2005年出世或~宏福幼兒園媽咪~(PART II)歡迎新朋友加入

天藍

pcdogxx,

鈞渝原來腸胃炎, 但胃口又好好, 仲食餅仔
應該問題唔係太大, 但未退燒都要留意下,
同女女手上d紅點都要留意同醫生講埋,
睇下係出疹定係點, 因上次昊藍隻手出紅
點都幾日就成兩隻手背紅晒, 仲好痕, 成
兩個星期先好番, 所以你要問埋醫生d紅點
係乜??? 希望唔係手足口病, 因我聽人講手
足口病個嘴爛到好屝利連飲水都痛, 真係好
慘!!!
祝鈞渝早日康復! 身體健康!!!

原文章由 pcdogxx 於 08-4-10 12:30 發表
All,
鈞渝尋日成晚都燒..   佢話個肚痛..  尋日帶左佢去睇醫生話佢腸胃炎..  不過d藥好似唔係好得.. 未夠鐘食藥又燒到102-3, 陣間老公放工會再帶佢去睇醫生, 奶奶話佢隻手有d點, 唔知係咪出疹..  不過今朝佢都係話肚 ...

天藍

五月份聚會 18號 時間：11:30 a.m. 左右(大家可提意或更改) 地點：太子界限街警察會 目的： (1)飲茶 (2)小朋友於遊戲室玩 (3)大人則吹水及交換揍仔心得 人數： (1)Elain(暫定3大1細) (2)天藍(暫定2大1細) 3)626mama(2大1細) (4)whatever(2大2細1賓) (5)hongmimi(1or2大1細) (6)pcdogxx(2大1細)

天藍

hongmimi,

我細個時亞媽唔係管得我好嚴, 好多時
都會係樓下同d friends 係樓下打羽毛
球, 打排球, 閒時都有打下乒乓球, 但
我好水皮d人個個都好勁, 我諗個陣其
中一個勁人可能就係匡爸, 因你話佢成
日係樓下打乒乓球, 但細個d朋友樣我
唔係太記得, 因到中學我已無乜點係樓下
玩。
講起真係好開心, 諗番細個d野, 好多
野都好回味~
你同匡爸都好有緣, 由同一個屋苑到小
學都係你身邊附近, 再到中學做埋同學
真係整定你地係一對, 咁你地係咪中學
拍拖拍到以家???
我都好鍾意'向左走, 向右走', 就好似你
所講緣份既野往往就係咁要來到就會遇見,
勉強都係無用, 好似你到匡爸咁金童玉女
整定係一對。
你細個有無擒過樓下個sir滑梯, 因我細個
同我妹成日擒個個sir滑梯, 仲成日係樓下
玩book 你你, 同捉人遊戲, 分分鐘同你兩
公婆玩個添!
係啦! 以家得番三隻馬仔乜都無晒無乜好玩,
真可惜無得坐下個滑梯同千秋回味下~~

原文章由 hongmimi 於 08-4-10 14:41 發表
天藍，
匡爸細個周不時係我地個座出現架~ 因為佢有個表弟住係十幾樓，佢成日過黎呢邊玩，如果妳細個都有落街玩，妳一定有見過佢，可能係樓下打千秋、sir滑梯時(而家無晒咯，只得三隻馬馬俾昊藍玩)，或者妳同佢「猜」過「兵 ...

