有沒有在讀荃灣公立小學的家長可以分享????

CSW

我曾經聽過一個分析, 話選入馬灣基慧的家長應該係比較有心的, 一來大部分都會係住馬灣珀麗灣及深井區, 這些家庭通常會喜歡良好的環境, 希望小孩有良好的教育, 而家長本身也都應該有番咁上下既中產家庭。而在其他區住又選入馬灣的, 因要考慮校車費及/或家長訪校時的交通問題, 應該也是比較中產的家庭才會考慮。所以入馬灣讀的小朋友應該都是來自比較好的家庭背景。(反而深水土步區一所著名男校, 旁邊有多所公共屋村, 而附近又惟有它是最好的津校, 所以在大抽獎時, 可能會派入很多住公屋的小朋友, 當然當中也會有好的父母, 但比例上可能派去基慧的小朋友的背景會較穩定。)

我只是聽回來的, 不曉得是否真是這樣, 或許其他parents可以comment一下。

010

CSW
其實你所聽所講的我也有考慮（派入很多住公屋的小朋友），但真係貪佢一條龍囉．唔係真係未必選深水埗．
亦好buy佢校長的一套教學方法，據知佢地搞好多項目都係針對男仔－鼓勵佢地學習，所以仍然希望仔仔可以入到．但我最近也聽說他們P1沒有電腦課－呢點好似有點．．．．
都係個句平常心啦！

CSW

010,

我想你所考慮的其實跟我一樣, 不過我已經唔係抱好大希望lu...或者, 可能插班仲會有d機會。
另外,想問你的小朋友是在哪間幼稚園念書的? 我想幫細仔再找學校, 他今件入k1, 之前報宣幼, 已經係識人, 但也沒有回音...都係要靠自己。

jk923

CSW：
聽完你講，我同老公傾過，諗住甲、乙第一志願都填基慧，跟住石鐘山或柴天(上)。

010

CSW
我仔讀荃灣浸信會K2，老師好有愛心，多親子活動�集作．但功課�英文略淺．小朋友讀得好開心．但佢好多人考，因除荃灣區家長中意佢，屯門家長都好中意出來讀佢．

其實差不多有20分的男生家長都會咁選，我都唔抱太大希望，據知我仔學校都有不少家長會選佢，加埋深水埗�青衣�其他荃葵區，根本中的機會好細，但會係跨區搏搏，唔中會選返基慧，希望到時重有位啦－但見而家佢都係幾hot之選，有D担心．
但平常心，最後都會交返比神．

jk923
咁我估你會中基慧，但唔好排石鐘山係2nd，一定入唔都－因1st多數分晒，晒左no. 2個位－當然其實無所謂，因我真係認為你中緊基慧．
若你係首階段自選都選基慧，都有機會中－自今年15分都有人抽中．
大抽獎時2nd選佢都中．無記錯明年會較今年少約3000名升小學生，中獎機會會大ｄ

CSW

jk923,

010說得對, 石鐘山是荃灣區其中一間hot schools, 所以不能放在第二, 三, 否則一定不入, 也會白白浪費了你的選擇。其實除了第一位一定選自己最心儀的學校之外, 跟著的學校應該選些第二輪的心儀hot schools, 例如柴天、荃天等。若你喜歡石鐘山多過馬灣基慧, 則應把石放第一位, 馬灣基慧放第二。 純個人選擇, 供你參考, 始終各人喜好需要不一....我知馬灣基慧會在7月15日有開放日, 或者先去看清楚, 看看自己和孩子喜不喜歡吧 :

丸媽媽

jk923>>> 我仔仔升小五喇!

荃天唔放第一志願多數冇機會,我朋友幾年前放第一志願都唔中,呢一兩年就唔知

玩大抽獎真係唔可以貪心,願望只得一個,問題係大願望定細願望,大願望就睇有冇運,唔貪心揀細願望中o既機會就大d(但都係要睇運)
荃天/基慧/石鐘山...呢d可以算係細願望

個人意見,如果預算第一志願唔中,冇左個橙,就要揀以下其中一間做柑: 天佑, 伍季明, 柴天, 荃公....呢幾間

如果照以上咁揀,唔中第一都仲有機會中2or3

cc0524

丸媽媽,

Hi! 想問問馬灣課外活動有無校車搭架??    

