Hello, Dr.T speaking...

slimma88

想請教, 我囝囝2歲多d, 剛剛返學幾日, 總係坐唔定, 成日通課室走, 老師叫極唔聽, 點先可以令佢坐定家聽話呢 ??

是否過度活躍症 ??

Dr.T

如果只是剛嘗試返學,那可能是小朋友還未掌握/不明白學校的規則,有經驗的老師應該有方法"教曉"他們...只是一時的行為表現,暫不要過份擔心.

slimma88 寫道:
想請教, 我囝囝2歲多d, 剛剛返學幾日, 總係坐唔定, 成日通課室走, 老師叫極唔聽...是否過度活躍症 ??

Dr.T

早排有家長(丸媽媽???)問甚麼是 biofeedback (定係問neurofeedback?)...卒之有時間找到以下資料供大家參考...其實都係為自己,因為第三本書會講專注力缺乏及/或過度活躍症.

***
EEG Biofeedback / Neurofeedback

腦電圖生物回饋 (EEG [Electro-encephalogram] Biofeedback), 或稱神經回饋(Neurofeedback),是一種針對專注力缺乏及/或過度活躍症患者大腦前端通常會表現出較低的刺激度的另類治療方法. 在治療的過程中,患者會接受提昇前腦刺激度的訓練,目的透過自我控制來增強他們的專注力及減少過度活躍/衝動的行為.

目前有關証實腦電圖生物回饋效能的研究都比較片面, 雖然有個別的小型研究顯示它對某些患者是有所幫助, 但在現今實證醫學 (Evidence-based Medicine) 的角度而言, 暫時未有隨機性控制研究 (Randomized Controlled Trial) 充分確認它的效能. 再者治療的過程通常較長及相對昂貴, 典型的療程可能需要40節或以上, 而且亦絕對不可以替代其他行為及教育訓練.

(主要取材自: http://www.chadd.org/fs/fs6.pdf
Children and Adults with Attention-Deficit/Hyperactivity Disorder (CHADD), a non-profit organization providing education, advocacy and support for individuals with AD/HD)

monkeymama

Dr.T ,

很開心你將會寫本書關於 "專注力缺乏及/或過度活躍症"    , 請問幾時會出版呢 ?  
很感謝你在書展時為我解答疑難 , 更超級開心有你親筆簽名  

Monkeymama

丸媽媽

Dr.T 寫道:
早排有家長(丸媽媽???)問甚麼是 biofeedback (定係問neurofeedback?)...卒之有時間找到以下資料供大家參考...其實都係為自己,因為第三本書會講專注力缺乏及/或過度活躍症.

估唔到Dr你貴人事忙都仲記得呢件事 ,我都有search到類似嘅資料,睇黎唔想自己個小朋友做白老鼠,都係可以慳番

既然你仲記得我小朋友嘅case,都想講下佢最新近況,我已決定幫佢轉校,我要求唔高,只係走上教統局學位分配組,響屋企區內找一間仍有學位空缺學校,但當我拎佢張成績表出黎見學校時,實在見盡教育界嘅世態炎涼,人情冷暖   

而家只係等緊一間相當適合個仔嘅學校回覆,佢地不但考個仔既中英數筆試,仲考埋我EQ 皆因已來回學校三次...
第一次去到學校,帶住教統局學位分配組轉介信去申請,即場就比仔仔一個半鐘做三科中英數測驗卷,個仔雖然都好鍾意間學校(因為又新又大),但佢依然故我地每份卷做半成 :-x (諗住衰硬),竟然喜獲校長約見

第二次再到學校見校長,佢閣下只係見左亞仔3分鐘唔夠就叫佢出去等,之後同我講佢成績咁差無法接受佢入讀,做亞媽嘅我好話說盡都無法打動校長大人,只覺得好無奈+莫明奇妙,明知佢份卷做得咁差做乜仲要約見 :cry: 但當我拖住個仔好沈痛咁返到屋企時,間學校文員姐姐打黎話校長好關心仔仔情況,問有咩可以幫佢 我當然話唯一幫到嘅,就係比個機會佢,因為我已經表明佢地學校既活動又多元化,好適合仔仔改善學習動機,於是佢就話比多次機會亞仔,約兩日後再去考多次英文卷(因為當日答得最少),果兩晚真係棟起床板比佢做練習