[ 本文章最後由 天藍 於 08-4-10 15:39 編輯 ]

626mama

hongmimi,

軒軒唔識溜冰?只是好想玩，上次去太古城，
佢企係度睇人地玩，企左好耐，成日同我地講，
媽媽妳帶我入去玩啦，我好想玩呀。

匡爸由二樓爬出去簷薘上執拖鞋，都好大膽喎，
遺傳左比匡匡有冒險精神都唔錯丫，男仔係咁嫁喇。

匡匡細個時，妳地等佢瞓左，抱佢入廁所剪，
咁以職業特工隊咁，我腦內有首歌響起來。
大家除晒衫，逗住個頭先剪，咁咪三個都周身頭髮囉。

妳同匡爸真係好以「向左走、向右走」喎。
如果有得睇反自已之前的事情，一定好得意。  

EalinAiolia,

個個都對妳剪頭髮個情況都好有興趣喎。

626mama

天藍

軒軒而家唔係好鐘意影相，我又成日叫佢影，所以咪冇乜心機影，佢一等我影完就立即走左人行去第二度喇。...多戲讚賞。

昊藍係奧海城d相妳得閒才post上網，我地唔吹妳。我地幾個小朋友都去同一個地方影相，一齊去就好喇，熱鬧好多。

原文章由 天藍 於 08-4-10 10:22 AM 發表
hongmimi /  ElainAiolai,

你地漏我呀! 我都係同道中人, 尤係好鍾意行supermarket
都係睇多買少, 下次我地一齊去行下~~

626mama,

唔該晒! 你解說得好詳細, 但後來有青衣d媽媽
話比我聽青衣都有間單車鋪, 我睇青 ...

hongmimi

天藍，
我細時好少sir滑梯，其實我有d驚 ，到而家都係，所以我一定要有匡爸陪住先帶匡匡去玩滑梯，匡匡玩親都擒上擒落，我唔敢sir，追唔到佢。:;pppp:

book呢呢我地細時通常係樓上玩，即講定範圍，例如：24至20，包大細井。有時加埋尋寶，係範圍內收埋一樣物件，睇下邊個最快搵番出黎，我地好曳，成日收埋係人地門口香爐下面，嘻嘻! 我都有到樓下打千秋同打羽毛球，乒乓波我都唔識，阿妹細佬就有玩。

我同匡爸中四識，下學期暑假前開始拍拖到而家咯! 但唔講妳地知到而家幾多年，費時妳地計我幾老~

hongmimi

626mama,
軒軒就算無心機都正正經經企定俾妳影，好乖呀~ 側側地頭果張好得意添~

而家匡匡係唔望鏡頭架，我地每次都要連環快拍，然後十張裡揀到1-2張咁岩望鏡頭，好在有數碼相機呢樣野咋~

626mama

hongmimi,

而家去公園玩我都係叫軒爸跟佢玩，我細時唔伯SIR滑梯，而家就怕D，因為....有D滑唔到落去，個PAT PAT大的關係。

見妳打的文字講匡爸，好以睇到妳係度笑緊咁。

軒軒都正會企定俾我影，就係唔望鏡頭囉，快拍都冇用啦，佢跟本就唔望我地同相機。

個個反而話側側地頭果張好得意，真係付付LOOK LOOK。

我都確得數碼相機呢樣好，唔係一筒菲林分分鐘都冇張好。

原文章由 hongmimi 於 08-4-10 04:52 PM 發表
626mama,
軒軒就算無心機都正正經經企定俾妳影，好乖呀~ 側側地頭果張好得意添~

而家匡匡係唔望鏡頭架，我地每次都要連環快拍，然後十張裡揀到1-2張咁岩望鏡頭，好在有數碼相機呢樣野咋~ ...

ElainAiolia

Dear all mami,
原來我o地大家係同道中人 ，下次一定要約埋去行supermarket至得la， 不過唔好帶D細路同爸爸先得，費事行得咁無癮 。

估唔到大家對子聰剪頭髮咁有興趣。實不相瞞，而家子聰剪頭髮都會郁o黎郁去 ，只不過我o地比D玩具佢玩，等佢無郁得咁犀利。而子聰到而家冲涼都仲用緊BB仔時代個盆，我通常會將個盆放係浴缸度流滿水，之後好似平時同佢冲涼咁等佢係個盆度玩水同玩具，一邊同佢講叫佢唔好郁，如果唔係會剪到流血入醫院，而剪髮呢個過程就梗係要快la，而事先會係浴缸個去水位放o左個“隔”，以防D頭髮碎會塞住個渠，當剪完頭髮後，先開始正式同佢冲涼及洗頭，再用花洒冲乾淨，沫完身及著好衫，先至慢慢做善後功夫。

