95區家長大都會

alkyng

hayamama:

我都好認同你0既講法, 人們成日講"品學兼優"都係"品"字行先, 我同老公都有並識, 萬一將來阿女真係響讀書方面無天份, 咁只要我地做父母盡左力就算, 我地就會響佢其他地發掘專長, 而最重要一定教育佢做人一定要正直及品行要良好, 咁將來出到來社會, 人地見佢咁乖巧或會提攜下.

alkyng

miholo:

聖安德x小學一年班係用普通話教中文的, 將天就要二年班先開始.

至於小學開放日, 一半就經幼稚園知道(一定多過三間), 一半就係自己逐間打去問的.

你唔算貪心丫, 我都想阿女可以學晒兩文三語呀, 而我知道梁x華小一會用普通話上中文堂(一班), 加埋其他因素, 所以我放佢響第二志願, 亦都因為我都咁貪心, 所以阿女依家都有響出面學普通話   , 我相信未來趨勢, 普通話會超越英語.

MIHOLO

hayamama

thks妳 ! 妳說的就是我想來想去的 其實我知自己重品德而不是太重成績, 但好像重品德的學校都是比較強學校    可能我真的聽學校資料太少故認識不深

我會從妳的提議想一想的   

hayamama

MIHOLO, alkyng,
唔好莽自菲薄,其實我地個個都係對啲學校認識唔深,好似我自己咁,你唔覺我都無join過你地講'將天'or考慮叩'將天'門?我比較喜歡用對眼去觀察;我喜歡在街上留意吓邊間學校的學生行為較正經,而我因為住得近新都城呢邊,所以特別留意到梁X華及馮X呢兩間比較outstanding,但我對新區那邊的小學認識較少,所以一路我都唔敢向其他學校再叩門,只考慮番呢兩間及呀女嘅原校小學,對於自己曾經咁失策係統一派位落筆時'將耳代目';選了一間不熟悉的小學,自己都覺得一額汗!

alkyng

hayamama:

我都好似你咁架, 我又係新都城呢邊架, 成日留意商場出沒d小學生及中學生, 之前見過幾個將天的學生, 覺得都唔錯仲捉住d媽咪問長問短tim呀 , 而我留意到一樣野, 唔知你有無留意到, 其實中學生入面, 梁x華的一條龍中學, d中學生行出來正經好多架, 比起其他中學生明顯乖d架.

yeeli

MIHOLO, alkyng,
hayamama ,

初初我都有去睇間小學門口睇下學生既品行,所以先至選
馮,當初無頭緒,只有呢個方法,因為只聽人講就唔足夠,
我又係樓下睇間間既小學生等校車時會點,
睇晒各方資料先至選出馮架,至於日後小朋友讀成點就真係
無人知,但最起碼我對佢地學生既品行有信心,
MIHOLO其實你想既事,我都有想過,但一樣有人話入咗名校
先發覺唔好,又人話入咗普通既小學有好好既學業,所以你
之前所講,想品行好,校風又好,其實你叩既小學都有呢幾點.

yeeli

hayamama

原來你都有留意馮,咁你睇到d咩野,我都想知你同我睇到係咪一樣.

alkyng

你咁勁,捉住d媽咪問, 中小學生突擊訪問.   

我講今朝既sweet野比大家聽,今朝我老公返工出門口,
跟住我仔仔就同我老公講,{你小心呀,睇路呀,byebye daddy},
我老公聽到sweet到暈得一陣陣       

alkyng

yeeli:

你唔好笑我啦 , 其實我懶咋, 無正正式式響將天門口睇d學生, 不過就成日響商場周圍搵, 個時d人成日望住我架 , 因為我成日望住人地個心口, 睇下佢個校章究竟係邊間學校, 後來睇熟晒一望就知, 不過中學生我就無走去問人野, 只係從中留意佢地0既品行, 所以留意到梁的一條龍中學唔錯, 所以個時想讀梁都唔錯架      

alkyng

yeeli:

你個仔又幾識講野wor.... , 我大女就好少講呢d野架, 不過我知佢個心想講, 但要面唔會講架 , 但細女就剛好相反, 有次我企響chair上面拎野, 突然有隻手捉住我隻腳, 原來係我細女, 佢仲講"小心d呀", 個一刻真係甜...到...漏

yeeli

alkyng

我同你一樣都係成日睇住人地個心口, 睇下讀邊間,
人地唔知以為我地做咩咁咸濕   
你細女咁醒目    甜到入心. 辛苦d照顧佢地都抵.

alkyng

YEELI:

哈哈...原來你都同我一樣有呢味辟好 , 有時撞岩望實個男仔, 佢地會掉轉望番我, 佢可能以為我係傻婆

hayamama

yeeli,
咿...咩原來95區啲家長都鍾意做埋同一個動作架?真係輪到C4我囉...!!!     咁會唔會終歸有次我地大家都tall住呀仔呀女跟住係條街到互'眅'呢啊...???
你仲記唔記得我話自己做咗樣傻嘢...嗰日去咗梁x華聽小一講座然後問校長小六考幾多名先可以派到去景嶺書院嘅,其實我真係有咁諗過:呀女係梁x華讀,咁我就叫印印煮飯帯比呀女,然後到升中學就派去景嶺;跟住入大學... 呀校長瞪到對眼好似燈籠咁大問我:點解選景嶺?咪又係因為我住咗康盛(不如話係TKO)咁多年,我真係從未見過景嶺有一個壞學生囉!自己都做過中學生,試問有邊間中學係會無'cry仔cry女'先?你可以話我以貌取人,但我保證真係無見過佢地有穿著校服食煙or爆操,行為舉止都很守禮自律,單係呢樣我已經feel safe & very nice 啦!!!

MIHOLO
係囉,放鬆啲咪好囉!我相信我地'簡'呢幾間學校都好ok架啦,其他嘅嘢就交比個天囉!   

yy02

yeeli 寫道:
yy02

我無聽到???????
係邊收到架????校長大執位,唔同小學係唔同既機構,點調呀
        
我仔個間唔會掛,我都好鐘意嗰個校長既理念架

yeeli,

可能我寫得唔係甘好,我意思唔係話會互調,係個別小學會換校長!

yi

各位mami,
觀察之外，有冇試過同馮的學生傾計？如問之喜歡上學否？多功課否？etc. Thanks.

hayamama

yi,
我就未試過;不如你試吓問吓呀..?
不過,小朋友可能會好驚...   除非係鄰居的孩子或許會易問啲喎

alkyng

hayamama / yi:

如無記錯, 我記得響bk睇過一位媽咪發表, 佢響揀小學之前去過馮的學校, 當時佢問其中一位小朋友讀得開唔開心, 響呢個時候就有幾個小朋友圍埋一齊, 同呢位媽咪傾計, 其中一位小朋友話響馮讀得好開心, 仲話佢自己剛剛被老師罰留堂tim, 個位媽咪仲話, 被罰留堂你都咁開心, 個位小朋友回覆個意思係鬼叫自己曳咩, 咁呢位媽咪就覺得d學生被罰留堂都咁開心, 佢認為d學生都好鍾意呢間學校.

yeeli

yeeli

yy02
哦,原來個別,係咪田小換校長個單.

yeeli

alkyng  
你無記錯,我都有睇過呢段留言.

hayamama  yi:

我都無試過走去問學生,好似會唐突咗D,
不過我同佢地升咗中學既學生傾過,佢到宜家都好鐘意自己
母校.

hayamama

alkyng
我都知道馮x學校好,其實我覺得呢間小學仲可能讀得無咁辛苦tim,見到佢地逢星期三下午唔使上堂可以上自己鍾意嘅課外活動真係幾開心架!,無奈叩門後佢地連interview嘅機會都唔比我地,都無辦法啦!而梁x華都係我本來心儀的選擇,所以我都好高興入到去。今日老公已幫呀女取回註冊証及交到梁x華,如是者我地明日都唔會去王永樹in了,因為真係唔近屋企及無心裡準備考呢間。現在除非原校小學係本月尾confirm收番我地,否則都塵埃落定了!!!!