有關和小兒在學習和打機及電子媒體使用上的時間爭議

MrBeast

stanleypyk 發表於 18-5-21 12:44
家中已經不提供wifi，全用數據，手機容量一早用完8GB，現時手機使用384kb上網！
...

有冇提佢到18歲你冇責任幫佢比電話＄

stanleypyk

MariaTsui 發表於 18-5-21 10:25
樓主真的要正視打機這個問題，如果放榜後沒有學校收，又不找工作，很大機會變成宅男，後果很嚴重。
...

這情況早已考慮過，到下月中後便18歲，父母作為監護人供養子女的角色已完結，成人後，父母已沒有責任付給所有費用，所以一早向他說，除了住、家中用膳和升學費用父母仍支付外，其他的消費只能說是贊助，可以給部份或不給，如果在家中用電腦打機，便要按時收費，用得越多越貴，如果一直長留家裏打機，很快便用完所有利是錢，到時看他怎過活！

stanleypyk

MrBeast 發表於 18-5-21 12:49
有冇提佢到18歲你冇責任幫佢比電話＄

當然有，每月138元的電話月費，我比埋6月份以後便由他自己付，年頭已開始給現金他自己去交費用，經常忘記去交，最近一次欠了差不多2個月才交，差点便停台，我已和他說，如果因欠交停台，便要去指定門市交費後開台才可用！

MrBeast

stanleypyk 發表於 18-5-21 12:52
這情況早已考慮過，到下月中後便18歲，父母作為監護人供養子女的角色已完結，成人後，父母已沒有責任付給 ...

我會踏多步，冇資助，只會有生活基本需要（講明佢有責任比家用，但有＄先比都得，收左都係幫佢儲），升學已missed the boat，要讀自己想辦法。反而家中電腦唔會收錢但寛頻約滿cut 鬼埋佢，再破斧沉舟就賣埋部腦，要用自己搵＄買

MrBeast

stanleypyk 發表於 18-5-21 12:56
當然有，每月138元的電話月費，我比埋6月份以後便由他自己付，年頭已開始給現金他自己去交費用，經常忘記 ...

咁佢有乜計劃？得閒要關心下如果冇得上網咪好慘？可能佢會去有wifi的地方，如library，至少夏日炎炎，可慳返d冷氣

MrBeast

e，你之前不是提過有利是＄嗎？如何handle?

stanleypyk

MrBeast 發表於 18-5-21 13:28
e，你之前不是提過有利是＄嗎？如何handle?

已經給他自行管理，早前試過跟風投資失利，損失了一半以上，加上近年已不補貼娱樂及日常私人消費，估計18歲後不用半年便會用盡！近來用緊我部舊手機都不捨得換新的！

MrBeast

stanleypyk 發表於 18-5-21 13:53
已經給他自行管理，早前試過跟風投資失利，損失了一半以上，加上近年已不補貼娱樂及日常私人消費，估計18 ...

既然環境有轉變，就順手推舟，不要好似以下的eg:
https://www.edu-kingdom.com/forum.php?mod=viewthread&tid=3637809&extra=page%3D1

little_yolky

MrBeast 發表於 18-5-21 13:09
我會踏多步，冇資助，只會有生活基本需要（講明佢有責任比家用，但有＄先比都得，收左都係幫佢儲），升學 ...

見到樓主阿仔, 諗返起前排睇電視, 講D宅男, 都2X歲人接近30歲, 真係攞命。

我有位同事個阿哥都係咁, 3X歲人, 日日响屋企, 考完萬次HKCEE, 又考咗千次DSE, 自修完報夜校又自修, 總之無止境咁讀, 就係唔做嘢。以前都會做下麥記part time, 但後來話影響佢讀書成績, 乜都唔做, 家務唔做, 間房汚糟到不得了, 日日响屋企, 要個6X同7X歲既阿爸阿媽養, 屋企又唔係有錢, 仲同我同事講, 佢洗費好少, 真係天底下只要面皮夠厚, 就天下無敵。

stanleypyk

little_yolky 發表於 18-5-23 11:52
見到樓主阿仔, 諗返起前排睇電視, 講D宅男, 都2X歲人接近30歲, 真係攞命。

我有位同事個阿哥都係咁, 3X歲 ...

