"啟思"的家長 (any branch) please come in.

寶寶mum

Grace

我囝囝讀1班, 你囝囝班d老師點呀?  多吾多同你聯絡?  最近其中一位班主任走左, 整到d人手安排問題亂晒, 得番一位班主任, 加左一位幫手老師, 仲要換完又換, 早上上課前係得一位班主任係課室接小朋友, 因為話要等這兩位老師做完野先返入課室.... 禁都得, 真係有點失望!  :cry:  你果班點呀?

GraceYeung

寶寶mum,
我仔仔讀3班。我覺得老師幾好喎，成日打電話比我，例如問：仔仔點解多佐o甘多蚊爛？小便好黃喎，係咪飲水少呀？就連仔仔飲水倒濕佐件衫，佢已幫忙換佐...... 都會打電話比我，所以一個星期總會有三兩次，攪到我都有d唔好意思添。你班主任有無打電話比你呢？
不過老實講，我就覺得藍田分校環境真係差佐d，班房細，學生多。仔仔之前n1讀青衣，環境真係好好多，如果唔係buy佢地既教育理念，同埋我朋友話藍田d老師都好好(因佢仔仔讀k3)，我未必會讀佢。你又覺得點呢？
呀! 14號去將軍澳公園旅行，你有無報名呀？我有喎，唔知到時見唔見倒你呢？

盛盛媽咪

Cat ,

聽日去唔到廸士尼喇．．老公今日病咗．．　 　我同葉老師講咗會去睇上堂．．　希望到時見到ＪＪ啦．．　仲有哲哲．．係咪即係新同學仔呀？？

∼葉老師仲讚盛盛有禮貌，每日返到課室未放底書包，佢就同葉老師講”我返來喇．．葉老師早晨”．．．
∼１１月２０日家長會係幾點鐘呀？　我好似１０：３０呀．． :

karly

唔該各位家長比d意見呀?  

九龍城靈糧堂和九龍塘啟思, 兩間都係活動教學, 我兩間都好鍾意, 唔知點選好, 大家有咩意見呢?  

因為我明天要決定交留位了......

1314

karly:
九龍城靈糧堂好似唔屬於靈糧堂幼稚園個group，佢個網頁都只係得灣仔正校、馬鞍山、藍田同鑽石山3家分校，都無九龍城。唔知有無講錯呢?

EmilyMami

leungchai,
My daughter studies in Heng Fa Chuen Pre-Nursery, and  will study K1 next year in Heng Fa Chuen too.

leungchai 寫道:
Can anyone tell me if any kids studying in Hang Fa Chuen?  Really thanks.

PUKU

GraceYeung 寫道:
寶寶mum,
我仔仔讀3班。我覺得老師幾好喎，成日打電話比我，例如問：仔仔點解多佐o甘多蚊爛？小便好黃喎，係咪飲水少呀？就連仔仔飲水倒濕佐件衫，佢已幫忙換佐...... 都會打電話比我，所以一個星期總會有三兩次，攪到我都有d唔好意思添。你班主任有無打電話比你呢？
不過老實講，我就覺得藍田分校環境真係差佐d，班房細，學生多。仔仔之前n1讀青衣，環境真係好好多，如果唔係buy佢地既教育理念，同埋我朋友話藍田d老師都好好(因佢仔仔讀k3)，我未必會讀佢。你又覺得點呢？
呀! 14號去將軍澳公園旅行，你有無報名呀？我有喎，唔知到時見唔見倒你呢？

Hi GraceYeung

青衣啟思收佐我囝囝入讀明年K1，見你留言你小朋友曾在此分校就讀，想請問你對此分校有何評價，老師及嬸嬸有愛心嗎？有沒有如藍田分校之老師般經常打電話比你呢 TKS!   

