大家要keep住聯絡呀!一齊努力一齊進步!

rilang

Amon28,你都系住系坑口嗎？我都系啊，我仔仔都系剛剛派到I位，系明愛翠林。

原文章由 amon28 於 08-4-25 14:20 發表
各姊妹華豐派到厚恩I位,我都唔知依間學校好唔好,不過就好近我屋企唔洗蹅車,9月就開學好快就要離開依家間學校,真係唔舍得郎郎同班主任

brenda
迪迪派到I位嗎


出席姊妹請留名: 12 May 1:00p.m Fanling KCR
v ...

amon28

rilang

咁岩大家都住坑口哩,你仔仔派明愛翠林,翠林係邊度要唔要坐車去

wongnicky

各位媽咪

請問你們的小朋友有沒有參加音樂治療呢?  我囝囝3才半, 上咗言語治療都3個多月, 但係進步不大, 近來上堂仲成日發脾氣, 所以我想同佢轉音樂治療, 睇下會唔會好d?  請問各位有無好介紹呀?

yymm2007

今日我帶左AMY & 幾個小朋友去左一個較偏僻的公園玩 ! 山長水遠去呢個公園…皆因途中有”鞦韆” & 果度有很多攀爬架 & 有FOR小朋友學習攀石的設施 !

玩玩下, 見到一對中年父母帶住兩個囝囝黎玩, 睇落一個應係中學生咁大, 一個係高小生咁大 ! 好明顯佢地兩個既大肌肉都較弱 ! 佢地一家逗留約個多小時, 全程個爸爸都無停過, 不停咁爬高爬低…教佢兩個囝囝做動作, 最難得係佢可以全程都面帶笑容, 表現非常積極 , 但見佢成頭大汗, 我知佢係好吃力的 ! 而兩個囝囝都樂在其中, 反而媽咪就只係靜靜坐在某角落, 完全無參與佢地三父子的活動!

公園裏面的人, 有D好似見嘜咁….每當佢地行近就雞飛狗走, 唉……
見到咁….我好想比佢地一家人”一些支持”, 但又唔想太刻意 & 太唐突 ! 所以當個弟弟走埋黎我同AMY身邊, 我就叫AMY同哥哥打招呼, 叫小朋友們邀請埋哥哥玩波(因我帶左個波波比AMY & 小朋友玩), 雖然最後哥哥都無玩, 但佢個爸爸都向我地報以微笑 & 點了頭 ! 全程我地無交談過, 但我希望就係呢一點點的”小支持”, 可為呢對父母打氣 ! 好想讚下呢個很棒的爸爸 !

rilang

想請問大家有冇小朋友讀緊或著讀過“明愛翠林幼兒學校”嘎？因為仔仔9月會去呢間學校讀I位，想了解多啲學校嘅情況，唔該各位家長畀啲意見啊。

bigheadgirl

Hi, 姊妹們,
先update吓:


多謝各位對亞朗的關心 ,上星期三去覆診,醫生話情況幾好,應唔使做手術 ,但聽力測試result就唔好,因為有干擾,結果唔準,其實係亞朗做嘅時候唔合作 ,叫佢聽到聲就舉手,開頭都合作,后來佢將手放係耳仔,個姑娘都唔知佢係咪舉手,最搞笑唔知係咪聽到嘅其中一D聲係电話鈴聲(佢用headset聽),佢竟然話:”喂 ,揾邊個呀?係咪婆婆呀?”笑死我 ;不過醫生話小朋友係咁,要佢一個月後做多次,繼續用噴鼻藥,等佢完全好晒為止

原本都返學架LA,但星期五佢鼻塞,瞓覺話抖唔到氣,又好驚咁帶佢去睇醫生,好彩醫生話小小傷風,費事’野’到其它小朋友,所以一路都無返學(佢最happy),不過而家好番晒,聽日返學LU



佢無返成兩個月學,連其它training都少咗,成日係屋企就睇書同玩,仲有整古我:;pppp: ,呢排佢成日攪爛gag,已經封左佢做爛gag王 ,例如:


“芽菜無牙食唔食得?”
“椰菜係咪爺爺嘅菜?
“十蚊雞係咪一隻雞?”
“莧菜係亞姨嘅菜?”(莧,佢讀到好似姨)
“生菜係咪生架?”


