分享蒙特梳利教學法

kp061078

各位,
大家都知我係一位超級蒙媽,我開始蒙氏的教育巳經9個月.我都正如其他媽媽一樣..最大改变係自己.
我真係比好多愛和自由個仔..有時自由多到我老公話會唔會寵壞佢..但我都好堅持2.5歲前..佢想做咩(以安全計)都let him go..
我發覺比咁多自由佢..有好處同壞處
好處:當然滿足佢的 internal need,佢好滿足,好開心,好有安全感. 自己知道自己的地位收到尊重,無乜抑壓..所以成日笑,好主動同陌生人玩...佢而傢18個月自己返playgroup 個半鐘無問題..even見到其他BB有媽媽陪,佢都可以唔駛搵我陪..我諗好大程度因為佢有安全感.
壞處(其實都唔算):要某樣野時好堅持..我現正好煩惱..
case: 我仔仔每次坐車都要去司機位到搞下,一搞就唔肯停..要坐car seat時..反抗同喊得好勢利..我見到都心痛..到無辦法要坐係car seat開車, 佢好奇怪會收聲..唔會喊! 我試過比佢係司機位到搞超過半個鐘..都未 fullfill 佢的 internal need.
唉!! 都唔知點算好?? 搞到daddy話佢naughty..我解釋話佢對自己的要求好堅持..到無辦法要坐係car seat開車佢都無喊..只係每次坐car seat要預多小小時間比佢...希望我老公明白喇!!

zitaeric

今日在條街到有個男仔向我賣旗, 好有禮貌, 好斯文....

突然奇唸, 張來我地的小朋友會是怎樣的, 在蒙氏薰陶下, 每個都應該好有禮貌, 擁有健康的心智, 有陽光氣息, 自信的年青人.如果未來我們的孩子有幸能相互結交而成為好朋友就好啦, 因為首先作為父母的我一定不會擔心, 知道好的家庭父母一定能有好品格的孩子出現....   

lobor

HiHi各位,

雖然我從來都沒有時間參加過大家的聚會或見過大家, 但是透過bk這裡的分享, 都很開心認識到班咁有心去

學習montessori的媽媽, 而且大家的分享和意見, 實在幫忙和鼓勵了小妹不少

我開始認識montessori大概在bb一歲(現在不知不覺她也18個月大了), 同minnelli一樣, 之前好緊張好想搵一些最好的東西給bb去學, 但自從接觸montessori後, 明白了sensitive period, 開始慢慢放底自己的pace和expectation, 去跟返bb的步伐; 不過在這香港處處都充滿各大小教育中心和product, 家長們又心急要自己的子女成材, 在這環境下真的要時常提醒自己不要人云亦云, 不要有太早對bb有不適當的expectation

bb實在不停在改變, 好的是感覺到bb好有自信, 亦很勇於去嘗試新的東西, 就算在街上一些不認識的人, 她從來都不會怕醜, 更會主動同人揮手又或是撩人玩。

很欣賞音樂, 經常聞歌起舞,手舞足動。

最高興是bb很喜歡接觸大自然, 無論是沙灘貝殼, 小草石頭, birdbird魚魚, 都是她的研究對象。

自理能力亦不錯, 會自己擺好玩具擺好dirty衫, 著鞋擺好鞋, 自己用叉用匙進食(當然食幾下就走去玩), 又可以自行上落大床, 最近好有興趣自己行樓梯, 看得出她是很想學到不用媽媽再扶她 ... 不過, bb雖然行得已經好好, 經想要人抱, 不過我估同年紀的媽媽都可能有同樣的煩惱 ...

同zita一樣, 正正為了bb的脾氣而苦惱, 個性很強, 要的就一定要得到, 否則就大發脾氣 ... 是否因為習慣有很多的自由? 希望很快self displine會出現吧  

Happy小米

evan,

感謝你百忙都給大家分享.
希望你囝囝快啲好返.
向好方面想, 挫折, 有時會給自己一点反思, 可能更令自己走向前呢!

