班添

其實好簡單架咋..
觀看賬號 --> 編輯個人資料 --> 係尾尾果度有個"頭像", 你load 張相就得喇..  (不過size唔可以太大, 你改細左張相就得架喇), 快d upload 張靚相黎睇下啦..

pcdogxx

昊藍(天藍)            --- N1 Candy (上午班)
626mama (軒軒)  --- N1 Candy (上午班)
pcdogxx (鈞渝)     --- N1 Rabbit (上午班)
Hongmimi (匡匡)   --- N1 Rabbit (上午班)
ElainAiolia (子聰）   --- N1 Panda (上午班)

有冇錯呀?

天藍

天藍(昊藍)            --- N1 Candy (上午班)
626mama (軒軒)  --- N1 Candy (上午班)
pcdogxx (鈞渝)     --- N1 Rabbit (上午班)
Hongmimi (匡匡)   --- N1 Rabbit (上午班)
ElainAiolia (子聰）   ---  N1 Panda (上午班)

大家都係中英文部, Yeah!!!
到時要交流心得~~


Hongmimi,

我同你一樣都係有時打
既字出一半

hongmimi

各位好!


我發覺而家bk某d字係show唔到既，i.e. 廣東話口語化個d。如果打左，之後d字就會無晒。



家長日真係好多人! 我同老公趕到黎雖然未開始，但個個都坐定定，好彩pcdogxx坐第一行我先見到，我咪坐佢隔離law。

ElianAiolia，
原來我估錯，我簽名時見到個小朋友又叫子聰，我仲以為我地可以同一班tim 咁你囝囝個班有無同學仔識架? 我都聽到後面有兩個媽媽傾計講介片，原來就係妳呀! 真係想同妳打個招呼，話晒住得咁近ma。




626mama/天藍，
妳地囝囝同班真係好，你地坐邊呀? 初時諗住散場可以見到面，真係有d失望。不過我地五個咁有緣，總有機會見面既!

pcdoxx，
鈞渝好叻呀! 坐到最尾先開始扭計，如果係匡匡呀! 不敢想像。對襯家!
哈哈! 一出世我問過妳架! 妳話鈞渝鍾意d大佢幾年成熟d既男仔ma! 係妳定鈞渝掛住匡匡想見佢先? 好易遮! 搵日一齊落公園玩呀!
第一次約會呀

626mama

天藍,
唔該晒妳地呀，唔係妳地幫我留位，我都唔知坐到去邊喇。
應該會坐到最後。
我拎左校服....
好多謝妳份生日禮物呀，一擦開已經講，火車頭呀。
pcdogxx ,
坐低不久，便認到妳囡囡喇，成晚望住妳地係度玩手仔。
我見佢掉了支筆出去，好攪笑。
走時我想叫妳，不過我只見妳老公同女女係門口，
同另外一個男傾計(唔知係咪Hongmimi妳老公呢)

[ 本文章最後由 626mama 於 08-1-23 14:08 編輯 ]

hongmimi

626mama,
係呀!個男人係我老公，因為當時我同pcdogxx係校務處八緊d校服同書包係咩樣，事關我地買二手，驚轉左款呀!

626mama

妳地有冇試過校服呀，軒軒條白褲仔細左小小，
如果就咁穿剛剛好，包埋片就唔岩穿啦。
今日叫左婆婆去換。同交埋D學費。

626mama

我媽媽剛剛去左換回來，
原來一換要換全套，
而家件衫大大地，條褲差一個鬆鬆地。

偉主仕真係好利害，
我一月帶軒軒去過面試後，
便沒有到過學校喇，
佢剛才一見到軒軒，便講，
你個名叫咩軒呢，唔記得叫咩軒添。

我都覺得佢好利害啦。

626mama

pcdogxx ，

妳好細心，等我又加多ｄ入去先。

昊藍(天藍）囝       ------------------- N1 Candy (上午班)
626mama(軒軒）囝 --７月-- (沙田)--N1 Candy (上午班)
pcdogxx (鈞渝)囡  ------------------ N1 Rabbit (上午班)
Hongmimi (匡匡)囝 ------------------N1 Rabbit (上午班)
ElainAiolia (子聰）囝------------------N1-Panda (上午班)
原來男多女小

[ 本文章最後由 626mama 於 07-7-6 13:26 編輯 ]

