95區家長大都會

alkyng

yeeli:

由於我有兩個女, 所以一比較之前, 有落公園做運動真係體魄強壯好多, 以前我一個人湊大女, 所以都好少帶佢去公園走動, 後來上左幼稚園之後就更加少, 一星期都係星期日一次咁大把, 如果咁岩星期日有約, 連一次都無, 但細女每日至少一次, 多就兩次, 但明顯佢真係身體強d, 少少作咳只要飲多d水都會無事, 但大女少少作病, 最終都要睇醫生, 好多時仲要睇兩次tim. 其實大女bb時飲人奶飲到歲半, 而細女就飲得九個月, 但家姐身體反而無阿妹咁好, 所以我覺得好大分別就係有日光浴吸收下陽光同新鮮空氣, 所以我依家趁日長夜短, 大女放學返來都仲見到陽光, 要佢響平台走動下先帶佢返屋企.

另外, 之前我兩個女未發燒加生到成口飛滋又喉嚨痛0既, 原來呢個病係最近好流行架, 因為我姑奶三個仔先後無端端無病徵下發燒, 接住就生到生口飛滋, 佢個家庭醫生都話最近d小朋友好興咁樣病wor, 最慘佢細仔同我細女一樣, 唔肯食野飲奶, 所以大家要留意下.

MIHOLO

HI YEELI & ALKYNG

有事請教 我囡囡又有為談(同音   因我找不到中文字)我想問有沒有湯水可以燙 ? 或我買橙粉都可以 ? 我已看了兩次醫生但都除不到談
果皮都食了一次.不敢食得密   

MIHOLO

alkyng

另外請妳pm多一次中醫資料給我, 我想給囡囡看    

alkyng

miholo:

如果阿女有痰, 我就會比"猴棗散"佢地食.

或者"鄧"川貝, 果皮, 無花果, 南北杏,

hayamama

miholo:
其實都要睇吓係寒咳定熱咳架喎!仲要睇吓咳咗幾耐。記得最近上BK嘅'烹飪錦囊'定''嬰兒食譜'時,有位媽咪推介咗'氣管敏感及止咳食療',我一陣post比你睇吓用唔用得著?
另外仲有位媽咪介紹食虫草,不過真海鮮價得好緊要;價錢由一千多蚊都三千幾一兩都有,但成效真係好好。佢話買一兩可以分八至十次嚟'登',全家都飲得。之前我朋友嘅幼兒都係咳咗兩個幾月佢先學識煲比BB飲,跟住大概兩個多星期就好番晒。不過我覺得幾重皮,而且行入去藥材舖買一兩好似好醜怪,所以有點卻步;後未又聽另一個媽咪介紹食虫草膠囊都又不錯的功效,而且價錢平好多,咁我又試吓;呀女食咗兩星期都差不多斷尾,而且唔似食西藥咁散,攪到個人成日都攰99。不過我唔敢係到講個brand比你知,驚版主話賣廣告...
氣管敏感及止咳食療 : (以下條方係別人所轉述未經刪改）
止咳湯水
雪梨瘦肉湯(喘咳之方) -- 主治：治實熱性哮喘、咳頻而痰稠、肺燥久咳、肺熱咳血痰、日間多咳、喘咳時胸肺隱痛。
材料：食物－雪梨兩個、瘦肉四兩、冰糖三錢或蜜糖一匙。藥物－麻黃一錢半、南北杏三錢、蜜棗兩枚。
做法：用鴨嘴梨、黃梨、啤梨均可。正雪梨鴨嘴梨較潤，不用去皮，只去心核，切四塊；加藥和瘦肉，水三碗，煲三小時後，加入冰糖或蜜糖，再煲五分鐘，即可飲用。
說明：雪梨清熱降火，實熱喘咳者如非多日，飲用多幾次此湯，能不藥而癒。
我個仔咳左兩個幾禮拜,都係呢招搞掂,佢一歲買一兩(大概50元)分三次,磨粉,每份朝早加半碗熱水炖一個鐘,之後加少許蜜糖飲用.每日一次,佢四次後已疴走晒d痰(咳時如懂得吐就吐,如吞下就會排出).
BB仔唔好加蜜糖, 試吓川貝唔好磨粉, 50元, 分三次. 加南北杏, 瘦肉,煲湯. 八碗水煲埋一碗. 會好D.

