基法小學(油塘) -- 家長嘉獎站 III

Leiyuemun

Kitty, Minnieluo

聖誕節大家實在太高興, 唔係咪年紀大咗, 兩三晚唔該瞓就會唔舒服, 包括我自己, 這幾天都喉嚨痛, 晚上仲咳到醒  
大家真係要保重保重, 我哋要留番D應付新曆新年 & 可怕的農曆新年     (農曆新年起碼連續三晚唔該瞓 )

Leiyuemun

kitty

無謂為呢D人令自己唔開心, 呢D行徑係佢哋祖傳的 :tongue: 不過就真係好失禮

我都有件佢哋D祖傳招式同大家講
日前我坐地鐵
當開門後見到有兩個連位,
老公便走埋去準備坐,
忽然有個30多歲女子從老公身後攝出來坐落去,
咁老公過另一 個坐位轉身, 諗住叫亞仔坐,
當亞仔站在座位前, 那女子一手按住那吉位,
並叫她的男伴快快坐
雖然他們見到我個仔站在座位前
但都無讓位的意圖
我同老公講 : 牛高馬大同細路爭位坐都有ga  :evil:
其他人聽到都竊笑  :tongue:
我哋有無位坐唔重要
但他們的行為真係好核 'duck'  

kitty 寫道:
  
你地去左邊樹玩呀?
我好慘呀....喉嚨好痛呀!
聽日仲應承左佢地去多次海洋公園添 !

我25號過日返左學校個教會祟拜..
好有聖誕氣氛..
玩遊戲,唱歌,抽獎,大食會......
可惜教會乜人都叫去....
坐在我身後有4個是4,5x的大陸人...
佢地是第一次去的..
佢地居然執左我女跌了落地的兒童禮物包   
我女發現左...周圍搵都冇...我問佢地有冇見過..
佢地好快手即刻收埋一堆野在自己帶來的大膠袋 (本身是放在我女的椅下)之後仲即刻走埋添   
天冇眼呀...比佢地四條友仔咁好彩個個都抽到獎
連小朋友禮物都唔放過!!!!!
果日根本有d 人就不是有心返...只是貪有免費野食,禮物 .....!!
等我仲咁好心機一早起身落街買野整去添...!

Minnieluo

Hi, 我的行程 :

２４號去惠州，中午吃好好味的順發横歷湯粉, 佢的湯底唔知用咗咩料, 好鮮 (有人話用咗嬰粟), 魚丸豬皮 very good.
3元一大碗, 再加一大塊豬腳.

下午我老公帶對仔女返佢屋企, 我走咗去做facial, 剪頭髮, 再等埋對仔女, 帶佢二個剪頭髮.

晚餐一家人去咗吃大排檔河鮮 : 一大盤蒸青口(有約二, 二十個), 蒸鮮貝, 炒丁鑼, 鼓油王煎蝦. 吃完仔仔同老公話好好味, 又再來多大盤蒸青口, 一支啤酒, 二支起氣水, 埋單先105.   

晚上參加仔仔同另小朋友生日party.

25號老公帶仔女同佢家姐, 妹同外娚飲茶, 我就同FRIEND行街SHOPPING, 無咩收穫, 只是同仔仔買咗件50%羊毛衣, 50元, 一條褲45元.

中午去咗係惠州火車西站山邊間 東江魚莊吃全魚宴, 佢間嘢係自己魚塘的魚來煮的, 味道仲ok, 四大四小吃咗2佰幾.

下午去西湖扒船, 租咗條除咗電動船外最貴的船, 50元一小時, 可惜租到條爛船, 好難控制, 踏到我老公發火, 但係湖中心又無辦法, 搞來搞去, 好彩返到去.

晚上就俾阿媽追我返深圳, 我同囡返咗深圳.

26號早上又去同仁堂睇中醫, 同阿媽行睇坐廁, 地磚, 深圳屋企要裝修浴室. 之後去walmart shopping, 買咗對鞋俾囡囡, disney正牌断碼, 45.8元, very good.
買咗幾個卡通DVD 碟, 叮當, Hello kitty , 貓和老鼠.買咗新年裝飾
買咗99元的放濕器, 好好用呀, 真係好多謝BK友 sharonchoi話我听, 佢特等打長途俾我呀, 好感動.

我仲買咗個電暖袋,嘩, 件嘢好重呀, 買咗我有些後悔, 希望會涷D用得著. 只是walmart都買咗我成390元, 返大陸真係消費啦.


26號晚去咗華強北的東來順打邊爐, 話就話大人38任吃,小童(一米以下)任吃, 但要收火鍋底.
佢的羊肉very good, 但係肥牛就好老好老, 未吃過咁難吃的肥牛.

吃完返香港, 27號係屋企休息一日.

真係好快又過咗個假期. 我老公吃狗肉吃到返香港開唔到聲

  

  

Minnieluo

Leiyuemun, 我部門昨天好夸, 除咗老細之外, 外面員工放大假, 病假, 得返一個返工, 幾勁.  

Leiyuemun

老細有無 black face   

Minnieluo 寫道:
Leiyuemun, 我部門昨天好夸, 除咗老細之外, 外面員工放大假, 病假, 得返一個返工, 幾勁.  

Minnieluo

Morning ! Leiyuemun

老細實面黑了, 不過有人好"串", 話請病假, 但病假紙都無張, 唔知佢最後同老細講D咩, 老細又批俾佢.

吉之島大減價又來啦, 又去掃貨囉.....   

kitty, 昨天我在惠康買到減價新鮮羊腩呀, 才10元, 12元一包, 今日到期, 仲平過深圳.  

我仲買咗包減價湯包15元, 雞腳,廋肉,雪耳, 茨實,意米, 元肉,我仲係街市買咗二條牛秋才10元, 加個細木瓜, 煲咗一大煲.

kitty

minnie , Leiyuemn,

我咪又病到死死下囉...
兩晚都咳醒..
真係年紀大 la..我都冇咩點玩..只是陪佢地玩..
食就可能真係成日食炸野...
起先是流鼻水諗住唔吃藥訓多些會好番...
點知唔好不特止,仲多左喉嚨痛,嘩,痛到我都訓唔到...
minnie果日你打完比我之後我再訓到四點先精神些...
我尋日又去左海洋公園,嘩,頂到下午2,3點已想走了..
人多又累,幾驚在果度暈低,
後來塗左些白花油又頂一陣,好彩尋日多數是睇表演先冇咁辛苦,唉!本黎都唔想去的,又應承左佢地,費事掃佢地興啦...
我希望快d 好番,又應承左我家姐1號 bb q ...

kitty

講開買送...
我陣間都要去百街掃貨了..
咁多日以來,差不多都清哂個雪柜了..

kitty

Leiyuemun,
我尋日都比個亞叔同佢老婆夾梗打尖啦..
真係
我仲罵佢,"有冇攪錯呀!咁都得"佢兩條友仔都似是自由行果隻 !
本應我冇咁嬲,但海洋公園個小姐話只有三個位,邊個入去坐,(我是企最前的,之前已比小朋友入左去先)咁我就諗住入黎,第一個有個男人抱住bb我讓佢入,點知個女人在個男人入完之後即唔知邊度衝埋黎,佢第二,咁我又諗住入啦,佢隻死人手居然拖住佢男陪,分明打尖 !(9秒9衡入去)
我幾
我d 小朋友又入左去,我又冇得入,陣間散時驚佢地比人推,好彩個小姐知我比果兩條友咁樣打尖,最後都安排個位比我入 !

kitty

你行程好豐富喎
你熟路就真係好 la..食,玩,買都平 ...
乜仲有得吃狗肉咩? [quote]
Minnieluo 寫道:
Hi, 我的行程 :

２４號去惠州，中午吃好好味的順發横歷湯粉, 佢的湯底唔知用

kitty

Leiyuemun,
你仔仔有冇溫習呀?
我女這個假期只溫左中文咋 (唔係好熟)
英文默書果7句 (係咁易溫左d,又唔熟)
真係驚佢心散哂呀 !
上年我地就在放假前考試 (因要搬校所以樣樣都早 )
我覺得有好有唔好..
唔好是我大女果時剛升小一仲未習慣就要考試..
所以失準,好就梗係考完先放假唔會心散又心掛掛....
話時話,我地今年都未去旅行喎

kitty

嘩,尋日排得最耐是 個滑泡圈..
足足排了成粒鐘多小小
玩就只得5秒

Minnieluo

Kitty , 你一口氣寫咁多嘢呀

打尖我都俾人打都麻木晒, 去聖安娜買面包都俾人打尖, 我就問收銀, 而家係唔係唔使排隊 ?
去同仁堂睇醫生都俾人打尖, 除咗生氣, 可以點.