今日學校份通告，我都仲有少少o野唔明 ，係o米即係14-15/4唔使帶D小朋友返學，直接09:30 a.m.到青衣運動場度報到，放學11:00 a.m. 直接由運動場走，全程不用回校呀？會出席o既家長有無限人數？同埋係o米出席o既家長均要穿紅色上衫呢？除與小朋友一同參與親子傳球的家長外，另一個家長可否在不干擾任何人o既時候影相呢？以上D問題我已寫落手冊詢問，若有消息再通知大家。

ElainAiolia

hongmimi,
匡爸係街童所以遺傳o左比匡匡，子聰都一樣。聰爸細個又係周街走，無人理佢，所以而家子聰係屋企，都好似甩繩馬騮咁，周圍“禽”，好在佢唔會“禽”窗花同上格床，如果唔係，實成日入醫院都似 。

同佢剪頭髮我未試要除衫o咼，佢咁大個我都未試過同佢一齊冲涼，但試過我冲涼時佢一定要入o黎傾計 ，我都有比佢入o黎，順便都有教佢身體結構 。嘩，匡匡剪頭髮都好大陣仗o咼 。

聽你同匡爸細個D o野，又真係好有緣份，大家就係附近，偏偏未能遇上，當緣份一到，即打風都打唔甩，我贊同626mama咁講，睇你D留言 ，已感覺到你一邊寫一邊甜到漏咁笑  。真係羨慕C ！


626mama,
而家唔係開學時段，影學生相係貴D ，但又貴得犀利o左。

我都贊同側側地頭果張得意D 。

ElainAiolia

天藍,
唔好意思 ，有關單車舖件事，我問我D同事，佢o地都唔知邊度有。

份功課我今朝都交o左。626mama一早交o左la。

今日老師係手冊度覆o左我，暫時學校未定幾時換季，但家長可自行決定幾時著夏季，但最重要係要整齊。

pcdogxx,
鈞渝今日由渝爸帶去睇醫生，好番D未呀 ？若果真係腸胃炎，比D清淡o既o野比鈞渝食 ，等佢抖o下條腸，疴晒D菌出o黎就無o野，不過發燒就麻煩D o羅 ，你自己都要小心身體。祝佢早日康復！

天藍

pcdogxx,

鈞渝今日點呀??? 睇醫生有無好d???
希望鈞渝早日康復!

hongmimi,

你同匡爸d戀愛史真係溫馨及長情, 學626mama
話齋係你字裡行間已經睇到你係到笑
你怕sir滑梯係咪怕高同有離心力??? 因以前我有
個朋友又係怕滑梯, 佢話佢有畏高, 所以怕sir滑梯,
因以前d滑梯好鬼c高, 以家個d就無咁高矮好多。
好彩以家係數碼年代, 可影完d相即睇唔滿意可即
delete如唔係都唔知晒幾多菲林~~
我pm你, 你check下。

原文章由 hongmimi 於 08-4-10 16:44 發表
天藍，
我細時好少sir滑梯，其實我有d驚 ，到而家都係，所以我一定要有匡爸陪住先帶匡匡去玩滑梯，匡匡玩親都擒上擒落，我唔敢sir，追唔到佢。:;pppp:

book呢呢我地細時通常係樓上玩，即講定範圍，例如：24至20，包大細井。有時 ...

