仁立紀念小學家長區 (1)

ccpig

Heart&Moon,
呢本1分鐘媽咪，我都有呀，但已經唔知去咗邊 lu     
返去又揾嚟温故之新先

ccpig

係呀，今次中文卷一，有一題重組句子好似又出現上次嘅問題，

呀囡答     : 農夫  辛勤地  在田裏 工作。 ~~  錯咗

正確答案 : 農夫  在田裏  辛勤地 工作。

呀囡問我佢果句錯咩，我又唔識答啦

ccpig

Heart&Moon,
今朝都同其他媽咪傾過，知道佢地因為囝囡成績跌咗，都鬧到佢地喊，我都覺誇咗 d ，今次呀囡有 d 科進步，有 d 退步，同佢研究過份卷，佢都係衰大意，但中卷二就真係退得好利害，上次90幾分，今次差 dd 先70分，不過都冇鬧佢呀，我諗今次平均分都凍過水啦！

至於卷一果題重組句子，我都唔知打唔打比老師好??

ccpig

mimi & long,

其實尋晚我都有咁諗過，但我睇番題目，佢只要求將文字重組成通順的句子，但呀囡錯果同都唔可以訪唔通順呀!!

<br>

<br>MIMI&LONG 寫道:
<br>[quote]
<br>ccpig 寫道:
<br>係呀，今次中文卷一，有一題重組句子好似又出現上次嘅問題，
<br>
<br>呀囡答     : 農夫  辛勤地  在田裏 工作。 ~~  錯咗
<br>
<br>正確答案 : 農夫  在田裏  辛勤地 工作。
<br>
<br>呀囡問我佢果句錯咩，我又唔識答啦

<br>
<br>
<br>ccpig,
<br>我覺得中文文法上, 辛勤地係形容動詞, 所以辛勤地後面要跟動詞/動作, 我中文水平有限, 唔知係唔係呢 ?  
<br>
<br>其實我覺得中文既文法有時仲難過英文啊 !
<br>[/quote]

Mrssslui

原來今次好多人都跌咗分,我諗好大既原因係小朋友緊張又有壓力所致,以至達唔到平時水準.我都聽到有小朋友在考試既時候好緊張,仲嘔添呀!

我都唔滿意佢今次考試既成績.簡直令我震驚,咁都錯得!
我個女真係做到'求學不是求分數',佢話分數唔緊要,都唔係好差姐,幾多分,冇所謂啦!佢份卷做做下,又係冇心機,跟住又求其做.份份卷都係衰收尾.至幣通常最尾既係重頭戲,分數高既題目呢!
中文卷一,扣咗5分係抄錯字,係睇題目改寫句子照抄都抄錯,你話唔識都話,佢條條都做啱,但係抄錯字.反而重組句子佢又冇咩問題.

lucy

ccpig

尋晚有隔離班既媽咪打電話俾我, 話好唔滿意今次個仔既分數. 狂鬧個仔. 佢話好嬲個仔英卷(一)漏晒(s), 又錯大小楷, 無左十幾分. 咁我就同佢講, 呢d係好平常, 好多小朋友都會大意, 我女都一樣會寫漏(s)及大小楷. 問佢係咪好低分先? 何解要咁嬲呢? 原來有89分!      我真係唔明     , 係咪要個仔科科100分先叫收貨呢?

我覺得今次我及亞女都有進步, 唔係分數上, 而係我EQ改善左. 我完全無批評佢既分數, 亦無上次總測咁:"點解咁淺都錯!".

