一呂現家長 / potential 家長會

candytl

你哋小朋友有冇參加鉛筆/鋁子筆書法比賽? 我也唔知係校內定校內比賽. 我女交咗鉛筆的, 鋁子筆還未交.

claudiaho

你

alicetong

在學校就無...因為佢寫字會飛...哈哈！
但仔仔書法老師就叫佢參加左毛筆書法比賽,好似聽日明報會有得獎名單,不知是否同一個呢？

claudiaho,homama
謝謝妳們的意見...

alicetong

大家聖誕節會有咩節目呀？...除左溫習功課....

claudiaho

未plan呀!不過個小朋友個心就已經放僅假啦, 又冇mug功課, 日日就係睇電視, 同細佬玩, 琴又唔知有冇練, 好在仲有d公文練習做

Homama2004

妹妹上星期尾派了張教協中文書法比賽回來寫,佢話不是個個有.據經驗佢可能係被挑選了出來參賽,去年她好彩地拿了校內英文書法的獎,張證書係教協出的都幾靚.但妹妹話不知為何英文書法沒有得放上網,而中文書法有(可能不夠靚),張證書又不是由校長頒發(學期尾由班主任在堂上比),只是在校刊刊登了她的名字.....

今天佢粵獨頌拿了81分(<-有進步,終於打破了80分....),佢很不開心又失落的樣子,佢同我講因佢排得好前出賽,比賽完還發白日夢認為自己入到三甲喎!!!而今次我和老公都主觀認為佢比之前英&普通話好好多,但可惜今次的評判喜歡極誇張的演繹   

這場有些特別,評判要冠亞兩位再出場演繹一次再定冠亞軍.....冠軍那位好像做戲一場,七情+動作上面....而我們一致認為亞軍那位好似好好多,冠軍那位真係過火了一點....而季軍那3位就沒有印象?!?!

跟著帶佢去了 A-1餐廳吃午餐慶祝,妺妹問我哋慶祝甚麼? 我答佢慶祝順利完成晒啲朗誦比賽又拿到3張優良獎狀!!! 在吃完甜品朱古力雪糕後,佢終於笑番....    佢話都係考試好,答對又有分,沒有主觀分數,公平啲云云.....真係好好的經驗,這應便是逆景智商的訓練.....   

聖誕節....本應係第三次Girl's camp,但一放完假便考試,其他啲媽咪好似想改到新年/復活節,佢哋個個當然扁晒咀.....我都無辦法....家姐13號便是三天福音營,昨晚妹妹才話會瞓唔著,沒有家姐陪佢喎!!!

candytl

潯晚返去問真我囡, 鋁筆那份是P1-P3的, 唔記得沙田區什麼會辦的. 同學可以自由參加. 而鋁子筆那份中文係全港性的, 老師只派表給中文書法有"A"的同學. 寫鋁子筆, 錯咗冇得擦, 哈哈, 對我女係大挑戰.   

homama,

好似英文朗誦做動作的人唔多, 中文, 普通話又如何呢?

這場有些特別,評判要冠亞兩位再出場演繹一次再定冠亞軍.....>>>>>真係好特別涡, 如果是但一個重做時"發台温"就好唔底囉.

我老公&兩個囡好忠意去A-1食嘢, 兩個囡最好過度嘅面包擦牛油, 食完一個唔够, 再order又唔使$$, 我都由得佢哋

Homama2004

早晨各位!!

昨晚同一位別部門做的同事傾計,她的仔仔讀Alice家旁的小學下午校六年級.昨天要重考英文呈分試   (慘!!)....原因係老師"翻炒"前年某次英文試卷,因那些被"翻炒"試題不是在呈分試出現,所以有派回,現學校懷疑有同學因在補習社/兄姐做過而拿到好成績,和有部份家長抗議不公平.所以要重考.其實不用懷疑,一定係事實,我兩個囡有不少小朋友在一城補習,都係一味"谷"做past paper.

我話如自己小朋友不是因看過卷而得到好成績,咁要考過便又好似很不公平......    所以老師出卷真係要小心小心.就算"翻炒"都要有技巧地改換面.....

