好擔心...醫生話BB發展遲緩~~

mamee

hoho1105

我仔仔當年做既評估結果, 正正同你果個一樣.
"話佢唔似自閉傾向, 係都似過度活躍多啲, 不過呢個要等他年紀較大才知. 話他發展較慢, 排i位&早期訓練. 其實都無咩特別肯定說他怎樣"
又係無時停, 無樣野玩得耐.

我估你仔仔今年8月前, 應該會派到I位, 總比其他年中做評估既人好. 另外, 唔知你仔仔有無參加協康個幼兒訓練? 我當時就用番幼兒訓練啲玩具同佢每日玩來當專注力訓練.
仲有, 你可以收埋大部份屋企既玩具, 限住每日只有兩三樣選(就係唔想佢每件玩一陣) 每次只可以俾佢玩一樣. 玩完要佢幫手拾, 就算佢拾一件都要一齊拾. 同埋玩玩具時, 最好你可以陪佢一齊玩.
評估後, 我只同仔仔講廣東話, 完全放棄英語, 就連睇vcd我都只俾有廣東話配音佢睇. 不過得既話, 盡量少睇電視.

大致上係咁多.

mamee

hoho1105

我仔醒嘞..........遲d再傾.thankyou.....for all.

hoho1105

hinhinmummy:
係呀.......真係兩個醫生,我都唔知點解架.妳仔評估時有學神唔係咁好喎,影响專注嘛 但會唔會評估得較詳細呢?

mamee:
到現在妳仔有冇自閉特徵呀?醫生話我仔接收信息很快/有假想遊戲,重有........諗唔起.....sorry.她型容他似八爪魚,八足咁多爪,性情很急.發展遲緩咗6個月到.話佢只適合一人教導,如果唔係就很難學到野.所以提議排i位喎.叫我注意他現就讀的學校有好效果的話,唔好轉校咁講.我話平時對他好似捉雞咁促,個醫生話非常貼切.
我仔已在恊康上咗幾堂嘞,家居訓練真係好好好好好重要.妳有心嘞.......唔該晒.

12312

我想問下, 我在11月尾在"容鳳書"見完姑娘, 幾時先有醫生做評估? (係醫生寫轉介信)

昨天, 囝囝又比到d驚喜我呀. 就是飲完 -果汁先生, 跟住就講: 好味道, 好味道 (用國語). 家裡除了我之我,沒有識國語, 我又在家裡極小說, 吾通在幼稚園, 但一星期都只半小時左右, 係邊到學返黎架?    

mamee

12312

唔好睇少係學校果半小時國語堂, 有陣時老師真係有一套辦法教小朋友.

轉介問題, 我就唔識答. 再唔係打電話去問/吹下啦.

mamee

mamee

hoho1105

咁講唔好介意..遲緩6個月咪好事囉, 算少架嘞.

我仔仔有無自閉特徹, 都有啲架.
例如好在意啲門>有無開到, 成日提住我. 有機會都會玩架.
眼部刺激>佢鍾意放兩件一樣既野, 要有啲高度既, 就好似水樽. 跟住前前後後左左右右係度望, 好似人地睇藝術品咁.
eye contact唔好>以前望一兩秒, 依家就好左好多. 有陣要求佢望實我講要求, 佢會用手指撐住(開)隻眼同我講, 好攪笑.

我仔仔22個月做評估, 語言遲成10個月, 話佢得一歲到.
認知慢半年, 大小肌就無大問題. 不過佢就好鍾意同人玩, 係咁同個姑娘玩, 我估所以無話自閉啩. 雖然當時仔仔偶然都會自轉.

2歲3個月自費上幼兒訓練同語言治療, 2歲5個月開始返I位. 返N1時可以話好亂, 因為完全坐唔定, 再唔係就大聲喊. 下學年就改善啲啲. 依家返N2, 叫好好多. 雖然無野做要空等時都會離位, 不過比N1時已經好好多.