天藍

ElainAiolai,

單車鋪個到你唔使問啦! 因我問到人話青衣海悅花園
個頭有間單車鋪, 星期六昊爸會過去睇有無得配番個
附助鹿, 如有就最好如無就要根據626mama提供既
路線出去大圍or沙田啦! 唔該晒你! 麻煩到你幫我問
雖然係問唔到, 但都好有心, Thx!!!
嘩~~你地剪髮剪得咁大陣像, 三人係浴室到剪
但剪得咁靚都無所謂啦!
我都收到張通告可自行決定換季, 但要整齊校服。
據我理解係14同15號有家長帶既小朋友, 就要
9:30a.m.自行帶學生到青衣運動場報到, 到11:00
解散自行帶學生放學, 同半日班學生不用帶書包, 但
全日班的同學就要帶書包, 活動後要返回校繼續上課,
如家長不出席的學生, 學校會帶領學生過運動場,
出席的家長須穿紅色上衫, 以示支持奧運數活動, 只
有n班家長可部幼兒玩轉球, 其他家長則在觀眾席打氣
及做啦啦隊, 及要關掉手機, 不可錄影同拍攝, 以免影響
電視台來拍攝。
唔知我有無理解錯誤, 你寫手冊如有任何出入請通知
我, Thx!!!

626mama,

好彩以家係數碼年代, 如唔係同小朋友影相成日郁來郁
去, 唔知要晒幾多菲林!
你買紅色衫未??? 我都要幫昊爸買, 因佢夏天好似都
無紅色衫, 因昨晚我係到搵衫唔覺有~~

原文章由 ElainAiolia 於 08-4-11 00:44 發表
天藍,
唔好意思 ，有關單車舖件事，我問我D同事，佢o地都唔知邊度有。

份功課我今朝都交o左。626mama一早交o左la。

今日老師係手冊度覆o左我，暫時學校未定幾時換季，但家長可自行決定幾時著夏季，但最重要係要整齊 ...

hongmimi

ElainAiolia,
我都係咁話，好在無“禽”窗花，咪實C火~

我一邊寫確係有偷偷回味微笑，因為我傻家嘛! 我夠有時睇妳地寫自己d野哈哈哈笑出黎，嚇親周圍同事囉！
我諗到妳幫子聰剪頭髮時既情境，一味係快快快…… 又係既，d頭髮掉左落身/地/其他地方都有排執，掉左落浴缸用水一沖就係。咁妳個電剪係咪入乾電池? 子聰個頭會唔會濕住黎剪?? 我真係想見下子聰個新形象呀~~

聽人講「親子浴」可增進彼此感情，我成日叫匡爸同我同匡匡齊齊下水，但匡爸唔采我，話三個人點迫得入個浴缸…諗諗下又係~ 終於上星期見天氣熱，我同匡匡兩個一齊冲涼，我地整左好多泡泡玩，好開心! 只於匡爸…唯有等第日發左達搬大屋有個超大既按摩浴池，先一家人齊齊下水，嘻~~

只於教身體結構，匡匡暫時都未有興趣，掛住玩都唔得閒采我~~

hongmimi

天藍，
輪到妳check喇~

唔好俾匡爸知妳地知咁多，咪陣間又話鬼我咩都同人講~

:;pppp: 我怕sir滑梯係怕離心力，所以從來我都唔敢玩任何樂園裡既剌激玩意。專家話鍾意玩既人天生身體有種剌激基因，我自問就一d都無喇~~

係囉~ 以前d滑梯真係好鬼高，而家個d安全d，但冬天或天氣乾燥時，sir落黎好多靜電，次次電到我CC下，我都好鬼怕~~

pcdogxx,
唔知鈞渝睇完醫生，今日點呢??

pcdogxx

多謝大家關心..   鈞渝尋日睇左醫生好左d喇.. 起碼我尋晚唔使半夜捉佢起身食藥, 今朝就仲有少少100度左右..   岩岩奶奶打黎話冇燒喇.. 仲食左好大碗粉..    尋日朝仲100-103度..   嚇鬼死我. 但要開會又唔走得..  幾慘呀...

