07-08年宏福幼兒園媽咪繼續入o黎傾~(PART 4)~歡迎新朋友加入

天藍

hongmimi,

匡匡真係好叻仔! 各方面都咁醒拎個大獎
送比你地, 真係開心c~
匡匡學校都幾好有名次排分, 比小朋友有個鼓勵性,
雖然你話怕匡匡會驕傲, 但其實做父母既見到自己
既仔女咁叻, 真係暗暗地係個心到笑出o黎! 希望
匡匡一直保持水準, 一路有拎獎既好消息比我地,
繼續加油!!!
昊藍學校都有上學期結業頒獎禮, 昊藍都拎左5個
豬肉獎, 一. 學期嘉許獎(上學期表現佳)、二.禮貌獎、
三. 親子閱讀獎(金獎)、四. 親子刷牙獎(金獎)、
五. 麥當勞親子閱讀比賽嘉許獎, 昊藍學校活動教學,
學業上無排名次, 但我見好多同學仔都有獎, 所以
咪話豬肉獎, 但問過老師佢地話唔係個個都有, 我地
頒獎禮無得觀禮, 係學校頒獎影左d相比我地咋!
如果好似你地有得觀禮就好啦!一定會好開心~
匡匡個鼻仔好d未? 食左d藥以家夜晚係咪有覺好訓
唔使鼻塞塞。

原帖由 hongmimi 於 09-2-28 12:35 發表
天藍，
呵呵! 匡匡有獎拎我梗係會話俾妳地知，但因本來我想先將佢攞獎同去協康旅行d相搞好先一次過俾妳地睇，高興d嘛! 唉! 可惜我呢個懶媽咪…..到而家都未整好! 唯有send住兩張俾大家，請check email!

匡匡係上學期得到個 ...

天藍

pcdogxx,

我同你咁老友, 昊藍又同鈞渝咁好朋友生日會
你未覆我, 我都一早留左你地位啦! 多謝你地
一家人出席, 遲d再send邀請咭比你地~
鈞渝好叻女考到10名內, 叻女!
我近排都有你既問題, 都係上唔到bk, 但我只
係上唔到"親子王國"個邊, 教育王國o黎邊就
無問題, bk真煩成日都唔知搞乜。:;pppp:

原帖由 pcdogxx 於 09-3-1 07:20 發表
各位,
因為公司個connection唔知係咪有問題, 成日都上唔到bk, load得好慢... 就算睇到都冇可能覆到. 所以咁耐冇上黎留言...

rplyan,
你好返未呀?  又會無啦啦生蛇既...   聽你講到又俾針拮.. 食左藥又勁high都戥你 ...

天藍

ElainAiolai,

星期六旅行個日我地一家都玩得好開心,
不過, 昊藍前一晚d鼻敏感好犀利個鼻塞
晒, 我個晚比左d敏感藥佢食, 個朝可能
d藥影響個人唔係咁精神, 但去到學校昊
藍見到老師同同學就好開心, 個人活躍番,
加上個日天陰無太猛既太陽, 亦無雨所以
行山路段都好舒服, 去到草地野餐同d同
學老師一齊坐草地食野, 同玩遊戲好開心~
走時我真係好, 好想係車上訓下, 但昊
藍仍然好活躍一d倦意都無, 仲要係車上
不繼問我問題, 細路仔真係精力無窮。
至於我做義工個到都係d好輕既工作, 點下
人數, 同行山時行隊尾留意有無人走失, 就
係咁啦!
你記得今個星期五仲有一堂黏土班, 記得
提印印送子聰去學黏土。
仲有我想問今個月20/3晚上我地係咪去
聽某小學既簡介會? 係咪7:30p.m.開始?
我怕我記錯野!想問下你確定下。Thanks!!!

原帖由 ElainAiolia 於 09-3-2 12:43 發表
pcdogxx,
想問o下公文式個簡介會時間OK嗎？因你知我返工好遠o架la。

我想比子聰學數學，我諗比較有用D (因通常D小朋友學公文式都係學數學)。若你報名預埋我呀。

星期六，印印最終梗係無買粉整糕比子聰食la，我都預o左o羅。 ...