今次, 只係讚揚佢有改進既地方. 又讚佢 :"咦, 呢條答得好好wor."  "呢條你識得做, 唔似上次咁大意, 有進步!!" 亞女曉得糾正以往既錯漏, 則證明佢真係吸引到知識, 我己經收貨.

rainrain556

今日差不多所有成績都知啦 我同囝囝都好高興好開心      我唔會要求每科

法子

mimi&long,
我囡剛exam 完了, longlong 今次考成點呀?
我同囡囡轉左校呀~下學期會到新學校.程度比較高d 0既....希望呀囡掂la~

sandy816

Heart&Moon:
好多謝你用左咁多時間幫我同少爺呀.其實今次所有卷我今日都收齊哂喇.但出奇地上次有七十幾分o既中卷二.少爺今次居然唔合格呀. 得58分.佢有兩題冇做.問番佢.佢話唔知點作.所以唔作.默書依d一成不變o既佢一向都唔會有問題.(但有次老師將課文裡邊o既歡喜..改左做喜歡黎默.佢就照課文.寫歡喜.所以錯左)黎緊下學期.老師會改下d課文黎默.到時就唔知佢會點喇.
你講得無錯.少爺一向自專心都好強.有時我話錯佢.佢一定會上訴架.(估唔到我上左黎唔係好耐.你都可以從我打果幾隻字度.猜出我少爺係咩性格...勁呀~~ )
少爺數學一向都都唔錯架.可能同佢學左三年公文式有關啦~~
總括黎講.佢今次平均分同上次都差唔多.反正係頭半年姐.所以我都無比壓力佢.一切等佢自已隨心啦.我只求佢每次有小小進步.考完果日.我同佢講"媽咪覺得你依兩個星期都好努力溫習.今日請你食杯雪糕.任你自已揀.咩都得架".佢好開心.仲話多謝我添.其實佢每日都係溫一粒鐘.仲要星期日例牌唔掂學校d野架.依個係我一向o既做法.家姐由一年級開始.我逢星期日都會放佢假.齋吃喝玩樂.就算星期一要考試.默書都唔會例外o既.
佢今次有一科唔合格.平均分都有85.有唔夠一分o既進步.黎緊都係要教多d佢變通lu.因為佢今次衰哂響d卷2度呀.
我地大家一齊努力啦.一齊為依班小朋友加油呀~~~~

sandy816

Heart&Moon:
依家都都極小會鬧少爺關於學業上o既野.反而響佢個態度果方面著手.因為開學初期.同佢溫中默.佢望兩望就可以自已背默出黎.但一話溫英默.佢書都未拎出黎就已經喊左出黎喇.次次都溫唔成.佢次次都話英文佢冇信心.可能佢覺得中默佢次次都拎到100分.英默就未試過.所以佢處於放棄狀態.我自己反覆"言念"過.咁落去都唔係辦法.於是就同佢重新洗腦.同佢講幾多分唔係個重點.重要o既係佢自己真係有付出過努力.媽咪同老師都會知道你有付出過.唔會因為你有錯字就覺得你唔係一個好學生.就算你英文默書拎唔到100分.你都仲係媽咪心目中o既乖仔.媽咪睇得出你有努力過.就已經好開心.佢真係有左改變.英默成績仲有左好大o既進步.溫書時間仲短左好多.快左.今次佢兩科默書都拎到滿分.我私人醒多兩個印仔比佢呀.佢開心到攬住我錫左我一啖添呀

sandy816

Mrssslui 寫道:
原來今次好多人都跌咗分,我諗好大既原因係小朋友緊張又有壓力所致,以至達唔到平時水準.我都聽到有小朋友在考試既時候好緊張,仲嘔添呀!

我都唔滿意佢今次考試既成績.簡直令我震驚,咁都錯得!
我個女真係做到'求學不是求分數',佢話分數唔緊要,都唔係好差姐,幾多分,冇所謂啦!佢份卷做做下,又係冇心機,跟住又求其做.份份卷都係衰收尾.至幣通常最尾既係重頭戲,分數高既題目呢!
中文卷一,扣咗5分係抄錯字,係睇題目改寫句子照抄都抄錯,你話唔識都話,佢條條都做啱,但係抄錯字.反而重組句子佢又冇咩問題.