第三次去到,原來都係做番之前中英數果三份卷,只係叫佢將之前冇做果d再補番,但隻仔真係好唔爭氣,仍然冇辦法100%完成 不過當日校長唔響度,話要等到下星期一先有結果,個文員姐姐已經話佢再做都係咁,機會應該好微

諗住疊埋心水等壞消息到,點知今日個文員姐姐打黎,叫我將佢早排做智力評估個報告fax比學校(當日我有向校長提過)

唉~~~我真係唔敢存有幻想,但一日未有結果,個心都係唔上唔落,想請教你點睇佢地呢個葫蘆到底賣甚麼藥     

Dr.T

我諗都係有心想收至見咁多次,但人心難測...雖則我係所謂心理學家...唯有借用木村拓哉果句:"Good luck!"

...唉~~~我真係唔敢存有幻想,但一日未有結果,個心都係唔上唔落,想請教你點睇佢地呢個葫蘆到底賣甚麼藥     

lenloub

好多謝你!透過"伯樂行動",您正為社會作出一項偉大而無私的貢獻.

於八月十日, 從這次短暫的面見及/或簡單評估, 您為小女做評估之餘, 亦為作為父母的我們解釋疑慮.唔知您記唔記得, 小女喺嗰個三歲睇grade one 故事書嘅小b.

您叫我們把著眼點放在小學, 真係一言驚醒! 就著您的建議, 我們正找資料.

好想表揚您呀!!
        :wink:

Dr.T

略盡綿力而已...

lenloub 寫道:
好多謝你!透過"伯樂行動"...

丸媽媽

Dr.T 寫道:
我諗都係有心想收至見咁多次,但人心難測...雖則我係所謂心理學家...唯有借用木村拓哉果句:"Good luck!"

事情發展到今日,總算有個了結,佢地收左我仔仔啦!

個校長一直以好高姿態對待我地,好唔明佢用心
不過唔理過程係點,最重要都係結果,而且我相信呢間學校比之前果間更適合小兒

Anyway,再一次多謝Dr.你之前向我作出提點,否則可能只會由得個仔留響原校繼續煎熬,當有一日佢學習動機耗盡,我先醒覺就太遲

仲有,係咪仍有一次免費面談,其實目的係咩?  

Dr.T

1.保持高貴嘅形象嘛

2. 主要是想比家長多個機會問問題...尤其是評估中發現可能需要其他協助的小朋友(例如懷疑有讀障而由我轉介出去政府的),等我都可以update吓資料

丸媽媽 寫道:
1.個校長一直以好高姿態對待我地,好唔明佢用心
2. 有,係咪仍有一次免費面談,其實目的係咩?  

MeMa

Dear Dr. T:
非常感激能透過這次”伯樂行動”, 讓我這個’無主孤魂’ 得明燈照亮. 心中雖有疑慮, 亦會勇敢面對. 藉著你的點化, 加上與學校老師配合, 希望可改善/緩和固執情緒.
很高興今天與你見面, 時間真的不夠用, 我很貪心啊真的很感謝你. 在此, 我這位害羞媽媽亦要打破沉默, 要高調的讚揚你.     多謝你這位伯樂. . 雖然我沒有千里馬在手.
跳皮囡囡亦過得很”充實”. 繼續想玩轉你的辦公室!!! 她還有意多留一會在房外畫畫! 那個動腦十二招安頓了嗎? 早點出這招, 大家會好過點!: 對於多談了一刻及佔用了下一位小朋友的時間, 我感到十分十分十分抱歉.        
回家與相公談及, 大抵那個天然固執因子,都是他的"優良"血統! 撫心自問, 亦是一位固執內向的人. 題外話, 嘻嘻, 我對你的黃老虎貓及那隻pink smiling cat (from Disney?) 很有好感. 愛不惜手. 我今天還是多言了.  想想, 我亦可能有溝通技巧問題!!!

