九龍禮賢幼稚園K3家長請進！

朱古力

(今天早上7:45)
塱生講：我地轉校喇！
我答：唔係轉校，係升班．
塱生講：唔係，我轉高勇班，
我答：唔係高勇班，係低勇班．
塱生講：係低勇班，我地以後要上樓梯．
我答：係呀！你去過新課室呀！
塱生講：係，我坐二號

愛美

penpen投左啦

penpen

GRACEMAMI,littleeva,bosze,愛美,
謝謝你們神性的一票!!  

朱古力,
妹豬都有話過老師同佢地講佢地要轉第二間課室喇~ 仲有帶過佢哋去新課室添~ 仲要上樓梯呀!! 我諗學校都可能未編排黎緊新學期邊個老師教邊班!
昨天去完科學館,我都有問我妹豬有關既事, 其實佢之前果日已經話咗俾我知老師分咗佢係黃色波波貼紙組(應該係指貼黃色波波貼紙), 會跟朱老師, 今朝都再話佢搭1號車, 又話撞到同佢一齊學芭蕾舞既同學(我諗果個應該係讀下午班), 同婷婷坐, 近來佢多次向我說婷婷唔睬佢, 同咗琳琳做好朋友, 唔同佢做, 佢唔開心! 老師都有問過婷婷點解唔睬我個囡, 跟住我同阿囡講番, 下次婷婷再係咁! 可以同婷婷講可以識好多好朋友, 唔係淨係識一個好朋友囉~  希望唔會再聽到阿囡咁講啦~  

朱古力

bosze,
好呀！你明天講我知．

penpen,
我囝囝都有講，佢話自己係黃色點跟林老師，佢仲話啡色點就跟李老師，囝囝都係坐１號車出發．
佢話在科學館見到消防員整路，我都唔係好明佢講咩，我問佢見唔見到機械動物，佢就話無見到．
又話有兩個小朋友（一男一女）碰到，ＸＸＸ（男仔）仲流血添，跟住喊．

我之前成日同佢講要跟實老師，如果唔係就唔見左佢，留低在科學館同隻機械豬一齊，佢返黎就即話番我都無豬．比佢激死．       

penpen

朱古力,
我諗可能你囝囝見到d戴住黃色頭盔既整路工人,以以為係消防員, 我妹豬都試過!!  : 妹豬就講到見到其中三樣既機械動物~  
仲講到好吸引, 我都想去睇下, 我都未去過科學館, 搵日去睇睇, 橫掂我妹豬未夠4歲, 唔洗錢~    

朱古力

penpen,

你有時間真係要去睇下喇！
昨晚我問囝囝，佢係咪同卓瑩一組，佢答我：佢講錯左，佢係綠色點先真，所以係林老師帶佢地喎．

penpen

朱古力,
你囝囝係話佢自己搞錯定係我妹豬搞錯呢?!  
因為我妹豬話佢自己係黃色波波點係1號車同埋跟朱老師,仲話朱老師讚佢喎!
昨天早上同阿囡去咗睇"荒失失奇兵" , 都幾好笑, 但相比起 "史力加" 就差咗dd, 但講友情講得幾好! 阿囡都睇得好開心, 佢最鍾意隻長頸鹿, 成日見到隻河馬話好肥!  

朱古力

penpen,

係我囝囝攪錯呀，佢自己話應該係錄色點，佢跟林老師，但都係搭一號車．
我都諗住帶佢去睇呀，不過要等我得閒先．另外果套【老友狗狗】我都諗住去睇，不過仲未上影．

penpen

朱古力,
原來係咁! 我諗住若果係我妹豬搞錯我都要糾正番佢嘛~  
我諗你多數星期日先得閒, 若果你在百老匯睇可以早幾日上網訂定早場, 不過每張飛要加$5 svc. charge, 但計落都平過睇正場架 ! 因為早場$25嘛~ 　

朱古力

bosze,
浩然無講錯呀，因為塱生話佢自己係２號

penpen

bosze,朱古力,
妹豬反而冇同我講過呢件事呀! 不過今日返去, 佢有帶我去過佢既新課室, 我又問佢若果要去洗手間響邊度, 佢都帶到我去, 洗手盤個制係按既！ 佢哋不夠力按, 我都有同李老師傾, 佢話剛開會已經反映過了!
問咗李老師,佢哋升左班之後班主任應該鄧老師! 佢自己響番幼勇班, 嚴老師就會去咗隔離幼愛班 !
好想快d到星期二睇碟呀!!  
今日去咗睇恐龍化石, 需然係平日, 都算真係幾多人呀~  假期實在不敢想像了!!  

littleeva

bosze

去取評估時本來有好多野想請教老師, 不過唔夠時間. .
基本上老師都係讚仔仔. (我估禮賢是這樣) 老師都有話仔仔d畫畫得好.....etc  我就話 他油出界 等等的問題 我話怕他將來寫字都會是這樣. 老師話 不一定.

暑期班報 了 2 個畫班 2 個 黏土班 . (主要都係想訓練下佢手仔)  

另外想問下大家 有冇交 9月學費 ?

我未交是否要 1/8 才交 ?

另外買 校服 (背心) 是否都係 1/8 買 ?

謝謝.

朱古力

bosze,
我幫囝囝報左個英文課程，課程內容係畫畫、唱歌等...不過淨係返星期六一天．而你的就可以Keep住佢地返學既態度，不過初初返佢會有Ｄ陌生，你要多Ｄ同佢傾計，問下佢開唔開心．

littleeva,
係呀！通告話如果1/8不能回校就30/6前返支票比老師，但都要在xx/8前回校買校服，所以我決定在1/8返學校一次過攪．

littleeva

朱古力

TKS , 咁我都係 1/8  去學校 .  或者請假一天. 諗下帶仔仔去邊度玩下先.  ^o^

朱古力

bosze,
你收埋校服喇！我見佢寫住要８月幾多號前去買，我諗到始終都要返去，所以就諗８月１號去添．

朱古力

bosze,
係呀！咁我或者明天去買．

penpen

bosze, 朱古力, littleeva,
我就諗住暑假俾阿囡繼續跳芭蕾舞, 另外佢話想學畫畫, 近來佢時常都畫, 會幫佢報多個畫班, 不會再報其它了! 因為另外有d時間都係要幫佢keep住溫習, 因佢認中文字較差, 又要探下d親戚朋友, 我想都夠充實了!
校服我早幾天在校務處買了兩個低班袋, ,之前有一件已被名牌勾爛了,一件上堂油顏色弄污了, 洗唔甩, 諗住著住一件先, 快乾嘛~ 因為怕阿囡過幾個月再標高件細碼圍裙會唔啱! 運動衫我諗佢最快下學期先需要再買!  需然我已有所準備, 但我都諗住1號同阿囡返下去, 見下佢個新班主任打聲招呼!!  

朱古力

penpen,

低班袋，係咪即係淨得個紫色袋仔呀！
將而家個橙色袋拆左換個紫色就得喇！
唔洗買過件校服呀！

penpen

朱古力,
係呀! $10對!! 又或者你搵到d紫色布都得架!! 不過學校買果對就cut好晒, 有晒邊, 靚d!  

朱古力

penpen,

唔該晒！好在你講比我知，如果唔係我會買過件．
又可以慳番Ｄ喇！