佢係supermarket已經攪到週圍D人勁爆笑,最抵死係佢竟然木無表情問我:”Mummy,好好笑咩?你有冇笑?”吹漲!


Amon & Brenda,
華豐好番未呀?好開心知道華豐&廸廸派到I位,其實我覺得I位都有好處,係學校可以多一位老師專責照顧,不過最好加埋一D私人training,如亞朗發音弱就係出面再上ST,咁小朋友會進步大D;Amon,我同亞朗都唔捨得華豐架,不過我地可以平時約出黎玩丫嘛; Brenda, thanks for your email

Labuser,
彩明好似OK架,但就有18個I位咁多,所以有幾個I位老師,我覺得如I位老師好,對小朋友幫助大D

Podi,
而家決定成点呀?

[ 本文章最後由 bigheadgirl 於 08-4-28 01:50 編輯 ]

podi

Irene,
你個仔阿朗真係好勁, 咁細個就識攪gag 比我就笑死啦!  醫生咁講真係好好, 起碼唔駛做手術, 真係虛驚一場.  

我上星期五已經同醫務社工講唔要個s位, 佢都好好人了解我個情況, 話我個s位有好多人等緊, 放棄就會由頭排過....如果想排I位就要醫生寫report fax比佢就得.  

我仔講野雖然無Irene個仔咁叻但都進步左好多!  起碼已經識得表達自己同埋已經介左片片成個月了(訓覺先要著片).  試過同姑姑講電話都可以講成1分鐘.  佢好鍾意按lift個警鐘, 次次我地都叫佢唔好, 依家佢就同我地講:  果個唔好禁, 鬧鬧架!  有時又會學老師講野....

原文章由 bigheadgirl 於 08-4-28 01:48 發表
Hi, 姊妹們,
先update吓:


多謝各位對亞朗的關心 ,上星期三去覆診,醫生話情況幾好,應唔使做手術 ,但聽力測試result就唔好,因為有干擾,結果唔準,其實係亞朗做嘅時候唔合作 ,叫佢聽到聲就舉 ...

HELLOPET

咁多位媽咪好,

我想請教你地小朋友去做言語治療,
中心係點樣做, 因為我第一次去左D私人中心做,感覺怪怪, 地方又好細, 因其他協康我排咁位, 一次都要480. 唔知應唔應該繼續, 可否指教下, THANKS.

veronchan

May,

多謝妳同Amy, 希望下次可見到妳哋啦, 實在太耐無見


另外, 各位姊妹, 集合時間可改到兩點嗎? 因剛收到通知, Adrian上緊嘅音樂堂嗰日要補課, 到12:30先完, 趕唔切  

原文章由 yymm2007 於 08-4-25 10:58 發表


VERON & BRENDA,

我好想黎, 但因我之前已應承左朋友, 會幫手做"義工"→帶領小朋友參與戶外活動, 到時AMY都有份玩的, 對於我黎講....又可以幫到人(見到D小朋友開心, 我都好開心 !:loveliness:   ) , AMY又可從中 ...

podi

HELLOPAT,
我有去過某私人中心(成日係bk賣ad)做評估及早期訓練, 間房都係好細, 我唔知呢個係standard定係點, 可能唔想比小朋友分心, 所以間房細d, 但間房細極都可放1張table及幾張chair.  後來我去左協康做早期訓練, 我無去過, 我媽話果間房都唔係大, 但導師就好有心機教我個仔, 同埋個姑娘間唔中都call我, update下我個仔既情況.

bigheadgirl

Veron,
No problem for me.

