Hello, 姊妹們,
好耐無上嚟LA,首先多謝各位對亞朗的關心,而家都未真正好晒,不過想同大家分享吓亞朗今次病咗嘅日誌,其實想同你地講好耐,但每次都有新事情發生,anyway,以下係亞朗今次中耳炎嘅日誌(邊打邊send,驚一次過send唔到)
8/3 Sat 4:00am 瞓到半夜亞朗突然坐係床喊,叫我錫番佢耳仔,話耳仔好痛,以前佢試過一次中耳炎,但好輕微,所以嗱嗱聲送佢去法国医院睇急症;去到医生話佢耳仔無野,但有微燒,同驚佢未發出黎,所以開antibiotics比佢,當時亞朗精神OK,6:00am返到屋企食藥&瞓,但係回程途中嘔
8/3 Sat 7:00am 唔夠一粒鐘,亞朗又喊,話耳仔好痛,要睇医生,燒到39C+,好驚,嗱嗱聲帶佢去睇開嘅医生(開8:30am)
8/3 Sat 8:30am 係診所等侯期間嘔,我同佢一身都係,好彩姑娘比我地第一個見医生;医生話亞朗隻耳仔入面腫晒,耳膜脹咗出黎,係中耳炎,開另外一隻antibiotics及退燒藥,止嘔藥等
8/3 Sat 10:30am返到屋企,一家三口都累到嘔,亞朗食藥後瞓,一家瞓到5:00pm;但亞朗勁無精神,無講過一句野(你無道佢平時勁多嘴),唔食野,只係飲水,勁担心,又驚,勁無奈
9/3 Sun 8:00am 我仲瞓緊,亞朗用手指liu開我隻眼,叫:媽咪,起身,我好肚餓,即刻彈起身開奶,而家先發覺亞朗咁無禮貌嘅說話係勁可愛嘅,成日佢都有燒,但唔係好高,不過要keep住成止嘔藥同退燒藥,有番胃口,仲一齊出街行左一陣
10/3 Mon 亞朗精神麻麻,只肯食少少嘢,又高燒番,再睇醫生,医生話耳仔無咁腫,但仲紅,keep住食藥,過兩日再覆診
11/3 Tue 4:00am 又係凌晨4点,亞朗突然坐係度喊,話頭痛,勁驚,驚腦炎,又去法国醫院睇急症,医生話耳仔都係紅,但好緊,頭痛應係耳仔影響,寫左封信叫我朝早睇兒科
11/3 Tue 下午又帶亞朗去番睇開嘅医生(因唔放心),医生轉左另外一隻antibiotics,話希望佢快D清炎,同埋如果佢再燒到39C就幫佢塞pat pat
12/3 Wed 3:00am 又喊,又話耳仔疼,叫我即刻帶佢睇医生,又燒,幫佢塞pat pat,喊足一小時才瞓番,但勁出汗(藥力發),我無得瞓,成晚幫佢抹汗
12/3 Wed 上午 去另外一位兒科医生睇(因唔放心,同埋無理由燒咁耐),医生話佢耳仔紅,但唔係好嚴重,keep住成埋antibiotics
13/3 Thur 凌晨又喊,又話要即刻睇醫生,攪左成粒幾鈡先再瞓番,上午再帶佢睇医生,背部出左D紅疹,医生話敏感,我覺得係熱痱,因食左藥,瞓覺勁留汗,但医生話佢有D液體係耳仔流出,應該係膿
14/3 Fri 上午又燒,又塞pat pat,再去睇医生,醫生話再睇多一兩日,再係咁就睇耳鼻喉,但果日成日又OK喎
15/3 Sat 再去睇医生,因antibiotics食完,医生話佢仲有少少紅,亞朗都無話耳仔疼,應該好緊,唔使睇耳鼻喉
16/3 Sun 無風無浪(其實係暴雨前夕)
17/3 Mon 12pm 亞朗接电話時,先發覺成隻耳仔都係血 ,勁勁驚,但係D血已經乾晒,佢又無話疼,即刻去睇医生,医生話佢可應有D瘡仔,而家好番,消左炎,瘡仔留血,應該無問題,但我話不如去睇耳鼻喉,check真D,等我放心D