2歲講單字, 講單字講足11個月, 約3歲就學懂講句子(唔知點解兩三個月裡面進步好多). 跟住咪學簡單問答, 同不斷豐富詞彙. 依家都係慢, 不過叫做不斷有進步. 同埋佢始終比較"細路仔", 因為同班既小朋友已經好世故=mini大人. 我果個就仲係拾下拾下  

mamee

PS 其實我自己都有改變, 講多好說話. 因為原來真係要不斷講, 仔仔先會學識.

HelenMrs.Lau

前幾日, 老師同老公講話學校個ST好鍚阿仔喎! 因為阿仔好合作, 好肯跟個ST上堂, 近排D進度都幾理想, 有些少進步!  
前兩晚, 阿仔自已玩玩吓, 無喇喇喺度叫 [阿婆, 阿婆] . 我老公講笑咁話 [乜你見到有個阿婆呀? 係唔係阿婆同你玩緊呀?] 原來, 果朝早, 阿女教過細佬講 [APPLE~~~]     
所以, [阿婆] = [APPLE]        

12312

mamee:
等我下星期追下先.

hinhinmummy

頭先去完sogo小樹苗開倉 , 買左好多書, 有d係puzzle書, 動物的, 25元一本(disney), 另外有d係動物書, 拉出黎, 隻動物會轉色

買左好多

陸美爸

hinhinmummy~

書展第一日我都去過, 但實在太多人, d人響特價區度爭餐死, 我都埋唔到去睇, 卒之咩都買唔到 :-|

後來去左11/F間書店睇, 反而有收獲喎, 發現某d貨品同21/F一樣價錢tim...

你買唔買到今日$1果本thomas書呀？

講開thomas, 我去睇過佢d木製車仔, 真係好貴呢!!!一盒"O"形路軌連一架車$2xx, 如果"8"字形路軌連一架車$4xx, 你地係咪買哩個價呢？咁你地話買邊款好？

仔仔起身喇...遲下再傾... :wink:

陸美媽

hinhinmummy

陸美媽

嘻嘻! 今朝我7:30就到啦, 你話我買不買到1元本的thomas?

不過好深wor, 我估連我個女都不識d字?

我係其他topic同d媽咪夾份買左本個人化書, 軒軒見到, 係甘拿住本書, 講軒軒, 跟住錫

今朝可能都還早, 不是太多人

出街街law

hinhinmummy

陸美媽

頭先幫你去stepping stone度看過, 8字thomas要439, 有一套899依家做緊特價809.

我記得我買果時2xx, 最多都係300幾(不知有無記錯), 但當時做緊特價, 如果你不急, 可以等下, stepping stones的thomas成日做特價, 我又係vip, 到時再有折law

我買左一架leo thomas, 有兩'car', 加埋thomas車頭, 可以教佢地勾住, 同埋放leo 上去, 我覺得教育意義還大過木頭路軌果d, 99元之麻, 有折.

kimbear

HEI 媽,

上次話評估中心5月/6月會才致電通知再做第二次評估,點知26/1突然接到評估中心電話,想約我同囝囝在2/2去見兒科E生,須時2個鐘,但因農曆新年有3日假.導致工作會很緊迫,所以我話想約星期六OR 2月底,評估中心話要CHECK吓E生D期然後再同我約過

其實心情好芧盾,雖然對囝囝的問題已有心理準備,但始終好怕面對個一刻(被評定為自閉/自閉傾向),所以約過咗年先去評估中心都起馬可以開開心心過埋新年先算,吳想影響心情

26/1下午也見了心理E生,講起囝囝的問題,又忍吳住眼濕濕,攪到社工話要再約我傾吓

HEI 媽,妳上次問我之後去咗見味呀

hoho1105

mamee:
妳所說的,都很明顯出於善意,我怎會介意.相反多謝妳主動同我分享妳的經驗.係bk見d家長留言,講到排i位要等好耐咁.妳咁好彩三個月就有i位?妳仔現就讀的i位,是否原先已就讀架?是否首選呀?我只係選了現在就讀一間.想問妳,妳怎樣預計得知我仔,八月到會等到i位呢?我仔講星球話都講了9個到,現在除了單/双詞之外,大部份也是說星球話.他大小肌亦沒問題,係好自我,喜歡勁走,好心急/心散.做評估果日,個社工叫我放他落地,話接見我,我仔一落地就奪命狂奔,好似被人追剎咁,個社工就嘩............好勁呀........然後叫啞姐帶他回來替我照顧他,但促不了他,最後我出手.........攪掂 都係我敏捷.