進進之前返playgroup, 就只是自己玩, 不听老師, 不唱遊...看一下, 他返bc如何..

Happy小米

進進8个月左右, 生理的照顧巳告穩定, 開始想到早期教育問題, 当時好紛亂, 坊間好多教育書籍, 五花百門, 時間得24hr/日, 又要兼顧讀書. 因著買了昂貴教材, 好想知究竟那些教材是出自montessori 边一部分既理念呢? 就一路找尋, 看原著. 看了之后, 覺得好科學, 对小朋友好kind, 接受她的理念, 心便沒有再乱了.正如其他mama說, 人好像定了.

究竟要個仔点呢? 雖然之前都大概有一个concept, 但好多時會受周遭人, 或自己長大的經驗所迷惑, 人地話bb点点, 大人就要点点去應对, 如果唔係以後就會咁咁咁喇…慶幸遇上她, 一切都有目標了. 打從心底里想, 要如何去愛他, 畀自由佢, 覺得最重要的,[size=large]是要給孩子知道, 媽媽是愛你的, 要明確表達出來, 包括言語上, 身體語言上. 正如大人的人際關係, 一定要表達.

少講了好多No, 但有時都于好不情願都要講, 如他時搞窗, 怕他再用物件搞…破了真是大件事了. 大部分時間由他的, 少了好多衝突, 相信他會更cheerful, 好似其他蒙ma既bb咁, 他近月都會主動同陌生人打招呼, 不怕生. 上次提及給他自由出入kitchen/toilet, 同他要抱就給他, 過了一排后, 就不再是一塊強勁的貼身膏藥了.  

能力方便, 他仍喜”觀察不同物件跌落時的反彈, 搞擊不同物件發出的声音” 对声音好敏感…对物品的名稱好奇, 問東問西.
小肌肉方面, 之前做不到的, 間中拿出來同他玩, 靜候他的敏感期到來.

viola_siuba

好耐無見~~say個hi 先^_^

見大家講蒙氏對bb的好與壞...

其實講真有時我地d傳統觀念令我地都唔知有d野其實係算好定壞^^"

我自覺對monts的認識還不深，e家我自己抱住最重要既concept就係同kp講咁：愛和自由^^

但問題亦出於同樣地方，我b仔真係超"硬頸"(響蒙氏底下是否應稱呼為"有主見"？)。b仔想要得到既野一定要得到，有時得唔到就狂扭計...咁爸爸同ee就話bb曳曳 其實我有時又覺得咁都幾好丫，好過佢會似我咁，自己想要乜都唔知..但明顯評旁人就未必咁睇lor..所以有時不得意下都要stop佢唔好..無錯，咁係stop到危險同"旁人的煩惱"，但我會唔會攪到呀b唔專注？@@？

bb仲洗，岩岩先到9個月大，仲有咬野既敏感期，不過我明顯覺得佢食少左手指~(定係因為佢轉移左視線去"咬玩具"？ : )

佢身手唔算好靈活，但係我好多時都放膽比佢試下自己企呀行呀爬呀..覺得佢活動能力好似高左d，不過問題有出現，個衰仔會響我拎轉頭就由坐響凳仔then按著小臺變企左上凳 現階段b仔仲未企得穩，我都會立即抱番佢，始終有危險麻.. 我e家諗緊如果我真係唔打唔鬧佢似d企得好之後係咪會由凳仔跳落黎 or我次次唔係鬧but抱番佢落黎，咁b仔會唔會變左要用呢個方法黎引我注意？@@"

查實我都知自己有時唔可以好專心咁focus響我bb身上，尤其是近期我學人賣衫仔麻，好多工夫要對著電腦做，我不得不由他自己坐在地上自己玩和睇電視，但一段時間後，佢就會尖叫!!"喪嗌"~~~~~ 當然我會好明白佢係需要我先會咁，但係，唉，有時煲粥比佢食咁我都無可能抱住佢切野開火架麻..所以我間屋真係既現況真係好可怕

同時間另一問題產生：因為要陪bb，屋企就更加混亂..咁係咪會更加影響我bb既成長發展？@_@!!

