仁立紀念小學家長區 (1)

cookie

嘩, 頭先收到李主任電話(成夜晚9點), 話學校個書商係要成套買唔可以散買既

cookie

heart n moon,
其實分數對我同囡囡黎講只係參考而已, 我最著重既係囡囡究竟識幾多明唔明, 錯係邊就要記住唔好再錯, 分數高係bonus, 分數唔高但知自己識幾多錯0的咩先係real mark.我囡囡就係成日衰大意失分, 唔知係咪真係眼太大睇過籠. 好彩阿囡似足我好易滿足, 我成日都同佢講, 考唔到高分唔緊要, 盡左力知自己邊度錯/唔叻就係個度努力番, 最緊要明白學左0的咩了唔了解, 唔明死記係無用架. 好似尋晚我都係叫佢自己溫普話, 叫佢自己讀, 唔識就問, 佢溫完我就問佢, [溫哂嗱?有冇信心先?] 佢好大聲答[有], 跟住再問佢英文洗唔洗溫, 佢都話唔洗, 0甘我就由得佢俾佢玩.
不過, 有時都俾佢吹脹, 成日羅最差既黎安慰自己.
真係好欣賞學校某些老師, 我成日打電話問野, 佢地都有問必答, 永無托手肘, 反而我成日打家長會個hotline都無人覆我既. heart n moon, 您可唔可以調查下?!

Heart&Moon 寫道:
[quote]
cookie 寫道:
佢唔會0甘滿意, 我話唔緊要啦, 錯3個字好好架喇, 點知佢即刻答[係呀係呀, 有人羅45分咋] :-0 :-0

妳覺唔覺得小孩子嘅知足常樂，其實係好多大人要讀好多course或者靜修課先修練到返嚟？呢種大智慧，可能係我地響成長期間遺失�被削掉嘅，妳唔好為一時嘅分數，而打擊佢嘅修行呀 [/quote]

sandy816

少爺上次英卷二61分.今次又係61分.我都唔知點教佢好.佢一睇唔多明就直頭唔做.份卷上次有差唔多半份無做.今次都係咁....     
我同佢講.你明唔哂都可以試下做.點知佢話佢唔識唔想呃Miss mak喎

cookie

sandy816,
唉, 我囡囡初頭都係唔識就唔答, 後來我同佢講唔試下答咪失左個機會羅, 或者您0岩呢?所以佢而家係咪都答, 0的答案仲好得意又唔錯得曬, 好似唔識寫個[飯]字咪寫[米]字.
嘩, 聽聞今次數學出左都幾多文字題, 陰到好多小朋友呀)))))))

sandy816

COOKIE:
少爺份英卷1就有進步.總之一比副圖畫叫佢自已寫番d野出黎佢就謝哂.有副圖有隻大象.有個-->指個大象個鼻.少爺都可以答:It have big ears.你話c未.
數學卷少爺今日派左.有題話小明左邊數過黎排第三.右邊數過黎又係排第三.問有幾多個小朋友.我都估唔到佢會識答5個.問番佢點解識.佢伸左隻手出黎.佢話五隻手指.左數係3右數又係3咪五囉.有時真係估佢唔到架.老師仲響佢依題度畫左粒星送比佢添.今次份數學卷佢淨係錯左一題.就係副圖問有幾多個柱體.佢居然答2個.你話依題照數之麻.邊有得錯架.但佢就偏偏錯.小朋友d野真係搞笑.佢話佢98分.係全班最高分喎.老師仲叫d小朋友一齊為佢拍手掌.佢開心到c啦.但我一睇到佢份英卷2就.....唉.都唔話佢喇.咪再慢慢教過佢仔細d睇清楚黎做囉..

rainrain556

我囝囝就衰

sandy816

rainrain:
你囝囝好叻喎..我個仔上次平均分得85.我都覺得第一次考都幾好lu.今次我同少爺大家有個共識.就係只要有進步唔退步.所以佢上次英卷2得61分.今次又係61分.上次數學佢95分.今次有98分響我地個共識度講明左.佢唔算退左步.今日我都獎左兩個印仔比佢架.我依個媽咪唔知算唔算無要求呢...

cookie

sandy816,
唉, 囡囡英文又係衰大意, 平時無問乜題既his, her, our, your個度一時諗唔通就捧egg, 要加s就無加到, 話因為見到上面既字無s唔敢加s, turn to page 12. 佢夠膽駁我話點解答turn on 唔0岩, 打開到第12頁丫嘛,  佢既理念係0岩   我咪解番turn on係開關唔同turn to
另外佢又係衰係呢條大象, 佢寫It has are lone nose.
不過有一條唔知點解錯, They have small eyes.佢係0甘問我有咩錯, 我咪叫佢聽日問番老師羅.
常識佢有一條又駁我, 幅圖裡個小朋友食飯打噴嚏點解用單手掩咀係0岩, 應該用雙手掩咀再擰歪面唔好對住0的飯送0甘先0岩丫嘛, 嘩, 都唔知點駁佢好呀
數學個條小明左邊數過黎排第三.右邊數過黎又係排第三.問有幾多個小朋友, 佢識答5我都好欣慰, 佢仲賴叻話講解番俾小朋友點解喎, 佢呢次文字題反而無問題, 竟然衰係最易答既數字題...........佢話睇錯左喎  
不過, 佢呢次佢都比上次好. 錯個0的佢都知自己大意.  話下次會小心0的      

sandy816

cookie:
其實今次d數學題都唔算陰人喇.記得早兩年小姐讀小一果時.有題數學題係問.1輛汽車有輪4個.2輛汽車共有輪多小個?
當時小姐果班.大部份同學仔都答4+2=6.小姐都唔例外啦.
到派左卷返黎佢話佢跟本就睇唔明D字.所以文字題一多.好多小朋友都會失準囉

sandy816

cookie:
你講果題.我少爺答"They are big.可能係個--->指住d豬唔係指住佢地對眼.好似我少爺果題答They have big noses.

sandy816

cookie:
大象果題.你小姐都係用錯字姐.我少爺直頭唔知有個-->指住個鼻鼻呀.唉..邊有咁大意o既人丫.教極佢都係咁
份卷2篇閱讀理解.佢直頭唔做呀.
份卷1就衰左響those,these.that.this.全部錯呀佢.到依家都仲分唔到激c禾!

cookie

sandy816,
算啦, 佢地係0甘架喇, 係要我地每日好似黑白天鵝0甘講佢地知先入腦架, 好似我再問番佢his, her, their, our, your, its個0的, 佢又亂黎啦, 佢唔係唔識唔明個喎, 分開講佢明, 一group埋黎佢就痴呆呆架喇. 真係有時同佢地講野都覺得自己煩同口臭.我話[您都唔記既, 我唔講喇, 慳番啖氣好過] 大囡竟然話[唔好呀, 您講啦, 您唔好唔講呀] 救命呀
好似成日叫佢唔好同妹妹嗌交, 佢地每瞓醒到夜晚臨瞓個刻都會嗌交打交, 唉, 我真係鬧到人都癲. 問佢地點解唔可以改善下, 大囡話[我都唔知呀)))))))))))]     

rainrain556

請問大家早前咪收到張牙科保健五天工作周通告，咁係咪而家開始可以去睇，我囝囝D乳齒