一呂現家長 / potential 家長會

Homama2004

這兩星期的功課少得出奇....我見我囡囡4/5點已可以"煲"書......好似已有x'mas holiday mood. 咁兩個昨晚都好乖,已在寫常識筆記....   

朋友給的....時事update
澳洲科學家發明了一種音樂T恤，可以彈奏出結他的聲音
日廢棄彈珠機污港環境

國際知名華人鋼琴家郎朗透過入境處優才計畫入籍香港
(剛才吃飯,有同事問我知唔知郎朗與李雲迪那位叻啲,唔識答.....) 兩個對我來說都係"世外高人")

維多利亞公園塌閘
房委會正式通過在明年二月，向全港五十萬公屋戶免租一個月
大埔美湖路山邊發現一個五呎長，懷疑戰時的炸彈，附近亦有一個三呎長的彈殼，軍火專家已即場處理
香港廁所協會，3主題公園廁所 迪士尼評分最高
日本北部庫頁島附近發生黎克特制8.1級強烈地震

candytl

剛才吃飯,有同事問我知唔知郎朗與李雲迪那位叻啲,唔識答.....)  兩個對我來說都係"世外高人")>>>>>>音樂造詣各花入各眼, 很難說邊個叻啲, 但論係國際上的知名度, 郎朗遠遠拋離李雲迪幾條街喇.

香港廁所協會，3主題公園廁所 迪士尼評分最高>>>>>第二係海洋公園, 第三係濕地. 評分高低與門劵價值成正比.   

alicetong

總之如果郎朗與李雲迪如果向香港開班授徒一定客似雲來都得咯..     
今朝睇到人地份報紙話郎朗透過入境處優才計畫入籍香港,咁李雲迪係未呢？..好似都有份申請架？

homama,
※咁兩個昨晚都好乖,已在寫常識筆記....※
請問如何寫常識筆記呀？ ...  

勞煩妳update時事題..請check pm.

Candy,
妳知老地方在那兒呀麻..記得第一次搵錯左...

alicetong

Homama,
麻煩妳check pm..   

Homama2004

Alice & Candy, 已看pm, 謝謝您們的幫忙&意見  

老地方......令我想起小情人.....純粹搭訕
    

昨晚scan了囡囡的筆記email給你們看看,幾得意!!圖文並茂......筆記都係佢哋自己做,因她們喜歡塗鴉,所以本筆記像畫簿多過像筆記.妹妹開學不久第一次常識小測,因掉以輕心不合格要背書,很好的教訓,現在每次小測都差不多拿到滿分......      

candytl

alice,

妳知老地方在那兒呀麻..記得第一次搵錯左...>>>>>我知架喇, 周六4:00pm老地方見.

homama,

嘩........., 兩個囡囡好有心機&心思. 係咪將課堂的筆記返來后再整理一次?

Homama2004

妹妹係將課堂的筆記返來后再整理一次或自已將書本內容畫出來....
而家姐課堂就沒有甚麼筆記可言....上到一堂寧靜的堂已好好囉.....係Alice的班主任教,alice就好明白我在講甚麼   

claudiaho

囡囡的筆記
>>真係好有創意呀! 我相信她們能想出這種方法比狂谷更有效, 而且印象更深刻, 我好appreciate 你兩個囡囡

Homama2004

Claudia,
潯晚琴姐姐打電話報喜, 話收到琴試成績, 有126分, 即merit
>> 恭喜呀!!        聽到好友的小朋友有佳績,好似自己個囡拿到一樣咁開心.....

我心想pass都好啦, 至少唔使重考嘛!
>>係呀! 我都係咁想,不要要求咁高......比我考就一定"肥"....佢哋已好叻,又要讀書又要N樣課外活動.....

好似係我考o甘
>>我都係咁,佢哋參加朗誦,我比佢哋還緊張(雙手凍哂)
  
妹妹明早粵獨誦比賽,老公帶去,我就要看看手頭工作如何.當然想去支持佢啦....

candytl

claudiaho,

恭喜恭喜!    
你打算幾時俾囡囡學樂理, 我計劃今個暑假(出年7月)開始, 考10月中個試. 宜加留意緊老師. 可以帮我問你囡囡琴老師教唔教樂理, 收幾$$/小時嗎?

homama,

細囡聽日係咪係沙田大會堂? 如果係要注意聲量, 因個場都幾大, 我女上次跟練習時的聲量, 去到過度就覺太細聲, 都影响評分架.