做人亞媽真係殊不簡單     

cm93002

看到大家的分享，我都好想分享下(或者可以說是舒發下內心的感受)
去年尾偶然接觸到蒙氏教育法，當時大仔曦曦一歲一個月，而我懷孕六個月，經過上堂和看書後真的很想我的兩個孩子能夠在這種教育下成長，成為一個有自信，有主見，尊重自己，尊重別人，懂得欣賞和愛身邊的人和事物，適應力強，內心滿足和快樂的人..
我從來都是一個火爆的人，很容易便發脾氣，以前曦曦還小不懂反抗，不會惹怒人，我這種性格還不至令我們的相處起衝突，當時亦覺得運用這種教育理念於他身上並不難，一股雄心壯志的去推銷此法給我的老公和媽媽，因為他們是我以外接觸兩個仔最多的人..
但產後這兩個多月，反而是我自己不能實行這理念，可能因為產後情緒的問題，又可能因為要照顧兩個bb，加上曦曦開始越來越有主見，有要求，時常要這要那，得不到或做不到便發脾氣，很固執...我和他之間相處時常起衝突，試過好幾次控制不了情緒向他發脾氣，其實真的很內疚，覺得自己對他的愛不夠，看過你們的分享就更加    ，我真的要向大家好好學習呢
談到他的改變真的有好有壞，因為給他的自由度大，他探索學習的機會多了，因而變得有自信，有創意和敢嚐試，但亦因此而變得有性格，自己喜做甚麼便做甚麼，不聽別人的意見，我有時真的在平衡自由和限制這問題上遇到困難..
這麼長篇大論，真不好意思

evan01

Hello 各位
仲未有時間睇大家D post

我聽番香港電台的飛躍學堂其中一集講言語障礙click
其中一部份有提及玩Flash Card的問題...只是有一D case有D問題 放心
不過有同BB玩Flash Card的媽媽 不妨聽下

LittlePigmom

好有用, 唔該晒.

evan01 寫道:
Hello 各位
仲未有時間睇大家D post

我聽番香港電台的飛躍學堂其中一集講言語障礙click
其中一部份有提及玩Flash Card的問題...只是有一D case有D問題 放心
不過有同BB玩Flash Card的媽媽 不妨聽下

kp061078

各位,
你地發唔發覺好多媽咪都共同話自己阿B"固執""硬頸"..不論你阿B9個月,一歲,一歲半或兩歲...點解唔同的年齡都出現大家認為的"固執""硬頸"..   
其實我會咁睇"固執"兩個字..首先我真係會用"佢好堅持"黎形容佢.  "佢好堅持"唔等於"佢好有主見"...當一個人對某樣野好堅持..堅持過度你會開始用貶詞形容佢..就話佢固執硬頸...但試想下咁細個阿B對自己的要求有堅持時..點解我地會用大人的角度,大人的貶詞形容佢固執硬頸呢?? 我相信蒙氏話 under 2.5..係無意識層的BB..佢地的所有堅持一定有原因..而唯一的原因就係佢的 internal need.當我諗通呢點..就明白點解佢地咁堅持..咁樣我都會開心o的  

Happy小米

bb係冇耐性ga,(好似岩井咁講.)

進進要食果樣嘢(biscuit, 奶奶), 大声叫, 哭..arar...直至入到口為止.

