民生媽咪會

Venus

chloetam, tungwai

我個仔都係喜歡我講比佢聽, 不過我係原文照讀比佢聽, 有一日佢叫我講故事, 我話等一等自己睇住先, 當我返入房聽到佢對住條毛巾(他的寶貝)講故事, 係照住我讀的口吻讀出來, 但我叫佢講比我聽佢又唔肯(佢話唔識講喎).

傻媽媽

chloetam,

我個女講故事又係鍾意加加減減, 有時仲講到接唔落去, 好搞笑架!  :  :  

chloetam 寫道:
tungwai,
我個女就唔駛要我迫，好似昨晚佢講比我聽，個故事就 講唔曬全部內容，有時又張個故事內容加加減減禁囉， 都幾好笑，因為有時佢講到無哩頭。  

ElsaPoon

alanchoi,
我仔仔初初面試時都不太喜歡說話.  但都有學校收佢.  亦好好彩到考民生時他開始肯講

ivylouie

各位媽咪, 我地現在就相討 0下 食物方面啦, 每個家庭1-2 樣啦, 飲品自備, 到時可以交換飲

日期 : 25 Apr 2004 (星期日)
地點 : 彭福公園

時間 : 定 12 點到 (各位有冇問題呀)

tungwai - 3 大 2 細 (12:00 OK)
So - 3 大 2 細 (12:00 OK)
KristyMum - 2 大 1 細 (12:00 OK)
venus - 2 大 1 細
Elsapoon - 2 大 1 細
Miffy2 -2 大 1 細
Ivylouie - 2 大 1 細(要睇到時爸爸是否在港)

食物
tungwai - 瑞士汁雞翼, 芒果芝士餅
So - 鹵水豬扒、腸仔
Miffy2 – 通粉沙拉, 芝士飛碟
Kristymum - 金沙骨, jelly 糖
Elsapoon - xxx炒西蘭花 , 干燒伊麵
Ivylouie - 豬皮、 蘿白、 魚蛋, 水果

chloetam

Heidi媽,
Heidi禁叻女可以係學校有禁多機會表現自己，真係一件好事，其實我地每晚都係佢訓覺之前同佢講故事，不過  佢就鍾意聽多過講，但是現在同以前相比的確進步左好多，希望我們的小朋友可以好似Heidi禁有很多機會去嘗試建立自己信心。

ElsaPoon,
你囝囝係學校有講故事呀，真係好喇！我囡囡沒有講過 我知，返去又要問下佢，多謝你話給我知。

傻媽媽，
個個小朋友講故事都鍾意作，好攪笑！

Venus

Heidi媽

聽到我都好開心, 你的心機唔會白費 , 見到自己的小朋友有進步, 真係冇其他事情可以比美.

傻媽媽

heidi媽, 你個女真係好叻呀!  

我問過個女使唔使o係學校講故事, 佢又話唔使喎, 可能未輪到佢卦?  

alanchoi

Elsapoon & Heidi Ma,

多謝你地的意見, 我都會試同alan講多d野啦. 我也會試下Heidi Ma的教導方式 - 講故事. 呢個係一個好好的親子活動. Heidi Ma, 你的努力無白費到呀, 你囡囡真係好叻女呀.

tungwai

Heidi媽
你真係好呀, 咁有耐性, 好似我咁, 好多時個女都會叫我講故事比佢聽, 但每次我講佐一次後就唔想再講, 其實好多時自己都會同自己講比多 d 耐性個女啦, 因我都想做個好媽媽, 但耐何每次佢叫我講故仔時, 要我講完一次又一次, 一次又一次, 咁我 d 耐性就會消失得無影無蹤嫁啦, 所以, 有時都覺得自己好似好衰咁, 好啦,以後努力 d 啦

