將軍澳富康德寶(DEBORAH)

pinkpink888

dear all:

原來星期四會知分到邊一班，點解我冇收過有關的通告？？？

wing530:
我昨天到將中的萬寧買奶粉，我都問佢係咪有戲票換，那店員好似唔係好想換比我，可能覺得煩掛 :-x 。我都唔係好明，明明有這樣的優惠，一d都唔宣傳吓，又冇海報，店員又唔講比顧客知，如果唔係睇到你哋講，我諗我le世都唔知。

hinhinmom

pinkpink888,
通告上面只係講話星期四會派新學期o既學生証, 我上個禮拜打電話問陸主任會唔會有家長會 (好似上年o甘) 會知分邊班, 佢話唔會有家長會, 星期四派學生証時就會知分邊班~     好緊張......     

Karencks

大家好,

我係住坑口的媽咪, 我想知你地小朋友讀完德寶會讀邊間小學呀??  我都唔知比囝囝讀區內d小學定出去讀好, 大家可否比d意見，Thank you!   

hinhinmom

Karencks,
我仲諗緊會比仔仔讀邊間小學, 你有o羊心水呀? 你仔仔讀邊班??

wing530

>>pinkpink888,
係呀, 今次萬寧做得好鬼鼠, 無poster講架, 好彩我夠 "8"咋~    咁你有無換到呀? 我覺得都唔係好煩姐, 佢都係搣一張換証戲飛, 又唔洗登記之類, 都唔知點解咁唔想換既?? 聽有d媽咪講, 仲谷氣呀, 叫個工人去換都唔比呀~     

>>fifi,
你今日有無去到西貢呀? 換唔換到飛呢? 我最後都無去到西貢, 因為我去左吉之島買野, 買得太耐, 唔夠時間呀, 咪同anson去左踼波囉~

新都城有"荒失失奇兵"攤位呀, 都ok喎, 有1個game好得意, 有1個大波可以入到2個小朋友玩, 我地搵日一齊去玩咯~     

>>halaha,
你有無帶wingwing去玩呀? 平日無咁多人呀, 今日鬼死咁多人, 原來"客家盞"果期, 都有得玩, 玩扭扭車, 無咁多人tim呀~

>>Karencks,
我都未打算小學既問題, 都唔知邊間好? 出唔出去讀又係一個問題, 你囝囝而家幾歲呀? 幾時要選小學呀?   

fifi

pinkpink888,

我唸我好明白你的唸法，我都決定得好突然，希望以Stephanie o甘好動的性格可以適應到主流班啦。聼李主任講PNI有一半K2會轉去主流班，仲話Stephanie的好朋友Eunice都轉o左啦 希望K2可以分到同一班，繼續作好朋友啦   

hinhinmom，

收到pm沒啊? 如果要就快D話我知啦

wing530，

原來你無去西貢啊。我D等Stephanie訓完教5點零先去，玩到頭先11點幾先返，仲湊埋Bobby去，侷D兩個都玩得好興奮 我都換到6張tickets，西貢萬寧應該仲有好多，今次侷D都幾搞野，你知啦，平日去買野，侷D叫你加錢換野唔知幾熱情主動，今次問到都唔多鍾意答你，我老公話可能剩低侷D自己落袋   

wing530

fifi,
你終於換到喇~      我地可以約埋一齊去睇喇~     

我估都係喇, 可能剩左果d自己落袋呀, 平時d態度好好架, 點知今次怪怪地既~      

cherly

Hinhinmom & wing530,
謝謝您們的意見！咁你哋係咪比囝囝/囡囡撘校車呀？因為德寶好似不太近MTR。仲有德寶係咪 6 點正關門呢？我5 點半係荔枝角放工恐怕趕唔切接放學呢！

Hinhimmom,
其實除咗條樓梯以外，綠茵係咪一個好既選擇呢？

Thank you!

hinhinmom

dear all moms,
今日我去左中環太子大廈間mannings諗住換coupon, 點知我準備比$時個店員先同我講話要帶埋個小朋友黎, 但我o個時已經帶左hinhin張學生証, 我都有同佢理論, 點知佢地都唔比我換, 之後我返到office打電話去佢地customer service投訴, 佢話佢地個條款係要帶埋小朋友一齊去, 我問佢點解第2間唔駛? 佢只係say sorry, 激死我!!!!    我今日終於寫左投訴信去週刊!!!     

cherly,
我hinhin都有坐校車返學, 因為德寶真係唔近mtr, 佢d校車費又唔貴, $200/月, 抵過坐車啦~ but我唔知deborah係唔係收6:00pm, 你不如打電話去問下啦~~
其實我都係唔鍾意綠茵校舍細, 我o個次同我老公一齊去參觀, 睇完綠茵先睇deborah, 我老公都話deborah好d, 返正學費都差唔多~ but程度又真係唔清楚, 你可以去問下接放學o既家長啦~~     

pinkpink888

wing530:

我星期六係將中都換了三張，打算星期日去睇荒失失，點鬼知我老公自己又走去買飛，而家嗰三張贈卷咪擺係到，睇吓遲d有冇其他卡通片上先再睇囉。

hinhinmom:

星期四就知道結果，其實去邊班都冇所謂，最緊要跟倒一個好老師。講起小學，我都覺得好煩，因我之前打算幫Ｅunice報九龍成３４網（ｆｏｒ女仔都唔錯，有協恩、聖羅撒等），但係出年又話同３５、３６網合拼，到時人多了，命中的機會就......

fifi:

你放心啦，Stephanie適應力咁強，實冇問題嘅
  。我反而擔心Eunice，佢比較難適應新事物，你知唔知，Ms.Carly走了之後，佢情緒低落了足足兩個月，每次提親都喊......我之前話出年會換老師和同學，佢都即時變得悶悶不樂，唉......

fifi

wing530，

你唸住幾時去新都城玩，幾時睇戯啊。Stephanie知道遲d睇‘荒失失’，一睇到D電視度有就好激動   

hinhinmom，

你收到我pm沒啊？D coupon有位媽咪仲有兩張，如果你要就要聯絡侷啦。 我唸我上次計錯數，如果買金card應該係一年去兩次就抵返，去三次就有偺啦 你唸點話我知，我好覆侷。

pinkpink888，

轉主流班，Stephanie適應D老師，同學我就唔係太擔心，而係擔心侷適應唔到坐定定上堂，arm arm返K1時，miss都有講侷story time坐唔到5mins就要起下身

Anyway，希望Eunice 同Stephanie都可以開開心心返K2啦。


Dear all，
哇，你D o甘快就唸小學啦。我而加無麽idea，將軍澳區可能會試下真道同播道啦。出邊的仲沒唸到啊   

cherly

hinhinmom,

Thanks a lot!! $200 又真係幾坻撘喎！  

homingm

cherly>>係呀小朋友最遲六點就要湊放學o架啦，所以你放工來湊小朋友放學可能未必趕得切bor。

cherly

homingm,

唉！所以綠茵有樣好，放6:30 pm 唔驚趕唔切！

Karencks

Dear all mama,

我囝囝其實現在得19個月, 不過10月就要報幼稚園, 所以我要得閑諗定, 問下大家d意見, 我第一個小朋友, 唔知頭唔知路, 要問多d先知. 我有想過報比華利, 德寶, 創價, 翠茵, 不過我又知德寶好push, 創價好評好多不過要出區又怕囝囝唔辛苦, 所以都唔知點好!   

hinhinmom

Karencks,
我個人o既意見如下:

比華利我未睇過, 不過我住坑口, 雖然地點可以有校車到, 不過都要care打風落雨, 因為我覺得佢地地點都有d唔就腳, 所以我就無考慮~

創價我都有問過, 我奶奶係會員, 如果要入都ok, but佢地要收大仔(即係要足3歲入學), 我hinhin因為12月出世, 所以唔收, 仲有, 我決定唔報o既就係我打電話去查詢時, 佢地o既態度mama, 好似好多學生會爭住入o甘!!!

翠茵我無考慮過~

德寶: 真係幾push, 我都有同學校反映過, 不過佢地話為左涵接小學o既程度, 所以會比出面深, 我諗過都有道理o既, 本來我都有諗過轉校, but hinhin以細仔黎講都幾適應, 仲有, 唔知點解我老公好鍾意德寶, 佢話全將軍澳最top wo!!    比佢激死!!!
may be deborah o既課程深, 所以將軍澳區o既小學都鍾意收deborah o既畢業生~~


其實讀幼稚園最緊要個小朋友開心, 你可以等佢地學校open day, 帶埋個小朋友去參觀, 睇下佢地o既校舍同老師, 我帶hinhin之前去完deborah個open day, 第一日返學李主任一見到hinhin已經叫佢個名!! 我都好surprise!!      仲有校巴個保母, hinhin每次上校巴佢都叫hinhin個名, 好過有d到畢業都唔知個學生個名啦~~

以上係我個人o既意見, 好唔好你自己衡量啦~~   

wing530

>>hinhinmom,
我已叫我個friend去睇下有無飛先買野, 如果ok, 我再call你啦, 我今日打去萬寧投訴, 火都黎呀~      

>>cherly,
綠茵我無參觀過, 不過, 我唔會考慮呢間, 除樓梯外, 學校門口就係馬路, 如果走失, 好似好危險喎, 呢個係我既main point呀!

>>pinkpink888,
你老公咁快手呀!    將軍澳中心昨日都已換哂喇, 你好彩快手咋~   
Eunice好念舊喎, 好重感情既小朋友呀, 真係好少見呀, 而家d小朋友好多都好健忘, 可以玩到阿媽姓乜都唔知架~   

>>fifi,
好呀, 睇下幾時啦, anson睇到個廣告又係好開心架, 由其係話 " 你咬住我個pat pat呀"果度, 最攪笑喎~      

>>Karencks,
比華利對我黎講, 交通唔方便, 有長樓梯係我最唔鐘意既, 有d轉彎位無包角, 安全意識唔夠, 仔仔去參觀時, 撞親個頭, 外籍老師唔熱誠, 不理小朋友, 果次open day係我地既經驗!

德寶地方大, 好吹谷, 課外活動比較少, 每日都有外籍老師授課, k3班主任係外籍老師+中國人, 學習英文機會比較多~

翠茵(新寶城)地方細, 學費較德寶貴, 外籍老師小, 辦學年期亦較德寶小~

創價未參觀過, 只想到沒有結龍小學, 要等派珠, 無保証, 驚side左呢3年辛苦日子, 到頭來, 還要留係將軍澳區內小學, 又唔想虛報地址呢~

以上純粹個人意見, 如有不正確, 請更正呀~     

Karencks

Thank you hinhinmom & wing530,

咁我想問, 讀完德寶會有結龍小學嗎??  會係邊間呀??  我都係怕小學問題所以先係度15/16,唔知點好??

謝謝你們我寶貴意見!   

hinhinmom

Karencks,
deborah好似無結龍小學wo, 我得閒問開學校野我試下幫你問啦~~

HALAHA

DEL