要你同佢看書, 拿玩具, 又係一味大叫:tongue:

kp, 咁我都同意係internal need..  

kp061078 寫道:
各位,
你地發唔發覺好多媽咪都共同話自己阿B"固執""硬頸"..不論你阿B9個月,一歲,一歲半或兩歲...點解唔同的年齡都出現大家認為的"固執""硬頸"..   
其實我會咁睇"固執"兩個字..首先我真係會用"佢好堅持"黎形容佢.  "佢好堅持"唔等於"佢好有主見"...當一個人對某樣野好堅持..堅持過度你會開始用貶詞形容佢..就話佢固執硬頸...但試想下咁細個阿B對自己的要求有堅持時..點解我地會用大人的角度,大人的貶詞形容佢固執硬頸呢?? 我相信蒙氏話 under 2.5..係無意識層的BB..佢地的所有堅持一定有原因..而唯一的原因就係佢的 internal need.當我諗通呢點..就明白點解佢地咁堅持..咁樣我都會開心o的  

kp061078

同大家分享一下:
大家記唔記得我之前話阿仔坐car seat的煩惱,
佢個排好奇想知道daddy係司機位做乜的敏感期到...其實而家諗起..佢呢個敏感期話到就到..上個星期六如常出街諗住擺佢係car seat,哇...佢死都唔肯..比餅比水都唔肯..係都要去司機位..咁見佢指住個司機位喊晒咁淒涼..我梗係同daddy話比佢係前面搞一陣喇..唔好要佢喊得咁淒涼..第一次因為我無準備..加上又約左人趕時間..佢搞左10分鐘都唔肯坐翻 car seat..迫於無奈佢都係喊晒扭晒身咁比daddy擺返係car seat..跟住即日同第二日每次坐car seat都要去司機位..仲要每次都係喊晒扭晒身咁比daddy擺返係car seat..
我老公開始話最衰都係我比左第一次佢去司機位到搞..令到佢次次都話要去司機位.仲同阿仔話佢曳曳唔聽話...我o個刻真係好唔開心..我覺得因為o個兩日每次去街都唔夠時間比阿仔係司機位到搞..都唔fullfill佢的internal need.. 佢都未滿足梗係喊喇..
於事端午節o個日我尊登同老公講話等佢的時候我陪阿仔係司機位到搞..睇下可唔可以滿足佢的需要..佢足足玩左多過半個鐘..daddy返黎迫住要走..個刻我知佢都未滿足..但無咁抗恆反身去坐返car seat.
琴日無帶阿仔出街..到今日去街..哇!! 當daddy抱佢去車時..佢都想去司機位,但唔係扭話要去..daddy放佢係car seat佢竟然無喊無反身..好合作坐係car seat.. daddy o個刻好開心覺得阿仔好乖,佢話可能上次我陪佢搞左半個鐘..佢知道無咩好玩..唔駛喊得咁淒涼去堅持要去司機位,所以咁乖好似以前坐返car seat..我即刻同老公講只要 fullfil 阿仔的 need ,阿仔就唔會出現daddy認為唔聽話同埋曳曳的堅持..哈哈! 我老公即刻無聲出..但我知道佢認同的..
所以我今日好開心!!   

Happy小米

kp,

    
好似中医-治本.

JojoB

你地都知我個B重係細 好多實質蒙氏既野, 還未能在他身上實行

不過 向由我得識蒙氏(向KP到)到我買書睇, 上中大課程, 上teacher training 當中我覺得最大改變係我自己

以前未生BB 之前都會諗若果我個B 曳曳, 自己第時會打佢
但家下 發現 自己以前諗既野唔係咁岩

覺得 原來我唔係好了解小朋友 淨係諗自己大人想點 想佢點
而唔去了解 佢究竟要D咩

實行左蒙氏 該說係我自己實行左蒙氏 而不是在BB身上
我覺得 最大得著係 我知道點去 "愛"我個囝

老公 雖然未係好全部接受 (或者正如所有香港人一樣 鐘意睇成果 而忽略過程), 但希望佢先以愛佢為本,而去學習如何去愛吧

kp, 正如你所講  我都要改變自己既想法 想得positive一些,
身邊既人 (尤其老一輩)更加難去改變佢地, 所以有時佢地話囝囝d NEGATIVE說話, 我都好唔開心 唉..不過依d係死症 唯一解決方法 只係我全日留向屋企 control住 不過暫時無可能了

