2005年出世或~宏福幼兒園媽咪~(PART II)歡迎新朋友加入

[[]]

等我來報遲大到先

天藍

all mama,

我星期六早上一定唔得, 因要返工~~
今天早上我送仔仔返學見到candyhui77, 同佢傾一陣
佢同我講話如果約星期六佢多數唔得, 如星期日就多數得,
咁點呢??? 我地4月既星期日撞晒期, 如5月大家又點???

原文章由 626mama 於 08-4-7 10:46 發表
各位,
以下是whatever電郵回復。

whatever,
其實星期日就比較得閒D.
星期六都好啦。
星期六可否早些，因為Toto家姐要學法文,最遲兩點要走。

四月份聚會 (6、13、20、27)(5,12,19,26)
時間：再定
地點：太子界限街警察會 ...

天藍

626mama,

你真係問得好, 你都好了解昊藍, 仔仔今日係唔肯帶口罩
入學校, 仔仔見到子聰同其他小朋友有帶口罩, 都堅持唔
要帶, 無辦法下我唯有勞煩門口check手冊個位老師幫忙
比昊藍帶口罩, 但仔仔都唔肯, 個位老師唯有帶佢行入
去先幫仔仔帶, 本來我想搵Miss Gloria, 不過, 見佢係
到接緊電話好忙, 所以無同到佢講, 之前我都有同個
Miss Gloria講仔仔唔係好肯帶口罩, 佢都會話同我跟
入到學校會有辦法令到仔仔帶, 希望入到去仔仔會肯帶,
因仔仔入去我都睇唔到入面情況, 莊都莊唔到, 唉.....
原來韓國你地都去過, 咁再計劃下去第二到, 我同你都
一樣想去長隆, 但流感期過先再諗啦!

原文章由 626mama 於 08-4-7 11:10 發表
天藍

韓國我同軒爸未識時大家都去過，大過都唔想去
第二次韓國。長隆我都想去，不過好以妳咁講，
過了流感高峰先喇。
今日昊藍肯唔肯帶口罩呀?

我家中隻四腳蛇真係成日都去熱水壺上便開大,
我而家都習慣整濕條毛巾放係 ...

hongmimi

各位，
咁呀…即只有星期日先全部人齊?? 我諗5月11母親節大家一定唔得，咁得番3個星期日大家有無撞呢? 暫時我都ok~


天藍，
唔緊要，又唔係急。匡爸話係街市另外一邊(上落貨區)既小巴到九龍城(麥當當果條街)。諗諗下我都搭過一次，因見寫去黃大仙，有次匡匡瞓左我唔想行去地鐵站，佢直剷鑽石山荷里活，兜落九龍城最後先返到黃大仙…果次搭到我都瞓著埋。

另外，匡爸話獅子石道好近九龍城廣場，應該唔難搵。

626mama

ElainAiolia,

9/4我剔第一格，其它冇剔呀。

青衣運動場舉行o既function (14-15/4)我剔了去，不過又想睇下妳地點，今朝叫婆婆唔好交住，我2X號又想放一日，成日放假，怕比人話我成日放假。

子聰都好仲意食中藥，個醫師係咪開得好甜呢???臨瞓前仲話未食藥要再飲，真乖仔。

上星期頭，軒軒睇了中醫，我都係4號晚才留意軒軒仲有冇出淡汗，(之前婆婆留意)軒軒平時訓覺，一訓就成身汗，濕到天光，今次這幾天返沙田訓覺，冇濕喎，唔知關唔關天氣問題事，定真係比中醫師睇好左。昨天同婆婆傾，婆婆都係話軒軒而家冇訓到成身濕喇。

"寵物小書”我貼晒咁多版，今天交左喇。

4/4兒童節及清明節(拜山我上星期拜了)，當日帶了軒軒去買短袖衫，買左6件衫，有一件比表姐，一條褲，一件TOMAS雨衣。
同一件小熊維尼雪櫃連配件，軒軒好鐘意，行入房同行出廳都抱住個雪櫃仔行來行去。本來買完衫就走，因為軒軒訓左覺，又冇帶車仔，抱佢都抱到手軟，本相食完下午茶才走，點知食野時，軒軒訓醒左，咁咪買埋兒童節禮物才走囉。

香港公園及動植物公園我只係想，想來想去都未去。希望今年內去到啦。話時話，隻老虎基本上次次都見唔到!!!唔知點解呢?

