將軍澳富康德寶(DEBORAH)

wing530

hinhinmom,
有無搵到心水興奮班呀? 我記得有朋友介紹過畫班--- uncle olley, 話幾好喎, 今日我同fifi睇過, $900/8堂, 好似貴d喎~

優才都係你考慮之一呀, 記得以前聽過, 保良局都好似轉直資一條龍, 唔知而家點呢?

homingm,
熊熊合唱團真係咁吸引? 真係要8下喇~     

fifi,
今日你咁好眼力既, 咁遠都睇到我地呀!    anson係咁大大聲叫"標叔叔"呀, 個個人都望住佢呀!   

我已買到手鐲喇, $800, 都幾大睇架, 咁我又可慳d呀~        哎呀, 我今日見到我阿媽, 我唔記得講"爆炸頭"比佢聽呀~        

pinkpink888,
真係好耐無見你上黎呀~       

HALAHA

fifi,

都算搵到stephanie咁次咁反常既原因, 慢慢來, 應該無問題既.

你又話星期日過來玩, 又冇聲冇氣, 不過我都知你不得閑, 因為你老公放假.

你幫stephanie報咗芭蕾舞班, 我都幫wingwing報咗, 到時睇下佢反應, 再決定繼不繼續.

wing530,

我同事格咗價, 佢話差不多, 所以都決定去返佢自已嗰間買, 點都好, 不該晒你啊.

hinhinmom,

見hinhin對學琴咁有興趣, 我都十五十六想給wingwing學, 不過應該都要過完暑假啦, 因為佢呢個暑假都好忙啦.

fifi

pinkpink888,

多謝曬！ 我見過Eunice好多次，一睇就覺侷係個性格好平和的女仔，見到侷同個工人講野，細細聲好斯文 Stephanie就太男仔頭，講野大大聲，行路唔係跑就係跳，多多主意，唉，搞到我有時真有唸過去學下兒童心理學

wing530，

琴日你唸唔到我D o甘快出現呢

Stephanie 琴晚話比daddy聼‘Anson今日見到拐子佬叔叔！’ 我老公仲唔信

琴日等到無o甘曬，又同Stephanie去後面踩單車，侷仲問‘點解Anson借架單車比我o即？’ 又指住天橋話‘點解Anson係果度望住我o即？’我話‘Anson唔捨得同你bye-bye啊’   

HALAHA，

哩兩日都無麽特別野搞，不過唔想過去搞住你嘛。

wingwing今個暑假有麽節目啊？

pinkpink888

fifi:

你不要被Eunice的表現欺騙，她在學校和在家是兩個樣，老師說她是一個文靜的女孩，但我實在沒辦法相信......我平日說一句，她會駁我十句，在家冇時停，成日跳來跳去......唉......可能真的要比人教。

wing530:
學校考完試，咪多d時間上bk囉!!!

hinhinmom

wing530,
我今日同hinhin報左"智趣樂"o既畫畫班la~ 今朝同你講完電話之後, 我就打電話去留位, 放左工即刻去交$, 我同hinhin先報左4堂先, 睇下好唔好再continue~     

我都有睇過uncle olley, but我唔最鍾意佢一次過要交8堂! hinhin唔鍾意都唔知點算!!!反而智趣樂可以每個月比你請假一次, 而且會補返堂比你~

halala,
hinhin o係柏斯上埋呢幾堂就唔比佢o係柏斯返勒, 一來要坐車, 2來我諗住搵d一對一o既, 我諗會好d~~     
係呢, wing wing開始坐校車未呀???     

fifi

pinkpink888,

聼你講得好搞笑 不過真係睇唔出Eunice如你所講哦 次次係課室門口見到侷行出來同侷bye-bye，侷都好怕丑o甘望住我。點都好啦，侷都算能放能收啦。唔似Stephanie，今次真係第一次知道侷都有野驚 所以侷會搞到我好緊張，侷試過兩嵗到係sogo自己搭右手邊扶手電梯落o左下一層，拎o左個之前睇到的ball（店鋪裝飾），然後從左手邊扶手點梯上返來，果日真係嚇到我同個朋友c c下。    只係一眨眼閒。哩件事到今日都唔夠膽話比屋企人知（包括老公），如果唔係實收‘禁製令’，唔比行街街啦   

