2007年8月開學宏福幻兒園既媽咪一齊入來傾下

626mama

Pcdogxx,

近拆成日都係咁，冇晒d字真係好以約有所失咁。

原文章由 pcdogxx 於 07-10-26 03:02 PM 硐表
嗚嗚..  打完成大篇野按錯掣乜都冇晒...  又要再黎過...

pcdogxx

626mama,
Ms. Gloria 真係細心喇..  唔知Ms. Ng有冇Ms. Gloria 咁好呢..  不過軒軒咁講好似真係冇人話佢咁喎.. 冇理由自己作出黎架嘛.  真係會唔會係d姨姨呢?    希望軒軒快d搵到原因開開心心咁返學啦..

你最好儲返學校個電話係電話到..  我前排都好似你咁要先上網搵, 點知果次係街突然醒起阿女學費未交..  自己又慌一慌又冇電話號碼係度, 幾鬼le hee..

燙我多數都係買湯包.. 最多咪買多條粟米, 紅蘿蔔, 豬肉洗乾淨就煲得.. 哈哈..  勁方便.. 不過其實我都係覺得西洋菜湯, 粉葛湯果d最好味..   果日行街市, 有個阿嬸介紹左個湯包俾我, 海星煲豬展, 佢話對久咳好好.. 今日放左病假, 而家煲梗.. 希望真係有用喇..

頭先爸爸打黎叫我煲涼茶, 唔知係咪驚聽日BBQ熱氣要打定底先呢..  咳係咪唔飲得涼茶架? 我而家係寒咳, 如果再飲涼茶會唔會死得仲快呢?  哈哈.. 呢家野真係唔識...

天藍,
我唔識飲酒架.  雖然紅酒係最易入口, 但係我唔覺得有咩好飲..
有時同d朋友出去食飯, 佢地話支酒好靚呀, 你都試下啦..  我飲完都唔覺得有咩特別..激到佢地死死下....  

你老公個同事咁嚴重連手指都斷埋呀?  唉.. 意外呢家野真係冇計..  不過攪到爸爸冇得睇昊藍運動會, 算啦.. 昊藍都叫仲有得玩, 鈞渝連玩都冇份呀..  嗚嗚...      好彩親子旅行佢1月先攪, 唔係我實咀咒佢.. :tongue:

好呀,我梗係唔介意啦..  我都諗左好耐買唔買件冷衫好..   如果佢真係著冬季衫返學, 都唔使點用到件冷衫啦, 如果買左就好嘥喇..
唔該晒你..  

Hongmimi,
你整咩西餐拿手架? 過幾招黎好喎.. 哈哈..

唉.. 自從生左阿女之後個人烏wee晒..  求其換好衫, 梳返正個頭就返工架喇..     除非果日有咩大人物啦. 先會著得是正d...
所以老公就黎唔要我架喇..    成個丫烏婆咁..

hongmimi

626mama,
我覺得Ms Gloria默認係學校姨姨講既，同埋真係好似佢咁講，軒軒返學嘔自己覺得好瘀，又有人話佢臭臭(仲要咁惡叫人快d走，唔好話小朋友喇! 大人都唔鐘意!:tongue: )，所以軒軒一諗起就喊定先。咁妳有無問婆婆係咪返學臨入門口提軒軒唔好喊?! 呢個我信，有時唔提無野，一提匡匡妳唔好曳呀! 佢就即刻曳俾妳睇!!

希望Ms Gloria同d學校姨姨講清楚，唔可以咁既態度對小朋友講野，更加既要小心d、安慰小朋友：唔怕架! 無野喎! 污糟左咪換過囉! 不如我地快d整好出去玩咯!

hongmimi

pcdogxx,
我今朝先係咁，好彩我慣copy一次先post出。

哈哈!! 拿手菜係…..登登登凳…. 煎牛扒~~ 只要買靚牛扒，係唔洗識煮既，兩邊係咁二煎兩煎就食得~ 老公唔知，以為我廚藝了得!! 嘻嘻!

另外就係….肉醬意粉! 秘訣係要用：免治牛肉+免治豬肉，係我鬼佬老闆教既~ :)

如果煲雜菜湯，記著將d蕃茄、洋蔥呀全部起穫爆左先落水煮，d湯會香d濃d~:loveliness:

仲有好多架…. 我唔鍾意講咁多俾妳聽…. (其實無貨 )

西餐係最易煮....

我都一樣，生完烏where晒.... 妳有所不知，舊時我要1個鐘先攪掂出門口返工，而家35分鐘好叻架喇!!

