- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
 
|
我同意語言學習係用唻溝通, 但唔代表小朋友廣東話都講唔好, 就連普通話or英語都唔應該學習! 說實在的, 有那個孩子是從出生第一天便懂得說母語的呢? 他們不也是出生以後, 每天成人在他耳邊說個不停, 慢慢的, 日積月累的, 到達某個階段, 從發出單音, 到發出雙音, 詞語, 短句, 長句, 到而家長篇大論, 想佢收下聲, 靜下都難呢?
兩文三語係香港既特色, 中西混雜, 搞到我地既小朋友, 唔可以正正式式用母語教學, 是誰的錯? 政府推行母語教學, 家長反應如何? 咪又係崇尚英文小學, 英文中學! 我都知用母語好呀, 唔駛點經大腦, 就可以自自然然咁對答如流, 對小朋友表達意見方面既自信心, 無疑係母語最好的! 但我更相信的是, 只是小朋友用心, 家長畀d耐性, 去令佢地學好一種語言, 佢地遲早都有一日, 講外語可以好似講母語咁流利的!
我絕對同意現今青少年, 不能解決問題, 工作表現欠佳, 但係咪完全同不能獨立思考有關呢? 相信這只是其中一個原因吧! 若然話學校所教既野唔能夠訓練小朋友獨立思考, 我覺得更加應該怪責現今父母對小朋友太保護, 樣樣野都為佢地安排好晒, 每分每刻都幫佢地清除前面的阻礙物, 以至令佢地唔識得做人, 唔識得同人相處, 唔識面對挫折! 你見過一個十五歲仔, 仲要阿媽餵飯畀佢食未? 我就見過喇, 呢個仔, 將來出唻做野, 會點呢? 真係god bless him!
蘇幼唔可以話係一間頂級既幼稚園, 或者我會咁睇...我會視阿女返蘇幼等同返一個非常超值既外語playground, 學費平, 師資高 (老師教學經驗肯定豐富, 但亦好多傳統老師), 大班教學 (相對小班教學, 小朋友無疑係會被忽略&照顧得無咁好; 但從另一角度睇, 大班教學, 老師唔可以無時無刻照顧每一個小朋友, 那麼小朋友可以訓練到更獨立, 亦可以與更多唔同小朋友相處, 仲有既係, 佢會漸漸學識爭取, 因為人多, 你唔爭取, 老師唔會叫你答問題, 呢樣未嘗唔係一件好事)!
當然, 最終決定揀邊間幼稚園, 都係要睇番適唔適合小朋友的, 但其實除左要適合小朋友之外, 我覺得更加要適合家長, 一間學校好定唔好, 其實好睇家長點樣評價, 正如我咁, 我上年學期尾果陣, 都係評到蘇幼唔好的啊, 差d想同個女轉校! 但最後無咁做到, 冷靜過後, 重新睇番件事, 諗番當初自己點解要揀呢間學校, 到最後我堅持畀佢繼續, 家長內心既掙扎, 矛盾, 經歷過了, 而家見到個女獨立左, 識得爭取, 知道要努力, 好多野知道要自己做 (當然間中都會唔做), 普通話進步了等等, 選擇留低繼續浸淫, 暫時覺得都係正確的啊!
若然上年放棄了, 那麼我便看不到她這一年來的進步了!
原文章由 phenix123 於 08-5-7 23:34 發表 
語言學習，作用是用作溝通。 我覺得如果小朋友在其他的幼稚園讀書，小朋友已經可以提出意見、作小組討論；訓練出思考問題的能力，引發學習的動機！ 現今青少年，不能解決問題，工作表現欠佳，正就是不能獨立思考！！
所以一所能引發 ... |
|
發表於 08-5-7 23:34