Cat

盛盛媽咪,

係呀，ＪＪ每次發燒都要5-7日至完全好番，尤其近排我地轉左個冇咁容易開抗生素既醫生，唔食抗生素d燒要4-5日至退哂。 我同老公比d耐性等佢自己試下打低d菌！！   

多謝關心，ＪＪ無食維他命丸呀，只有每日半小匙
UMF10+ Manuka Honey同每週2次吉林蔘湯(開胃)。平日每天都有魚湯/豬骨湯+生果等，遲下比d燕窩佢試下，我諗夠營養啦！ :wink:  :wink:

JJ每日午睡3小時+晚上8-9小時，都夠瞓啦。每日都出公園玩1小時，放假會去行吓山/踏單車，都夠運動啦...但佢都係成日病？？？     我都想知我仲可以點？？？

有冇其他媽咪可以指教下？
請問其他小朋友返學後通常幾耐病1次？   

Cat

盛盛媽咪 ,

希望你先生快d好返！！近來好多人病呢！！
Disney第時再去啦，有你同盛盛陪住，個生日都應該好開心啦！     

今日比左個mask JJ載住返學(有少少鼻水)，放學唔見左，佢話自己掉左個mask入垃圾筒呀    

１１月２０日家長會我時間係2-2:15pm呀，我諗住問下葉老師JJ有冇同人爭玩具玩呢？？ 你有冇野想問呢？？

寶寶mum

Grace ,
聽你講老師一個星期總會有三兩次打電話比你, 真係幾西利.  我最初一星期都有一兩次, 最近少了一個班主任緊係少左啦!  又可能係囝囝適應學校生活多左... 囝囝適應非常慢又成日嘔, 所以電話內容都是圍繞這個問題... 囝囝有咳..有流鼻水.. 食野進步...嘔....同老師開始溝通...內容, 初時我都係覺得唔好意思. 成日都要向我報告, 上星期都有打電話比我, 話囝囝開始同小朋友玩... 開學到現在先叫開始適應, 你話係咪真係好鬼慢熱呢?  你囝囝讀完n1應該好快適應, 有無成日係屋企唱歌早唱到晚..

人人都話小朋友開始返學成日病, 真係無錯. 囝囝9月尾睇醫生睇到宜家, d咳又起又落都吾清, 昨天為有試下睇中醫清下 d咳, 你囝囝ok嗎?  

星期一我都有參加旅行, 你有無覺得時間短左d?  你會自備什麼食物?  

盛盛媽咪

Cat ,

醫生話小朋友容易病有好多原因,有可能係父母遺傳&本身體質..盛盛就有爸爸遺傳喇..佢氣管比較弱尤其係轉天氣,所以容易氣管敏感..其次就飲食習慣,環境&空氣..

今日睇完上堂..盛盛依然四圍走..坐唔定..我終於明白點解咁易交叉感染..原來盛盛喺食茶點時..自己嗰份未食完就走去隔離枱度..攞人哋嗰d來食 .. 食完人哋嗰份又去返自己位食．．老師又睇唔到..放且而家仲多咗學生..有成24-25個(返齊的話) 真係睇少眼都唔得..我仲見到個女同學 (成日帶住隻毛公仔返學嗰位).. 佢個麵包跌咗落地仲執翻來食．． 　 不過比我見到呢ｄ情形，我又覺得無乜嘢喎．．係必經階段．．反而開心ｔｉｍ．．小朋友係咁架喇．．夠童真呀痳．．葉老師喺語文室講課文＆唱歌，　我見到ＪＪ都跟住唱．．越睇佢個樣越傻．．傻得好可愛．．

有個余仁生佬敎路．．小朋友食燕窩不宜食太多．．佢話燕窩雖然有益．．但係始終唔係咁容易消化．．每次食少少就ＯＫ　

盛盛媽咪

Cat ，

爸爸過咗個好攪笑既生日．．由於爸爸尚未康復．．連去街都無力抱盛盛．． 咁就去咗行街食飯．．返到屋企．．整完一輪都差不多１１點幾，咁我就喺雪櫃攞咗１個奶皇包出來蒸熱佢．．然後插上　Ｈａｐｐｙ　ｂｉｒｔｈｄａｙ既牌上去（揾咗好耐先揾到有個牌）．．叫盛盛靜雞雞攞去爸爸身邊．．講Ｈａｐｐｙ　ｂｉｒｔｈｄａｙ．．． （佢講到Ｈａｐｐｙ　ｂｉｒｄ肥ｔｏ　ｙｏｕ）　 雖然唔係生日蛋糕，但係都爸爸好開心．．