626mama

Pcdogxx,
我都確得軒軒係重復人別人的說話。
講時仲要變聲，幾大聲咁講。
希望軒軒好怏好以之前咁，開開心心返學去。

我聽妳講完，剛剛已經把宏福個電話入了去手提電話
度喇。多謝妳提醒我，其實之前我試過想打電話返學，
不過上唔到網，打唔到電話。今次再經妳提醒，
真係要記低個電話喇。  

海星湯，好鮮甜。正。

原來妳今日妳病假，仲咩唔訓多d休息下，訓多d怏d好
返嗎。妳飲唔飲得涼茶?我都唔係好知，因為我平時咩
都唔介口。BBQ熱氣實熱氣，打定底先都好。

我都唔識飲酒架，只係飲下d味，所以好靚同好平的
紅油比我飲，我都覺得差唔多。

我都係呀，生左軒軒後，著衫都求其左，一來睇
中d衫唔岩著，帶軒軒去街，件衫衫領千祈唔好大領，
蹲底抱佢好容易走光，抱住佢個領都會拉大左。
衫唔好短，因為佢會無啦啦，係條街拉起我件講
"媽媽大肚腩"0個次驚死我。

妳咁辛苦為個家同個女，妳老公鍚妳都來唔切啦，
點會唔要妳喎。

原文章由 pcdogxx 於 07-10-26 03:28 PM 硐表
626mama,
Ms. Gloria 真係細心喇..  唔知Ms. Ng有冇Ms. Gloria 咁好呢..  不過軒軒咁講好似真係冇人話佢咁喎.. 冇理由自己作出黎架嘛.  真係會唔會係d姨姨呢?    希望軒軒快d搵到原因開開心心咁返學啦..

你最好 ...

ElainAiolia

Dear all mami,
Jusco做緊promotion，由26/10至7/11，我攞o左D單張，聽日攞埋出o黎比你o地睇呀。你o地係o米Jusco會員呀(即J-Card)？我今日去o左荃灣果間續証，嘩，加o左價，要成$50- ，附帶條件都改o左，以前用J-Card可以碌卡，但而家一定要比cash、EPS或其他同Jusco有掛勾o既VISA卡先得(如AEON Jusco等)，本應我諗住唔續証o架喇，但我家姐阿妹佢o地都經常去Jusco，所以我先申請o乍。:-|

pcdogxx / 626mama,
你o地就好啦，無旺管，我依舊密密咁做o野，得閒先可以偷雞上o黎望o下，但寫字樓上網好慢，所以要等好耐 。

626mama,
軒軒返學咁大件事呀，我諗Ms. Gloria唔會咁鬧軒軒o既(可能我對佢印象較好 )，或者係D嬸嬸問題，但我見D嬸嬸都幾好o架播。不如聽日運動會，你當面同Ms. Gloria傾o下呢個問題，同埋試o下問軒軒可唔可以指出邊個同佢講果番說話，得個知字都好呀。(哎喲，職業病發作，搞到好似做認人咁o忝，哈！哈！)

天藍,
你老公個同事好慘呀，幫我問侯o下佢啦。可能聽日你老公可以去運動會呢，唔好諗到咁灰，好人有好報o麻（除非你o地倆個係 …………………. 超級大好人啦）。

hongmimi,
估唔到你會知道我正職係 ……………. PR，要我唱歌無問題，但我收開好貴o架播($$$$$$$$) ，你比唔比得起先。(講笑o乍)

聽日你揾我的話，打電話比我呀，因為如果你㩒鐘的話，佢實唔肯訓o架 。你知唔知我電話呀？

hongmimi

pcdogxx,
寒咳唔好飲涼茶....咳死妳呀!!:tongue:
海星煲豬展?! 好驚~~ 我諗起上個禮拜屋企魚缸死左個隻海星! 早d叫老公唔好沖去咸水海俾妳煲湯止咳啦!!

hongmimi

ElainAiolia,
果然係偷雞上網，post左就即刻log out!!

我係Jusco會員，太古康怡有Jusco嘛! 不過黎緊加價要$50會貴，仲諗緊續唔續... 可能同個同事是旦一個做會員掛!   通常有BB或者小朋友都會係會員，因為買細路野做特價時會員平好多。

比得起，我貴一貴都比得起..................... 妳唔好唱!!   (妳都當我講笑好啦!!)

我有妳電話.... 我一打黎就會講暗號： 攪掂佢!!  
醒目d呀! 唔好有手尾跟!!