ElainAiolia,
我叫左老師如果有通告有關14-15號既安排叫佢交俾子聰呀..  如果你收到麻煩入返信箱俾我吖..    因為呢幾日鈞渝都冇返學, 要14號先返喇..  唔該晒.

原先想覆返你個sms, 不過打得黎我黎打仲快..  哈哈..  

各位,
雖然我冇追晒你地既留言, 不過"立"下眼見到你地話咩supermarket, 不過唔知咩supermarket呢.. 我都好鍾意行架..    記住唔好漏左我...  

hongmimi

pcdogxx,
梗係唔會漏左妳一齊行supermarket啦~

咁鈞渝快d好番，妳放下心頭大石同我地一齊去shopping慢慢睇，買多d「正」野番黎獎勵下鈞渝~

我地講緊既supermarket係九龍地鐵站上蓋新商場「圓方」裡面既「ThreeSixty」呀!

天藍

all,

原來我地大家咁鍾意行supermarke, 真係要搵日
搞一個"supermarket一天遊" , 我第一個報名
今早送昊藍返學係學校門口見到candyhui77,
問佢話18/5個活動參加到無問題, 由於佢話
工作比較忙, 所以少上來, 有乜改動可打電話比佢。

hongmimi,

原來你真係怕滑梯既離心力同冬天有靜電, 同我
個個朋友一樣, 我就剛好相反覺得好刺激~~
覆啦! 又到你check pm.

626mama,

原來你想帶軒軒溜冰, o黎架野我好水皮, 中學學到
以家都係係冰上行, 但昊爸就好勁, 溜冰同Roller
都好犀利, 佢d朋友話佢讀書年代係Roller 王子,
因佢踩得好叻, 但我老公讀書個陣我末識佢, 到
識佢個陣大家都出來做野, 我都有同昊爸去溜
個冰, 但仲比佢笑我成日怕跌要扶住行, 咪搞到
以家學極都咁水皮, 唔知你同軒爸識唔識踩????
不過, 你帶軒軒去溜冰要小心, 因溜冰鞋個塊刀
片都好利下, 如跌倒隻手唔好禁係地下, 因有d
人同人多時好多時d人收唔切制一野橙過來, 真係
手都無, 因以前我讀書年代親眼見過有人因咁無
隻手指好驚呀!!!

pcdogxx,

鈞渝胃口好食成大碗米粉, 應該好快好番無事架!
因病會無胃口, 但咁好胃口一定好快好番, 鈞渝加油!!!
老友點會漏你個份, 去supermarket一定預埋你

原文章由 hongmimi 於 08-4-11 11:48 發表
pcdogxx,
梗係唔會漏左妳一齊行supermarket啦~

咁鈞渝快d好番，妳放下心頭大石同我地一齊去shopping慢慢睇，買多d「正」野番黎獎勵下鈞渝~

我地講緊既supermarket係九龍地鐵站上蓋新商場「圓方」裡面既「ThreeSixty」 ...

天藍

五月份聚會 18號
時間：約11:30 a.m. 左右(請大家提意, 亦可更改)
地點：太子界限街警察會
目的：
(1)飲茶
(2)小朋友於遊戲室玩
(3)大人則吹水及交換揍仔心得
人數：
(1)Elain(暫定3大1細)
(2)天藍(暫定2大1細)
(3)626mama(2大1細)
(4)whatever(2大2細1賓)
(5)hongmimi(1or2大1細)
(6)pcdogxx(2大1細)
(7)candyhiu77 (2大1細)

626mama

ElainAiolia

好提意喎，我地幾個媽媽一齊去supermarket，
邊日好呀，平日好D喎，星期一至星期四我至得。
唔知大家有冇興趣。

妳寫手冊問的東西，全部都係婆婆問我的問題，
等妳上來話比大家知。唔該晒。

其實以前小朋友同隔離左右都係門口玩同傾計。
應該唔係而家果D街童。小朋友係兩頭跳，係咁嫁喇。