ElainAiolia

天藍,
星期六，天氣咁好，去行山及旅行簡直 perfect。子聰上畫班知道昊藍去o左旅行，佢都話要去，真係比佢激C。

星期五黏土班，我記得，唔該晒你提我。

20/3，XX小學簡介會，你無記錯，係7:30 p.m.舉行，至9:00 p.m.完，可能到時得我一個去聽，因唔知聰爸返工返幾點？

hongmimi

各位,
"公文式"我都未search九龍出面邊到近~ 黃大仙附近都無乜兒童學野既地方，好多野要到九龍灣先有。而家有免費試堂，妳地要好好把握機會呀!

pcdogxx/626mama,
妳地識得整九層糕，好勁呀! 軒軒、軒爸、鈞渝同鈞爸真係有口福呀!

pcdogxx,
妳仲整埋芝士波波添! 出爐時外脆內Q，真係諗起都口水流~

天藍，
多謝妳地既誇獎，我話匡匡係學校唔係叻，只識得係老師面前扮乖啫!

學校有名次排分，好唔好就真係見仁見智，而家我地要加把勁，隨時下學期無得寫真係fish咯!

嘩! 乜昊藍咁勁”立”左5個獎，無論學業成績、禮貌、參與活動…通通都咁出色，真係叻仔~

妳咪以為係豬肉獎啦! 可能真係如老師所講唔係個個都有，因如個個都有老師真係唔洗選啦! 咁多獎有無certificate或獎牌咁呀? 老師俾左d相妳未? 請我地欣賞下呀!

昊藍學校旅行睇黎好好玩喎! 無猛太陽又無雨，仲草地野餐添，有妳呢個義工媽媽，昊藍又可同同學仔一齊玩，一定好開心!


匡匡個鼻仔都係咁但唔算嚴重，我地都未得手同佢去專科覆診。不過近日佢d皮膚(眼睛、臉上、心口、背部)經常出現濕疹，有次對眼腫起到不得了，即刻沖涼、查濕疹cream跟著又無事…擒晚又係咁，婆婆俾佢食醫生一早開定既敏感藥又無事…怪怪地…今次唔知係食物、天氣定環境影響喇! 昊藍d敏感同匡匡一樣，一發作時真係好犀利! 希望佢地大d都會好d就好咯!

626mama,
多謝妳地既鼓勵，希望keep得住啦!

rplyan，
收到妳既短訊，妳好番就好喇! 不如妳同希旻講，條蛇蛇好貪玩走左出街，以後都唔俾佢入門口…嘻!

626mama

天藍,

昊藍有五個獎好叻仔呀，
雖然妳話豬肉獎，都唔係個個有嫁嗎。
好叻仔呀，要保持個水準，
加油努力。

原帖由 天藍 於 09-3-3 10:07 AM 發表
hongmimi,

匡匡真係好叻仔! 各方面都咁醒拎個大獎
送比你地, 真係開心c~
匡匡學校都幾好有名次排分, 比小朋友有個鼓勵性,
雖然你話怕匡匡會驕傲, 但其實做父母既見到自己
既仔女咁叻, 真係暗暗地係個心到 ...

626mama

hongmimi ,

"公文式"我見黃大仙都有，打出來睇下近唔近婆婆丫。

鳳德街 23號地下  tel : 2322-0959

新浦崗寧遠街9號越秀廣場2樓211-213號舖。
tel : 2329-3955

原帖由 hongmimi 於 09-3-3 03:18 PM 發表
各位,
"公文式"我都未search九龍出面邊到近~ 黃大仙附近都無乜兒童學野既地方，好多野要到九龍灣先有。而家有免費試堂，妳地要好好把握機會呀!

pcdogxx/626mama,
妳地識得整九層糕，好勁呀! 軒軒、軒爸、鈞渝同鈞爸真係有 ...

天藍

ElainAiolai,

哈~哈~子聰咁搞笑, 聽到昊藍去旅行想跟我地一齊
去, 好呀! 下年帶埋子聰去, 不過, 昊藍學校人多,
學校規定除兄弟姊妹父母外, 就只可帶多兩個人去
旅行, 子聰有興趣下年預埋你地~
今個星期五會有雨, 同天氣開得16度左右, 你記得
叫印印出門同子聰著多件衫, 唔好凍親。Take Care!!!
20/3我都係自己一個人去聽簡介會, 我唔係好識路去,
我想問我地會唔會約埋一齊去, 大家會唔會食少少野
先去聽???

