九龍禮賢幼稚園K3家長請進！

朱古力

penpen,

佢今日就無咩事，成日掛住想返學咯，不過佢自己都知道有病，所以唔返得學，要等好番先．佢就唔係好高燒，不過就肚瀉咯，佢都好難為情，成日問我點解忍唔到既，點解會瀨既，好似自己無用咁！我就解釋佢知，唔緊要喇！如果忍到就即刻入

littleeva

朱古力

希望您仔仔早日康復. "肚瀉 " 會張d 細菌排出. 比佢飲多d 暖水.  食下白粥.  最好唔好去街啦. 休息下. 好快好番.  

littleeva

另外您有冇取功課. 通常仔仔病左.我都會照叫工人姐姐等校車取功課.  

littleeva

我仔返下午. 所以昨天冇影響,  他晚上說. " xxx 同學. 老師比左粒珍寶珠佢食 " 佢叫我估下why  (我估唔到) 佢話因為佢在走"郎"跌到. 老師tum 佢.  

我仔好鐘意食珍寶珠. 不過平時我不買. 多數是 別人送佢才有得食.  

佢話想跌到.....

激死我啦!!!!

:evil:

朱古力

littleeva,

我有取功課，因為我驚一次過補做四編功課．

penpen

朱古力,
上星期我地班有個同學仔放左學唔舒服, 醫生話感冒菌入腸, 不過睇完醫生食左一次藥冇事咯~  
若果佢今日再燒, 唔好俾飯佢食喇~ 煮通粉都得呀!  

littleeva,
咁搞笑?!    朱古力話齋, 要糾正返佢先得呀!  

littleeva

朱古力, pen pen

有就有即時糾正返佢, 希望佢明白啦.

我諗住今晚買1 支珍寶珠比佢. 不過等佢做完功課. 借d e 讚下佢才比佢.  

有時佢功課派番回來. 老師在其中一個字打了星星. 佢會好開心. 還會比爸爸睇.  如果今晚有星星打左.  就獎支珍寶珠比佢.

朱古力

penpen,

佢前晚十一點幾開始發燒，跟住昨日就不停肚瀉，瀉得唔多，好似初初介尿片咁，濕左少少，但全日都瀉左十二、三次呀！我都決定今日唔比佢返學喇！等佢休息多一日，佢由昨晚六點幾到而家都再無瀉喇！應該.............(Touch wood)，最好笑係，佢好耐疚呀！成日問我點解既，點解會瀨既，我就安慰佢，唔緊要喇！忍到就去

littleeva

朱古力.

您仔仔都好乖. 病也會內疚! 不如您話 大人如果病肚潟. 都係好難忍嫁.  有d人一樣會 忍不住.

朱古力

littleeva,

係呀！佢未試過肚瀉，所以感覺好醜怪，好似咁大個仔仲瀨臭臭．

penpen

littleeva,
我又有星星, 我又要珍寶珠      

朱古力,
d dirty野痾晒出黎就冇事架喇~ 妹豬3個月大果時入院, 醫生都唔會俾止瀉藥佢, 要佢痾晒出黎!! 最緊要佢d便便冇'省'   相信佢好快會好番!!  

littleeva

PENPEN

HAHA  好呀.  您囡咁可愛. 如有機會見面. 一定要比多幾粒佢食.  

不過昨天派回來的功課. 不只沒有星星 還 多 了 2 個圈.  
(田) 寫 得不好. <穿頭>

後來惟有讚佢其他野. 才送珍寶珠比佢食.

penpen

littleeva ee,
多謝欣賞!! 不過媽咪話唔可以食咁多, 一粒夠喇~ 多謝ee!!  
星星變圈圈, haha~  唔緊要啦~ 繼續努力!!  

朱古力 ee,
今日我見到塱生喇~ 好番喇~    

朱古力

littleeva,

塱生都係比老師圈過所以佢而家對自己好嚴格架，斜少少都唔得，曲少少又唔得，擦到我都唔想再擦喇！我話幾好呀，唔緊要，佢死都要我擦，好似角色掉轉左咁呀！

penpen & 盈盈,

係呀！佢昨日已經嘈話要返學喇！不過我想睇定Ｄ先，唔敢比佢返，個傻豬真係好鍾意返學架，

littleeva

朱古力

塱生好叻仔.  要求高才有進步.  

係呢 您地是否由他自己寫. 不會捉住手仔寫.

學校功課我係完全由得佢自己寫.  遇上真係唔識寫D字 OR  筆畫錯了.  我會捉住佢手仔教佢在別的紙下寫. 識了才寫回功課薄.

不知您們是如何呢 ?  交流下.   

   

  

littleeva

朱古力.

E.... 您仔仔真係好鐘意返學.   您會唔會考慮真的轉校. 讀一D 有全日的幼兒園呢 ?  好似比較適合您仔仔. 唔好怪我多咀呀 !

(我同事都係 TSUEN WAN 區. 她小朋友都係讀基督教的全日幼兒園. 我見她囡囡的評估, 學習模式.... 都很像禮賢.  小朋友10分喜歡學校生活.  )  

朱古力

littleeva,

我捉唔到佢手仔寫，佢好百厭會同我鬥力架！所以我淨係會睇住佢做功課，但當我坐

penpen

朱古力,
我之前仲問盈盈見唔見塱生, 佢話見到既~ 隻傻豬豬丫~    
妹豬都好鍾意寫, 都會自己有要求, 要寫靚d, 不過佢就冇塱生果種執著 返全日放咗學都係半天吊! 你都未放工! 若果你覺得禮賢好, 佢自己又鍾意, 又諗住讀埋上小學, 咁就緊係繼續啦~ 不過若果妳要選擇, 我果日上yahoo serch以前黃園長個名, 見到佢應該響荃灣浸會幼稚園做校長喎!!

littleeva,
我都係等我個囡自己寫架! 最多錯咗未擦咗佢再寫過! 佢都唔會話一個字錯好多次, 我囡有時話唔識寫係佢對自己冇信心, 我鼓勵佢要試, 結果成功佢會好開心好滿足, 若果我知佢真係唔識, 我多數會先捉住佢寫一個, 若果都係唔得! 試過一個k字, 我便會用另一張紙先教佢

朱古力

penpen,

可能我打得唔清楚，盈盈無攪錯，塱生有返學，佢淨係放左星期二（１日），你講得岩塱生都幾執著架，有時我會好嬲，不停咁擦，擦完又擦，擦完又再擦，但我又覺得唔應該嬲佢，所以我會忍住，繼續幫佢擦，有時佢都怕我嬲，會望下望下我，我就同佢講，功課係塱生既，你自己覺得唔靚就叫媽咪擦喇！

轉校就唔會喇！或者會考慮搬屋，不過遲Ｄ先算．

penpen

朱古力，
可能搬左屋，大家都唔洗咁辛苦!