原文章由 veronchan 於 08-4-28 11:03 發表
May,

多謝妳同Amy, 希望下次可見到妳哋啦, 實在太耐無見


另外, 各位姊妹, 集合時間可改到兩點嗎? 因剛收到通知, Adrian上緊嘅音樂堂嗰日要補課, 到12:30先完, 趕唔切  

...

yymm2007

各姊妹,

我地一家三口今日去左"昂船州"軍營玩(海軍總部), 好開心今日一次過上左2隻軍艦度玩, 又可以親手觸摸 & 試用D軍用裝備(eg. gun, 炮彈), D直9直升機好大架呀 !
最有意義係, 今日可讓AMY現場親身感受下自己係"中國人", 當"升旗禮"時, 現場奏起"中國國歌"場面非常莊嚴, AMY話 : 國歌呀 ! (因每日我睇新聞時, 佢都會聽到國歌, 佢好鐘意呢首歌, 係屋企會扮埋做"指揮" , 但直至今日, 佢先至親身體驗到箇中意義 !), 升旗時...佢又話"中國國旗"呀 ! 爸爸話 : 係呀 ! 我地係中國人, 呢支係我地國家的國旗 ! 跟住AMY就話 : 爸爸媽媽係中國人, 我都係中國人 !

到三軍步操時 , AMY話 : 媽媽我最鐘意著白色衫的叔叔 , 佢地D衫好靚 ! 爸爸就話 : 佢地係海軍 ! 藍色係空軍 , 綠色係陸軍...... 估唔到AMY雖然係女仔 , 但又對呢D都好有興趣 , 玩到夠晒鐘都唔肯走 ! 如果下次再有軍營開放日, 我就會帶埋AMY去" 石崗軍營"(空軍總部) ! 因為佢都好鐘意飛機 & 直升機 !

另, 今日下半場 我地去左睇海星 ! 真係好多好多海星 ! 所以要介紹你地帶小朋友去玩 , 4至6月期間 , 每逢潮退 , 係大尾督附近的海岸線 , 可以見到好多海星 & 其他海洋生物 (蜆, 螺, 八爪魚仔, 魷魚, CRAB..... ) , 去開果度 , 可以租單車上埋船灣淡水湖的水霸上玩 , 唔玩單車的話, 行下都唔錯架 , 果度附近有條家樂徑, 啱晒小朋友行 ! 假日重有好多人放風箏, 仲有艇仔租(有救生衣供應比小朋友的 ! ) , 可以釣魚 , 有次爸爸((爬)←唔記得隻字點寫 ! )左去對面個島仔度(來回超過一個鐘), 其實當時我好驚,   (雖然我識游水), 但原來爸爸(爬)到咁出, 係想比我地睇下果度個海底, 果度D水真係好清, 可以見底 , 同"海下灣海洋保護"區有得比 ! 我見到水底D海膽 & 好多唔同顏色的魚仔游黎游去 , 食方面 : 果度有埋燒烤爐 , 但假期都好難有位 ! 果度好多餐廳 & 食店 ! 我地通常都係去果度一間好出名的"泰國菜館"食野 , 最多人等位果間, D味度唔錯 ! 你地有時間都去玩下LA !

[ 本文章最後由 yymm2007 於 08-5-2 00:52 編輯 ]

yymm2007

IRENE,

真係好 ! 亞朗唔駛做手術太好了 ! , 佢真係叻仔 ! 我都笑左出黎 ! !

VERON,

係呀 ! 好耐無見大家了 !  一月到依家都未見過你地 , 除左有時聽講座會撞到之外 ! 由一月到依家都幾個月無見了 ! 下次夾到時間, 到時再出黎玩過 ! :loveliness:

yymm2007

AMY : 媽咪 , 我唔鐘意D蚊蚊 !
我 : 點解呀 ? D蚊針你呀 ?
AMY: 蚊蚊唔係針我 , 佢地針我個女 !
我: 你個女  ? 邊個係你個女呀 ? 佢叫咩名呀 ?
AMY : 我個女叫做 " POOH POOH" !
我 : 佢依家幾大呀 ?
AMY : 3歲 !
我 : 佢讀書未呀 ?
AMY : 讀緊幼稚園K1
我 : 佢鐘意食咩架 ? 等我煮D佢鐘意既野比佢食LA !
AMY : 唔駛煮架 ! 佢鐘意食朱古力同埋雪糕 !  
我 : 咁佢飲唔飲奶架  ?
AMY : 飲架 ! 佢飲媽媽牌 ! (媽媽牌  ? !  ← 我無教過 , 佢係邊度學番黎既呢  ?)
我 : 你個女比蚊蚊咬未好痕LAW ? 咁佢有無扭計呀 ?
AMY : 無扭計 , 佢好乖架 !
我 : 哦 !
AMY : 媽咪 , 我寧願蚊蚊咬我 ! 唔好咬我個女 !
我 : 點解呀 ? D蚊蚊咬你, 你就會好痕架喎 !
AMY : 因為我個女好細個 !  我好鐘意佢好鍚佢LAW !
我 : 咁你係一個好媽媽喎 !

隔左一陣 , 突然AMY又問我……
AMY : 係咪要結左婚先可以生BB ?
我 : (突然間唔識答, 真係無諗過佢咁細就問呢D問題 ! )
       你大個女之後 , 讀左書...已經學識好多野 , 識得自己照顧自己 , 又識到一個好似爸爸媽媽咁鍚你既人 , 但係你都要好鍚佢架喎 , 咁你地結婚之後就可以生BB ! (真係唔識答 , 答得好差 !  )
AMY : 係咪要同男人拍拖呀 ?
我: 拍拖 ? ! （我應該點解釋好呢? ! 幣 ! 真係唔知點答好 ! 扮聽唔到 , 佢又係咁不停追問...)
     係同一個你好鐘意既朋友一齊分享 !
AMY : 媽咪 , 我大個要拍拖同埋結婚, 我要生女喎 ! 要生3個 ! (點解唔係2個 ?! 唔係1個 ?!  唔通佢聽過曾特首呼籲…要生3個 ?! )
我 : 哦 !

[ 本文章最後由 yymm2007 於 08-5-2 02:13 編輯 ]

amon28

這些情況我都試得多, 好多家長和小朋友見到華豐帶眼鏡同貼着眼睛糾正視力都會走開好似見到怪物一樣,有次個家長更同小朋友講隻眼有問題就拖住個小朋友走,起初我都好心酸同難受,現在已習慣了不再同這些家長一般見識
但係總有些擔心就係華豐日漸長大,懂得貪靚和自尊,我怕小朋友會笑佢帶眼鏡唔同佢玩,自卑心愈來愈重無自信咁就慘啦

原文章由 yymm2007 於 08-4-27 23:19 發表
今日我帶左AMY & 幾個小朋友去左一個較偏僻的公園玩 ! 山長水遠去呢個公園…皆因途中有”鞦韆” & 果度有很多攀爬架 & 有FOR小朋友學習攀石的設施 !

玩玩下, 見到一對中年父母帶住兩個囝囝黎玩, 睇落一個應係中學 ...

amon28

May

其實我都好想帶華豐去參觀軍營,一諗起要一早排隊攞票就退步,我真佩服你時常諗到咁多地方帶Amy去玩去見識,有時我諗地方帶華豐去玩,諗到頭都大晒,一來要我自己識路,二來要我照顧到華豐先得,太遠真係有些吃力,因為我老公做服務性項業,公衆假期同星期日一定無得放假,帶華豐去玩的責任就交在我身上,好想華豐有多方面的體驗和次激
上次你提及有得爬石較靜的公園係邊度呀!
大尾督附近的海岸線應該點去呀!可否話我知,另外有咩好地方請提供比我等我帶華豐去玩
仲有大埔個火車博物館和海濱公園點去呀,馬煩你教路,咁多問題真係唔好意思,thanks

Veron
Ok! 2點我冇問題

podi

Amon, 有好多時唔係小朋友問題, 而係家長既反應使小朋友有介心!  我其實都有你既concern, 你知我個仔咁細粒, 佢有時都好怕有小朋友衝埋來, 之前學校已經問定我仔會唔會因為身裁而唔願同其他小朋友玩, 依家暫時唔會, 但唔知大大下會唔會男仔咁細粒而自悲.

