讀'聖瑪加利大幼稚園'家長入來傾傾啦!(PART 2)

yk

我想問, 家長係咪都可以一齊參予早會?

dorchiu

好慘, 我個女今朝喊住上車, 佢尋晚已經叫我陪上校車, 食食吓奶響張床仔到啜泣  係咁叫媽咪你陪我坐校車

各媽咪有冇解救  :cry:   

JoJo

yk,
朝早早會, 家長係可以睇家.. 而家Mon-Fri都係禮堂.. 唔錯呀.

今朝見到你女女係樹玩遊戲, Tunnel, 好開心喎

dorchiu,
我諗你要同女女傾下計, 你話所有小朋友都係自己上車, 冇大人陪既.. 我想問下佢返到學校點呢?有冇喊呀.. 一係比佢拎件佢鍾意既玩具陪住佢上車.. 咁得唔得?

dorchiu

jojo

多謝意見, 我估個女鐘意返學, 因為車程太長, 所以未習慣, 我試同佢講拎件佢鍾意既玩具陪住佢上車work 唔 work    

yk

JoJo 寫道:
yk,
朝早早會, 家長係可以睇家.. 而家Mon-Fri都係禮堂.. 唔錯呀.

今朝見到你女女係樹玩遊戲, Tunnel, 好開心喎

JoJo

你每朝都去學校? 係咪義工家長?
多謝你話俾我聽囡囡好開心, 我都揾日去睇下早會.
不過我驚俾囡囡見到我, 佢唔俾我走.

仲有, 今朝等校車時, 同一屋苑有另一個k3姐姐都一齊搭校車, 佢一見到我囡就叫佢個名, 仲拖住佢隻手, 話會照顧佢.
  
我好開心呀, 証明依間學校d學生真係好乖.
學校, 老師 & 家長 應記一功.

Pochacco2001

yk,
我就係每日都會返學校的!因為自己比較得閑,所以這樣會了解小朋友和學校多些的!

JoJo,
你咁勁!咁快認得小朋友個樣?

heima

Pochacco2001

今個星期五開家長會, 希望可以同你相認

JoJo

yk,
係因今個星期我放假我至可以返學校睇下仔仔上早會情況咋 (舊年我係冇返過去.. 因仔仔好痴身)

照顧你女女個位高班姐姐, 佢舊年都Take Care我個仔家.. 佢好盡責家. 我真係見住佢係咁跟住你個女女, 做跟得姐姐   (同舊年一樣, 佢跟住我個仔家).你可以放心呢

Pochacco,
嘻嘻.. 我認人都幾叻家.

各位,
賣下廣告先.. 相信你地都收到學校有關匯愛小組執委選舉通告, 如有興趣不妨參加, 為小朋友, 為學校出一分力呀..   下星期一截止啦..

yk

jojo

咁你今朝有無返學?
今朝好大雨, 校車遲左到, 我唸返到學校一定遲.
係咪好多小朋友都無返學?

咁你仔仔今年由邊個姐姐哥哥睇住? or 佢已經大個要照顧番幼班小朋友呢?

JoJo

yk,
今朝冇返學校, 實在太大雨啦. 我正係同個仔等車, 我個條褲都有半邊濕, 仲要係有野遮囉喎   

老公同個仔講我地今日未必能到學校睇佢, 好彩個仔明白囉.. 明日如冇咁大雨就會返去呢

我個仔未知佢有冇照顧幼班既人喎.. 也許女仔會細心d.. 但佢好記住坐係隔離個位同學叫乜名同埋佢平時上堂做乜喎.

Pochacco2001

heima,
希望到時見到啦!

JoJo,
我今日就慘了!又大雨又塞車,結果9點半才返到學校!

JoJo

dorchiu,
今日你女女上車點呀. 有冇喊呢

anny

今日三號風球囝囝唔駛返學, 咁都好比佢take個break .....

昨晚我同佢都無乜點瞓, 佢半夜發夢又喊又"樓計", 真係嚇親我 ....., 今朝問佢昨晚有無喊, 佢答我有, 但問佢why? 佢又唔出聲, 我唯有嘗試用不同方法同佢傾, 但都無乜實質答案, 不過應該同返學有關 .....

佢返學無喊無樓計架, 我都差d以為佢返學冇問題, 事實原來佢係唔適應, 怪不得知由星期一晚開始, 佢唔肯入房瞓 .....

我寧願佢大喊大鬧, 佢唔出聲我都唔知佢想點, 成日要我估, 唉! 點估呀 .....

dorchiu

jojo

我囡囡呢2日上校車無喊     不過老師尋日打比我佢自己話肚痛, 最後我99 發見其實應該係肚餓, 因為佢唔肯食奶返學     返到屋企夜晚又發癲話唔返學, 但係老師話佢響學校好乖    

情形可能似anny 囝囝咁, 未適應學校生活, 唔知幾時先 tune 到  

JoJo

anny, dorchiu,
我記得仔仔開學初期都係咁..因唔適應學校有紀律既生活.. 我覺得最緊要係同老師溝通下.

仲有夜晚時傾下計會知多一點.. 因佢地年紀仲細, 表達方面未必好好.

你可以問下佢在學校有冇識到同學仔呀.今朝在禮堂有冇玩遊戲睇讀書, 仲有茶點食乜野呢.. 等佢知你亦知佢學校做d 乜.. 遲d 你會收到時間表, 就更能掌握小朋友平日幾點上緊乜堂做緊乜.

好多時, 小朋友可以為茶點好少, 冇得添及小朋友唔啋佢或者唔同佢玩而唔開心又或者係家長冇黎睇佢又會唔開心喎.. 要傾多少少計, 了解多d.

好似昨日, 因大雨, 我同老公冇去學校睇個仔上早會, 佢昨晚同我講佢返到學校喊, 因為唔見我同老公.. 同埋茶點好少冇得添而唔開心.. 經我一輪解釋.. 結果佢同我一齊祈禱, 同天父講希望今日停雨等我同老公可以回校.. 結果今朝真係停雨, 佢好開心呀..

所以講溝通係好緊要家.. 我個陣都估.. 估好多野家.. 估得多自然知個小朋友諗乜呢.

JoJo

yk,
我今朝影左你女女相呀.. 我想send比你, 能否PM你email address比我呢

今朝一早見高班姐姐坐係你女女隔離呀.  

yk

HI JoJo

Please check pm.
多謝你呀.

我老公今朝都有返去早會, 不過成9:05先到, 佢話睇左15mins就走.

佢仲話阿女好cool, 大家一齊祈禱或唱歌時, 佢都無咩返應,
真係好鬼慢熱.

我下星期一都會返去早會, 如你認得我就叫我啦.

dorchiu

jojo

你又試認吓我個女, 佢同yk 個女同班     一個短頭髮及瘦瘦地果個就係     我因為返9 點, 所以佢要坐校車囉  

我都想知佢響學校係點  

yk

hi dorchiu,

你囡囡同我囡囡同班?
你幅相好細, 我認唔到佢呀.

你住邊到? 要搭好耐校車?

下次有機會相認ah.

Pochacco2001

yk,
等我星期一都同你相認o下先!