聽教書的朋友話一份好小學試卷大約有5-15%係越級/較深的題目,那就由這5-15%決定小朋友能不能擇A - 9X,但我哋學校可能已將程度深化改為20-30%,決定小朋友能不能擇B....四.五年級聽聞全級超過1/3人中文係拿不合格-D喎!!希望啲中學能知道我哋學校的改變啦!!

今晚會到呂中聽講座....聽朋友講大圍新車站上蓋的中學就編配給呂中,小學就編配給大圍聖心,2011年入伙.....你們的小朋友如入呂中便應能享用新校舍     

candy
好似英文朗誦做動作的人唔多,
>>妹妹今年第一次參加,不是太多經驗.西人評判好像著重表情+語調+讀音,還叫小朋友不要太多動作,如左右擺頭/tum腳會令佢聽不清楚.

中文, 普通話又如何呢?
昨天粵語那位評判就喜歡多多動作,多多表情.....比較"特別".還有要讀"書面語",不是口語,這個要在字典查正確讀音了

普通話評判就的比重讀音+語調+表情+少許動作.....

candytl

Alice,

大家聖誕節會有咩節目呀？...>>>>>>多數留港消費囉. 原本想去布吉, 但忽然間買咗部琴, 要啱啲使喇. :cry:

claudiaho,

學校啲功課真係一時時, 有時一日7-8樣, 有時得3-4樣, 平均的好些. 你囡囡好乖, 會主動做公文, 我上個星期日俾10題計數題我女做, 佢同我討價還價, 最好只肯做5題.    

alicetong

homama,candy,
A1餐廳是否在新城市戲院旁那間呢？我都未試過喎...得閒去食下先？係未多數食SET LUNCH或者DINNER架？

homama,
※妺妹問我哋慶祝甚麼? 我答佢慶祝順利完成晒啲朗誦比賽又拿到3張優良獎狀!!! ※
妳講得0岩獎項得失都係其次..著重享受參與0既過程,雖然囉唔到獎小朋友難免會失望,有時要學懂放下囉...
我都睇到我隔離小學呢單新聞....苦了勤力溫習的同學？有時教育制度就係咁...要玩就要依照佢遊戲規則？難怪坊間想盡辦法死操模式..就像中學會考甚麼有名堂補習社一樣....標榜貼題取高分.....其他平庸的又如何？

claudiaho
我都覺得學校呢排功課少過考試前... 但夾雜著專題研習,音樂科還要自製樂器喎..又要考家長的智力了...哈哈！

Candy,
我夠萬象雄心想佢溫習呢科0個科..但現實往往與理想相違背...平時如果要學野回家完成功課已沒有時間了,搓得太緊又怕傷感情？我只是阿Q精神同自己講..兩母子盡力而為便算了..
  

alicetong

聖誕節想唔溫習都唔得啦？哈哈！..先生想返樟木頭行下..或者陪佢去玩返2日當relax下囉.... 我囉左成個假期陪細露..工人返老家準備踢晒腳都得咯.....     

claudiaho

你囡囡好乖, 會主動做公文
>>唔係主動ga, 不過唔做就唔知點面對老師炸 !

佢同我討價還價, 最好只肯做5題.
>>而家d小朋友個個都係格價尊家, 我個仔都係其中

Homama2004

有冇食過個High Tea 呀, 好正ga! 有一個高架 (三層), 上面有三文治, 小蛋糕, 洋蔥圈等等 再加兩個飲品, 都係$7X

>>係呀!!這個兩人下午茶餐真係好抵,星期六日都有,但不知幾點開始.....我聽朋友講在淺水灣吃同樣要$2xx.