626mama

ElainAiolia,

仲咩妳特然改名???係咪舊那個用唔到呀。
我以前都有一個，特然有一日開唔到呀。

唔緊要啦，妳得閒先上來囉，
我都係食飯時間同星期一至五上來多。

我知點樣整張相上去，但係我唔識縮細張相，
所以我張相都唔upday。所以我好少轉相。
如果我識，實成日轉。

[ 本文章最後由 626mama 於 07-7-6 13:34 編輯 ]

626mama

Hongmimi,

係呀，我地囝囝同班真係好，好開心呀。
我地坐係邊呀? 背住門口右邊第二行最入便個位，
天藍坐我後便。所以我成日望住pcdogxx個囡囡係度玩。

一見散場咁多人，都知未能見到面住，
我都有d失望。因為都認到pcdogxx囡囡。
第時就岩時間，大家約埋一齊出來傾計/玩。(一家大細)

[ 本文章最後由 626mama 於 07-7-6 13:54 編輯 ]

626mama

pcdogxx,

妳囡囡今次張相個post好性感呀

hongmimi

626mama,
我都係呀!唔識縮細張相，試過好多張都話太大，暫時得呢張ok，我都想轉張近期d嘛…

好呀!大家一齊出來玩呀!

到我啦:-

昊藍(天藍)囝------------------------ N1 Candy (上午班)
626mama(軒軒)囝---７月-- (沙田)---- N1 Candy (上午班)
pcdogxx(鈞渝)囡----10月-- (大窩口)-- N1 Rabbit (上午班)
hongmimi(匡匡)囝---10月-- (大窩口)-- N1 Rabbit (上午班)
ElainAiolia(子聰)囝------------------  N1 Panda (上午班)

pcdogxx,

我幫妳加埋，因為一樣嘛…嘻嘻!!男多女少，妳囡囡好吃香呀!

626mama

hongmimi,

見大家轉相轉得咁開心，我都好想轉呀。:tongue:

pcdogxx

Hongmimi,
係咩? 你有問過我咩?  我唔記得左添..   嘻嘻. 我同阿女都想見下匡匡呀.. 唔知阿女會唔會追住匡匡黎錫呢. 個衰女好鬼鍾意錫其他小朋友..  要教下佢唔好咁隨便先得..
唔該你幫我加埋d資料喎..  

天藍,
而家個個都知我係邊個喇..   諗起都幾驚.. 成個鐘俾人留意住添..      我尋日都同個媽咪交收左d校服, 嘩.. 佢d校服好似冇著過咁, 好鬼新淨..  今晚返去同囡囡試下先.. 影D相post俾你地睇..
偉主任個樣都真係好nice.

626mama,
唔性感d點吸引你地d囝囝呀.       尋日聽到有得親子旅行都好開心, 到時就可以同埋你地一齊去旅行喇..  祈待中....  :loveliness:

喂, 你地如果想轉細d相好易架咋.. 用acdsee 改大小就得喇..
如果唔識, 你地send D相俾我吖, 我幫你地改, 1分鐘攪掂..
我都想睇下你地囝囝d相嘛.. 睇下邊個適合做我女婿先..  嘻嘻..
我email : [email protected]

係喎, 你地有冇msn架?  我login 係 [email protected]
如果有, 你地add埋我吖. 得閒可以傾下偈嘛..

626mama

pcdogxx,

妳囡囡原來好鬼鍾意錫其他小朋友，我地一齊帶小朋友一齊出來，
咁咪........好開心，大人錫唔錫嫁，唔該錫埋我丫。  

626mama,
親子旅行我都好想怏d有得去，唔知會去邊呢?
之前我有上個宏福個網頁睇，唔知有冇記錯呢，
好以上次 親子旅行在一月份。

好喎，唔該晒妳先，等我而家上網睇下有咩相，睇得下先。

我前日仲有網上msn架。
不過...昨天全公司d電腦都叫人上來整了d野，
今朝開唔到呀。

天藍

天藍(昊藍)囝--------3 月---(青衣)---- N1 Candy (上午班)
626mama(軒軒)囝---７月-- (沙田)---- N1 Candy (上午班)
pcdogxx(鈞渝)囡----10月-- (大窩口)-- N1 Rabbit (上午班)
hongmimi(匡匡)囝---10月-- (大窩口)-- N1 Rabbit (上午班)
ElainAiolia(子聰)囝------------------  N1 Panda (上午班)


點解無住青衣又係今年讀宏福N1既媽咪
上來傾下計既???