原帖由 ElainAiolia 於 09-3-3 13:23 發表
天藍,
星期六，天氣咁好，去行山及旅行簡直 perfect。子聰上畫班知道昊藍去o左旅行，佢都話要去，真係比佢激C。

星期五黏土班，我記得，唔該晒你提我。

20/3，XX小學簡介會，你無記錯，係7:30 p.m.舉行，至9:00 p.m.完，可能到時得我一個 ...

天藍

626mama,

多謝你讚昊藍仔呀! 其實大家既小朋友都
好叻~
我想問下近o黎幾日有無入"親子王國"個
邊? 因我前幾日都入唔都去, 昨天入到去,
但出番o黎再入去就入唔到, 唔知個邊係
咪整緊o野, 入唔到去好鬼煩

原帖由 626mama 於 09-3-3 15:20 發表
天藍,

昊藍有五個獎好叻仔呀，
雖然妳話豬肉獎，都唔係個個有嫁嗎。
好叻仔呀，要保持個水準，
加油努力。

626mama

天藍,EalinAiolia,

妳地約埋一齊去，記得預埋我呀。
我一陣才去搵地址。
唔知近邊，有時間食小小野才上去都好。

原帖由 天藍 於 09-3-4 09:21 AM 發表
20/3我都係自己一個人去聽簡介會, 我唔係好識路去,
我想問我地會唔會約埋一齊去, 大家會唔會食少少野
先去聽???

626mama

天藍,

我入BK基本上都冇問題，不過次次入黎都會自動跳左唔知去邊頁，PCDOGXX都好以近排成日入唔到黎。

上次BK大整，我確得到而家都未整好咁，好煩。

原帖由 天藍 於 09-3-4 09:56 AM 發表
626mama,

多謝你讚昊藍仔呀! 其實大家既小朋友都
好叻~
我想問下近o黎幾日有無入"親子王國"個
邊? 因我前幾日都入唔都去, 昨天入到去,
但出番o黎再入去就入唔到, 唔知個邊係
咪整緊o野, 入唔到去好鬼煩

...

天藍

hongmimi,

匡匡識得係老師面前扮乖, 証明匡匡係醒目仔一名,
識得睇人眉頭眼額, 但我亦相信匡匡係叻仔一名, 識
扮乖都要有聰明才智先考到"優秀獎", 所以匡匡都係
叻仔一名, 希望匡匡能一直保持水準, 努力加油!
昊藍學校頒獎禮d相比o左我, d獎狀係屋企, 我有時
間再post上個blog到比大家睇下, 昊藍好搞笑影相成日
都依起棚牙, 好似買牙膏廣告咁, 真笑c人~~
原來婆婆個到附近無乜o岩小朋友學既課程, 如係個
邊近唔近MTR站, 如係婆婆送唔送到匡匡去上堂or
學校有無興趣班, 如有校車接送or價錢唔太貴, 都
可考慮係學校學, 起碼有校車送到樓下婆婆公公唔
使行咁遠咁辛苦。
軒媽post出來黃大仙既公文中心近唔近婆婆屋企?
如係可考慮下比匡匡學, 我覺得公文數對佢地咁細
既細路都ok, 培養下數學概念。
匡匡d敏感又起, 仲要眼仔都腫起來埋真係慘! 我
都覺得春天好煩時冷時熱, 又潮濕真係好易敏感,
希望大家既小朋友都唔好敏感, 個個都身體健康!
仲有想問你今個星期日早上10:30a.m.你會唔會
返教會(荃x全完x), 因今個星期日3堂(青衣, 葵涌,
荃灣)合併全部去晒荃灣崇拜, 個日我都會過荃灣,
唔知你會唔會去呢?

原帖由 hongmimi 於 09-3-3 15:18 發表
各位,
"公文式"我都未search九龍出面邊到近~ 黃大仙附近都無乜兒童學野既地方，好多野要到九龍灣先有。而家有免費試堂，妳地要好好把握機會呀!

pcdogxx/626mama,
妳地識得整九層糕，好勁呀! 軒軒、軒爸、鈞渝同鈞爸真係有 ...