hinhinmom，
你報的‘智趣樂’係邊度啊? 我好似係邊度睇到過。等Stephanie讀完暑期班，我都會搵D畫畫班比侷。

wing530

>>HALAHA,
wingwing呢個暑期忙咩呀? 你係咪報左兩個course比佢呀? 我地好耐無見喎, 搵日出黎食飯傾下計啦~   

>>fifi,
anson今日行過天橋, 又話係度等stephanie喎! 其實果日都係anson話要等架, 佢話要望住你地走喎~     

anson今日問我, 佢問架單車整好未? 我話架車有排整, 因為架車甩左個轆, 我老公聽到, 仲問我真架!        

>>hinhinmom,
今朝真唔好意思呀, 琴琴青收左你線, 因為我老細企左我前面問野, 之後都好忙, 所以無覆你電話呀, 我今日忙到要超過6:30pm先收工, 返到黎都8點呀, 其實都好少會咁既, 撞正月頭, 同埋要開會囉~     另外, miss suen請左假, 到下星期一先返, 因為佢去左"澳洲", 今日都係head teacher評估架~

你報左course喇, 我睇你學成點, 等開左學先再決定, 當然都要睇埋fifi報唔報啦, fifi唔報, 我都唔報架, 你唔好以為我咁痴"錢"fifi先得架, 其實, fifi幫我湊anson呀, 湊到我放工返黎呀~     fifi, 我錫哂你呀~           
      

HALAHA

wing530,

真係好耐無見啦, 我都好掛住你呀, 睇下幾時得閑, 真係要約出來傾傾, 等wingwing又見下anson & stephanie.

hinhinmom,

我對你個"智趣樂"都好有興趣, 但應該都係你地坑口嗰邊,係不係? 可不可以給啲資料我呢?

hinhinmom

fifi, halala,
智趣樂o係新寶城呀~~ 佢地有好多唔同種類o既興趣班, 你地可以參考下~  其實新寶城都有好多間教育中心, 你地得閒可以去睇下~~

wing530,
唔怪得hinhin同我講話miss suen無返學啦, 原來去左澳洲!!, 我仲以為佢又病左~~      

fifi

wing530,

你真係晚晚都o甘夜哦

睇你寫得好搞笑，你講大話時真係好鬼認真，唔怪得連你老公都以爲係真啦，你沒見到星期日你話架單車要整時我係度笑麽     

你得閑幫我問單車位沒啊？ 我D都好想放假時Stephanie有得玩嘛。等侷可以同Anson一起踩都好啊

你唔使同我客氣啦，痴纏的唔係我D，係Stephanie同Anson    侷兩個一起玩好搞笑，Anson就好認真，Stephanie就好百厭，搞到Anson投訴侷    我老公講到上次兩個互相投訴，就好搞野    講真，Anson對我老公好似熱情過對我哦   

幾時去睇‘荒失失’啊？

hinhinmom，

等hinhin讀o左個course，記住上來話比我D知好唔好啊？

HALAHA，

星期五我同wing530去食lunch，你得閑嗎？今日見到wingwing啦。

HALAHA

fifi,

你又不聽書啦, 我今朝同你講咗, 我星期五返大陸嗎, 夜晚就得, lunch就不得啦.

wing530,

點解要騙anson單車壞咗, 係不係驚anson不肯借呀.

fifi,

講起架單車, 上次就係同我老公講, 不如同fifi share買架單車, 咁可以擺係你度, 大家都不會個個星期要踩既嗎, 輪流用, 不係錢既問題, 而係你都知啦, 我屋企實在無地方擺. 跟住我老公就閙我話, 人地才不會同你一起癲. 所以上次講起架單車, 我咿咿哦哦一輪之後, 都無講出來.

