黃大仙聖母幼稚園入學家長請來交流

id00288

Dear all
早晨

stungma:
你有冇去到領獎呢?
比我都會唔去   

暑期班要17日先開始,
在這兩星期要她先做好作業,

stungma

大家好,那天我們是沒有去領獎,免得費時失事
剛好那天在樓下公園見到羲穎,給她們玩了很長時間,不願回家       
現在見到囡囡全日閒在家,真是無聊, 暑期班要7月中開始,但沒有什麼班可選擇似的

catrickymok

HI, 大家好...暑假過後, 囡囡都入讀黃大仙聖母幼稚園了, 不過係下午班. 經常o向屋企附近(慈雲山)公園, 遊戲室玩, 都會撞見都係就讀聖母幼稚園的小朋友, 但全部都係上午班.

當初學校編左囡囡讀下午班, 自己一來覺得要轉上午唔容易( 個個都想轉 ), 二來問過好多人意見, 下午班人少d(今年得３班下午班) 時間又比上午班充裕, 適合細d ke小朋友(我囡算係細囡, 發展仲要係慢果隻);同埋我覺得上午班ｄ小朋友普遍叻d, 我唔想佢轉左上午班, 追唔上唔開心... 於事一直都無轉....

但而家, 屋企有ｄ經濟上改變, 囡囡番左學, 我要出番黎做野, 唔係自己湊佢, 咁上午班, 會比較容方便搵保母...

大家覺得, 尼個時候仲有無可能轉到上午班呢？

Joyful-Life

catrickymok,

你好呀！

我囡囡讀上午班，不過當初都係派左下午班。
我記得我在註冊日(約十二月)遞交轉上午班的申請信給校長，但係要等到(約五月)辦入學手續前一天才收到電話通知可以轉讀上午班。

雖然我都覺得依家好遲，但係你唔好放棄任何一個機會，未試過又點知唔得呢！快些寫信俾校長「胡修女」，向她講解你家庭環境有突變，試下都無妨，唔試就完全無機會喇。

我記得囡囡那年因搞亂了相片，要囡囡那班同學的家長認番，有位同學個爸爸話相片與囡囡名稱不相對，我見佢最後都無讀(佢個姓氏不普通，所以印象好深刻)。依家出生率低，有好多小朋友會考幾間幼稚園作後補，最後可能會放棄某間幼稚園(即是有上午班同學最後唔讀)，那可會是你的最後機會轉到上午班，我認為還有一線希望，加上你家庭環境有變，理由充分，機會相對提高，所以我建議你快一點寫信給校長啦！

其實我囡囡都唔叻(但唔可以話自己囡囡差，這樣會傷害她的自尊心)，都算係細囡，又係比較慢熱的小朋友。下午班少人讀係會好一些，不過讀上午班會讓整天的時間運用得較理想，唔駛怕小朋友追唔想，我囡囡都過左兩年啦！

catrickymok 寫道:
當初學校編左囡囡讀下午班, 自己一來覺得要轉上午唔容易( 個個都想轉 ), 二來問過好多人意見, 下午班人少d(今年得３班下午班) 時間又比上午班充裕, 適合細d ke小朋友(我囡算係細囡, 發展仲要係慢果隻);同埋我覺得上午班ｄ小朋友普遍叻d, 我唔想佢轉左上午班, 追唔上唔開心... 於事一直都無轉....

但而家, 屋企有ｄ經濟上改變, 囡囡番左學, 我要出番黎做野, 唔係自己湊佢, 咁上午班, 會比較容方便搵保母...

大家覺得, 尼個時候仲有無可能轉到上午班呢？

id00288

Dear all

我好同意Joyful-Life的意見
小朋友大小不是問題,上午班時間好用一點   

大家記得星期六下午要回校上家長班啊     

Joyful-Life

各位：

今日剛發生一件令我不悅的事：工人第一次單獨陪阿囡在樓下公園玩，點知阿囡跌倒，膝蓋勁紅，好彩公園有舖厚墊，如果唔係實會流血。

我在電話中問姐姐當時做緊乜，知唔知佢跌倒，阿囡話姐姐當時同其他工人姐姐閒談緊，唔知佢跌倒……阿囡話要收線，同我講完bye bye就放回電話筒 (我家用的電話筒要較好位才叫放到，通常我會等條線真係cut左我才會收線)，正當我在等候收線期間，聽到工人即用嚴厲語氣兼夾一輪咀同阿囡講 (阿囡一直唔敢出聲)：「你頭先講乜野呀？你頭先同媽媽講乜野呀？你講大話！我邊度有同人傾計呀！我叫你唔好周圍走，你有無聽我指示呀？一陣你要同媽媽講番呀！」我聽完這幾句話，電話就沒有訊號，我同老公講完此事後就即刻致電回家，一路回家一路同阿囡講電話，費事佢再俾工人教訓。