GraceYeung

PUKU,

你可以放心了，因為我覺得青衣啟思真係好好，老師好有愛心，連d嬸嬸都係，我仔仔返佐學大約個幾月，連嬸嬸d名都講得出，又話嬸嬸帶佢去vv，幫佢換褲，等等。你知啦，n1 既小朋有真係乜都唔識，又要好比心機照顧，一陣又倒瀉水，一陣又瀨尿，一陣又喊到嘔，真係好煩，但係以我所見，我仔仔重來未試過放學返黎會有唔開心，放假都重話要返學添。至於經常打電話比我就真係無藍田o甘多，但平均一星期都有一次，其實，我估都好睇你小朋友適應得好唔好，同埋有無小病痛，等等啦。
青衣重有一個好大既優點就係環境好，地方大，同埋新，而且重要每班好少學生，我仔仔果陣讀上午小組2班，全班唔over 20個學生，又有2個老師。照道理，小朋友剛開始返學，會病多d，但我仔仔當時就無，反而宜家係藍田讀k1就多佐，我總覺得同學校環境好大關係，因為青衣係位於山上面，環境open好多，又多花草樹木，空氣都好好多，但藍田校就比d大廈包圍住，光線又唔係好夠，如果我唔係搬屋，我真係唔想同仔仔轉校。
以上既資料希望幫到你啦，如有其他問題，再問我啦。

GraceYeung

寶寶mum，
可能我仔仔有讀n1，所以真係好快適應，佢返學第一日都無喊，我都有d surprise。
well，仔仔近來都有傷風咳，睇佐1個多星期e生，而家好返lu。其實e生話，近來好多小朋友係o甘，因為轉天氣，加上返學就更容易互相傳染啦。最好笑果日我老公問e生，仔仔o甘好唔好唔返學呢？個e生就話，如果o甘就唔返學，o甘佢就一年都唔駛點返學架啦。佢話呢d係小朋友成長既必經階段，每一次病完，身體都會多一種抗體，所以唔駛太緊張既。我d係成日o甘樣安慰自己架
你有無試過比川貝/鱷魚肉/猴棗末仔仔食呢？
星期一旅行時間真係短佐d，但係無法啦，佢地又要係week day攪，可能下午班都會攪或者照常上課啦。
我諗住帶三文治，餅乾，少少糖，同埋飲品啦。你呢？
:

karly

1314 寫道:
karly:
九龍城靈糧堂好似唔屬於靈糧堂幼稚園個group，佢個網頁都只係得灣仔正校、馬鞍山、藍田同鑽石山3家分校，都無九龍城。唔知有無講錯呢?

你講得啱呀! 你講果幾間我反而唔太清楚, 但九龍城靈糧堂個校董就係啟思校監趙博士, 所以我先唔知點選擇好......

PUKU

GraceYeung


TKS

WingKanMa

各位媽媽
九龍塘正校好唔好?

盛盛媽咪

CAT & SOMAN2603,

有少少趣事想同大家分享..尋晚盛盛臨瞓時．．又話自己唔開心．．（最近佢成日都咁講）好似好可憐咁，我又無閙佢．． ，咁我問佢．．洗唔洗打電話∼話比爸爸知呀（爸爸仲喺公司）．．跟住佢話好．．對話中佢只係講”係呀．．係呀．．我唔開心呀．．無講原因∼講完之後．．就熄燈瞓覺．．跟住又自唱歌∼佢唱　：　兩隻拳頭揼揼揼（做埋動作）．．一個頭仔搖搖搖，一個咀仔啜啜啜　      （真係啜出聲） 我覺得好好笑．．ＣＡＴ，　不如你問吓　ＪＪ　有無唱過呢Ｄ歌？

∼ 今日中午我同婆婆講電話．．聽到盛盛喺後面大叫．．”啓思幼稚園”不停重覆講．．返咗學之後．．盛盛開心咗好多．．

∼　今日老師話盛盛比同學錫到塊面損咗．． 　又會錫到損都有既？？已經第三次整損塊面架喇．．婆婆話睇落去好似係指甲抓損咁喎．．今晚放工返去睇吓先．．死啦．．玩得咁癲．．容乜易整到塊面傷痕累累架　      真係有Ｄ擔心呀！

ahkc

盛盛媽咪, Cat & 深灣軒啟思MaMa

"哲哲" 會1月插班讀小組班 (上午班).  明天去買校服,  我想問有無需要買絨短褲, 爲什麽冬季校服會有短褲?

"哲哲"現在仍讀 麥主任教的"親子游戲班", 其中"維德"是好可愛的女孩, 她會12月插班, 你們應該會喜愛她.

盛盛媽咪, "返咗學之後．．盛盛開心咗好多"  I am really happy for you : )

Best Regards,
哲哲媽咪 AHKC