JOANNA722

Kimbear

不要太介意醫生到時話啊仔係"自閉"或是"自閉傾向", 當然如果到時醫生真係講完d自己唔想接受既野一定會喊, 但過後都係感架啦!  我意思係你都要同佢去做各樣訓練, 有一日佢一定會進步架!  你睇下hin hin 而家幾叻!  當日hin hin個醫生味話佢係"自閉症"  我個仔話佢自閉傾向, e半年keep住training, 返學都有進步, 雖然同其他小朋友比較仍有很遠距離, 但唔好同人比,  把佢同上幾個月比你就會開心d.

講下啊仔d醜野先, 前幾日同啊仔去中環上st, 入去training前見佢想開大, 心諗唔好啦, 唔知攪幾耐, 後來照做都無問題.
搭地鐵返屋企去到側魚涌開始又來, 佢好叻做忍者做到去油塘, 問職員借toilet, 啊仔一路跑入厠所一邊叫喊, 連個staff都偷笑, 最後都開了小小出來, ..唉 ............

啊仔近2個星期訓攪唔用napkin都得喎, 2 & 7點左右自動起去尿尿 見佢自己穿socks又幾叻, e2日識用scissors cut野 &  我把3種唔同顏色的積木mix, 佢識同我分返開,      

hinhinmummy

Kimbear

係呀, 學joanna話齋, 無論'自閉症'或者'自閉症傾向'都好, 都係一個醫學名詞, 當初醫生係'du 口du面'話軒軒係'自閉症', 而不係'自閉症傾向', 甘又係, 想當初, 軒軒真係無mug感情, 叫佢又不認, 好似活在自己的世界中, 經過大半年的training, 依家好左好多啦.

尋日小飛象放假(工人, 老公話佢似), 佢返屋企的時侯襟鐘, 我問軒軒, 邊個返黎呀? 軒軒本來係房同我玩緊跳床(係我張床跳上跳落), 軒軒即刻一路叫'姐姐', 一路去開門.

joanna

你仔仔都好有進步!

年三十見.

陸美爸

To all mama~

亞仔就快兩歲了, 我都想買d補品(dha)佢食, 有無好介紹？你地早排話夾份買果種如何呢？

hinhinmummy~

你7:30就去排隊買書 , 咁係咪都要等到10:00至賣...

真係唔該晒你專登幫我去stepping stone度睇

你講果架"leo thomas"係邊樹有得買？是否搭你買會平d？thx~

陸美媽

＊剛剛又再聯絡過協康何姑娘, 佢話仔仔現正排第三位 (舊年10月排第七), 即是話仲要繼續等呢...唉...... ＊

hinhinmummy

陸美媽

你知不知stepping stone係邊樹? 如果知, 你自己去買啦, 到時問你名, '達朵'就得架啦.

check pm

JOANNA722

hinhinmummy

但我仍很心急佢幾時識講野, 我都唔貪心, 要佢講多, 少少都好呀!   但都無............            佢而家2歲8個月架啦!  你可想像到我又幾急, 我真係好怕新年個個又問.........一諗起 到時啊仔收紅封包唔識講多謝不特止, 仲要頭寧寧, 真慘.....

hinhinmummy

JOANNA722

軒軒做評估的時侯, 又係2歲8個月..........

軒軒到依家都不識講恭喜, 但識講謝謝law.

上星期幼兒訓練教佢, 白兔食紅蘿白, 估不到佢今個星期識講紅蘿白3個字(我影印左d教材 ), 訓覺的時侯, 我張床有個miffy公仔, 佢用手作狀拿野甘, 跟住講'紅蘿白'去到miffy的x度(口), 跟住又講'um', 跟住自己傻笑, 好鬼cute.