"啟思"的家長 (any branch) please come in.

盛盛媽咪

Cat ,

多謝您先! 我同盛盛一齊做咗個簡單既聖誕裝飾,係聖誕樹嚟架..買咗張綠色咭紙..用咗個厠紙桐..上面圖上d顏色.. 咁就造咗喇.. 又快又靚...      

係呀..小組班有份上台唱歌仔.. 做一d簡單既動作.. 到時一定要奉場.. 1314 仲話見到自己囡囡表演感動到喊..好自豪.. 真係好想快d睇到呀..  

旅行嗰日涼涼哋真係好..唔洗咁熱.. 我一湊住盛盛..就會好熱又坐唔定 & 好勞氣..佢又要成日要我抱.. 希望嗰日佢唔洗我抱咁多啦..我都諗住帶綿花糖喎.. 咁啱既   等我去吉之島買d 高級車厘茄請你哋食啦.. 話晒第一次見面..

盛盛媽咪

lyf ,

之前老師都有派過from.. 不過你最好問翻校務處啦...  :

盛盛媽咪

lyf,

嘩.. 洗唔洗咁早問呀...(講笑咋)   你打去是旦一間幼稚園問吓啦.. 不過真係唔係間間都有得申請架喎  

1314

盛盛媽咪:

咁你有無問到表演場地在哪裡？是否啓基小學？

msnicoleng

Hi 盛盛媽咪,

原來你小朋友在啟思讀n1, 咁你有冇考慮比bb繼續在啟思讀K1呢?

盛盛媽咪

msnicoleng ,

應該唔會喇.. 本身我住九龍區.. 出年盛盛會同翻我哋一齊住..  

1314,

葉老師無提到話會喺第二度舉行.. 我諗會喺翻深灣軒掛! 另外佢哋會表演唱"快樂拍拍"呢首歌呀  

cat,

今日仲言無返學.. 你咪病咗呀.. 小心身體呀..盛盛都無返2日呀..今日去睇上課..茶點係食蛋撻..但係盛盛只係食咗半個..佢想將唔食嗰半個拎翻出去時..唔小心跌咗落哋..佢仲特登用腳踩..踩完又用腳擦..最後仲"線"咗落地..攪到嬏嬏&葉老師要幫佢洗鞋底..&拖地.. 呢個細路都係跳皮  

connie888

我想請問杏花個間ok嗎? 因為我而家要選擇仔仔出年讀邊間呀? 有朋友話呢間學校mug都要計$,好貴雜費,係咪真架?

盛盛媽咪

SOMAN2603,

      .. 等我請假先... 到時小朋友會穿著表演服裝 tim 架...   

盛盛媽咪

SOMAN2603，ｃａｔ

今日派咗通告．．有關聖誕節表演既事項．．通告內提到唔可以比家長喺表演過程中離場＆拍攝．．好失望呀．．有乜理由唔比怕架．． 　話晒亞仔第一次出場表演．．咁開心既嘢．．緊係想拍底留為紀念架啦．．咁點算呢？好唔好同葉老師傾吓呢　？　

1314

我都收到通告了，18號下午在啟基小學。
盛盛媽咪，我地舊年都係話唔俾架，但我地都係咁照影相同拍video，你照帶齊"架撐"去呀！

盛盛媽咪

1314 ,

係啦.. 我都覺得無理由唔比影既.. 學校可能只係巡例講聲啫..  
~ 你哋幾時去秋季旅行呀.. 我哋聽日(12月4日) 就去喇..

1314

我唔知今年在自己校園表演的如何安排，不過照往年在大學會堂既做法，會有專人負責攝影同拍video，之後可以向學校曬番D相同買隻VCD。
旅行？是否家教會搞的？我個囡K1時都有參加家教會D活動，但今年在星期六、日都學其他野，撞晒期無法參加了。

ahkc

Dear 盛盛媽咪, Cat & 深灣軒啟思MaMa :

我哋昨天去左秋季旅行呀!  哲哲話好玩, 有橙汁飲, 我同daddy則忙到團團轉.  

盛盛媽咪:  你是不是4號爐?  當我看見有媽咪收拾袋"車厘茄"時 …我懷疑我哋在一起BBQ, 但是已經太遲, 而且人人也很忙碌, 無機會確認.  我只是同"小申"媽咪講左兩句.

學校說我哋需要買全部上學期同下學期既書, 總計1000多元.  請問有什麽可以不買?  那些布書經常用的嗎?

Cheers!
哲哲媽咪

盛盛媽咪

ahkc,

乜你有去旅行咩.. 係呀.. 我係4號爐架.. 係咪你問我要唔要摭嗰位媽咪呀.. 我都懷疑緊架喇.. 因為我聽到小朋友個名又係叫哲哲.. 我仲以為係同班又有同學都喺叫哲哲tim  

∼尋日盛盛好唔聽話.. 值程係反常.. 最激氣係影大合照時..佢喺草地度狂跑..   唔知係咪好耐無跑草哋.. 見到塊草哋好似癲咗咁．．捉都捉唔住．．結果影唔到大合照　
食嘢時又唔聽話．．唔肯食嘢．．值程係同我氣鬥．．
∼小申媽咪好好傾架．．班中，小申同盛盛比較熟．．．所以同佢影咗幾張相．．　
∼係呀上下學期既書加埋要１０００蚊架．．因為我啱啱訂咗下學期既書４佰幾蚊．．

盛盛媽咪

1314，

可以向學校買ＶＣＤ咩？　但係我同老公都比較自己拍多Ｄ．．咁先至原汁原味架痳．．　

∼　今次旅行係由家長會攪架．．佢哋真係好熱心．．

ahkc

盛盛媽咪:  
係呀, 咪就係我LOR! HEE HEE.  星期六下午麥主任來電說有小朋友唔去, 于是我哋跟麥主任一起.  

"影大合照時..佢喺草地度狂跑..見到塊草哋好似癲咗咁．．捉都捉唔住 "  SAME!!  
"結果影唔到大合照"  哲哲影大合照只是站住兩秒! 然後"飛跑"左
"食嘢時又唔聽話．．唔肯食嘢．．值程係同我氣鬥" 哲哲直程係一樣!    只是想飲果汁!!!!!!  激死我!  就得太多, 又怕寵壞他,  爭吵又怕傷感情, 自己也覺得自己很煩, 只 好忍, 忍 忍..

二月會有更多新插班生, 那時會分三小組.  

heiheima咪

1314,

你18號去唔去?

1314

HeiheiMami:
18號係星期日，我梗去啦，我老公今年都可以去。

ahkc:
我第一年都係書單上所有野都買晒，但係後來有過來人話我知可以剔咁D，除了課本必買之外，其他optional既例如節期書（介紹新年、中秋節、端午節）、多媒體CD-Rom（其實內容同節期書一樣，不過變成影像，可在電腦睇）可以不買，VCD同CD亦可選擇不買（但D唱歌既VCD我就會買），另外上學期買了一盒鉛筆20枝，下學期就不用再買，其餘勞作同手工既材料我都買埋。

盛盛媽咪：
舊年學校有將整場表演拍成VCD，都成舊水一隻架，我雖然有自己拍video，但都買了一隻，後來發現都係自己拍好D（因為只集中影自己個小朋友）。