依家如果去公園, wingwing一見到人地踩單車, 就好似好想踩咁, 所以搵日都要約下anson去大公園踩下單車. 好不好呀呢?

pinkpink888

fifi:

單從Stephanie的外表，實在想像不到她如此"百厭"，佢生的白白淨淨，斯斯文文，估不到那樣大膽 。你同佢出街，真係要打醒十二分精神 :  

fifi

HALAHA，

Sorry, 聼唔到添，原來你今個星期五返大陸

如果要食夜晚，就要睇食完lunch幾點可以比D小朋友訓到覺啦，如果早就無問題。等我問下wing530先。

講起單車，無怪得之你上次咿咿哦哦啦 講出來有麽所謂咋。不過我D住得o甘遠都好難share到，同埋d小朋友有時都會‘孤寒’下，都會幾煩。 你沒見到上次Stephanie同Anson一起玩霸住架車，抱都抱唔落來，搞到Anson投訴添    你得閑過來玩都得啦，使麽share嘖。

架車係老公應承o左Stephanie的生日禮物，不過一路都租唔到車位（我D都唔想哉係屋企），所以一拖再拖嘖，而加仲麻煩埋wing530係侷果邊問下添，因爲假期我老爺會來湊Stephanie同教侷中文，我老公就想侷日日6-7pm同Stephanie去後面踩下單車，如果假期就湊Stephanie去海洋公園，我D會買埋全年入場証啦。搵到D 8折coupon都幾抵    我老公話有時可以送o左老爺同Stephanie去玩，然後我D去數碼港睇戯，睇完再搵返侷D。   

Dear all，

你D幫小朋友安排o左麽野暑期節目啊，講出來一起分享下啦！     

wing530

>>fifi & HALAHA,
我地不如食夜晚啦, 等佢地可以玩下, 我今日都想同你地講架喇, 而家簡直fit哂啦~   

>>fifi
我睇到自己寫, 都覺得好好笑呀! 講笑唔笑先得架, 如果唔係, 咪比人知囉, anson唔信架~    我呢排都係2點幾先訓呀, 因為公司無得上網, 改為夜晚上囉, 另外, 我呢排睇緊套韓劇, 係download既, 要係電腦睇先得, 轉唔到dvd, 所以, 我咪霸住部腦囉~

另外, 我仲未問車位, 我稔住你未買, 以為唔洗咁急tim, 原來你等我車位先買單車呀? 我聽日打電話問下啦~

>>hinhinmom,
我今日打電話去book眼, 要book到30/7, 因為醫生放假, 最快要19號先得, 我想23號, 夾星期6唔洗請假, 點知full哂, 咪要等到月尾囉~

最後, 我book左另一間, 係佐敦, 今星期6就有得睇喇, 我想快d睇麻~

hinhinmom

all moms,
講開單車, hinhin都唔知點解介未肯用對腳踏, 佢話對腳放o係地下"young"會快d wo~~     
hinhin都有架叮噹單車, 放左o係婆婆屋企, 因為屋企宜家已經有架扭扭車同架電單車, 再放埋架單車都唔知點算!!!

fifi,
你用8折買左全年入場証呀, 係唔係有分金咭架?? 抵唔抵??      

fifi

pinkpink888，

次次同Stephanie行街都好辛苦，周圍o甘走，所以我寧願侷坐係BB車度等我推，我先可以真正shopping

wing530，

你的計劃又有變啦，不過星期五Stephanie侷D早放，我唸住去行下街，唔知幾點先比侷訓到覺，如果太遲，可能就唔可以join埋你D啦。   

單車位果度都無話急o即，離放假仲有兩個星期啦，你得閑先啦。 話比Anson知架車ok o左，隨時call Stephanie儸返

hinhinmom，

海洋公園全年入場証係有分金card同銀card，金card大人$495, 小童$250, 銀card 大人$375, 小童$188, 用8折買真係平好多。我D準備買銀card，本身都好驚公衆假期同D人逼，多係星期六朝早去啦

講真最開心o甘係Stephanie啦，兒童王國的野玩極都唔厭啦，又可以睇威威同panda，坐纜車。係小朋友都鍾意，如果有興趣，而加可以係bk搵D8折coupon（惠康上個月送的），到7月31日都有效。

vibianyeung

fifi,
請問係邊處買有8折啦!!!

fifi

vibianyeung,

係要用D8折coupon一起買先有8折o架。

vibianyeung

即係惠康劵嗎!

fifi

係呀，係六月份惠康送的8折coupon。