Homama2004

Candy,
多謝您的提點呀!!!係去沙田大會堂
妹妹今年已去了兩次這個場了(英&普).這個場比去年佢去上水那個北區大會堂算細.而佢雖然怕怕羞羞,但把聲就係天生好響亮.所以她的聲量我就不太擔心了.....

係喎!你們兩個都考到5級,要有5級樂理合格才能考上去.... 小小年紀己考了五級....真叻女....
我兩個囡囡明年2月考樂理,琴姐姐話妹妹就應OK,家姐就邊緣,隨緣啦.....

alicetong

Homama,
唔好咁客氣...
收到妳mail妳女女真係好有心思呀..加埋畫公仔咁有創意？又有對話,呢d真係男仔頭做唔到0既野囉？ :tongue:

Candy,
一於今個星期六4點..老地方見？   

claudiaho
※潯晚琴姐姐打電話報喜, 話收到琴試成績, 有126分, 即merit, 成家都好開心,※
真係恭喜晒妳..阿女真係才藝兼備，聽到妳地個個女女範範都咁出色,能文能武,就好似自己仔女得獎一樣咁高興..姨姨真係沾上唔少光呀？         

candytl

homama,

但把聲就係天生好響亮.所以她的聲量我就不太擔心了.....>>>>咁就好囉. 係涡, 唔記得你也是有經驗媽咪.   

可以報你琴姐姐教樂理個價俾我嗎? 唔該.

claudiaho

你打算幾時俾囡囡學樂理
>>我都好想比佢考樂理, 但係你地記錯了, 我囡囡今次係考三級試 (仲係第一次考皇家音樂試)炸…….

小小年紀己考了五級....真叻女....
>>Candy個囡囡叻至真, 我個女係mang車邊炸…….

可以

Homama2004

Candy
可以報你琴姐姐教樂理個價俾我嗎?
>已pm給你

Claudia
我都好想比佢考樂理, 但係你地記錯了, 我囡囡今次係考三級試 (仲係第一次考皇家音樂試)炸…….
>>>唔好意思.我囡囡4年級時才考2級琴&4級單簧管,所以你囡囡已好叻女啦....

但你也可以讓你囡囡學,現在沒有那麼忙,因到呈分試時音樂科都要呈分的,有音樂底好好多.我都後悔咁遲才讓佢哋學.....

alicetong

其實幾時先學樂理架呢？如果我仔仔連3級試都未考呢？...
上次問過下老師都好似話唔駛咁早學....   

Homama2004

其實幾時先學樂理架呢？如果我仔仔連3級試都未考呢？...

如我同candy講,因學嘢快慢不同.我大囡早過妹妹學2-3個月,但妹妹現在已7788做緊past paper,但另一位.....我同琴姐姐都很無奈地互視苦笑.....琴姐姐話如計數好,學樂理便快上手好多.....數係大囡最弱的一環

你仔仔數底不差,應會覺得好玩,我見妹妹做好似係度玩計數咁.最近學校派回一叠數獨練習,佢好有興趣咁做,昨晚做了8個練習,話好有成功感云云....但琴姐姐一見到就話咪攪佢,我答me too...但大囡就學樂理學得好似好痛苦咁....無奈佢又想下次考7級單簧管,現在已預備緊,咁就一定要過這關   

同你琴老師商量商量.

candytl

哈哈, 大家都唔好謙喇, 應該咁講, 小朋友們好努力, 我哋家長同樣都咁努力!

Alice,

如果唔係准備考Gr. 6以上琴試, 係唔需要考Gr. 5樂理的. 或者你想仔仔音樂呈分好些, 可以考慮出年暑假學, 10月考.

alicetong

多謝Homama & Candy意見....
明年暑假學都係好時段..希碼無咁忙？又比d野佢做下....那麼妳們的琴老師學樂理約多少錢呀...??可以pm我參考下嗎...
  

Homama2004

已pm你....這個暑假記得不要浪費呀!!要好好打好個底上小五,便無懼小五呈分試