天藍

All mama,

我老公頭先打電話比我係明天去唔到
仔仔既運動會, 因無人backup到佢D
野少左個同事, 不過, 佢都唔想算啦!
意外既野無人想~~:-|
不過, 佢同我講話BBQ就趕到同我地
一齊出席, 就係甘!:tongue:
你地有心啦! 我代我老公同事多謝你地
關心!

626mama,

希望軒軒唔會再唔開心, 快D雨過晴天,
唔會再返學哭

原文章由 626mama 於 07-10-26 12:59 硐表
我一打完個post MS GLORIA 便打電話比我。

老師G:係唔係星期日開得開心過頭，情緒高漲，所以唔想返學
我S: 唔會，佢去迪士尼，都去過好多之，唔會今次特別開心
S:...軒軒好大聲咁講。講住0個4句野。
1. 成日哭，唔好返學，反屋企 ...

626mama

Hongmimi,

我都覺得Ms Gloria係默認係學校姨姨講。
可能要佢地清潔，同姨姨佢地會換埋佢套衫係
咁已洗下，有個睇袋入住，放返係書包度，之前試過。
婆婆話這幾次d衫仲滴水咁拎返出來，個書包好鬼重。
之前係會令干水才放入書包度嫁。
軒軒通常去到學校門口便開始喊。婆婆係咪返學臨入
門口提軒軒唔好喊呢?我又冇問到佢，我確得會囉。
我都問下佢先。
希望Ms Gloria同姨姨講清楚，唔好再咁既態度啦，
我有想過，個姨姨比老師話，佢地實更加唔喜歡軒軒，
佢地洗手間仲要姨姨幫，會唔會更加粗老呢。
可能我多心啦，因為我外婆住老人院時，d姑娘話我地
唔識做，冇比錢佢洗，成日me佢，我都有提意過，話比
院長知，最後各人都話唔好，姑娘比人驚完，
條氣唔順，仲ME多兩下。我外婆求我地唔好講，
叫我地比錢個姑娘。真係心痛，我當係保，佢當係草。

我老公又係最叻煎牛扒同意粉。仲有日式咖啡飯。
都冇乜野度。D扒都幾貴，成舊水一件。

免治牛肉+免治豬肉，等我話比我老公聽，
第時等佢煮比我食。不過冇幾可，因為我62.99係屋企。
唔係屋企才會煮下野。  

係呀，我阿妳都係咁講，全部起穫爆左先落水煮，
d湯會香d濃d~好味好多。

原文章由 hongmimi 於 07-10-26 03:58 PM 硐表
626mama,
我覺得Ms Gloria默認係學校姨姨講既，同埋真係好似佢咁講，軒軒返學嘔自己覺得好瘀，又有人話佢臭臭(仲要咁惡叫人快d走，唔好話小朋友喇! 大人都唔鐘意!:tongue: )，所以軒軒一諗起就喊定先。咁妳有無問婆婆係咪 ...

hongmimi

天藍，
係囉... 佢都唔想既.... 做野嘛! :-| 妳唔好唔開心啦~

我以為妳話佢要返全日添，BBQ佢趕到黎都好好喇! :)

hongmimi

626mama,
咁妳既多心係藉得理解既....

但逃避唔係辦法喎! 亦要灌輸呢個概念俾小朋友，唔鍾意時要 "SAY NO" 嘛!!

我諗個姨姨都未必會對軒軒更加粗老既:evil: ，況且Ms Gloria應該會好有技巧咁同佢講，個姨姨應該知道自己衰左，低估左小朋友既能力，下次會小心d說話同態度，佢知軒軒咁叻會講番俾妳地聽，唔敢亂黎既!! :loveliness: 放心啦!!

天藍

hongmimi,

星期六個日見到你, 第一個感覺比我覺得你
好斯文, 真係估唔到你咁斯文又大方, 送左
個Thomas套比我仔仔, 昊藍不知幾開心,
成日都帶住係到"o都", 匡匡又好乖自己食
野, 可能似你都係斯文形。

pcdogxx,

鈞渝又係乖乖女一名, 好斯文同文靜, 同佢
玩又好玩, 又唔點扭計, 我教佢跳舞, 擰下
個頭佢又緊住我係到跳, 好鬼得意! 不過,
就瘦左少少, 比起上次家長日個日好似瘦
左, 鈞渝你要食多d野啦!