子聰著中山都OK啦，軒軒上次件中國服都唔知去左邊LU。

原文章由 ElainAiolia 於 08-4-7 12:11 AM 發表
Dear all mami,
唔知大家4/4除o左拜山外，點樣慶祝兒童節，我o地就無慶祝，只係飲完茶去o左冒險樂園玩 。

反而5/4去o左香港公園及動植物公園行o下，果日雖然好熱 ，但子聰玩得好開心 ，因為佢係第一次 ...

626mama

[[]] ,

妳好呀

原文章由 [[]] 於 08-4-7 11:26 AM 發表
等我來報遲大到先

626mama

天藍,

咁最後，放學時，昊藍有冇帶口罩呀???
我記得上次參觀"恆香"昊藍唔肯帶口罩。

原文章由 天藍 於 08-4-7 11:42 AM 發表
626mama,

你真係問得好, 你都好了解昊藍, 仔仔今日係唔肯帶口罩
入學校, 仔仔見到子聰同其他小朋友有帶口罩, 都堅持唔
要帶, 無辦法下我唯有勞煩門口check手冊個位老師幫忙
比昊藍帶口罩, 但仔仔都唔肯, 個位老師唯 ...

天藍

hongmimi,

我頭先食lunch行落去睇, 係係街市個邊搭"榮華"
對面, 11蚊一位, 途經九龍城廣場同我問左個司機
話都經獅子石道, 詳情你 check pm.
匡爸所講既路線同我睇既都一樣, 匡匡同匡爸都咁
醒。

原文章由 hongmimi 於 08-4-7 14:27 發表
各位，
咁呀…即只有星期日先全部人齊?? 我諗5月11母親節大家一定唔得，咁得番3個星期日大家有無撞呢? 暫時我都ok~


天藍，
唔緊要，又唔係急。匡爸話係街市另外一邊(上落貨區)既小巴到九龍城(麥當當果條街)。諗諗下我都搭 ...

天藍

626mama,

到放學印印打比我話昊藍帶住個口罩出來,
無扭計無事, 仲帶到返屋企先除, 一個好開始。
15/4個日你會出席, 但軒爸會唔會去, 因個
日我唔得, 只有昊爸出席, 因昊藍今日先返學,
我未睇通告, 但聽ElainAiolia好似唔可以錄影
同拍照, 咁我點睇到佢地當日表現, 真有d失落,
話晒有電視台拍攝無得去, 都想睇下佢兩父子
既表現情況嘛!

原文章由 626mama 於 08-4-7 15:58 發表
天藍,

咁最後，放學時，昊藍有冇帶口罩呀???
我記得上次參觀"恆香"昊藍唔肯帶口罩。

626mama

天藍,

老師們真係有辨法，真係要讚下。昊藍都要讚下，咁乖仲帶到返屋企，真係好叻仔。

15/4個日我會出席，軒爸唔會去，佢唔係咁容易請到假，所以佢都唔去，聽佢講，好以遲D公司有D野攪，分分鐘有一星期六日都要開工，旅行...........遲D先講喎，人地仲睇緊行程添。真係掃興。遲D星期六日就得我同軒軒兩個自已去街LU。放心啦，我都識昊藍爸爸，佢都仲可以同我傾下計，咁就當然有同軒爸傾得咁開心啦，始終男仔同男仔岩傾0的。

係呀寫明唔可以錄影同拍照，必須穿紅危衫出席，我都冇紅色衫添。妳想睇當日程況，為有望電視台影到昊藍同昊藍爸爸啦，咁都仲有小小機會，或可能學校有影到相呢。

原文章由 天藍 於 08-4-7 04:12 PM 發表
626mama,

到放學印印打比我話昊藍帶住個口罩出來,
無扭計無事, 仲帶到返屋企先除, 一個好開始。
15/4個日你會出席, 但軒爸會唔會去, 因個
日我唔得, 只有昊爸出席, 因昊藍今日先返學,
我未睇通告, 但聽ElainAiolia ...