你放心日朗一定會同華豐玩, 前晚我已經教日朗派粒比小朋友, 等昨日可以同小朋友玩同分享, 但第2朝見佢有鼻水好似有少少傷心咁, 都係比佢訓多d先.

原文章由 amon28 於 08-5-2 11:21 發表
這些情況我都試得多, 好多家長和小朋友見到華豐帶眼鏡同貼着眼睛糾正視力都會走開好似見到怪物一樣,有次個家長更同小朋友講隻眼有問題就拖住個小朋友走,起初我都好心酸同難受,現在已習慣了不再同這些家長一般見識
但 ...

yymm2007

AMON,

唔好咁客氣啦, 大家係好姊妹黎架嗎 ! 只係舉手之勞 ! 再有問題 , 可打電話找我 !!

(1)        大埔鐵路博物館
搭火車在太和站落車，行五分鐘，沿途有路牌指示。
詳細資料 及 地圖 → http://www.heritagemuseum.gov.hk/chinese/branch_sel_hkr.htm
http://hk.geocities.com/taipotour01/tour_railwaymuseum_d.htm

(2)        大埔海濱公園
http://www.lcsd.gov.hk/parks/tpwp/b5/

(3)        大尾督
乘車地點        交通工具        下車地點        備註
大埔墟火車站        巴士        75K        大尾督巴士總站        在大尾督巴士總站下車，沿海傍就可以睇到海星。
        小巴        20C        大尾督小巴總站        
        小巴        20D        大尾督        
記得 : 要水退時間先睇到 !

(4)  果個公園係大埔區 , 但唔知道叫咩名 , 我只係識得去 ! 如搭火車時都可以見到, (係大埔墟火車站側邊, 果度有個足球場), 但你可係官塘搭74X 入大埔, 一入到大埔後的第一個巴士站 , 即大埔廣福邨個站, 一落車見到個"汽車石油氣加氣站" , 公園入口就係果度 , 但呢個公園無小賣部, 只得汽水機 , 所以要自備食物 及 飲品 ! 但如你住咁遠入黎大埔呢個公園 , 我就覺得唔係咁值得 , 反而睇下你果區附近有無呢D類似既設施 , 比華豐玩下攀爬架都有類同既效果 ! 我住九龍個細佬話我知, 你地果邊好似有個好大既遊樂場, 有鞦韆的! 有時我唔得閒, 細佬 & 弟媳幫我湊住AMY, 佢地都會帶AMY去果度玩打鞦韆的 ! 但我真係唔知真正位置係邊 !

[ 本文章最後由 yymm2007 於 08-5-2 20:02 編輯 ]

yymm2007

AMON,

我會盡量知道邊度有啱小朋友玩既野都貼係度比你地睇 , 但因我口味老土又過時 , 驚你地笑我  !

關於你擔心, 我會咁睇....
一個小朋友既價值觀 & 睇法 , 好多時都會受佢身邊既人影响 , 尤其係父母 !

我講兩個例子你聽....

(1)你有無睇我介紹你地睇個"千禧的童話",其中一個早產的小女孩 , 佢都係因早產而要架著一個眼鏡的 , 依家播緊佢6-7歲的片段 (啱啱過去既星期三都有講佢), 佢係一個好開朗 & 樂觀的小朋友 ! 能力仲比好多同齡的小朋友强 , 如果你有睇 , 你就知我講緊咩 ! 點解佢可以追得咁好呢 ? 佢父母做得很好 , 令呢個小女孩受父母既引導下發展得很好 !

