2007年8月開學宏福幻兒園既媽咪一齊入來傾下

ElainAiolia

Dear all mami,
仲有無o野未有人負責買o架，我好似無工程o咼 。經過今次先知，我o地幾個媽o米原來都係一樣唔識煮o野，但我識煲湯o咼。哈！哈！


hongmimi / pcdogxx,
你o地唔使搭小巴，落車後行好遠o架，你o地搭33A巴士去到深水埗楓樹街落車，向前行過馬路之後，後面街就係o架啦，好方便o乍，因每個星期出去飲茶我o地都係咁搭 。仲有就係你o地如果真係多o野，比D我攞出去呀，唔使客氣o架。

有關白鱔問題，麻煩你叫魚販幫你切開一舊舊，佢o地唔會幫你去 "珊" o架，你返到屋企比電話我，我幫你搞掂佢。OK！

pcdogxx,
點解你尋晚會咁夜上BK o既，乜你今日唔使返工o羊？你個fd個工人咁抵死，即刻出封warning letter比佢啦 。

ElainAiolia

天藍,
歡迎你加入 "快閃黨" 唔使攞咁多o野去BBQ，你只係買少量飲品得喇，因要幫親小賣部 。

你個印印2009年頭夠期，我果個都係呢年o既3、4月夠4年，我已經同佢講o左唔續約，因5年要比長期服務金，我果個都明白香港人多數請4年就換人，而且佢同我講都想返印尼揍自己個仔。果日昊藍in York居然發生D咁o既事，莫講話你好嬲    ，比著我已經鬧到佢訓街不特止  ，仲會叫佢番上屋企唔使落o黎 。其實我兩公婆都唔仲意請工人，不過無人幫手先請o者。我知道D工人為o左令自己有地位，就會對D小朋友照顧周到，令到D小朋友 "痴" 佢o地多D，咁僱主為o左個小朋友就會忌佢o地三分。我工人有時都會無大無細(我阿妹講)，但我無特別留意，但有時我係屋企都會同佢講，對人講o野語氣要好D、要客氣D同有禮貌，佢都會聽o既。佢都成日有人打電話比佢(通常打佢手提)，我兩公婆係屋企，佢都唔會成日接電話聽，得閒佢先至聽。同埋我嬲o既時候，如果出得聲話佢呢 ，佢都仲好D(因為知道唔係咁大件事)；我試過嬲到爆炸o既時候，我唔出聲好耐，佢真係驚到有得震無得訓 ，所以佢最怕我唔出聲(即係死梗)。你放心，我梗係唔會話比我個印印知，因為我o地係精明僱主o黎o架o麻 。

ElainAiolia

天藍,
紅酒唔使預我，我唔飲o既 。

嘩！你負責o既飲品好多選擇o咼，唔使拎得咁辛苦，係附近惠康買，不過可能唔凍，汽水唔凍唔好飲o咼，其他就無所謂，另外，我會帶定一樽水比子聰，因佢有D咳，支水用o黎溝飲品用o既 。

有關學券，我見我D同學D仔讀07-08年K1，當心儀o既學校收o左佢o地後，都會提佢o地填form申請學劵，而07-08年o既K1申請學劵o既截止日期係5月尾，所以有大把時間。到時我o地互相提點一定無人漏啦o卦 。

pcdogxx

天藍,
我地都唔飲酒架.. 我老公有胃病唔可以飲酒架..  我諗利賓納or橙汁佢都ok架喇.. 我仲有d咳, 都係飲水算喇..  

ElainAiolia,
我平時出去搭33A係差館出面落架..  原來早一個站落車近d架, 等我地今次試下先..

平時陪阿女瞓我都會瞓埋.. 咁尋日知醒咪起身攪下野囉.. 跟住攪下攪下就半夜喇..  今朝鈞渝仲俾老公鬧鐘嘈醒, 6點幾mark大眼又"了"我眼, 又插我鼻.. 真係想死..   跟住唔理佢繼續瞓, 佢先又瞓過咋.. 唔係實死硬.. 好彩老細今日出左trip, 返到去勁hey..  今日我既production係 "0" output 呀..  哈哈... 所以見到我係咁勁出post.  

平時返工我8點先起架嘛.. 鈞渝一返學我七點就要起身喇..  第時我都要同鈞渝一齊早睡早起....