Waikiki

zitaeric and others:
我上完daisy的teacher training班，除了識jor一班monte mom之外，最大change同other mom一樣，都係我自己，我本來係一個好噩的老師，而家無論對自己學生or自己個女都nice jor好多，每事都會諗番點解佢地會咁做。

呢期，呀女鐘意爬去搞下佢張搖倚個輪，look 黎look去，daddy話唔好唔好，好危險，我就比佢搞都夠，滿足佢的internal need.

chma

咁多位愛心媽咪, 見到你地的分享真係好感動
等我都講小小感受
我有對孖仔剛滿一歲, 由婆婆和工人照顧
你地可以想像我屋企會幾混亂
除了一個大膠箱玩具比佢地玩外
其他地方都充滿危險, 大人要對他們吋步不離
認識蒙氏後好認同, 想比bb一個好的環境
但要遷就bb就要犠性好多儲物的地方
心裏面掙扎左好耐
最後決定bb係第一位, 其他野唔重要
最後掉左個地櫃、1折都唔夠賣左張osim比朋友
買左幾個木櫃放他們的玩具和教具
(在這裏要多謝kp, 因為我參考了你的家居設計
再比埋D相我媽咪睇，講左好多野, 最後先說服到佢)
BB第一天見到超開心，每次瞓醒都要走埋去玩
又不停咁攞D書要我讀
我知道佢地係因為搵到屬於自己的地方而高興
亦感受到父母和家人認同而快樂
連我媽咪都話我地做得遲, 但好在都有做到
我現在計劃開始教佢地自理能力
又要向大家偷師了, 請多多指教

zzerong626

kp,聽到都登你開心，我老公都係一樣，又只肯睇少少書，睇過一次又唔再睇，攪到得我一個實行蒙氏。 無計啦！

我希望下個月裝修家居可以真正開始到蒙氏理念啦！

各位媽咪
你地都講得岩，我根本就係想改變自己先，如果家長唔教好先，點教子女？不過係實行上，茶實都有難度∼父母就算睇同一本書，每個人的性格唔同，都會作出對子女有唔同的presentation。對子女的回應肯定嗎？"柔"疑嗎？敏感嗎？細心嗎？（個個都以為自己細心，包括我在內，但其實係不夠的）有否即時又恰當的回應他呢？會否遲左呢？有對自己再行檢討呢？我成日都問自己，是做得不夠好。

那又應要平衡一下對丈夫的愛？會否忽略了他？是做得不夠好。

成日都抱住可以做得更好的心態，是我的原動力。心態係積極的。
我會繼續努力！多謝！

提外話∼如果e+比我一隻狗�貓，我相信自己都不會用那命令式來揍大它呢！

Cat108

Me too, 看書,買教材至上中大課程, 上teacher training 當中我覺得最大改變係我自己...

但改變老一輩非常之難...

正如那天我所講...我寸我老公....飲水之嗎....全程由大人托

littlemak

evan, happy, kp, zita, zero, jojob, lobor, ............(不能盡錄) & 各位:

Hi Hi, 好掛住你地！

我是一個"工作"時要高度專注和投入的人，不能忍受一點兒打擾，似乎好難"半職"啦 。可是，雖然已辭職近半年，但私務公務仍然一大籮.........................呢排為$/生計好忙，足足忙了1.5個月，連阿仔的學習與照顧也放下了大部份，唉，香港人！

幸好下週起會畧為好轉，希望將注意力放回在阿仔身上  

Good news -- very glad to tell you that my child's kinder (moving campus) issue is settled! they will stay at the original place for at least 1 year! and then they will either ask for 3 more years tenancy or find another place at kln tong. i have been so worried and headache and upset abt the moving campus issue, and busy looking for another kinder, urgently, busy for 1.5 month already! now it seems the good weather comes back, and i am so much relieved now.

暑假想安排再一次gathering，可能預埋小朋友，可book塲搞，有冇興趣？室內約1000-1500呎，旁邊有kid's indoor playground, 及有室外(木板及小小草地)地方。