(2) 我親身個人經驗 !
你地知我幾好身材架LA ! 好多小朋友都會因為媽媽肥 而 比同學仔取笑 ! 你地知唔知我點樣做呢 ? ! 曾經有小朋友取笑AMY 話: 你媽咪好肥呀 ! 又有小朋友係AMY面前話我肥, 你地知道AMY有什麼反應嗎 ?! AMY以我肥為榮 , 佢會笑住答果D小朋友 , 哈 ! 哈 ! 係呀 ! 我媽媽好似"龍貓" 架 , 我媽媽好得意架 , 我好鐘意佢 !
點解AMY會識咁答人呢 ? (其實我預知呢D事一定會發生,小朋友說話最真, 最無修飾 , 所以我預先幫AMY做定好多預防工夫的 ) , 首先我從無因自己肥而自卑(但我有担心健康, 所以KEEP住日日做下運動), 我教AMY,  呢個世界有好多人, 高矮肥瘦樣樣都有, 但媽媽好滿足自己的外表, 媽媽有手腳.... 可以帶AMY周圍去玩 , 媽媽有眼睛...可以看到好多美麗既野, 媽媽有耳朵...可以聽到優美既樂曲 ! 媽媽覺得自己好幸福 ! 媽媽覺得自己靚就得啦, 而且健康更重要 ! 一個人既價值唔係由外表黎決定 ! (呢句我知佢未明, 但我有用簡單方法解釋過 ! )每當學校既小朋友話我肥, 我都會以笑回應 , 還教他們...如果唔想學我咁肥, 就要多吃水果 & 蔬菜 ! 通常D小朋友又會笑騎騎咁回應我 ! 有學校媽咪問過我, 點解D小朋友咁鐘意你? 識唔識你都咁鐘意你既 ? ! 你究竟有咩方法 ? ! 有小朋友係週記度連續2個星期都畫左我個樣係週記度 , 佢地寫...好鐘意我 , 因我好鍚佢地 , 我好得意, 好似一隻BEAR BEAR熊喎 ! (真係笑屎我 ! ) 所以凡事兩面睇 , 我擁有既 , 人地又未必有 ! 我係咪好亞Q呢 ?
我都同BRENDA & CATHY講過, 我以防AMY大個貪靚唔開心, (因佢亞嫲係人地面前, 話佢鼻扁, AMY有因此而唔開心過 ! ) 事後我專登問AMY: 你知唔知媽媽最鐘意你邊度 ? AMY話 : 唔知呀 ! 我話 : 我最鐘意你個扁鼻子, 好可愛, 好得意 , 呢個係爸爸媽媽送比佢既獨特標誌  & 我成日鍚佢個鼻 ! 跟住又讚下佢個鼻好靚 ! 依家佢已經以自己個扁鼻子為榮 ! 當老師教到"NOSE"時 , AMY可以好開心咁話比老師知 → 我媽媽話最鐘意我個扁鼻哥 !

所以 , AMON你係一個好堅強 & 好叻既媽媽 , 華豐在你薰陶下 , 一定可以茁壯成長的 ! 其他人的眼光 & 言語係唔會影响到我地 & 小朋友的 !

llcathy2004

MAY,真係好多謝你啲介紹呀.原來大埔咁多好去處，不如你得閒開個團＜大埔一日遊＞，帶我地去玩啦．（尤其是你講果個公園，幾時再去CALL埋我啦）
AMON,我老公又唔係成日放到星期日，諗同阿仔點過真係好傷腦筋呢．加上有時佢係街／車上發脾氣，大家都控制唔到，仲要忍受旁人的奇異目光冷言冷語，同佢出街都會有啲壓力架．但為左佢好，都要努力．我地都要堅強啲！

原文章由 yymm2007 於 08-5-2 20:55 發表
AMON,

我會盡量知道邊度有啱小朋友玩既野都貼係度比你地睇 , 但因我口味老土又過時 , 驚你地笑我  !

關於你擔心, 我會咁睇....
一個小朋友既價值觀 & 睇法 , 好多時都會受佢身邊既人影响 , 尤其係父 ...