18/3 Tue 上午去睇耳鼻喉,医生話其實位兩邊耳膜後面都積左鼻涕,而之前傷風感冒D菌走左入去,令佢右耳發炎,但其實左耳都積左野,不過無發炎jet,而家唯有試吓用藥通番佢,等佢D野留出黎,如果唔得就要做手術,插條管入耳仔等D野留出黎(好驚),其實積左野唔係一朝一夕,亞朗應該而家無左3成聽力,所以聽得唔清楚,如果通番就會好番,我問点解會咁,佢話小朋友耳道較短和窄,加上佢天生耳道生得唔係咁好(遺傳),所以變成咁,下個星期覆診
我問医生亞朗之前做過聽力測試係無問題架喎(唔係出世果次,係話怌疑佢係A時做嘅),醫生話果D只係測佢聽覺神经有冇問題,而佢真係無問題嘅,只係因為D鼻涕積住令佢聽唔清楚,,医生仲話亞朗一D都唔似A(佢果日勁乖,好合作比医生清潔耳屎添,仲請医生食朱古力),佢講野唔正係因為佢聽唔請楚;係果一刻我係有D開心嘅,因我之前一路解唔開嘅謎團終於有答案,点解每個人都話亞朗唔似A但佢講野咁唔正呢?如佢係gifted,都應該會好快識講野喎?点解亞朗有時好似聽唔到我講野咁唔聽話呢?原來一切都係因為佢聽唔清楚,回想佢細個時係好快識講單字架,仲好準添,但到歲幾就停左,無進步,後來講野就唔正LA,原來係佢積左鼻涕,聽唔清;医生話而家比藥水佢滴鼻同耳,一個星期後返去,不過就算用藥都要試一段時間睇吓係咪work,當然我唔希望做手術啦,所以都係有D担心,亞朗就各樣都OK,有番精神同胃口,不過瞓覺勁流汗,流足5粒鈡,要不停同佢抹汗,可能食得太多藥
....再續
[ 本文章最後由 bigheadgirl 於 08-3-21 02:04 編輯 ] |
發表於 08-3-20 23:05
但另一方面好似你咁講解開疑團, 以後可以用正確既方法去幫朗既發音/情緒, 似乎你見到勝利日子已不遠了....
多得Amy同學仔既媽咪幫忙, 幫我地對調了日期 ! 所以我明天可以同Amy黎見大家 ! 但我地兩個都有咳 (你地成日見我戴口罩, 因我自細氣管都唔好 , 一轉天氣就咳...咳...咳 ! 尤其依家呢d天氣, 點都無走雞 ! 小Amy都有跡象似我, touch wood佢都氣管敏感, 但情況又無我細時咁差 !) 
),都算係咁LA,不過我就打敗仗LA
,可能之前忙於照顧佢,而家佢好番D,個人relieve左,就病LA,好彩老公放假係屋企,加上奶奶又黎左香港,唔使咁辛苦;原本諗住Sun同埋奶奶一齊出黎,但而家唔出LA,sorry呀,咁多位,我都好想見你地同埋班小朋友,但又驚野到人,所以都係唔出黎LA,sorry……sorry……sorry呀
,我就瞓唔到,又唔敢瞓,試過佢12am瞓,一瞓着就流汗,成個水人咁,要不停同佢抹汗,換毛巾,濕左十條毛巾,我唔敢瞓,驚佢D汗濕左衫會凍親,逼自己睇TV,到2am頂唔順瞓着左,每隔1個鈡就醒,如是者到5am佢停左出汗先瞓到,做亞媽真係辛苦,但其實諗深一層,係亞朗令我自己知道原來我係可以做到既,正如May先前post出黎既詩一樣,係呢隻小蝸牛帶住我行,我先可以發覺世界既美
,咁樣對一個小朋友,点解幼兒教育工作者會咁架? 要多D同Yau Yau傾番,盡量令佢消除對返學既恐懼感