我不會容許這情況發生，在他18歲的一年內看他有什麼取向，再决定18歲後如何補貼他，很大可能明年中會退休離開香港，到時環境轉變，他不能再有太多的依靠，要獨立生活了！

ilyrd

樓主,你個帖差不多4年了,其實可以警醒好多家長.我個人認為要從小,便應該開始做一切工作,防止沉迷,到中學才做,唔係唔得,難度好大.第一件家長必要做--不能用電子奶咀.

b3410

little_yolky 發表於 18-5-23 11:52
見到樓主阿仔, 諗返起前排睇電視, 講D宅男, 都2X歲人接近30歲, 真係攞命。

我有位同事個阿哥都係咁, 3X歲 ...

好似病態賭徒，屋企邊個有份借錢佢，邊個有份幫佢繼續做賭徒。

little_yolky

stanleypyk 發表於 18-5-23 13:10
我不會容許這情況發生，在他18歲的一年內看他有什麼取向，再决定18歲後如何補貼他，很大可能明年中會退休 ...

有許多事情並非是你容許抑或唔容許, 就是發生了。你還有一個太太, 可以將事情變成「容許」。

好簡單, DSE考完了, 你兒子賦閑在家, 又不是進修, 呆在家幹嘛? 你可以迫到佢外出工作嗎? 他是一個獨立個體, 你可以奈何得了他?

akys

b3410 發表於 18-5-24 08:56
好似病態賭徒，屋企邊個有份借錢佢，邊個有份幫佢繼續做賭徒。

好似有研究已經定性為精神問題，等同賭博，刺激類運動等。理論上可以食藥解決，不過上癮者唔會覺得係問題，唔會乖乖食藥或者睇心理醫生。

洋蔥頭媽咪

其實又唔駛把打機放到好大，樓主兒子明顯並非只沉迷打機那種，而是在他的生活裡，明顯找不到成功感/目標及方向，又唔想辛苦做工又唔知可以讀啲咩，無所事事唔係出街咪打機囉，否則仲有咩可以做，只要有父母肯比錢咪繼續不工作又或是旦揾啲野讀，懶懶閒地過活。其實樓主第一步應該要迫佢做暑假工先，揾多少都好要佢明白生活都要付出。

stanleypyk

洋蔥頭媽咪 發表於 18-5-24 12:52
其實又唔駛把打機放到好大，樓主兒子明顯並非只沉迷打機那種，而是在他的生活裡，明顯找不到成功感/目標及 ...

所以到下月18歲後，在家打機要付費用，只供應住宿和家中的飲食，其他消費按情况提供津貼或不給！

MrBeast

not my intention to criticise, 我覺得樓主好多時係衰心軟

stanleypyk

MrBeast 發表於 18-5-24 13:12
not my intention to criticise, 我覺得樓主好多時係衰心軟

對待一個已沉迷電玩的青年人，不是一定要硬對待才可解決，因為反叛期的青年遇硬遇越硬，最後傷了和氣，所以也要採取時硬時軟的方法去處理，但基礎上首先大家還可交談，但當然談一些風花雪月和間中渗一些道理，如只是談他的不是，自然便會關上大門，什麼都不用傾。過去四年，只能在限制電玩的時間下手，加上可能他還有點小聰明，比其他一些沉迷電玩荒廢學業而留班的青年還好，不用再hea多幾年做留班生！考完DSE後的表現如我所說相當頹廢，就當為他要改變前的快樂晚宴，到下月中18歲後便要承當成人的責任，不能再依靠父母提供的資源，待續....

stanleypyk

MrBeast 發表於 18-5-24 13:12
not my intention to criticise, 我覺得樓主好多時係衰心軟

到DSE放榜再定去向，但只能在升學和工作上作出抉擇，不能再留在家中做宅男，就算堅持做宅男，亦要付出家用才可娱樂！

MrBeast

stanleypyk 發表於 18-5-25 08:24
本帖最後由 stanleypyk 於 18-5-25 08:41 編輯

對待一個已沉迷電玩的青年人，不是一定要硬對待才可解決 ...

這個我明白。小朋友細個好識得試父母底線，若果某些規則未能在小時定立，到到青春期便好難更正。有時不是強硬問題而是合約精神，同時年青人亦要學懂要對自己講過的話付責任，for their own good。當然父母可以有智慧地使用酌情權，thats more art than science.