ElainAiolia,

子聰同聰爸個樣真係好似餅印, 一模一樣,
一睇就知兩父子。
你知前話自己肥, 見到你真人都唔係呀!
身型好fit, 又好笑容, 如果你生多個, 生
女似你一定好多人追

626mama,

希望你同學校反映咗d姨姨唔好再咁同
軒軒講說話, 會對軒軒好d, 因小朋友仲
細有時嘔都控制唔到。
軒軒BBQ個日都好定能夠坐定定, 昊藍
就百厭成日都四圍走, 好煩!

ElainAiolia

Dear all mami,
星期六晚BBQ，多謝大家送比子聰D禮物，佢好開心，真係多謝晒；另外，亦要多謝各位o既另一半(好好先生) ，多謝佢o地唔嫌棄我o地呢班大食懶媽o米，仲好勤力o甘谷肥我o地，密密咁幫我o地燒o野食，搞到我都有少少唔好意思o忝 。果晚夜晚訓覺，各位小朋友有無發開口夢 ，子聰就無，不過佢當o左印印係波，成晚不停踢佢，搞到印印無覺好訓，仲要朝早8點幾起身睇電視，真係人都癲 。

請大家PM我留e-mail，以便send回果晚BBQ D相比你o地。

天藍,
再一次恭喜昊藍運動會得獎 ，所以你o米再話佢曳喇，其實呢D係佢o既運動細胞o黎o架，平時操練有數，到需要時o米出真功夫，所以奪獎 。

626mama / pcdogxx / hongmimi,
你o地D小朋友比較起昊藍及子聰乖好多 ，希望佢倆個無嚇親軒軒、鈞渝及匡匡就好o羅， 嘻！嘻！希望下次敍會大家再一同參與。

626mama

ElainAiolia,

我SEND了個電郵給妳，有相請 SEND 給我，THX
也請妳比個電郵我丫，bbq夜上我沒有拿相機出來，
但上午我有帶相機，運動會影了子聰同昊藍幾張相。

各位,
如果有相，都請 SEND 給我。THX THX

Pcdogxx,
上次妳話SEND文章給我們，我尚未收到，我不是吹足妳，
而是怕我打錯電郵給妳，玩正再SEND給妳。

各位,
運動會當日，係門口等入去時，軒軒見到穿紅色衫
的各位老師，立即拉住我隻手，佢個人成企到45度咁，
係都要走，好以好驚咁，唔肯行入去，佢真係好驚，
要我抱佢入去，我同佢講，怏d入去找MISS GLORIA囉。
佢先至好D，MISS GLORIA整值係佢偶像。

軒軒星期六好開心呀，上午報到時，可以同
MISS GLORIA影到相，見佢影相時，忍住笑個樣
就知佢幾鐘意老師。不過老師帶頂帽加個太陽眼鏡，
可能佢好怕晒。

晚上BBQ軒軒好開心，有咁多小朋友同佢玩，不過成日貼實我。好以膠水咁。佢晚上好好訓呀，可能真係攰，所以唔得閒發開口夢。第二日訓到9:40先起身。星期日下午都係好好訓。
妳地幾點返到屋企呀?我11:15返到屋企，差一個未12:00就關燈訓覺喇。

差不多走時，大叫嚇親大家真係好唔好意思。真係失禮晒。ops:" />ops:" />

希望好怏又可以再一齊玩就好喇。

[ 本文章最後由 626mama 於 07-10-29 14:09 編輯 ]

hongmimi

Dear all mami,
星期六晚BBQ真係玩得好開心，轉眼間就幾個鐘:time: ，真係快樂不知時日過!多謝大家送俾匡匡既萬勝節禮物，我無預備到真係有d唔好意思!

個日因為我屋企又塞渠又爆魚缸濾水器條喉，攪到一頭煙:evil: ，遲晒大到都唔記得同大家講聲sorry添! 而家補番 Sorry…sorry…… (遲到好過無到….. 我講say sorry )

我d相等我整理下再send俾大家，真係想快d有下次聚會，等我諗下有咩好玩先!!

ElainAiolia,
子聰以為匡匡真係過去嗰邊同佢一齊訓教，嗰刻個樣幾緊張!  匡匡個晚就一訓落床 幾好呀! 仲成晚都無打功夫，訓醒第二朝居然係同一位置!!

626mama,
軒軒被我感覺都一樣係咁乖，坐定定，俾起其他男仔文靜好多，公公婆婆教導有方呀! 第日軒軒讀書實好留心啫! 我無留意返到屋企幾點，好似入房訓就12:30左右!!

pcdogxx,
女仔真係唔同d，鈞渝有女仔既溫柔! 嗲功都好了得!! 睇黎佢都幾lum匡匡噃!! 飲綠茶 妳一啖我一啖! 天藍講得岩呀! 真係比之前瘦左d，唔通咁快就要keep fit?