ElainAiolia

Dear all mami,
真係要係度o申番兩句，自從o黎o左香港做o野，已經唔開心，同埋好辛苦，今日我老細問我o地20/4有無o野，因果日公司有特別o野做，叫D同事無o野唔好攞假，一定要返工，我就同佢講話可能果日仲放緊假，因要換工人，佢話佢唔知我會放假 (因佢剛來無耐，但我D同事由舊年已知)，我話因為我未確實日子，要等入境處批o左Visa先知，佢問我咁幾時先知，我話無得問入境處幾時得，佢叫我揾老公放假睇仔，而我返工o米得o羅，我話我擔心我老公果日都有需要返工，况且聰爸3月尾會開始放假揍子聰，至到新工人到，接住到我放假教工人o野。其實我係唔忿氣在，我問過我D同事，佢o地話以前無話唔比放假，只不過盡量返工o者，但D人都係照攞假，無齦理。咁你o地話我老細衰唔衰呢。

天藍,
相信昊藍攞果D唔係o羊豬肉獎，一定有功勞先攞到o既，換著係子聰，豬肉獎就無la，豬肉就有佢份，哈哈！

簡介會地點我都唔識去，同埋我成六點鐘先收工，我怕趕唔切食o野，所以諗住聽完先食，或者你同佢o地食la。

子聰如無意外25/4天主教洗禮，因聰爸會復活節洗禮，原來成人洗禮後，可以幫埋D仔女洗禮o架。

hongmimi,
原來匡匡呢排D皮膚都好差，子聰又係，尋晚無端端兩隻手腕位有兩撻紅o左，我幾驚佢D風“冷”又o黎，即刻同佢揸醫生藥膏，今朝好似好D。

ElainAiolia

pcdogxx,
已收到e-mail，咁你報o左公文未呀？

rplyan,
你好番D未呀？條蛇走o左未呀？希望你快D好番la。

天藍

626mama / ElainAiolai / pcdogxx / hogmimi /
rplyan,

今早我已send了昊藍生日會的邀請卡到你們的
email, 煩請查看!
多謝你們出席~

原帖由 ElainAiolia 於 09-3-4 13:42 發表
pcdogxx,
已收到e-mail，咁你報o左公文未呀？

rplyan,
你好番D未呀？條蛇走o左未呀？希望你快D好番la。

天藍

rplyan,

你條蛇走o左未呀? 仲有無比針吉既感覺,
希望無啦!
記得著多件衫, 天氣開始轉冷!
祝早日康復! 身體健康!

hongmimi

626mama,
真係唔該晒妳呀~ 擒晚我地上網睇過有關資料，今日問左個前輩朋友意見，暫時唔會join。或者等佢大d會join其他數學班，but anyway…thank you so much!

天藍，
昊藍成日依起棚牙買牙膏廣告…嘻嘻! 好呀~ 等妳d相…

托賴學校老師都搞得佢掂~

我唔想婆婆平日騰出騰入送佢上堂，even而家逢Friday 7:00pm佢係megabox學wonderland都係等我放工趕返去接送，如果日好趕就叫婆婆帶出mtr閘口。

至於學校係有興趣班，不過join左要遲放學係無校車接走，白白浪費校車錢之餘，又要婆婆去學校接，好麻煩呀~ 所以我無join到~

我地都好耐無返教會咯…匡匡唔肯入去囉，我又唔想迫佢，順其自然啦! 不過有時佢”有所求”時識得向天父祈禱架…哈哈! 成日都攞著數…所以唔好意思呀，今個星期日join唔到妳地喇! 昊藍真係乖，親近天父好有福氣。

ElainAiolia，
唉! 妳地份工就係咁，話要就要無得揀…20/4有乜特別operation呀? 係咪只係一日? 可唔可以叫子聰婆婆/嫲嫲過黎睇一日? 希望妳老細見夠人返唔洗妳返啦! (我成日都咁對住匡爸”諗”但無出到聲，始終返工要緊)，不過妳盡情呻啦! 我地細心聆聽~

老友，聽到妳調左去之後樣樣都唔多順意真係替妳著急，希望妳快d有機會調番出黎啦!