Zoey

其實每個小朋友既長處都有唔同, 有時佢地某一方面表現得唔理想, 大家都唔需要失望呀!~  

好似我女講廣東話, 真係唔多掂, 普通既對話都講到一舊一舊, 就唔好講要說故事了!~  但在另一方面, 佢對說普通話卻顯得很有信心, 幼稚園時看圖書已會把個故事用普通話說出來, 所以 K3 既時候老師都選了她去參加普通話講故事比賽, 但對於每年考試時既廣東話說故事, 她由始至終都係表現得較差的一個        .

tungwai

Zoey
請問你個女的普通話只在學校學, 或在出面學呢, 因我都唔知洗唔洗在出面學好, 請比些意見

Venus

Zoey

你家是否用普通話溝通? 普通話講得好, 第時好有用, 我家有好多種語言, 但我個仔就都係講廣東話, 佢有d語言都懂得聽, 不過唔肯講.

Zoey

tungwai & venus,

其實阿女既普通話還未到家, 特別在運用方面, 我想還有很長的苦練和學習, 語言都博大精深, 要學得地道, 真係仲有很長的一段路!  

我既普通話, 很慚愧, "有限公司", 平時都不會在家說普通話, 有時只是間唔中說幾句, 都不想再說下去, 怕教壞個女       !  阿女幼稚園既時候, 真的跟過一位朋友學普通話, 學了一點併音, 之後就可以自己睇併音閱讀, 當然未必有 100% 的準確!  依家阿女跟了公民中, 我自己覺得蠻不錯, 妳們都可以去了解一下, 因為佢地有很原整既一套教材, 每日聆聽就是最好既學習, 而且也有併音, 對普通話學習一定會有所幫助!  不過每日聆聽有其苦悶之處        , 家長既一定要從旁協助先得!

tungwai

Zoey
請問 '公民中' 是用廣東話定普通話教, 咁 4 歲可唔可以學呢, 咁你個女幼稚園時學拼音是幾多歲學呀, 學佐幾耐呢, 唔好意思, 咁多野問

chloetam

Zoey,
妳所講的'公民中'是點樣﹖想知道多d資料，可否給我﹖

Zoey

tungwai & chloetam,

我女最初跟朋友學併音是在 K2, 而學公民是 K3 學期尾開始, 但好似四歲已可以上!  一般公民 center 會有由一個專教中文科, 以普通話為母語既老師, 上堂會以普通話授課, 但都要知道, 佢地唔係以 speaking 為主, 所以上堂多是跟老師指導來聽 CD, 做 worksheets, 複習番屋企聽既功課等等, 每節 30 mins, 但我女就每堂都最少 45 mins 先碌得出黎 (或者佢做得慢啦        )!  

不過最初 (特別是較細的小朋友), 都不會一開始就學併音, 都是由兒歌, 句子, 再慢慢沁入併音;  我覺得到小朋友對普通話掌握到一定既認識, 打好一些基礎, 就可考慮再找普通話老師教授, 加深應對既技巧!  而那裡教材我覺得很不錯, 一般普通話老師或課堂每星期上一個多小時, 完了課在家就不會再聽和說 (除非 daddy mummy 自己本身都會在家裡說), 效果我自己就覺得並不好!

但每個 center 質數可能有參差, 所以最好走多一兩間去比較一下!  

chloetam

Zoey,
請問妳有無學'公民'課程的centre資料﹖另外想請教一 下，民生在K1(5月份)才開始有少許普通話學，時間好似較為少了些，我知道k2開始會有多d時間學普通話，可否講下在學校學普通話情況如何﹖  

Zoey

Click
Tel: 28906533

妳可以問多幾個妳住那區的 centers 電話, 然後打去要求安排一個簡介給妳, 佢地是會給妳安排的, 咁從中妳可以觀察一下哪一間妳會覺得較好, & 妳都可以問一問他們的中文老師是來自哪裡等等的.

我記得阿女那時是從 K2 開始才有普通話課        , 但幼稚園不會教併音 (even 書裡面有註音標), 但就一定是普通話上課, 我想多是朗讀, 聽故事, 答下問題等等為主.