仁立紀念小學家長區 (1)

j-mama

考完啦!!考完啦!!考完啦!!考完啦!!考完啦!!
又放監啦......   
跟住又要等派卷啦......冇眼睇啦.....

sandy816

你地就好啦..考完..我少爺頭兩日腸胃炎返唔到學.聽日開始要補考呀!!!我仲有四科要捱呀!!!
寫字慢到Co既少爺.考左四科.有兩科話做唔哂呀...唉!!!!

cookie

ccpig,
今晚我同您講笑架咋, 您知我不嬲都係口不擇言, 成日講衰野, 您唔好嬲我呀.        

cookie

heart n moon,
神定會安排最好既俾我地既, 一定要有信心!!!!!

sandy816

Heart&Moon:
thx你啦~~
少爺病左兩日.之前溫果兩科默書都記得唔係好實下咋.
我都無計啦.上次總測佢好多份卷都做淨D.今次佢考左第三同第四日.番黎話中文卷二得一題冇做.佢話老師出"快樂"最小七個字.佢唔識點作喎.我同佢講.你寫"我有一個快樂的家"好2之麻."可能佢唔多覺自已個家幸福定喇"英文卷2又話有4題冇做.加上今次唔會比佢拎卷番黎簽名.老師就算計錯左分都冇得追番.唔求佢有進步.只要唔好退咁多就願喇我

sandy816

j-mama 寫道:
考完啦!!考完啦!!考完啦!!考完啦!!考完啦!!
又放監啦......   
跟住又要等派卷啦......冇眼睇啦.....

i-mama:
今次唔派卷架.只會比小朋友響堂上改正.跟住老師隨堂即收番份卷.

lucy

heart & moon

唔該晒你先.

你提到兩間[學校]不同之處, 令我諗起一年前為亞女選校時, 四出打聽兩間[學校]邊間會好d. 結果同老公商量後, 都一致認為無論硬件, 軟件, 仁紀都勝過某校, 我地想亞女係一個各方面都平衡既學習環境長大. 但好多亞女幼稚園同學仔既家長知道我地放棄某校學位, 而入讀仁紀都話我地選錯. 佢地話點都係上午校水準高d, 嚴點.

最近踫見一個同樣係叩門階段入左某校既同學仔媽咪傾番, 佢話好後悔當初放棄仁紀, 而入左某校. 佢話佢個仔仔唔係好鍾意返學, 因為好多位老師都好惡. 佢個仔係好乖既, 但都要被罰. 試過有另一位我都識既同學仔, 因為初初返學小息時排隊去唔到洗手間, 轉堂時又唔俾去, 而老師就一定唔俾去, 結果忍唔住瀨左, 俾個老師勁鬧   , 之後個小朋友每天早上直至放學前都唔敢飲水, 好慘.   

上次旅行, 係午飯果段時間, 校長好主動行埋我同幾位家長處, 坐埋食野.  有位家長話認識好多位現讀某校高年級既家長, 得悉某校只顧催谷精英班, 資源分配不均, 令到其他班別好似無人理 (呢點我早有所聞). 而呢位家長個大女(已畢業, 入左林護)就好自豪同人講, 我地仁紀係不一樣. 校長亦回應話, "我唔會只顧住a, b班, c, d, e班都一樣有叻仔, 叻女, 佢地一樣有人可以考到全級30名以內, 只係低年班時未發力."

校長又透露, "唔好以為孫sir好惡, 佢係好有經驗既老師, 遇上e班轉堂時唔聽話, 就罰全班睇英文故事書, 日積月累, e班既英文平均分增進不少."       好方法!!

當初, 都有d覺得點解捨近取遠呢, 擔心自己為亞女選錯學校, 聽完校長一番說話, 現在真係好慶幸無選錯.  

Heart&Moon 寫道:
[quote]

露西妳嘅要求．．．要查吓＜春雨＞有冇網上版先

所以我對所謂名校都．．． 好彩仁紀呢間地區名校，老師同校方嘅嘴臉就聽講同隔籬同名嘅學校唔同．選校嘅野，有時真係講d運 :wink:  :wink:

Mrssslui

咩話唔派卷,咁家長咪睇唔到考咗咩,有冇計錯分囉!

lucy, Heart & Moon,
聽你地講完本校同某校既分別,真係好開心.
當初,我地都係諗住本校比較平衡發展,冇咁谷成績,再加上軟硬件,同埋大家認識既校長,真係冇得頂!