Missslui:
你講緊果個係咪我小姐黎架.小姐考試第二日都無返到.佢一起身就嘔呀.第三同第四日.我叫佢都唔好返.佢話唔想拖咁多日.所以都返左學.星期五因為老師同佢講左果日要補考.佢病住都話要返.醫生話佢淨係食得白粥.我又要揍個細仔.所以送唔到粥去學校比佢.醫生話叫佢食白方飽咋果日午膳.今個星期一.二佢都返唔到.因為仲嘔緊呀.今日佢返到學校.老師派左英文卷.三份卷加埋有二百七十幾分.今晚先係佢依個零星期o既第一餐飯咋.我依家都仲未敢訓呀.驚佢陣間又嘔到成床都係.唉!!有時都登佢地辛苦.同學間都會互相比較.真係唔知點先幫到佢地~~~睇返我地以前讀書都係小五小六先開始有dd壓力.初小果陣仲係開開心心輕輕鬆鬆咁就過左.所以我個細仔.依家仲讀緊幼稚園.我直情比佢自由發展.因為連依幾年歡樂時光都唔比佢好好享受下.到佢上左小學.就好難再有得咁Free lu.真係唔想到佢地大個左.個童年回憶裡面淨係得考試默書.

cookie

heart n moon,
您講個3分鐘既舉動, 我好早已經運用係我兩個八婆仔身上, 有時work有時唔 work架,就係多得佢地兩個同我老細訓練到我0的eq高強左好多. 對住佢地只係比較勞氣, 但好快我就無事從新黎過.
您講既數學卷, 我囡囡真係如您所講已經[x]5個佢都可以寫-4, 另外個條_+9=9+7=_, 呢條我俾佢搞到我唔知好嬲定好笑, 佢話咩唔係0+9=9再+7=16咩, 我個一刻有小小高興因為傑唔係唔識, 只不過諗高左.
ccpig,
您一定要問唐老師, 如唔0岩您可以知道錯係邊再同囡囡講番等囡囡知道您有幫佢問過, 等囡囡知道您係有聽同關注佢所講既野, 所以我一有唔明就會打電話問清問楚. 您唔問, 只會令您心裡面成日都有疑團, 而您囡囡亦都唔知錯係邊. 您打俾唐老師啦, 佢好好人架. 又傾得兩咀.
聽您講完好多家長既試後反應, 真係替年紀小小既細路慘, 0甘細個就有壓力, 再上去考得唔好既話會點呢??所以我自從唔再迫個囡之後, 我地而家成日嘻嘻哈哈(係間唔中都要炳下, 因為佢真係太太太大意又要死雞撐飯蓋), 考試期間佢自己認為溫好書就可以玩. 呢個星期係我同佢最最最無憂無慮, 因為無功課做, 唔洗溫書, 可以一齊睇電視.
佢呢次雖然比上次平均都差左0的, 但明顯係思路上有進步, 識諗多0的, 係衰成日抄都抄錯字, 今次中文就係成日有得抄都抄錯字扣左7-10分, 佢仲同我講[媽咪, 原本我有八十幾分, 因為錯字所以扣左好多分之嘛].
不過, 最大得著係無好似上次0甘驚左測驗, 記得初初默書佢溫到喊架. 而家就嘻嘻嘻去面對, 真係覺得唔應該錯既佢會記著, 呢次唔明既佢會問會駁. 得覺0甘樣先學到野. 分數真係其次呀.
好似我有個朋友佢個囡因為唔明上次考尾幾, 英文得二十幾分同三十幾分, 呢次佢明就唔同哂, 有七十幾分同八十幾分, 我就讚佢囡囡好叻, 但朋友似孚仍唔滿意, 我問佢[囡囡比上次叻左好多喎]朋友就無里神氣講[係掛, 都未派哂]
唉, 小朋友由二十幾同三十幾追到去七十幾同八十幾我覺得已經好叻叻.

Mrssslui

sandy816,

你係唔係有3位公子公主呀?
小姐就P.3-P.4?大少爺P.1, 細少爺K?
你好本事呀!