626mama

天藍,

係呀，飲料好重，妳唔好買咁多留返士多買。


ElainAiolia,各位,

想起上次我99返鄉下我去試煲湯......成煲水冇味，仲煲左成4.5.個鐘。

我問左喇，秋刀魚原條燒，鱔魚切好一片片燒(即鰻魚)。
我老公係咪出了個難題比大家覺。

我都唔想要工人，如果我想要工人，軒軒可以同我住，家霧又唔洗做(而家都冇乜點做)，好以屋企有個陌生人行出行入總唔係咁好。不過如果軒軒讀小學，我62.99都唔肯幫我湊返放學，都可能要請。不過都係將來的事了。妳工人驚妳都好，最怕佢唔怕。

有妳地成日同我吹水，有學卷要填form，我實唔會唔知啦。

原文章由 ElainAiolia 於 07-10-25 11:25 PM 硐表
天藍,
紅酒唔使預我，我唔飲o既 。

嘩！你負責o既飲品好多選擇o咼，唔使拎得咁辛苦，係附近惠康買，不過可能唔凍，汽水唔凍唔好飲o咼，其他就無所謂，另外，我會帶定一樽水比子聰，因佢有D咳，支水用o黎溝飲品用o既 。

...

626mama

pcdogxx,

通常軒軒早左咁多起身，我會同佢講，仲未訓醒嫁，怏D訓啦咁同佢講。如果軒軒冇坐起身，會打則抱住個公仔再訓過，如果坐起左，佢會去床頭攞玩具玩，我就比佢拎住件玩具，捉佢訓返自已個位度，咁佢就會訓返。暫時都仲得。

這兩天我老細都唔係公司，所以我都勁出POST，不過又未至於production係 "0" output

咁鈞渝係咪坐校車呀，定帶佢返學。

原文章由 pcdogxx 於 07-10-26 12:43 AM 硐表
天藍,
我地都唔飲酒架.. 我老公有胃病唔可以飲酒架..  我諗利賓納or橙汁佢都ok架喇.. 我仲有d咳, 都係飲水算喇..  

ElainAiolia,
我平時出去搭33A係差館出面落架..  原來早一個站落車近d架, 等我地今次試下先..

...

天藍

626mama / EalinAiolia,

我老公本來明天運動會會同我一齊出席,
但琴晚我老公同我講公司個同事出外同
公司做野撞左車, 隻手指斷左以家返唔
到工, 公司少左個人明天分分鐘唔可以
同我同仔仔一齊參加, 有D唔係好開心。
但諗下佢又唔想既, 同佢同事都好慘, 今
日我地都去探佢同事。

Pcdogxx,

你唔好買宏福個件藍色冷衫, 因我之前
有宏福媽媽比我, 我屋企仲有多一件,
但我要搵下, 如你唔介意我搵到可給你,
BBQ個日給你好唔好? 但我要返屋企搵
下。

ElainAiolia,

係啦我都好似你甘都唔係甘想多個人(工人)
係屋企, 不過, 又無人同我湊仔仔, 真係請工
人大家都有激氣野, 唉……
原來我同你都一樣我都係唔識煮食送, 我連
煮魚都未識批麟, 但煲湯我就識, 老火湯我
都點!

All mama,

因汽水唔涷唔好飲, 甘我明天BBQ會買,
利賓立, 果汁先生(橙汁同頻果汁), 綠茶,
檸檬茶同水夠唔夠, 如果你地仲想有乜
要加就寫出來。
好期待明晚見到大家!!!

原文章由 pcdogxx 於 07-10-26 00:43 硐表
天藍,
我地都唔飲酒架.. 我老公有胃病唔可以飲酒架..  我諗利賓納or橙汁佢都ok架喇.. 我仲有d咳, 都係飲水算喇..  

ElainAiolia,
我平時出去搭33A係差館出面落架..  原來早一個站落車近d架, 等我地今次試下先..

...

[ 本文章最後由 天藍 於 07-10-26 09:58 編輯 ]

hongmimi

天藍，
紅酒… 我鐘意呀! (保持形象…保持形象… 仲要湊仔!)

匡匡都會自己帶樽水，咪佢又扮晒野話口渴要飲汽水…

妳老公個同事真係好慘~~ :(

ElainAiolia,
妳係總監兼公共關係科...即係PR，通常PR要唱下歌娛樂大家既! 識做啦!  (講笑咋! 唔洗練歌~ )

煲湯我都識，掉晒d料落煲就得! 我舊時都有煮飯架! 簡簡單單個d… 西餐ok過中菜咁喇! (:loveliness: 唔好讚我…嘻!! )


係喎! 唔記得有架33A添!

咁… 幫我搞掂佢! (白鱔呀!)

pcdogxx,
嘩! 原來妳平時返工8點先起身架? 妳返幾點? 妳turn out都好快啫! 我最快都要35分鐘先出到門口!:time:

鈞渝咁攪笑，"了"眼、又插鼻…笑死我…


妳地就好啦! 老闆出trip… 我同事放假交低晒d野…
呢幾日又有個阿太打黎投訴…勁被佢鬧……我真係想死!!

626mama,
無難題… 我地都未試過燒秋刀魚同白鱔，都想試下嘛!!

天藍

hongmimi,

原來紅酒你好架! 如果你係我公司做大把靚酒,
因我老闆好鍾意飲紅酒, 尤其過時過時節實有,
不過, 我地都係BBQ個日要保持形象。
我仔仔都係會帶自己既私家水!
嘩~~既然你爆左ElainAiolia既身份出來, 甘一
定要佢娛樂下我地啦! 哈~~哈~~
唱歌~~唱歌~~

ElainAiolia,

到時你識做啦! 唱首歌仔比我地聽, 娛樂大眾

原文章由 hongmimi 於 07-10-26 10:35 硐表
天藍，
紅酒… 我鐘意呀! (保持形象…保持形象… 仲要湊仔!)

匡匡都會自己帶樽水，咪佢又扮晒野話口渴要飲汽水…

妳老公個同事真係好慘~~ :(

ElainAiolia,
妳係總監兼公共關係科...即係PR，通常PR要唱下歌娛樂 ...

626mama

各位,

剛剛婆婆打電話比我，話軒軒星期一至今天都係唔肯返學，
都係去到學校哭到漚。平時返學，軒軒會入學校內再去左邊，
婆婆話昨天軒軒返學，入到學校內比人帶左去右邊，當時沒有
漚，唔知係咪比人捉定去洗手間。好可憐呀。

昨天婆婆幫軒軒洗澡時，問軒軒仲咩唔返學呀，返學仲咩哭呀。

軒軒便好大聲咁講。
1. 成日哭，唔好返學，反屋企。
2. 哭，唔好返學。
3. 你頭頭臭臭，快D走。
4. 唔好返學，怏D走。

跟住佢不停咁係度講住0個4句野。婆婆問佢，邊個講嫁，
係咪MS GLORIA講嫁，佢又話唔係，講左個名出來，
婆婆又聽唔清楚佢講個名。

[ 本文章最後由 626mama 於 07-10-26 11:21 編輯 ]

626mama

天藍,

妳老公個同事好慘。不過都祝佢早日康服。
運動會如果昊藍爸爸不能出度，都希望妳地努力，
再攞多個獎返屋企。加油努力。

妳地個個都會煲湯，我真係差勁。煲湯煲d滾水出來。

紅酒我都鐘意。好味。

ElainAiolia,
妳準備唱咩歌呀。

原文章由 天藍 於 07-10-26 11:14 AM 硐表
hongmimi,

原來紅酒你好架! 如果你係我公司做大把靚酒,
因我老闆好鍾意飲紅酒, 尤其過時過時節實有,
不過, 我地都係BBQ個日要保持形象。
我仔仔都係會帶自己既私家水!
嘩~~既然你爆左ElainAiolia既身份 ...

天藍

626mama,

甘既情形不如你打電話返學校問下Miss Gloria
發生乜事? 好過以家係到估估下都唔知係點???
因細路仔有時言語上表達未甘好, 真係唔知件
事係點??? 同入學校我知轉右邊係去手洗間,
入學校老師會叫小朋友放左個書包同手冊係
個櫃到, 之後要佢地洗手, 先可以去玩車車。

原文章由 626mama 於 07-10-26 11:18 硐表
各位,

剛剛婆婆打電話比我，話軒軒星期一至今天都係唔肯返學，
都係去到學校哭到漚。平時返學，軒軒會入學校內再去左邊，
婆婆話昨天軒軒返學，入到學校內比人帶左去右邊，當時沒有
漚，唔知係咪比人捉定去洗手間。好可憐呀。

昨 ...

