黃大仙聖母幼稚園入學家長請來交流

cheuktungma

Dear Joyful-Life,

咦....., 真係有mark notes播     !

今日派左D書返來, 真係深好多, 英文生字個個都好長(eg. Hong Kong Island, Kowloon, New Territories, vegetables, breakfast, chopsticks, dangerous......), 今年真係要箸緊D喇    !!!!

Joyful-Life

catrickymok,

唔駛太擔心！
我估我囡囡比起你囡囡還要差，因為當年陪課三天的半班同學中，只有我囡囡一人唔肯出去老師度取書簿，又唔肯舉手叫「到」，又要老師氹佢、幫佢，半班家長和同學望住都唔好話「唔魚」！    


你記唔記得 我之前話你知 我囡囡係一個好慢熱的人？
我記得 你話你囡囡都係好慢熱，我認為要比少少時間佢去適應，小朋友的適應能力往往會超乎大人的想像，耐心等下啦！
我當時都有致電回校問下曾老師囡囡的表現有無好轉，在家也會同囡囡溝通一下，鼓勵佢做好些。


雖然我都會有「比較」之心，但係這樣會令家長同小朋友都構成壓力，唔好擔心囡囡追唔上，做好本份會有一個好結果，視同學為推動力，鼓勵囡囡也可以做到便會幫助到佢。

我深信你囡囡會應付到！

catrickymok 寫道:
Joyful-Life,

多謝你提點! 我女都係九月尾, 今日陪上課一小時, 見到半班同學仔, 個個都好大個, 好叻咁, 真係擔心佢追唔上會唔開心. 而囡囡似乎對另一位老師, 梁老師好感多d, 因梁老師笑容親切d 溫柔d 咁. 比起囡囡本身果班, 下午幼e 班, d 同學仔我家長會見過, 係比較細d, 同囡囡接近d, 我都唔知同佢轉上午岩唔岩...但今日番學, 發覺上午班d 時間真係好好用, 上午番學, 番黎訓醒落公園玩, 好開心!

id00288

Dear all
大家好

Joyful-Life: 多謝你的題共
  

功課真的比低班時多了,又深咗好多,
大家一起努力   

報告今天講座的內容先:
教統局主任講升小派位機制
大家都稱楚嗎,在這不多講,如有問題可再問我
重點是地址要正確,不要用假地址
我哋大多只有15分,
其他人如有宗教5分和父母校友分多,在第一輪自行分配會好好多,


到一位葉校長講理想學校:
大家可以試試約見心目中學校校長談論和問他學校情況,
如果約不到可以約主任、老師、學校門口問家長、問校工等等
收風,又可到學校門口聽早會校長講什麼,是否日日話學生做得唔好和講負面的事情等等

再到一位林校長講解讀孩子成長密碼:
內容講到每個小朋友都有他的長處,
不要時常講負面說話打擊她們的自信心,

erica_chn

Dear id0028,

thank you for your reply.

Erica_chn

stungma

Hi,
今天才有機會上來看看,多謝id00288的報導.
星期六的活動,我今年為囡囡報了兒童舞10:00-10:45及戲劇班11:00-12:00,囡囡對這兩項仍有興趣 你們有沒有報名.

id00288

Dear all
我今年都是不會報星期六學校的活動了,
因為上午要學琴   

Joyful-Life

各位：

我幫囡囡報左11am-12am上「戲劇班」，其他唔報喇！



stungma,
我同你的囡囡又可以一齊玩     

stungma 寫道:
Hi,
今天才有機會上來看看,多謝id00288的報導.
星期六的活動,我今年為囡囡報了兒童舞10:00-10:45及戲劇班11:00-12:00,囡囡對這兩項仍有興趣 你們有沒有報名.

cheuktungma

Dear all,

唉.....! 肥妹仔佢重未諗掂, 星期四最遲要交from喇, 如果學都係報11:00-11:45個一節時段, 因為12:45要學skating, 我驚佢太攰 !

id00288

Dear all
今早可能太攰,
在地鐵上錯車   
去金鐘過海

近期晚上都見在大家上網,

囡囡昨晚講在課堂上默書
都無溫習過,
原來只是默自己個英文全名   

stungma

Hi,
id00288上錯車不會令囡囡遲到卦.家長會時巳說過要她們寫熟自己的中英文姓名,但原來要默出來.囡囡這兩天只是在寫自己中英文姓名及英文字母作家課.
囡囡電話說今天帶了小一派位的表格及資料回家,相信要copy一份form先填好,免有錯漏.其實現在最難是要找出我自己的小學畢業證書

catrickymok

cheuktungma 寫道:
Dear all,

唉.....! 肥妹仔佢重未諗掂, 星期四最遲要交from喇, 如果學都係報11:00-11:45個一節時段, 因為12:45要學skating, 我驚佢太攰 !

hi  cheuktungma,
我想問幾歲可學溜冰? 係咪又一城學? 幾錢?