丸媽媽

cc0524 寫道:
丸媽媽,

Hi! 想問問馬灣課外活動有無校車搭架??    

有 正常放學時間一輪,上完課外活動又一輪...星期六既課外活動就一車過係荃灣地鐵站開出

cc0524

丸媽媽,

oh! thank you!!!    

佢真係幾體貼和!!!

丸媽媽

cc0524 寫道:
丸媽媽,

oh! thank you!!!    

佢真係幾體貼和!!!

你叩基慧門有聲氣未?

其實交通方面,真係學校仲緊張過我地,相比荃浸,我同事個仔讀左三年就鬧足三年,d校車到站時間冇時準,有時早到,有時夠膽死要人地o係站頭等足45mins

cc0524

丸媽媽 寫道:

你叩基慧門有聲氣未?

其實交通方面,真係學校仲緊張過我地,相比荃浸,我同事個仔讀左三年就鬧足三年,d校車到站時間冇時準,有時早到,有時夠膽死要人地o係站頭等足45mins

丸媽媽,

仲未有呀! 馬灣話要七月頭才開始通知去 interview! 另外其他都無消息!    

嘩! 咁浸聯又真係好過份和! 等咁耐? 是放學?? 若果係返學就死得啦!

丸媽媽

cc0524 寫道:
丸媽媽,

仲未有呀! 馬灣話要七月頭才開始通知去 interview! 另外其他都無消息!    

嘩! 咁浸聯又真係好過份和! 等咁耐? 是放學?? 若果係返學就死得啦!

總會有機會o既! 好似010話齋,平常心啦

放學都死啦! 同事個工人仲要湊住個歲幾o既妹妹,真係楝係街度等到變化石

間學校咁多年連呢d咁基本o野都control得唔好,我對間學校真係有d保留,而且另外有同事佢兩個小朋友都係讀荃浸高小,而comment只係一般 響bk見咁多人講到咁好,我個人觀感就只係個校長推銷技巧好o者!   

jk67jk

響bk見咁多人講到咁好,我個人觀感就只係個校長推銷技巧好o者!  

我同意！ 雖然好, 但不是想像中咁超水準！

cc0524

不過真係唔知點解, 個個都讚呢間學校架!! 我個仔 d 同學家長都係咁講架!!     

丸媽媽

cc0524 寫道:
不過真係唔知點解, 個個都讚呢間學校架!! 我個仔 d 同學家長都係咁講架!!     

咩o野人讚都係假,最好係聽埋用家意見,尤其將近畢業果d

jk923

聽左你地咁多位既意見，我會先選基慧，(柴天、??)我希望第一輪中啦！

010

丸媽媽
咁有無用將近畢業果d家意見轉告呢？

其實我呢幾個月都問左好家長點會解選呢間，多數答我係住附近同派位好．

我痛有去過該校參觀，又唔係特別好吸引．但見個個家長都指定會以佢作首志願．真係好
真係好想知係真係佢做得好好，定包裝得好，還是香港人始終靠口碑？

丸媽媽 寫道:
[quote]
cc0524 寫道:
不過真係唔知點解, 個個都讚呢間學校架!! 我個仔 d 同學家長都係咁講架!!     

咩o野人讚都係假,最好係聽埋用家意見,尤其將近畢業果d [/quote]

010

第一輪選基慧，我相信你實中．祝心想事成為！

cc0524

010, 丸媽媽,

早晨!! 我都認識一個小朋友讀浸聯, 但佢媽咪就不太喜歡此小學, (但係唔知點解無轉校!) 佢係讀四年班, 今年他妹妹升小一都無選此小學 (恨死好多家長!!) 佢選了我之前跟你們提過的直資!!

另外今早聽到個消息, 浸聯今日考分班試! 乜小一都要按成績分班咩?? 唔係話浸聯會輕鬆 D, 無咁大壓力咩??