唔係! 我覺得d”豬肉”係頒晒俾媽咪就真，妳睇我就知，哈哈!!
恭喜聰爸同子聰呀! 洗禮係人生一件大事，記住一家人都要出席同影多d相呀~ 嘩! 咁如子聰第日想入天主教小學又多d chance喇~

唏! 匡匡不嬲d皮膚都好差，似我嘛! 我細時又係咁架，周不時出風“冷”又皮膚病，醫生開d好臭既藥水我沖涼架! 子聰揸左藥膏好d就好喇! 所以我地屋企一定要有d醫生藥膏看門口，唔係既話，佢地皮膚痕，我地心又痛!!

妳地係咪講緊x小簡介會? 雖然我唔join妳地去，但該地點我都有少少認識，匡匡嫲嫲已經搬左去果度附近喇。如妳地都搭地鐵，最快捷係鑽石山地鐵站等，出到地面有架小巴19M或打的上去都好近(可能唔洗跳錶添)。妳地可以係荷里活廣場食野(即鑽石山地鐵站之上)。

ElainAiolia

Dear all mami,
今日晏晝收到入境處電話，佢話我申請工人個案件處理中，但張申請form有D野填錯o左，需要改番並要工人加簽，之後再fax番去就得la，我o米成機問佢仲有幾耐可以出到visa，佢話當收番更正好o既文件後，好快就會出到，雖然佢無講我知幾時，但我估計3月中左右應該搞掂，即係無工人用o既真空期唔會太長o者。

天藍,
e-mail已收到la，Thanks!

hongmimi,
20/4返工果度唔諗la，因今個月尾又會轉老細，仲要係女人，到時同佢傾o下可能好D。

其實而家個度都幾麻煩o架，樣樣都要你識做，攞假又麻煩，你知la，以前個仔有乜時，通常都係我攞假多，而家成日要聰爸攞，都唔緊要，最弊不嬲都係我跟開，搞到佢一頭煙，仲要我係電話到遙控佢點做，教得o黎，可能已做完幾次lu，問你C未。

ElainAiolia

hongmimi,
係呀，我o地講緊X小簡介會，我諗大家都係坐MTR卦？我對果頭唔太熟，都係諗住睇地圖o乍，既然你熟D，梗係問你la。到時搭小巴 or 搭的士，睇o下人數至算。

莫講子聰D皮膚麻麻，我都無端端係兩邊耳背出o左D好似濕疹o既o野，好鬼C痕，仲越 "R" 越痕o忝，可能年紀大，揸o左子聰D藥膏都唔係太得，希望揸多幾日快D好番。

天藍

ElainAiolai,

你唔好唔開心啦! 你老闆咁無人情味, 如公司無
乜特別事人齊, 比你拎假都話唔得, 真係慘
雖然聰爸有時拎假湊下仔, 但男人始終無我地女人
跟開d家庭事, 好多時好似你所講電話搖控佢做得
o黎, 自己已經做好多轉, 唉....., 但有時生活所
逼又放唔到假真係無計, 爸爸係屋企, 終好個兩個
都放唔到假, 到時真係唔知點算, 希望你新工人會
快d批到o黎香港, 唔好真空期咁耐, 不過, 我上次
經驗所得, 入境處打得比你應該都會好快批, 因我
上次收到入境處電話, 話欠一份文件我即時fax比
佢, 過幾日打去已話個visa批, 你補填番份文件,
比佢地個邊, 有時間就係咁打過去check, 個邊見
你急追多幾追好快批。
咁你舊印印幾多號走? 希望新印印o黎到子聰會快
d適應新姐姐~
希望你工作上會快d調離這鬼地方, 遇到個好老闆,
工作會如意開心~
你咪話子聰比好多"豬肉"你, 昊藍都一樣, 生
仔後我都多好多"豬腩肉"
簡介會個日係星期五我都唔知多唔多野做, 如大家
趕唔切簡介會前食野, 不如買少少三文治去到食, 因
聽完都9點都夜啦!
我地會唔會係MTR站(鑽石山)等埋一齊坐車上去? 因
我睇個地圖離地鐵站都幾遠。

原帖由 ElainAiolia 於 09-3-4 13:38 發表
Dear all mami,
真係要係度o申番兩句，自從o黎o左香港做o野，已經唔開心，同埋好辛苦，今日我老細問我o地20/4有無o野，因果日公司有特別o野做，叫D同事無o野唔好攞假，一定要返工，我就同佢講話可能果日仲放緊假，因要換工人，佢話佢唔知 ...

[ 本帖最後由 天藍 於 09-3-5 12:29 編輯 ]