ALice
我囉左成個假期陪細露..工人返老家準備踢晒腳都得咯.....
>>祝你好運......我都經歷過,2年後到現在已入佳境,適應了...
我都想拿那3天假(27-29),但1月考試又要連續放3日,好似有點過份咁......

claudiaho

係呀!!這個兩人下午茶餐真係好抵,星期六日都有,但不知幾點開始.....我聽朋友講在淺水灣吃同樣要$2xx.
>>三點開始下午茶時間, 大家不妨去試

alicetong

claudiaho,homama,candy
下午3點鐘星期六日都有,收到！多謝妳們報料..如果我同兩個仔女叫一個兩人下午茶餐都夠囉,星期六,日溫書溫到悶悶地去打個round食下野行下都好,個仔去親新城市都要去大眾書局一轉... 睇下佢d偵探書 總好過去玩具反斗城0既？   

今晚都約左同學食自助餐..(唔知佢地帶我去邊間食..跟大隊)我地老友記0個幾個生日輪住請壽星女食飯..傾下計,講下仔女經...真係要好好地透番晚先得？
先生叫我玩夜d都唔緊要..好好地輕鬆下？..最怕我人釘人捉住佢個仔溫書...佢就頭〝零零〞     

candytl

claudiaho,

有冇食過個High Tea 呀, 好正ga! 有一個高架 (三層), 上面有三文治, 小蛋糕, 洋蔥圈等等 再加兩個飲品, 都係$7X>>>>揾日一定要試一試. 我老公唔好食下午茶, 佢個肚好似幾個月嘅BB, 夠鍾就要食嘢, 遲的早啲都唔得. 帝都酒店下午茶做特價, $98/兩人, 上個星期日想去食, 我老公say no呀.  
請問你平時係咪搭R88 bus返工的, 中環地鐵站附近有冇站返一城, 我潯日揾唔到站, 搭咗182返, 車程要1個鐘零四個字, 好耐呀.


alice,

你今晚倾得開心啲, 明天4:00見喇渦.

alicetong

Candy,
※我老公唔好食下午茶, 佢個肚好似幾個月嘅BB,※
講開又講..我都係大肚時先試過巨過我老公個肚腩..  : 哈哈！雖然依家我生完兩舊都有豬腩肉..但拍馬都追唔上佢..
講開去到香港我除左識搵地鐵站個〝隆〞才返到屋企之外..就同大鄉里出城一般...暑假睇完書展都係朋友帶我去左穿加插會展附近有巴士返一城...但叫我搵就〝弊〞傢火囉....     

哈哈！多謝晒...(我地除左顧仔女之外都要好好調適下自己呀..)

收到！明天4點見〝不見不散.〞.....     

Homama2004

Claudia,多謝您....3點收到....

Candy,
88R各巴士站可以這裡看到,希望幫到你....
http://www.citybus.com.hk/chi/RouSer/RouteSearch/busroute_info.asp?route=88R&routetype=D&company=5

我這些鄉下人,啲老細們要出城問路,都係靠網上資料....

Alice,你今晚傾得盡情啲啦!!! 你老公真好   
個仔去親新城市都要去大眾書局一轉... 睇下佢d偵探書 總好過去玩具反斗城0既？
>>我提議去二樓商務好啲喎! 間中都有一兩個位有得坐下....又大些,書又多些

我老公淨看手腳就很瘦,但腰圍就由結緍的28增至現在的32....我成日笑佢好似四枝竹籤"吉"住一粒魚蛋咁        ,而我就一向肥底都係27/8/9,好彩就係生完兩個女都係咁上下.....

最近有朋友介紹在http://www.jshoppers.com/index-ch.asp?clr=1買嘢,買了一次的都很滿意喎!!啲囡囡好喜歡那些女童底衫褲,話質地柔軟舒服.....老公話啲T恤好好....你們都可以看看.....

claudiaho

請問你平時係咪搭R88 bus返工的, 中環地鐵站附近有冇站返一城, 我潯日

candytl

homama,

而我就一向肥底都係27/8/9,好彩就係生完兩個女都係咁上下.....>>>>>>我都係肥底, 想瘦一兩磅好難, 肥幾磅易過借火.  
多謝你個綱, 裙好靚, 你幫衬過嗎? 唔知質地如何? 我平時多數趁出面减價至3-4折先幫阿女買衫.


Claudia,

唔怪得啦, 我過日係德輔道中往上環方向行, 行咗好耐, 都唔見有R88站.