回家後，工人好了解佢跌倒的經過，我無鬧佢，因我怕佢會對阿囡不利。:cry:  :cry:  :cry:

我都係第一次聽到工人用這些語氣同阿囡講野，好唔開心亦很擔心。     

cheuktungma

Dear Joyful-Life,

好彩沒有流血, 如果唔係落水實叫痛 !

我諗要再深入D了解情況, 再同阿囡,工人傾傾!

Joyful-Life

cheuktungma,

就算無流血，只要有什麼損傷，阿囡都唔肯落水，沖涼都要就住，好麻煩！
所以昨日擾擾攘攘一輪才去學游水 (星期六猛叫我幫佢請假，佢知有小朋友試過喎)。

請問你老公有無致電「大力」投訴？唔知佢講真定講笑呢！？
我有諗過致電「大力」，不過唔係投訴，係了解情況，但係今日較忙，所以無打電話去問，可能要星期三後才有空問。

Joyful-Life

各位：

呢幾晚阿囡都發惡夢喊起來，昨晚仲叫喊了三、四次，好彩我睇緊「世界盃」，可即時去望下佢，入到房仲見我工人睡著，動也不動，唉！真係心淡。

自從星期五傍晚跌倒後，當晚睡覺都有喊，阿囡又話姐姐無鬧佢，但係有什麼事會令阿囡猛發惡夢呢？阿囡平時睇完恐怖片都唔會發惡夢架！

阿囡依家朝早又唔肯去婆婆家，只得佢倆人在家真令我有點擔心。雖然話可以裝Cam，但係還有一年工人就完約，我們都唔諗住再請工人 (好煩)，連我阿媽都係咁話，阿囡讀小學唔駛請喎！我又諗如果工人對阿囡唔好，阿囡就唔會好似依家肯跟佢啦！加上阿囡都識講我知發生乜野事，只係最怕佢有妄想症作野來講！因為阿囡話：「姐姐同我講，佢男朋友要同佢結婚，仲要即刻！不過個男仔好衰喎！」
好嚇人呀！

我老公問我：係唔係真架？會唔會帶個男人回家嚇親阿囡 (衰野唔好講……)，但係阿囡話無見過個男人，亦無同佢講過野。

真係好煩！！！

cheuktungma

Dear Joyful-Life,

係呀, 如果工人對佢唔好會睇得到, 都係睇定D情況, 我諗絕對唔係妄想症 , 只不過佢地講野鍾意天馬行空'姐', 又加埋小小聯想, 同埋發惡夢係米日頭玩得興奮得滯呢!?

我老公已經打左去, 等佢回覆, 首先話絕對同呀sir無關, 為何可以有D人自選教練, 程序出錯, 四人小組變六人小組, 唔同grading就唔好編埋一齊, 有評估有upgrade就要有downgrade, 唔得就要編去BB班, 咁公平D, 試問我唔接受重係玩緊鴨仔練緊吹水同可以借浮板踢水游到學呼吸編埋一班, 佢地話要問左呀sir, 了解再覆番我喎!!!!!!!!

  

stungma

cheuktungma,
如果你們的投訴沒有結果,我們可一同<轟炸>大力,看看他們有什麼回應.

