有關和小兒在學習和打機及電子媒體使用上的時間爭議

yovin

1998Ruby1998 發表於 18-4-6 01:00
回覆 yovin 的帖子

香港有排都做唔到。首先我地返學時間流流長，人地九點上堂兩點放學之後就冇咩功課做， ...

所言甚是！十分同意。

其實人生中難得嘅機會不多，只要能把握一次，即使讀再多嘅書，到最後也會變成一個每天數錢和簽名的「收錢員」罷了！

PS同你吹吹水:我覺得香港部份 old school parents , 有點拒绝文明，視新科技大潮流有如洪水猛獸一樣，實在太可惜！

黃巴士

我見依輩有些孩子沉迷打機, 以電競為籍口抗行父母.
其實打機排名榜如是名列前列的, 一早已有廣告商青來.  如玩運動出息的中學生, 已有名校挖角.
如沒有被發掘的, 相信已是沒什麼天份.  
當打機是娛樂好了.  

stanleypyk

kwunpa 發表於 18-4-5 22:36
給他教訓？

佢買卡 D 錢邊度黎？佢有無打過工賺過錢？

其實早於他16歲時已建議他找暑期工賺外快，以他性格當然最後也不成事，所以他用的是以前儲起的利事錢，但後期因為跟風投資失利損失了一半，現在剩餘不多，我已對他說已有能力工作，我不會再提供娛樂方面的支出，只提供基本的衣食住行和學習方面的費用，18歲後，要自己負責手提的月費，18歲後再也不限制打機時間，不過如使用得過多時間就要收費用！總之要娱樂便要付出，没有免費娱樂！

stanleypyk

rulerL 發表於 18-4-6 15:58
網友講得好啱，說話雖然「硬」耳，但道出實情。
我都希望樓主係時候的起心肝，唔好再嬌縱兒子，兒子日後條 ...

多年前小兒打機非常沉迷，不過一直用著電腦軟件限制其用量，由當時每天最多的6至8小時，減少到現時最多4小時，當時也曾想趕他離家，但他對我說了一句:“你不照顧我，我可告你的”，這句說話令我想起在18歲前我是監護人，是有義務及責任照顧他至成年，在18歲前只能繼續相處及將情況控制不惡化下去，當時也見過社工和上過一些沉溺網絡硏討班，在這段期間只能保持雙方的關係仍有對話，眼看他的不是也盡量少埋怨，只是讓他知道現在種的根，便是將來的果。好不容易還有兩個多月便18歲，我也由初中寫到現在的高中，也是他另一段人生階段的開始，到時他不能像以前的模式再好食懒非，要辛勞才有收獲，待他考完DSE再定去向！

rulerL

stanleypyk 發表於 18-4-6 18:54
多年前小兒打機非常沉迷，不過一直用著電腦軟件限制其用量，由當時每天最多的6至8小時，減少到現時最多4小 ...

竟然要脅老爸 ？俾著我會回佢：「咁你去告我啦！」

ponnychan

stanleypyk 發表於 18-4-6 18:54
“你不照顧我，我可告你的” ...

唉......

stanleypyk

rulerL 發表於 18-4-6 20:25
竟然要脅老爸 ？俾著我會回佢：「咁你去告我啦！」

其實他小時因為我限制他打機時間，當時曾說過更惡毒的說話，如果要認真的話，早已趕他出去，所以只能以少年不懂事去看待，不和他一般見識，所以關係得以緩和，現在間中的怨言便是說我控制狂，我只是一笑置之，十八歲後我不再控制他時間，只要肯付出才可享受！

rulerL

stanleypyk 發表於 18-4-6 20:55
其實他小時因為我限制他打機時間，當時曾說過更惡毒的說話，如果要認真的話，早已趕他出去，所以只能以少 ...

其實關於小朋友打機問題我同樣面對緊，小兒依家中一，放假在家可以打足一日，平時放學返嚟都要打返幾小時。只是見佢考試成績還在屬於較前列位置，同未有過份影響日常學業、生活（影響是有的，上學期有大約6-8次欠交功課，同相若次數欠帶上課用品，我相信同佢沉迷打機致疏漏有關）。

喺佢小學階段我對佢限制較嚴苛，早於四年級時因管教問題雙方已出現關係緊張，小兒一樣會講一啲惡毒說話，甚至講會傷害自己，於是我放鬆咗佢既學業方面，但打機一環仍不會好似依家咁鬆動，講好升中後會俾多啲時間佢打機。依家幾乎係任佢玩，前提是不得影響學業、生活。

依家選擇較寬鬆對待，一來已升中，中一、二我視為調整期，只要不太過份我都可以接受，因為小朋友正處於反叛期，確實不易拿捏好管教之道，都唯有見步行步。

stanleypyk

rulerL 發表於 18-4-6 21:43
其實關於小朋友打機問題我同樣面對緊，小兒依家中一，放假在家可以打足一日，平時放學返嚟都要打返幾小時 ...

如果好像你小兒在學業沒有影響的情況下而多時間打機,我覺得是可接受的,因為他仍安排時間溫習,除非佢IQ很高,上堂專心已可應付。但我兒子一打機便成績一落千丈,欠交功課有一年破記錄有20多次,還要記過見家長,所以你也要留意在中三選科前是否對學業仍緊張,如果一放鬆及成績倒退便要小心了,我兒子就是在中三沒緊張學業而只能入讀要求較低的學科了!

retriever

rulerL 發表於 18-4-6 20:25
竟然要脅老爸 ？俾著我會回佢：「咁你去告我啦！」

其實事情去到咁，已經唔止打機問題。一定係很長時間既累積。

retriever

yovin 發表於 18-4-6 16:23
所言甚是！十分同意。

其實人生中難得嘅機會不多，只要能把握一次，即使讀再多嘅書，到最後也會變成一個 ...

如果相信電競市場大。諗下遊戲開發，呢啲係工程師做。


即係搏彩業好掂，我唔會覺得細路做賭仔OK。

retriever

1998Ruby1998 發表於 18-4-6 01:00
回覆 yovin 的帖子

香港有排都做唔到。首先我地返學時間流流長，人地九點上堂兩點放學之後就冇咩功課做， ...

香港父母，唔少係直昇機，一係就怪獸。

但唔等於打機係好野。

打機除咗影響學業，仲有社交，情緒。唔係話少左時間咁簡單。

香港父母推子女多課外活動，實係捨本逐末既事。特別唔少係上訓練班，而唔係團體活動。

香港父母希望子女學業事業好，一係華人傳統家族概念，覺得子女得唔得家族尤關，二係香港安全網太低。

其實大部份父母如我老豆果代一樣，都係希望子女將來搵到食，可以獨立照顧自己家庭。 我老豆果代，係希望子女有 “一門手藝”， 可能認為競爭大左，呢代父母係希望子女有 “一門專業”， 當然更進取果堆係希望子女醫生律師。

要求子女將來有能力獨立照顧自己唔過份架，唔通成功需父幹先好？

但呢代青少年有無諗過將來如何有能力獨立照顧自己？

stanleypyk

retriever 發表於 18-4-7 08:24
本帖最後由 retriever 於 18-4-7 08:25 編輯

香港父母，唔少係直昇機，一係就怪獸。

在香港華人社會，不同於洋人社會，在他們國度大多子女成年便要離開家庭獨立工作和生活，去年旅行去青海，那處的青少年很早已幫家庭處理鎖碎事務，年紀輕輕已很能幹，反之看香港家庭的倫理關係，可能是傳統家庭的家人關係比較融洽，三代同堂，相互照顧性比較强。所以父母作為監護人照顧子女到18歲，仍為子女設想供養至完成學業，但子女有沒有讀好書，有沒有好的操行，對家人有沒有同理心，在家中有沒有貢獻，似乎不是父母能力可控制的事情，直至子女真的踏足社會，父母仍要處理粗重家務，現今子女已很少會幫忙，如子女結婚生兒育女，父母又要幫忙湊孫，父母本來有責任照顧子女到十八歲，但現今社會一些父母好像覺得自己有責任要照顧子女一世，所以父母工作至六十歲退休，還繼續照顧子女，勞心勞力，是應份嗎？

MrBeast

retriever 發表於 18-4-7 08:10
如果相信電競市場大。諗下遊戲開發，呢啲係工程師做。

有前同事轉去一間網上博彩公司，聽他說有幾位maths phd 在公司做

MrBeast

rulerL 發表於 18-4-6 20:25
竟然要脅老爸 ？俾著我會回佢：「咁你去告我啦！」

比我必定即cut 電話、wifi，因為不在基本需要之內，當然我知樓主未必可以咁做

MrBeast

stanleypyk 發表於 18-4-7 09:36
在香港華人社會，不同於洋人社會，在他們國度大多子女成年便要離開家庭獨立工作和生活，去年旅行去青海， ...

not my intention to be 事後孔明 n more for the benefits of others.  很多 parenting 講座都建議培養自理和delayed gratification ，這些最好是從兩歲開始

retriever

stanleypyk 發表於 18-4-7 09:36
在香港華人社會，不同於洋人社會，在他們國度大多子女成年便要離開家庭獨立工作和生活，去年旅行去青海， ...

嗯...


我覺得東方西方相適應問題, 或簡言之, 不東不西... 這些例子香港太多, 家庭關係, 男女關係亦然....




傳統華人, 家族觀念強, 個人成敗榮衰, 家族亦沾光蒙塵. 所以, 家族亦扶持幼小, 長大亦貢獻家族後輩, 其中倫理, 長幼有序. 幼小尊重長輩, 雖弱小亦要為家族作付出.




香港受西方文化影響, 漸視長幼有序為糟粕, 但又未接受如西方家庭, 培養子女從小獨立自理, 華人家族從少扶持的沒有比上一代少, 因為社會富裕, 供給服侍只有更多水準更高....


早年有流行育兒理念, 話現代父母要做子女的朋友... 近年下一代出現多多問題, 有論者話: 人人爭做子女的朋友, 但父母教養子女的角色沒人願意做, 因怕影響親子關係.... 養成父非父, 子非子....


學西方果套無問題, 最好全套學....


回說你話: "但子女有沒有讀好書，有沒有好的操行，對家人有沒有同理心，在家中有沒有貢獻，似乎不是父母能力可控制的事情，直至子女真的踏足社會，父母仍要處理粗重家務"


這樣發展下去, 只會是社會悲劇...


現在孩子是父母捧在手裡, 就算是讀書好的孩子, 不少是父母不需要他們在家中貢獻什麼, 只要他們專心讀書課外就好了... 這樣養孩子, 還有父母以為多供給孩子課外活動是叫 "多元發展".


亦有父母跟子女話將來不用供養父母, 只要自己養好就夠, 話怕給子女壓力.... 所以早兩年有個保險廣告, 影像係細路背著大人跑, 旁白話: "咁重既負擔, 你願意你心愛既人承擔?"


社會充斥著怕下一代受苦受壓的氣氛...




所以保險公司除左大人幫細路買教育基金, 買份保單計下將來留幾多俾子女, 仲叫人幫子女買危疾保險.


簡言之, 做父母要為子女安排埋一輩子既支出或負擔, 即係我地要搵埋下輩子既錢

retriever

MrBeast 發表於 18-4-7 10:52
有前同事轉去一間網上博彩公司，聽他說有幾位maths phd 在公司做

咪係...

其實無論電腦, 電玩, 足球, 或者發明星歌星夢, 潮流一直在變, 最後都係傳統學科發展更穩健....


父母反對做足球員, 發明星夢, 唔一定係怪獸家長面子問題, 係成功率太低, 活躍期太短... 父母最怕又咪係子女將來養自己都唔掂, 難道粘著父母食一輩子?

香港唔可能跟英美加澳比, 人地抽稅高, 社會安全網亦高... 香港連原材料都無, 新加坡立國後就係話明學香港, 賣人才... 無人才就賣勞力, 就係咁簡單...


香港都有名人父母話俾子女隨便選學科, 有D 做下明星仔歌星仔...

家底厚當然可以自由選擇, 因為屋企已經俾左個好大既安全網.

但普羅大眾係咪呢?

retriever

MrBeast 發表於 18-4-7 10:55
比我必定即cut 電話、wifi，因為不在基本需要之內，當然我知樓主未必可以咁做 ...

既然事情去到衝突成咁, 你CUT 電話咪仲攪大鑊D...


老實講, 有時版友POST 出來既情境, 我覺事以至此, 係近乎無解既題....


所以, 為左避免衝突, 最好就係唔好開始...

但係又有好多慈悲心話社會上咁咁咁, 係唔應該禁絕既...

到細路發生若干問題, 生活上, 學業上...


又可能認為本地教育制度令細路無心向學, 係咪攞埋老本, 送佢去國外讀書可能有所改變?


唉...

retriever

MrBeast 發表於 18-4-7 11:01
not my intention to be 事後孔明 n more for the benefits of others.  很多 parenting 講座都建議培養自 ...

留意 "事後孔明" 係惹人討厭的 。

"開弓沒有回頭箭"...到很多事情 "事已至此" , 你講 "從小培養" , 可能不如講 "大部份係天生" 來得舒心。