hongmimi

626mama/天藍，
那老師真係好有辨法，可以令小朋友乖乖戴上口罩，抵讚~
匡匡學校只需要放一個口罩入書包，有需要時老師才幫手戴上，但so far見都無用過。星期日去兒童崇拜匡匡點都唔肯戴，姐姐哥哥見佢咁細，其他小朋友(至少3歲以上)個個都有戴，話匡匡唔戴都ok。

hongmimi

ElainAiolia/各位，
4月4日我地去左ElainAiolia介紹既奧海城動物園，不過時間較趕，影完好快就走~ 有幾張相好攪笑，初時匡匡扮老虎張開大口，最後匡爸同匡匡一齊同大獅子影合照，匡爸張開口扮獅子，匡匡又張開口，但就收唔到掣，一口咬落匡爸塊面到，哈哈哈~ 不過呢張相妳地無機會睇到，因為匡爸話好肉酸，唔俾我disclose，嘻~~

星期日我地舉家到西九龍海濱長廊踩單車，果度係新建，海旁環境好好，很大既地方。玩了一陣，匡匡已撐握到點用力踩，可以踩到幾步(當然要附助轆)，單車係果度有得租，小朋友車$20/hr，成人車$30/hr，家庭車$80/hr，我地租一個鐘，因帶了吹泡泡去玩，匡匡同表姐們玩得好開心。唔踩單車可以好似公公婆婆咁坐下海邊、見有小朋友玩小小沙池(真係好小)、有大片草地，見有人帶備食物野餐樂，亦有唔少人專程來做運動援步跑。設備方面，有乾淨洗手間、小賣部唔知點解星期日會close、但有幾架汽水機。

唯一唔好就係交通，如自己有車就perfect(有咪標位)。不過係青衣出發都ok方便，因其實地點係地鐵九龍站(圓方)對出，再行大概15-20分鐘到海邊。我地就係佐敦搭的士，不過的士司機唔多識d新路。

我地走時行番出九龍站，行下圓方，先知原來九龍站有車返黃大仙，仲有好多其他路線，下次去識得搭巴士。大家有興趣和有時間想搵節目可以試下去玩下。

Email左d相俾大家，有時間睇睇呀~

[ 本文章最後由 hongmimi 於 08-4-7 23:01 編輯 ]

ElainAiolia

天藍,
你放心，若14-15/4我可以請到假，我會盡量照顧昊爸，不過子聰同昊藍唔同一班，可能到時要拜託626mama幫手lu 。

雖然呢排天氣熱，但天氣報告話星期五又會去番19度 ，大家小心身體。

D大6人就係咁無禮貌，又唔理人感受，所以假期好難影到D好相。

件民族服裝係for 9/4著，子聰著番姑媽結婚果件中山裝o乍，件衫都係長袖，我諗住叫印印比子聰著住件短袖衫，返到學校先著件中山裝上衫，費事熱C佢 。你問咁多問題唔煩，大家都係關心個小朋友o者。我今日打o左電話番學校問佢o地15/4小朋友會著乜o野衫 ，佢o地話暫時未答到住，遲D覆番比我，另外陪小朋友參與14-15/4之家長，一定要著紅色上衫，但無規定邊隻款，我又要買衫 ，因我無紅色衫。

昊藍好o力仔 ，肯帶口罩之餘，仲可以捱到返屋企先除 。

若改星期六聚會，我無所謂，食唔食埋飯走都得，若想食埋飯先走，可以係警察會上面2樓間酒樓度食，水準都OK，我暫時五月份邊日都得 (except 11/5)。

ElainAiolia

hongmimi,
多謝晒你提醒我 ，原來11/5係母親節我都唔知o忝，我仲報o左名參加親子一日遊，今次仲報埋婆婆o忝，當係母親節禮物兼陪佢慶祝 。

除11/5外，我邊日都得。

匡匡咁搞笑，一時失手咬o左去匡爸塊面度，匡匡肯定笑到肚痛la 。聽你講完星期日去西九龍海濱長廊玩，好似幾吸引o咼 ，起碼唔使山長水遠入長洲踩單車，而且D設施又OK (除小食亭外)。D相已睇o左，果度好似好大，你o地星期日去o既時候多唔多人呀？D人會唔會亂咁踩單車o架？

ElainAiolia

626mama,
個人虛都會流淡汗o架 ，可能軒軒睇中醫食o既藥幫佢打好個底，所以無咁虛。第一次 (3/4) 子聰去睇中醫，個中醫都話子聰個底好虛好弱，話要開北芪比佢食，佢話好少會開北芪比細路仔食，但子聰個底咁差，應該受到o咼。到第二次 (5/4) 番去睇，個中醫問我有無特別o野及有無好D，我話無乜分別，果次佢連黨參都加埋，當日又無乜特別。點知尋晚 (6/4) 瞓瞓o下覺，子聰無端端流鼻血 ，仲鬼C咁多，嚇C人呀。今日 (7/4) 再去睇中醫，話比佢聽子聰流鼻血，佢話可能燥熱得滯，所以今日比D温和D既藥比子聰飲，應該無事 。

“寵物小書”我仲未搞，今晚先至係屋企同隻龜影相，而嫲嫲隻狗D相等緊姑媽sent埋o黎就可以交呢。

動植物公園我想帶子聰去好耐，只不過而家先起行，由香港公園行去都幾甘o架 ，好彩子聰無扭抱o者；香港公園就好早去過，因交通都好方便 。

軒爸咁辛苦，攞假唔容易之餘，遲D仲要返足一星期7日，唯有2母子相依為命，但又唔使咁灰，軒爸咁勤力做o野，可能提早退休呢 ！其實平時放假都係得我同子聰一齊，印印唔放假先會有3人行o既情况出現o乍，因聰爸唔係成日可以同我一齊放假，所以我都習慣o左 ，只不過影相成日都係我o地3個反而無o左聰爸，變o左怪怪地 。

pcdogxx,
你係o米仲係好忙 ，無時間上o黎吹水，因住返到索晒氣呀 ！

天藍

all mama,

我想問你地知唔知青衣, 葵芳or 荃灣邊到有單車鋪,
事源昊藍昨天係樓下練習踏單車, 比d人撞到架單車,
單車跌落地昊藍好彩無事, 但有一邊付助鹿爛, 因
架車仲好新, 我唔想買過架新, 我問過人話係單車鋪
有得醒番付助鹿約$5x左右, 因以前荃灣路德圍有間
單車鋪早幾年執, 唔知葵芳球場後面以前都有, 唔
知以家仲有無? 唔知大家知唔知??? 幫幫忙!
青衣, 葵芳, 荃灣都無就要去大圍or沙田, 因我同昊爸
都懶唔想出到去咁遠, 如大家知請告知, Thx!!!

hongmimi,

收到d相啦~~
匡匡好得意張大個口仔, 我好想睇匡匡同匡爸張大口
個張相, 你叫匡爸比我地睇下等我地分享下你地既開
心嘛!!!
匡匡好犀利踏到單車啦! 昊藍都係踏到幾步, 但未可
踏到好快, 昊藍同匡匡已經踏出成功第一步
你個介紹都好好, 原來西九海濱公園有單車踏, 又有
草地坐都幾好, 下次放假可去下玩, Thx!!!

ElainAiolai,

子聰食緊中藥, 希望調理好身體會快d好, 昨天我送
昊藍返學見到聰聰剪個新髮型好短好清爽好靚仔,
但比之前瘦d, 聰聰要食番多d野啦!!! 加油~加油~
原來件民族衫係明天著, 我昨晚睇完通告仲傻下傻下,
以為係15號著, 好彩你同我講, 原來係明天9/4著, 真
係唔該晒!
我都無買到民族衫, 都係著番國慶個次有條龍個件長袖
薄身中國衫~~
我同你一樣有時我放假昊爸又未必放假, 成日同仔仔印印
3人行, 不過, 我都慣無乜野, 但有時總想可成日一齊, 但
搵食無辦法啦!
15號個日就麻煩你地照顧佢地兩父子啦! 如收到風電視台
幾時會播番出來通知我呀! 我想睇佢兩父子有無上到鏡, 同
埋睇埋你地~~

原文章由 hongmimi 於 08-4-7 17:25 發表
ElainAiolia/各位，
4月4日我地去左ElainAiolia介紹既奧海城動物園，不過時間較趕，影完好快就走~ 有幾張相好攪笑，初時匡匡扮老虎張開大口，最後匡爸同匡匡一齊同大獅子影合照，匡爸張開口扮獅子，匡匡又張開口，但就收唔到掣，一口咬 ...

626mama

hongmimi,

匡匡學校用口罩是準用，放入書包，有需要時老師才幫手戴上，但so far見都無用過。星期日去兒童崇拜匡匡點都唔肯戴，姐姐哥哥見佢咁細，其他小朋友(至少3歲以上)個個都有戴，話匡匡唔戴都ok。

4月6日我都有去ElainAiolia介紹既奧海城動物園，我食完早餐就過去，去到10:30左右，當時冇咩人，軒軒可以張張相都可以影唔到其他人。我再另外每個動物都影一張相，唔知第時學校做功課有冇用。匡匡扮老虎張開大口收唔到掣，一口咬落匡爸塊面到.......下。如果當時比我睇到，都會確得好好笑。

剛剛睇左匡匡d相，個口打得好多大喎。開西九龍海濱長廊踩單車，睇完妳d想，我又想去添。度度都想去，都唔知去得邊。地鐵九龍站(圓方)對出，請問咩係(圓方)呀???唔好意思，我真係好大鄉埋。

626mama

EalinAiolia,

原來天氣報告話星期五又會去番19度，仲想換晒貴佢添。需然未到農曆5月。

妳地件民族服裝一套套，軒軒得件背心仔。都好過冇。
陪小朋友參與14-15/4之家長，一定要著紅色上衫，
我都冇紅色衫，我穿紅色衫會好黑仔，唔知點解呢，
我記得軒爸好以有衫紅色 T 恤，回家找找先。
大件D著一次唔怕啦。

我都係，五月份邊日都得，11/5母親節唔得。我都要多謝妳提一提，我成日都唔記得。

原來係個人虛都會流淡汗，咁真係以軒軒睇中醫食o既藥幫佢打好個底，所以無咁虛。

去睇中醫睇到流鼻血，真係嚇C人呀媽。燥熱得滯，
知道係燥熱得滯都好，佢話子聰虛，咁子聰又冇出好多汗，有冇咩特精嫁。

妳本“寵物小書”已經有目標龜同狗，應該冇問題啦。

可能我慣左佢個個星期同我地一齊去街，所以知佢要返工，
已經有D唔慣。佢OT冇錢嫁。

pcdogxx,

鈞渝攪掂件民族服裝未呀?前果排咁興韓服，唔知妳買唔買到呢?

626mama

天藍,

昊藍架單車付助鹿爛，好彩昊藍冇事。葵芳球場後面以前都有, 唔知以家仲有無? 近邊嫁，我一陣放工行去睇下。如果真係冇，妳唔怕等下，妳叫妳個工人比個爛付助鹿比婆婆，等我拎返沙田問下。荃灣路德圍果間都冇左好耐喇。

天藍

626mama,

我同昊爸只係記得以前葵芳近球場個到附近好多食市個
到有幾間單車鋪, 但以家唔知有無??? 但正確位置係邊
我真係唔記得! 你放工唔經個到唔使突等行過去, 因都
好遠下, 下次昊爸放假我先叫佢落去睇下。
同多謝晒你你咁有心幫我睇付助鹿, 不過, 我唔麻煩你
去啦! 因個兩個鹿都好重下又大舊, 我怕會麻煩到婆婆
同你, 因今個星期日昊爸都放假, 我叫佢去睇下, 你咁熱
心幫我真係好多謝! Thx!!!

原文章由 626mama 於 08-4-8 15:41 發表
天藍,

昊藍架單車付助鹿爛，好彩昊藍冇事。葵芳球場後面以前都有, 唔知以家仲有無? 近邊嫁，我一陣放工行去睇下。如果真係冇，妳唔怕等下，妳叫妳個工人比個爛付助鹿比婆婆，等我拎返沙田問下。荃灣路德圍果間都冇左好耐 ...