小一選校方面, 我只有粗略名字, 沒有研究. 被你一問, 只隨意說了. 未及向你細問各校特色. 唯有現在再問....還有什麼學校較適合小女?? 好讓我有足夠時間咪書! 有問題又要麻煩你了. 雖說可電聯, 我還是不好意思致電打擾你寶貴的工作時間. 或許, 透過pm (你會少了升級機會)可以嗎? 或在此詢問可以嗎? {um….同樣都是佔用了你的時間}  
多咀一提.... 我被你的挑染"嚇了一跳". 我無聽書or 你從無提及?!    

Dr.T

1. 深知短短一小時對絕大部分的家長來說是不足夠...雖然杯水車薪但亦希望盡力解答大家的問題,這其實亦是我這每周半天義工的原意

事實上過去三個星期的正式"伯樂行動"對自己來說都是既辛苦(自己好少會將d case安排得咁密...連續全神貫注講四小時)但又滿足的.

2. 當然可以...老實講用電話仲難搵時間覆

3. 無聽書 隔離房姑娘都有八過吓...天生架...側邊果d ...遲d如果有有線可以睇吓出鏡效果點樣

PS 那隻粉紅貓是迪士尼版愛麗斯夢遊仙境的Cheshire cat...故事中牠是可以隠身,但會剩下笑緊果個口同棚牙...

MeMa 寫道:
Dear Dr. T:
1...時間真的不夠用, 我很貪心啊...
2...有問題又要麻煩你了...或在此詢問可以嗎? ...
3...我被你的挑染"嚇了一跳". 我無聽書or 你從無提及?!...

Big谷媽

請問有無人可以講比我知, 什麼是”百樂行動”? 對象是乜野人? 唔該晒!

Dr.T

又係時候翻炒

***
「伯樂行動」-目的及限制：
i. .為十二歲以下的兒童及其家長提供一次過的專業教育心理服務
ii. 服務內容視乎個案的本質而定，可包括諮詢、簡單評估或轉介
iii. 一般情況下，不會為個案進行全面智能測驗或讀寫障礙測試
iv. 各申請服務人士只限在半年內使用本服務一次

時間：
逢星期三下午二時至六時，每個案以面見一小時為上限

收費：
全免-但為防止此服務被濫用，要求各申請服務人士在確定會面日期前先捐款$200至指定的慈善機構，暫定為公益金 (https://www.commchest.org/chi/payment/other_donation.cfm)

Big谷媽 寫道:
請問有無人可以講比我知, 什麼是”百樂行動”? 對象是乜野人? 唔該晒!

sonma

Dr. T,

請問有無查詢電話?

Dr.T

你click上"Dr.T"已會出現一些基本資料

在這一格下面亦可以見到一些hyperlink...

sonma 寫道:
請問有無查詢電話?

Dr.T

語言基本上是一個溝通的工具,若言心中所想他人不能明白自然會"mung"...你其實已經開始了語言治療,方向已正確,下次見治療師時提出你的問題看看他/她可不可以增加溝通訓練的成份又或者小組式的訓練.

當然亦可以排政府評估中心看看小朋友會否有可能有其他方面的問題而導致目前的行為表現.

LamMAMA 寫道:
...佢性格極固執,自我,超級完美主義,成日發脾氣,
請教佢d社交問題跟言語遲緩有關嗎?
需唔需要去評估中心?

didima

Dt T:
有一親友兒子2歲2個多月,但仍未識講話,單字也不識講,親友想幫佢做評估,有好提議及介紹嗎?
didima

Dr.T

正路都是先找言語治療師作該方面的評估比較好,雖然智能都會是影響孩子表現的一個重要因素...

didima 寫道:
有一親友兒子2歲2個多月,但仍未識講話,單字也不識講,親友想幫佢做評估,有好提議及介紹嗎?