Joyful-Life,
看見你們的憂慮真無奈 其實我的見解及小小經驗,可能有以下因素:
你們未有用工人的經驗,不說工人是否給你信心,你們都是不放心的.何況工人的表現亦不達到預期的理想.
其實羲穎喜歡留在家中,不想到婆婆家去,是否她們在家中玩得特別free.她亦可與姐姐一起到公園去,跟其他小朋友玩,與以前不同,有新鮮感 加上她們現時的成長過程,按善潼為例,她巳很明顯表明自己所佔的<領域>,不讓人侵佔 她有自己的方法收拾喜愛玩具,不讓任何人點...可能怕我們侵佔她的<領域>.羲穎可能也是在亨受自己擁有的空間.
小朋友發夢是很正常的,可能近期的生活改變未能完全習慣.在玩得較激的那天便會發夢,這也是舒緩的一種.善潼現在亦有的,亦試過叫到全家人醒了,只有她一個仍在做夢 有時一定要叫醒她,免得她繼續大叫.
如果你們覺得工人照顧囡囡會有那麼大的心理壓力,不用倒是一件好事.

cheuktungma

Dear  stungma,

你堤意都唔錯, 不同人反影意見可施加壓力, 會着緊D, 我地等到依一刻都係無人打黎, 星期二打左一次, 個男仔話會揾Leung Sir 了解情況後再叫返Leung Sir覆我地, 好喇今日再打多次, 又係個個男仔聽, 佢話乜Leung Sir重未覆我地咩 , 有無missing call? :evil: , 有無攪錯呀, 就算未傾掂都打過電話黎安撫下啦, 係米迫我地攪大佢, 要白紙黑字投訴先等, 我地已經好有禮貌同容忍架喇, 好..., 等埋最後聽日, 無回覆就不排除將行動升級 !!!!!!

Joyful-Life

cheuktungma,

多謝你的關心！

如果「大力」或Leung Sir有什麼回覆，記得匯報。
我這幾天都有緊要事做，所以未致電「大力」，希望明天抽到時間啦！

Joyful-Life

stungma,

首先多謝你的關心！

亦都感謝你依家及過去給予我的意見，可能唔習慣現時新生活的是我，而不是工人及阿囡。

看見阿囡一天又一天的長大及改變，都唔擔心得咁多。
要經常提醒自己：「放鬆D啦香港人！」

stungma

Joyful-Life,
其實你知道問題所在,就盡量放鬆,多給工人做她應該做到的工作,才知道她的能力,亦可給你們應有的信心.如比較我同事的工人,你應該非常放心 不過真要留意她是否真的拍拖,這問題反而是可大可小.
看看這個星期日如何...似乎要在大力做番場<大龍鳳>, 才會有反應.

Joyful-Life

各位：

今日我終於致電「大力」，有位與阿囡同姓的小姐接聽。

我話呢兩堂都好混亂，無理由第二堂都未能分組，加上呢兩堂都唔同教練，唔知佢地定左未呢？
我再講：新生在申請表已揀選進度，舊生就有記錄架，就算唔係一早分好組別，第一堂都應該分到啦，我見同一時間有多過八位小朋友上堂，但係只得兩個教練咋。

那位小姐(以下簡稱「女職員」)回應如下：
第一堂梁教練請了病假，所以換左個女教練代課，其實那段時間係有三位男教練負責「四人小組」班別，有梁教練(上一堂教卓彤及善潼的教練)、劉教練(上一堂教羲穎的教練)及翟教練3人被安排教那段時間的，女職員都唔知點解我見唔到翟教練上堂。
分組工作係由幾位教練來分配，由佢地幾個來夾，所以女職員都要問番幾個教練才知學員分配情況。

我又順便提及那位麻煩家長，說她第一堂其中一個囡唔肯落水兼唔肯跟劉教練，仲要求指定跟乜教練，第二堂又唔合作兼要求多多、擾擾攘攘，這樣會影響其他學員上課進度。
女職員回應：話那位家長應該唔會太影響其他學員的進度喎，加上沒有收到這位家長致電辦事處投訴，她只向課堂助理(我估係負責點名那位)投訴的話，那就留待課堂助理與教練商討有關安排，不過女職員清楚地說明「大力」係唔可以俾家長揀教練，除了參加「自組課程」。