yeeli

alkyng

其實我係e院做嗰個朋友同我講,佢話去公園玩係好太機會
野到d惡菌,又剛好,我仔仔又真係k2個時成日去公園時,
野到大感冒入咗法国幾日   
所以宜家去公園玩完,我一定要仔仔洗手,返到屋企就立刻
洗白白,
不過晒下太陽都好好,但10:00am-3:00pm既大陽就唔係咁好,太勁.
多謝你提我地
    

yeeli

MIHOLO

你女有痰係咪佢氣管敏感??,通常氣管敏感係會有好多痰
又會咳好耐,你睇咗西e,最重要係e生點講??
買橙粉係化痰都可以,
中e就慢d,

alkyng  MIHOLO  hayamama

今日bk維修,我係到想,如果bk有咩事,我地就失去聯絡.
      


hayamama
你咁勁,D煲湯料
  

hayamama

yeeli
無法啦...呀女都係'呢方面'嘅"高手"   ~ 成日都氣管收縮or敏感,我係BK都學咗唔少嘢架．．．     

alkyng

YEELI:

嘩...去完公園玩, 被人傳染到仲要攪到入法國, 咁真係幾無奈wor , 本來係可以強身點知攪到入廠 :cry: . 我都有個習慣, 兩個女去完公園返屋企都要沖涼換衫.  

hehe...今日阿女返學校影畢業相, 之後仲邀請位女同學來左我屋企玩, 接著又帶阿女學國畫, 所以都無時間上bk, 都唔知今日bk出左問題 , 令你擔心成咁.

alkyng

hayamama:

"呢方面"0既高手, 咁樣形容真係比你笑死呀 .

不過你有無試過轉介去政府d專科睇下(不過我唔知氣管問題有無專科tim), 比d專科醫生跟進下, 因我個女半年前試過鼻炎之後, 睇左兒科幾個月都攪唔掂, 最後去賽馬會睇再轉介去聯合專科(自己再睇中醫), 依家聯合個邊跟進得好好(雖然已經好番), 上兩個星期先覆診, 佢再約我五個月後再覆診, 醫生話因為五個月後天氣已經轉涼, 怕阿女有機會再番發, 所以約定我去睇. 經過今次我老公信政府醫生多過私家醫生.

yeeli

alkyng

係呀,所以我到宜家出街都會用消毒濕紙巾,
你貼你個email a/c 係到你唔怕收好多廣告
到時唔係失去聯絡,係好多廣告聯絡你,
{問你要唔要買呢隻好野呀,小姐}       
bk好多人嚟買廣告架,我手提電話都收到sms.

alkyng

YEELI:

下...會咁架, 我只係想電話就唔好post出來怕唔安全, 但又想唔到連email都會受到麻煩, 你扮底未呀, 我要刪除喇   

yeeli

hayamama

香港, 真係十個小朋友九個都有鼻或氣管敏感,空氣唔好
無法只, :evil: 我地放假出完旺角行街,個鼻都黑晒,都不
知有幾多塵 吸咗落去.

yeeli

alkyng

我扮=抄底咗 你快删咗佢.我pm我個比你.

hayamama

yeeli,
有咩辦法呀!香港啲空氣質素真係愈來愈差,人地話將軍澳好潮濕,但係我覺得其實都唔係咁差,而且地方開揚,反而係有啖新鮮空氣吸吓就真!
呀女出身時成八磅幾,身體一直都幾好,唯一係2yrs old就開始有了氣管收窄,經常係天氣冷時就咳到不得了,所以打從那時開始,我大大話話都'習醫'成三年架啦!!!!

yeeli

hayamama

我仔仔都係有氣管敏感,所以好容易咳,咳親都一個星期
以上,TKO點都好過出面,但有D人話有個垃圾填區,可能
會無咁好,其實咁多地方無人住,點解要咁近TKO民居.
      

alkyng

all:

呢排有d煩惱呀, 我發覺自己d頭髮有"希梳"跡象呀, 個條分界越來越明顯, 而個"轉"0既位置都明顯睇到入面頭皮 , 依家都唔知點算好, 之前都試過買d for女性洗頭水, 可以防止脫髮的, 不過效果就麻麻, 你地有無人知道多d呢方面資料呀.

yeeli

alkyng

唔係化,你會唔會呢論緊張個女升小,同埋你之前好似講過有做負厘子呢,我之前整過三次都覺得好似少咗頭髮,但呢幾年都無整過就無事,因為個家庭e生話我知,個人緊張同整負厘子,都會影響脫髮,佢叫我唔好再做,因為太高温,頭髮頂唔順.

重有呀,用去頭皮既洗頭水(藥性)都唔好架,都會容易脫髪.

alkyng

yeeli:

其實呢個問題已經有左好奈架, 唔係最近0既事. 唉...咁岩我又想去做負離子tim, 咁點算好呢, 唔做d頭髮天生又曲曲地, 好難打理      .

alkyng

yeeli:

你上次send比我個email, 咁係唔係代表你有msn架, 可唔可以add你架.