Joyful-Life

各位：

今早(星期三)送完囡囡回校順便在門外看她，因為好晏都未關大門，看見高班小朋友在操場編排企位。

囡囡昨日(星期二)說昨天(即星期一)佢已經要負責斟水，因為佢係1號，仲話壺水好重，差點無力。   

Joyful-Life

stungma,

睇黎你決定報「聖家」，太好喇！

我就兩揀一，觀察梗那一間較適合阿囡。

cheuktungma

Hi catrickymok,

呀女唔係學刀個隻, 係學單行滑輪個隻, 要起碼四歲先學得, $120一個鐘(室內), 都幾貴 :-| , 無法啦, 佢話鍾意喎 , 唔知你有無行過經球場去中心條路, 近小食亭米有個露天地方比人踩skating呢, 呀女細細個(兩三歲度)見人玩佢巳經指住話要學架啦, 當時我無理佢, 近排見到又再提, 見佢念念不忘, 再加上依家大D, 米比佢玩下囉 !

cheuktungma

Dear all,

咦....?! 原來你地已經默緊自己個名哪, 呀女個班重未, 只係重寫緊中文名炸 !

id00288

Dear cheuktungma
多謝你的電郵

今日好多通告, 要交出外活動費用,
她們只是在堂上默個名,
她今日講要堂上要唱校歌   

catrickymok

cheuktungma 寫道:
Hi catrickymok,

呀女唔係學刀個隻, 係學單行滑輪個隻, 要起碼四歲先學得, $120一個鐘(室內), 都幾貴 :-| , 無法啦, 佢話鍾意喎 , 唔知你有無行過經球場去中心條路, 近小食亭米有個露天地方比人踩skating呢, 呀女細細個(兩三歲度)見人玩佢巳經指住話要學架啦, 當時我無理佢, 近排見到又再提, 見佢念念不忘, 再加上依家大D, 米比佢玩下囉 !

cheuktungma, 我知你講邊度... 我女又係兩三歲開始, 我成日會去又一城, 因果度有反斗城, 成日同佢去淨玩...咁佢次次見到個溜冰場都話要入去玩, 我同佢講左好多次, 無bb 入去玩, 要大哥哥姐姐至玩得, 要四歲( 我只係估 ), 咁佢而家見親, 都口up up 話"bibi (佢自稱)x 歲去玩!" 咁. 所以遲d 如果唔太貴, 都打算比佢學下.

今日接放學時, 囡囡仲未食完茶點( 幼班而家放10點 ), 原來尼隻偏食怪, 擒日經己咬左啖火腿包唔肯再食, 今日增老師要佢食哂件夾心餅至放佢學...我同老師講唔緊要, 慢慢黎我唔介意等, 有老師"教訓"佢, 我不知幾心涼!

Joyful-Life

各位：

我阿囡一直無提過「默名」一事，不過有提過「唱校歌」。



我覺得唔可以叫「默名」，因為老師在家長日提過所有工作紙、家課等都要自己寫，唔會蓋名印。

stungma

Hi All,
這個星期其實每班都不離重複要她們寫好自己的名字及英文字母,但是有效的,囡囡寫自己的名字也好看得多

我老公看了附近小學(本區及Kowloon Tong)的資料,本區沒有什麼心水(聖母巳是最理想的),Kowloon Tong的學校競爭太大,名校不夠爭,爭得到也未必好,先不說錢,相信我亦沒有時間及精力陪她跑這段艱苦旅程 聖家是首選,如果不成功便讓她讀聖母算了
聖母小學12/9派紙,是否要自己到小學取紙或是幼稚園那邊會派一份給囡囡帶回來

cheuktungma

Dear catrickymok,

呀女幼班時都係偏食架, 食兩淡就唔想食, 所以學校會教D小朋友珍惜食物, 攞左就要食曬, 衡量自己食唔到就要同老師講要一半麵包, 所以初初呀女驚比老師話都會要求攞一半, 漸漸比其他人感染,  佢地就唔會偏食, 重會應叻話自己食得好快tim !