我要求女職員回覆教練分組一事之餘，還提醒她要儘快處理那位家長的要求，佢的行為實在影響到我們，女職員重申那位家長只向課堂助理投訴，所以會留待課堂助理及教練來解決。

最後女職員留了我的聯絡電話，待她今晚問了教練後才回覆我，我叫她應在星期日前有答覆會較為好。

報告完畢，如有新進展再向大家匯報。

cheuktungma

Dear Joyful-Life,

我睇完後真係火都黎埋 , 乜野叫做'應該唔會太影響其他學員的進度', 揀直係官'康'答法, 乜野叫做'沒有收到這位家長致電辦事處投訴', 依家唔係要知道依位家長有無致電投訴, 我亦都唔想知, 我只知我地早兩日致電直致到依家都無feedback, 佢要正式投訴

cheuktungma

Dear all,

報告如下:

大約1230打左去投訴, 又係個個男仔聽,我話點解咁耐都唔覆, 而經好有耐性等左三日, 我無話要教練call我, 我話你call都得, 起碼有回應, 你係米要我星期日攪大佢, 當面對質就唔好啦, 我已經襟住我老公由我打黎, 個男仔話得得得, 教練唔call佢會call, 咁好啦, 信埋佢依次 !

等到1600重未有人call我地, 老公米再call佢, 質疑返佢, 重新話唔想同個兩位一組, 個個比較高級D的小姐反過來質疑我個女去到咩程度, 老公就話起碼都識踢水先, 如果識就唔駛黎學啦, 但個問題係個兩位好唔合作同明顯唔同程度喎, 咁你評估分班黎做乜, 揍夠人數就算, 其實我地D態度咁激動係佢地迫出來, 你諗下足足等左三日喇, 一個人都無回應, 求其

Joyful-Life

各位：

我也有報告要發表：

~~~今日「大力」那位女職員竟然有電話回覆俾我~~~
首先回應我的提問是分組情況，她說已向幾位教練了解左，其實上一堂已經定左分配 (即係我阿囡與3位男仔跟劉教練，卓彤、善潼與麻煩姊妹花跟梁教練)。
再回應我提出「多了學員、少了教練」的疑問，說因為有位小朋友上期跟開劉教練，誤以為今次又係，才令我以為多了學員，不過教練最後都發現，另外翟教練其實在第二條線教授緊4位小朋友。
她又說我們上課的時間共有12位小朋友參加四人小組，所以3位教練是剛剛配合得宜。

~~~講到重點人物~~~
她說教練及課堂助理在第一堂已經知道那位家長經常到池邊指導麻煩姊妹花，但係教練是不會受她的影響或干擾，會繼續用自己的方式教授，她們亦表明不會理會及不會接納那女士的要求，她們會更加留意那女士的行為，不過表明如她又再騷擾教練上課，她們最多只能作出「勸諭」，而不可罵她的。

~~~我無端端做左「大力」員工~~~
女職員知我與卓彤及善潼是認識的，她說陳生(卓彤爸爸)也有致電給她們，語氣仲重左少少，叫我向他解釋：1.接聽陳生電話的男職員昨天放假，所以沒有跟進。2.男職員已call梁教練，不過係留口訊，唔知梁教練未覆陳生。

~~~我質疑她們對卓彤爸爸的回應態度~~~
我問她們是否不會給予陳生(卓彤爸爸)電話，她說係不會的，叫我同佢講番件事、解釋下便可。
再問咁梁教練是否不會致電回覆陳生，她說應該唔會，因為梁教練好忙，有好多堂要上，她們還未與他取得直接聯絡。

~~~最後我的提議~~~
我提議她們要加倍留意那女士的行為，表明她這種行為絕對會影響其他學員上課進度，而不是她想像般「沒有」，希望她們可以提議那女士參加「自組課程」，這樣可以揀心儀教練，幾好呀！女職員回應說：如果那女士真的影響課堂進行，她們會考慮找個高級職員對女士說「認為兩位女兒不適合在這裡學習」，叫我放心。
再說：在其他班都有試過有家長有這些行為或要求，再激烈的行為都有，她們會懂得處理。

主要對話如上。

cheuktungma

Dear all,

其實我地以經好忍耐同平和, 連續三日都無人回應, 星期五1230call話一定覆, wait到1545都 無人回應, 一個正常人都會忍無可忍啦, 如果佢地第一日經已有回應就唔駛小事化大!

導火線對話如下:
老公1550call佢, 質問佢做乜等左咁耐都唔覆, 限佢10分鐘回覆, wait左15分鐘都無回覆:
老公:  做乜等左咁耐都唔回覆?
佢地: