荃灣浸信會幼稚園家長-chat room, 入來傾傾吧.Part V

010

見你地講得咁開心，真係忍唔住想搭下咀．

christina
囡囡發燒，好在最後都無事咋！
信不信由你－你囡都敢入去？！好利害．我仔連個層都唔肯上去．．．．
珠心算係要買算盤嫁，我仔就用返兒甥女個個所以唔使買．不過必必話JUSCO十蚊店都有得買嫁．你今晚問下佢啦．

summer_66
東莞家輝會我去過，我地個次十幾人去，住３房一廰個隻，重有麻雀房－好有豪宅feel 嫁．

Yanyanmama
今晚無得走，要等講升小嘛．

必必
今晚再見先講．

yanyanmama

010 寫道:Yanyanmama
今晚無得走，要等講升小嘛．

我意思係唔好一聽完就趕住走，　返去睇仔，　記得找我呀

010

最好見到一齊座，好掛住你地

christina

010:我囡肯去信不信由你,入鬼屋佢多數唔開眼架, 不過佢話驚個dream world入面個鬼屋woo.


各位, 今晚見.依家整理緊d photo,整好d photo比大家看.

yanyanmama

010 寫道:
最好見到一齊座，好掛住你地

唔知會唔會分班坐, 如果係, 我同唔到你地一齌家啦   

maku

yanyanmama 寫道:
[quote]
maku 寫道:
必必

我會來食紫菜，因今日又想去荃湾shopping.

    

又SHOPPING, ２星期前先買左３件衫 [/quote]


吃了多月药，身体同腰都肥了不少，今晚想去買裙.
好彩近日身体好似好返左好多，才有脚骨力行路買野咯.    昨日， 我又走左去買新mobile.   

回想， 最令我意外就是上次能站著1小時同010和必必講話
      

必必

maku,

即係我們的話題能醫百病, 我及010要問你收診金至得.

yanyanmama,

我做導遊一定無問題, 不過到時迷路/行錯路, 唔好怪我, 因為你無俾導遊費.   

010,

我購買了一個$20及一個$10的算盤, 到時看看那個會好用些.  明天會借個俾christina個女用住先, 岩用才買都未遲啦!

christina

必必:Thanks你先, 到時看看那裏適合用的算盤

各位:已send旅行相, 得閒入去看看吧.

今晚見   

maku

Yanyanmama

紫菜好好味, 我地一家已吃完了整包,
多謝.

必必
你今晚不要罰留堂
  
010/christina/yanyanmama 有排煩   

必必

首先多謝yanyanmama & christina的手信....2樣都好好味.

maku, 我已經好早走, 但都要差唔多9:00才走得, 所以其餘人睇怕無10:00都無得走.

summer_66

hi all mummy

早晨, 我琴日睇到手冊內有張表"評估" 內容係小朋友識麥, 使唔使填.

hi 010,

上次妳東莞家輝會係買 package/淨訂房, 講下妳行程聽下, 係羅湖坐車方唔方便呢 ?

yanyanmama

各位早!

多左message, 所以要上來look 一look, 唔係追返要好耐

010

星期五晚確實好似必必所言，我地要成10點多先走得，其實校長所講的小一人學統籌辦法隻光碟內都有講，但校長講起上來生鬼好多
聽完更加覺得能在自行分配學位想入讀我心儀的學校很難（雖然一直都知，但給黃校長再提醒一次啦 ）．唯有把一切交托給　神吧！
願大家的小朋友在神的安排下，都能入讀一所合適的小學．．．

係，手信好好味－要再次多謝yanyanmama & christina！   

必必
今日Disneyland多唔多心？玩唔玩到你想玩個3項new games？

仔仔話手珠班有2同學仔都係係星期日班轉過來嫁．再加埋新加入christina囡囡，除去6位同學仔唔讀，一樣係好多人，重諗住會少ｄ人．原來都係差唔多咋．．．

隻VCD明天唔好追仔仔住，因我要拎返去加工（封面）所以星期二先交比佢，記住星期二追佢拎喎

summer_66
去東莞家輝係我姑仔安排，我記得當時只係訂房（~$1,8xx/day)，我地係羅湖集合自己再搭佢地架車便直達門口．
佢有一個戶外活動中心係嶺成功，我記得個時係新年去都好晒－而家去應會好熱喎

以往手冊入面張"評估表"唔使咁快填，唔知而家有無改，因我未收到手冊，明天話你知．

－－－－－－－－－－－－－－－－－－－－－－－－－

各位K1媽咪，明天到你地小朋友開學啦！願神給他們好好祝福，讓他們都能適應新學校的生活，並學到更多神的話語．

另外，我每個星期日都會和仔仔返荃浸的小朋友主日學（9:15-10:30），如果你地有興趣可以揾我仔仔同你地ｄ小朋友一齊返嫁

summer_66

hi 010

首先, thank you 妳東莞家輝會資料.

係呀, 明天第一天開學, 我自已又緊張又開心, 正如妳所講願神給他們好好祝福，讓他們都能適應新學校的生活，並學到更多神的話語．

上次係新生家長會, 校牧 (唔好意思, 其實校牧係什麼職位, 我唔清楚可否講解下) 話可以帶小朋友主日學係 sunday 11:00 a.m., 妳講荃浸的小朋友主日學（9:15-10:30), 我反為方便d, 因我星期日要返工, 11:00 果堂連自已都安排唔到, 但如妳所講我可唔可以係 9:15-10:30 帶埋個女一齊返, 係親子形式/大人同小朋友分開, 因我真係末返過, 我自已真係無從入手.

thank you
  

必必

010,

今日無得去disneyland, 因為老公臨時有事, 昨日返了大陸, 所以無得去住,  今朝的節目是帶工人返agent, 計埋糧俾佢, 終於fire了她, 真係一身鬆晒, 唔駛再對住佢.

maku

必必

必必 寫道:
今朝的節目是帶工人返agent, 計埋糧俾佢, 終於fire了她, 真係一身鬆晒, 唔駛再對住佢.

要即抄, 咁你已補一個月比工人
我覺得找一個好工人, 同中六合彩差不多.

christina

必必:今日你都未講fire工人架, 你都好決心lor, 你必定忍無可忍la, 不過又要重新教另一個工人, 煩   

maku:sorry, 因為見唔到你, 所以比唔到野食你lor.

010:你決定左選英華, 就放心去吧, 我選浸聯, 都知1st無架la, hope第2round囡囡個no好就好lor       

maku

christina

吾緊要.

必必
又要再揀過工人, 都幾煩   

必必

maku & Christina,

個工人真係好有問題, 做事計較, 識食唔識做, 星期六放完假, 今朝一早發神經, 同我講話, 係唔係以後都要煮那麼多人飯, 我話一定係, 跟住佢話佢手痛, 去街市及超市拿唔到重野, 我就好 ,你即係同我講數, 做野已經唔得, 拿野都唔得,  我請你返來做什麼?  於是叫佢即時執野, 帶佢去agent.  我當然唔會俾一個月錢佢啦! 我話佢有2條路, 一係當佢自己走, 我唔要佢一個月通知金, 一係我俾一個月通知期佢, 做足一個月才走, 那一個月要照做野, 無得偷懶........最後, 當然係雙方面同意解約, 即時生效. 無了個工人都唔係問題, 我寧願慢慢選個合適的. 不過白白無了千幾2千元, 因為明天仲要去出機票.  

你們有沒有家務助理介紹? 我想請幾個月幫下手先. 無了個工人會多了家務做, 不過辛苦少少, 可以節省不少, 最緊要係唔駛再受氣... 個工人8月15日到, 我足足帶佢去了3次agency, 真係俾佢煩都煩死.  

我發覺agency那些staff都唔係好得, 都唔熟勞工法例, 好彩我以前做這一瓣, 如果唔係, 真係任佢點都得. 最好笑係要寫下解約原因, 她們話寫"communication Problem", 我就話唔得, 因為我無這個問題, 要agent寫, "unsuitable for job", 因為過個工人真係完全係唔適合做工人, 佢應該返菲律賓嘆世界, 什麼都唔駛做, 會岩佢好多.   

010

必必
你今日個節目真係好激，但既然抄左，無謂諗，自己辛苦幾個月，但起碼唔使再勞氣．

christina
其實都無咩放唔放心，你地都知我一早決定左，都明知一樣要抽唔一定中，所以每晚同仔仔禱告時，都只求　神給他保守，為他選一所合適的小學．
但個no.真係好重要 ，願　神給他們作最好的安排吧！

－－－－－－－－－－－－－－－－－－－－－－－－－－－
summer_66
校牧雷姑娘－是「學校」的「牧者」或「傳道人」, 一般為全時間於基督教學校中擔任傳道人之職責。
校牧在學校中主要的職責，是要協助教師及學校社工進行全人的關顧，從屬靈方面幫助及提供環境，讓學生建立健康及整全的人格，與神建立和好的關係。

荃浸給小朋友返主日學有兩個時間，
1) 9:15-10:30兒－童主日學－我仔仔返呢個，大約係
　∼9:15-9:30詩歌敬拜
　~9:30-10:20分組上聖經故事
　10:20-10:30便下課，跟著佢地可以繼續逗留玩一陣，　有ｄ小朋友會繼續11:00-12:30的兒童天地

2) 11:00-12:30－兒童天地
　　比較多家長帶小朋友參與，我估因為時間較好吧．
　　開始時有金句背讀（自由選擇），有ｄ小組比小朋友自　　由參加：如畫畫，故事書，玩具．．．等等，跟住應該　　都會有分組上課．．．但我仔仔只參加過一次：佢話都　　係中意返9:15堂，所以我唔太清楚程．

我自己會陪仔仔返15-20mins主日學，等佢地分組入左課室我便趕上返2/F上祟拜－多數聽到講道部份．散會便落去接返仔仔，有時佢都會要求玩多一陣，但11:00前便會走啦．若你有興趣，可以跟我地一齊返下．
但我諗最好等你囡囡開左學適應一下環境先，因為主日學導師原則上唔鼓勵家長陪小朋友上分組堂，你可看看你囡囡適應程度，因為分組都會係返K1個課室，佢應該會開心ｄ，易適應ｄ．
我仔以前返過其他教會，佢都麻麻地適應，直到今年開始返荃浸，佢先OK．總之慢慢來，幾時想去就話我知，有問題歡迎再問我嫁．