  

ccpig

sandy816,

點解今次唔派卷嘅??

sandy816 寫道:
[quote]
j-mama 寫道:
考完啦!!考完啦!!考完啦!!考完啦!!考完啦!!
又放監啦......   
跟住又要等派卷啦......冇眼睇啦.....

i-mama:
今次唔派卷架.只會比小朋友響堂上改正.跟住老師隨堂即收番份卷.[/quote]

ccpig

上次去旅行時 ，我記得我地幾個媽咪圍住傾計，果幾隻馬騮就自已玩， "孫sir" 都主動行埋 d 小朋友度，同佢地傾計，仲笑到好大聲，我地幾個媽咪仲話，又話 "孫sir" 好惡嘅，都唔似??  後尾問呀囡，做乜笑到咁大聲，佢話 "孫sir" 講笑話佢地聽，好好笑         

ccpig

cookie,
你儍咗咩，頭先睇到你咁寫，我足足諗咗成 2分鐘先醒起尋晚發生咩事，我真係當講笑架咋 (雖然有d 係事實)，不過我唔認架    

cookie 寫道:
ccpig,
今晚我同您講笑架咋, 您知我不嬲都係口不擇言, 成日講衰野, 您唔好嬲我呀.        

cookie

HEART N MOON,
拜託您可唔可以確實下係咪真係唔派卷?因為上次都有計錯分, 今次唔派既話, 真係計錯都唔知, 死得唔抵呀)))))))))))))))))
CCPIG
     尋日因為聽您同囡囡講, 所以驚您唔開心呀嘛..
呵呵呵, 尋晚剩係叫阿囡讀左兩次俾我聽就算數, 跟住佢已經問[可唔可以睇電視? 可唔可以做泥膠生果?可唔可以玩玩具?]我就話[您得一對手一對眼, 您諗真0的您可以做0的咩?邊樣緊要0的?] 佢就即刻坐定定整泥膠同睇電視.阿妹見到又要整埋一份, 兩個係度爭泥膠, 唯有開部腦俾細囡玩, 0甘先無開戰咋   
哈, 佢整個0的生果有幾似喎.
各位, 我想問下大家您覺得囡囡0甘大包圍答案老師受唔受呢?因為囡囡問我0甘樣答有咩錯喎   
問: 有咩食物係甜的, 請舉出兩樣食物.
囡答 : 甜品, 水果
我同隻佬都話0甘既答案又唔可以話錯, 不過肯定唔係標準答案.
囡囡話想寫[糖]但唔識寫, 剩係識唐老師個[唐]字.
上次佢都試過想寫[食飯], 唔識寫個[飯]字就寫個[米]字, 真係俾佢笑死, 唯有解釋俾佢聽, [米]唔係唔0岩不過未加水放落飯煲煲變唔到飯咪唔0岩羅. 佢先接受個答案咋.
今次呢個真係要諗諗[甜品][生果]     
噢, 又要交書簿同冷氣費羅

Mrssslui

你講開呢條,我女女都有講喎!咁啱既!唔通佢地都唔sure個答案.
我女女答咗:橙,香蕉. (唔知'橙',老師會唔會當唔啱呢?)
你女女既答案,好難話對定錯,好睇老師點睇.生果都有酸的.

sandy816

cookie:
每個學期只會派第一次考o既卷.第二次考o既卷係唔派架.只會比佢地響堂上改正.然後即時收返.我女讀緊三年班.三年黎都係咁架啦.每次派試卷.每次都梗有一兩份卷係計錯分或者答對都打左交叉.所以我先會咁講姐..事實上老師改咁多卷.有時都難免會睇改.所以有時都要運氣.希望今次唔會無端端冇左十零廿分啦~~

sandy816

其實大部份o既小學都唔會派大考D卷架.所以家長要知道考左D咩.就只有從問下D小朋友.問多幾個加加埋埋先會知考過d咩.我少爺就矇矇閉.考完返黎問佢.佢都只係講到DD咋.

cookie

sandy816 寫道:
cookie:
每個學期只會派第一次考o既卷.第二次考o既卷係唔派架.只會比佢地響堂上改正.然後即時收返.我女讀緊三年班.三年黎都係咁架啦.每次派試卷.每次都梗有一兩份卷係計錯分或者答對都打左交叉.所以我先會咁講姐..

真係唔派卷??唔得, 我要同學校反映下先得. HERAT N MOON, 0甘就麻煩您打探下係咪真我先行動, 唔該哂.       

Mrssslui

Cookie,

Support!!

cookie 寫道:
[quote]
sandy816 寫道:
cookie:
每個學期只會派第一次考o既卷.第二次考o既卷係唔派架.只會比佢地響堂上改正.然後即時收返.我女讀緊三年班.三年黎都係咁架啦.每次派試卷.每次都梗有一兩份卷係計錯分或者答對都打左交叉.所以我先會咁講姐..

真係唔派卷??唔得, 我要同學校反映下先得. HERAT N MOON, 0甘就麻煩您打探下係咪真我先行動, 唔該哂.        [/quote]

cookie

唔派邊度得架, 剩係我頭先個0的無稜兩可既問題宦都已經係問題, 有分定無分??誰來判決??話哂係期考又要計總分. 上次都有幾過睇番改番分個總分差好遠.
如果我真係話都有家長要求派卷, 有冇人撐我先??