狗肉, 大陸仲有的吃.

winwin323

me too ar, kitty

我同我老公一人排前, 一人排後, 咁阿女就可以o係1hr內玩左2次滑泡圈.
我記得舊年玩滑泡圈要比$, 就好快玩得, 唔洗點排隊

我28號去都好多人ar, 好彩唔算多自由行.
我地一早10:00入去, 玩到8:30人地收工先走出黎, 阿女o係兒童王國, 玩到唔想走, law我命

kitty 寫道:
嘩,尋日排得最耐是 個滑泡圈..
足足排了成粒鐘多小小
玩就只得5秒

Leiyuemun

都開始溫了一部分, 我都係27號先開始溫
我每日從課文中找些生字要亞仔寫
英文就要他每次溫一個UNIT, 串以前默書D字
常識都係叫他自己每日讀一課
還有宗教呀, 電腦呀, 普通話呀 .... 好似好多咁  
我返工後都無人同佢溫, 我都唔知佢係咪真係有大聲讀   

我另外想請問你, 他們那本假期作業真係做EX 1-3 , 咁少

kitty 寫道:
Leiyuemun,
你仔仔有冇溫習呀?
我女這個假期只溫左中文咋 (唔係好熟)
英文默書果7句 (係咁易溫左d,又唔熟)
真係驚佢心散哂呀 !
上年我地就在放假前考試 (因要搬校所以樣樣都早 )
我覺得有好有唔好..
唔好是我大女果時剛升小一仲未習慣就要考試..
所以失準,好就梗係考完先放假唔會心散又心掛掛....
話時話,我地今年都未去旅行喎

kitty

原來你又去左海洋公園呀....
咁你都好..有二人排...
我叫我女去玩多幾次雪屋先 (雪屋只排了20 分鐘)佢又唔肯..
咪一齊排囉...
我地都未夠10點就去到了...
架車而家不停在正門,所以冇得一入去就玩雪,
我地由過到兒童皇國過面大約是11點,
去雪屋果面望下,見咁多人就玩其他野先...
好彩兒童皇國都ok,有些都唔洗點排...
到了下午又去雪屋果面望下,又係咁多人..
咁我地就睇埋冰上show ,又睇埋雀仔 show,海獅show...
到了玩哂睇哂野再去望下,仲係咁長條龍,
都死死氣排啦,未夠6點排到7點多小小先玩得..
排完之後散哂咁滯...真係好多人..
我見有一隊隊的旅行隊...

相比我22號去果日就真係多人好多了
好彩我22號果日都玩左幾次滑泡圈..(我細女好鐘意玩)
乜以前要另外比錢架?

kitty

Leiyuemun,
你都好喎..溫左咁多...
死啦,我女成日掛住玩呀..
叫佢溫又成日亞支亞左 !
而家又打緊 ps 2 la
點算!!

係呀,本假作做 ex 1-3 咋,冇記錯是 中,英數常都是 1-3
唔會成本做哂架..
我大女上年都係咁..
到下次放假時又做埋果d 囉 !

kitty

其實打尖我都唔係咁生氣..
最慘我女入左去,而我冇得入 (明明有)
我都唔係話好想睇 show..
只不過我擔心我女唔知係入面點樣先咁慶罵個兩條友..
一般我都算數架 ..

[quote]
Minnieluo 寫道:
Kitty , 你一口氣寫咁多

Minnieluo

kitty, D 人扺罵, 唔使同佢客氣, 仲要大聲問而家打尖係唔係大晒 ?

講開我又記得係中旅社個日都有人打尖, 有幾位師奶插隊到前面, 後面的人罵佢, 佢話係職員叫佢來前面問, D人就話我夠係曾特首叫我來排隊, 咁唔通我又唔使排呀.  串到阿姐無嘢講.



[quote]
kitty 寫道:
其實打尖我都唔係咁生氣..
最慘我女入左去,而我冇得入 (明明有)
我都唔係話好想睇 show..
只不過我擔心我女唔知係入面點樣先咁慶罵個兩條友..
一般我都算數架 ..

[quote]
Minnieluo 寫道:
Kitty , 你一口氣寫咁多

Minnieluo

winwin, 你俾我個二條褲襪, 我係深圳見到好貴吓, 要20幾元一條.   真係唔該晒你.   我囡仲穿唔落, 今次返去佢表姐又俾咗條灰色的, 又係同你的一樣.  之前我真係未見過呢種款的, 而家一下子有三條咁多.