天藍，
嘩! 原來昊藍係運動會得獎呀! 恭喜晒! 第一次見妳地，我覺得妳兩母子都好似，個樣一樣好可愛:loveliness: ，笑起上黎好似松鼠仔咁!! (其實唔笑都似!!!!!)

我個樣都呃得下人架! (妳問我老公就知喇! 我都係咁呃到佢娶我….. ) 匡匡都有一樣幾似我，就係慢熱，一樣初初就斯文 ，跟著….. 哈哈哈!   希望到時唔好嚇親妳地!

天藍

All mama,

星期六個日BBQ真係好開心, 認識到各位,
同小朋友一齊玩佢地又好開心, 仲有各位爸爸
都好好人, 幫我地燒野食, 變左我地D媽咪唔
使甘辛苦, 真係好開心!!! 仲有多謝晒你地D
禮物, 亞仔鍾意到不得了!
個日仔仔玩到好, 返到屋企一沖完涼, 就自己
走上床訓, 都唔等我地, 晚上仲發開口夢話no no
no, 唔知係咪比南瓜人同個D公仔驚親, 同子聰
一樣不斷踢姐姐, 但好彩無神甘早起身, 都好似
平時咁差不多八點先起身。

pcdogxx / ElainAiolia,

好我以家send e-mail add. 給你們, 有靚相send
番比我。
我都想問你地send e-mail 給我, 因我都有影到
少少相, 想send 番比你地。

hongmimi,

好開心你話昊藍似我, 因個個都話佢似爹D, 好
少人話仔仔似我, 尤其係對眼。
昊藍個日拾豆袋比賽左銀牌, 子聰仲勁金牌,
仲有子聰係親子障外賽埋銀牌, 幾勁。
見完匡匡之後仲更加唔捨得你地搬, 匡匡好得意又
乖!

原文章由 626mama 於 07-10-29 09:47 硐表
ElainAiolia,

我SEND了個電郵給妳，有相請 SEND 給我，THX
也請妳比個電郵我丫，bbq夜上我沒有拿相機出來，
但上午我有帶相機，運動會影了子聰同昊藍幾張相。

各位,
如果有相，都請 SEND 給我。THX THX

Pcdogxx,
上次妳話SEN ...

hongmimi

天藍，
我夜晚睇野好差，又無行得好近昊藍爹地睇真(行咁近! 嚇親人嘛!)，我諗昊藍都似妳地兩個既!! :loveliness:

ElainAiolia，
原來子聰都有攞獎，仲要又金牌又銀牌咁威水!  恭喜晒!!

各位，
我都pm多次我email address俾大家，有相整好send俾我啦!! Thanks!!

626mama

Hongmimi,

係LU，星期六晚BBQ真係快樂不知時日過。
4個鐘過得咁怏。

妳屋企塞渠同爆魚缸濾水器條喉，係咪海星作怪呀。
好呀，好呀，咁妳快D諗下有咩好玩LU喎!!
玩，係我強項。

軒軒真係好姑寒，唔比匡匡訓佢架車仔。啦啦聲走埋
來同我講，嫁車車係我嫁。嗰個樣緊張得佢丫!唔怪得
軒爸成日話佢係"寒才主"。

軒軒才不乖呢，佢都係走來走，不過走兩走，又走來
痴住我。食野又慢，妳見佢坐係度食野以為佢食左好
野，其實又唔係囉。成日炸嬌要人抱。

pcdogxx,

鈞渝真係好大方，成日請人飲野，佢都好鐘意貼紙咁喎，
我兩張蚊貼佢都me野去玩，我見佢仲去昊藍身上me，
不過昊藍唔制。鈞渝就係唔請我食棉花糖囉。想起我叫
鈞渝請我食佢食緊的棚花糖，佢啦啦聲塞晒入口度，
跟住個口唔郁，好以冇食過野咁，真係好好笑。

ElainAiolia, 天藍,
恭喜子聰"拾豆袋"金牌
恭喜昊藍"拾豆袋"銀牌
原來子聰係"親子障礙賽"拎埋銀牌。

妳地兩個好叻仔呀。

[ 本文章最後由 626mama 於 07-10-29 14:10 編輯 ]

626mama

hongmimi,

昊藍爸爸好好眼，螢火虫都係佢睇到話比我地知。