626mama

天藍,

我打左電話返學校，講低我想直接同MS GLORIA傾計，叫佢得閒時，比個電話比我。

原文章由 天藍 於 07-10-26 11:33 AM 硐表
626mama,

甘既情形不如你打電話返學校問下Miss Gloria
發生乜事? 好過以家係到估估下都唔知係點???
因細路仔有時言語上表達未甘好, 真係唔知件
事係點??? 同入學校我知轉右邊係去手洗間,
入學校老師會叫小朋友放 ...

天藍

626mama,

等你報告比我地知發生乜事!
希望無事啦!

原文章由 626mama 於 07-10-26 11:37 硐表
天藍,

我打左電話返學校，講低我想直接同MS GLORIA傾計，叫佢得閒時，比個電話比我。

[ 本文章最後由 天藍 於 07-10-26 11:58 編輯 ]

626mama

各位,

我每次想打電話去宏福，我都要上佢個網睇電話。
今日順手睇下個網頁，見到宏福舊年10月28日運動會D相。
我想象緊明天的程況，小朋友心口有張顏色的紙/布，
貼係個心口度，好以自已細個做運動員時個樣。跟住係度拾豆袋...
http://www.kindergarten.edu.hk/

hongmimi

626mama,
贊成! 直接問班主任最好，唔好估估下，軒軒成個星期都發生咁情況，都要同老師傾下點算嘛!

626mama

天藍, hongmimi ,

係lu，明明好鐘意返學，點解特然間咁怕返學嫁。
唔知老師係咪會6:00前打電話比我呢。因為我多數都係這個鐘數收到電話，希望到時老細唔係公司，講起電話來比較方便。

原文章由 hongmimi 於 07-10-26 12:07 PM 硐表
626mama,
贊成! 直接問班主任最好，唔好估估下，軒軒成個星期都發生咁情況，都要同老師傾下點算嘛!

626mama

我一打完個post MS GLORIA 便打電話比我。

老師G:係唔係星期日開得開心過頭，情緒高漲，所以唔想返學
我S: 唔會，佢去迪士尼，都去過好多之，唔會今次特別開心
S:...軒軒好大聲咁講。講住0個4句野。
1. 成日哭，唔好返學，反屋企。
2. 哭，唔好返學。
3. 你頭頭臭臭，快D走。
4. 唔好返學，怏D走。

G:我地唔會咁樣同小朋友講野，我地從來都沒有講過軒軒頭頭臭，如果真係會，我地會正面咁同小朋友講，回家洗頭同寫手冊話比家長知。

S:...返學哭

G:軒軒回到學校入便，其實好快就唔哭，都好以平時咁，好開心咁上堂，又冇咩特別。

S:...去了右邊

G:去姨姨度穿圍裙，軒軒漚唔會整到套衫，不過軒軒唔想穿，我問佢，係咪開心返喇，開心返唔洗穿，軒軒話係，咁妳自已比返件圍裙姨姨啦。

G:可能軒軒返學校度漚，知道羞同臭臭，所以怕羞想唔返學。
婆婆帶佢返學，見佢想哭，出於好意，叫佢唔好哭，咁樣就提醒了軒軒，要續繼哭。婆婆最好講，學校SIR滑梯好唔好玩嫁，車車好唔好坐，唔好講唔好哭，盡量講D開心D野，唔好提佢哭。

S:...佢講住喎4句，婆婆問佢，邊個講嫁，係咪MS GLORIA講嫁，佢又話唔係，講左個名出來，婆婆又聽唔清楚佢講個名。

G:佢講個名係咩，講比我聽，我地聽唔出來。
可能係語氣問題，我地會同D姨姨講，小心佢地D語氣嫁喇。

[ 本文章最後由 626mama 於 07-10-26 13:35 編輯 ]

626mama

跟住我打電話講返比婆婆知，
婆婆聽完，即刻話，老師學過心理學。

[ 本文章最後由 626mama 於 07-10-26 13:36 編輯 ]

pcdogxx

嗚嗚..  打完成大篇野按錯掣乜都冇晒...  又要再黎過...