40區深水土步既家長入黎傾下啦

PHmami

有聖安德烈進一步資料，記得報料呀！！

[quote]
法子 寫道:
英華都幾好架,不過我個係囡囡...所以冇考濾lu...我也相信聖安德烈係我明智之選.....

Bowiema

PHmami,

Good Morning...
你小朋友宜家幾大啊?

PHmami

Bowiema,

我囝囝2歲幾咋，今年9月先入 k1，我咁早了解小學是想更清晰地揀幼稚園呀！
你小朋友以前係邊間幼稚園讀架，涵接小學適應嗎？   

Bowiema

PHmami,

我有2個小朋友, 佢地一個小二, 一個K2, 佢地都係讀金巴倫. 大仔宜家讀得幾好, 成績唔錯, 幸好幼稚園時學既野係比較深, 有常規, 上到小學適應得好好. 不過我係佢地幼稚園時期都跟得d功課好足, 唔可以單靠學校. 所以唔好miss咗幼稚園既階段啊......我有親戚大女就係讀d課程比較淺既幼稚園, 上到小學就要花d時間去追同適應, 後來到細女時就比佢去咗根德園, 今年上小一, 就完全無問題, 仲讀得唔錯tim, 因為好多野亦係幼稚園巳教咗, 有晒concept.

PHmami

Bowiema,

咁你都好有心去幫子女安排學校喎！ 每個階段都有唔同嘅挑戰，上到間好嘅小學影響真相當深遠！
我囝囝九月將入根德園 k1，主因想佢學會自覺 & 容易涵接小學，我始終覺得已很活躍的小朋友若再讓他們上活動教學的幼稚園，到要適應香港地的小學，父母、小孩都會好辛苦！你親戚對根德園還有其他評語嗎？   

Bowiema

PHmami,

佢話雖然平時唔係好知個女係學校點, 因為佢地既culture係比較少同家長溝通, 通常only有家長日就可以同老師傾耐d. 不過佢話佢阿女又學到野返黎ga bor (默書, assessment都唔會有通告). 同埋上小學真係會好好多, 因為佢地都係有常規, 課程都唔淺既幼稚園. 不過佢話由於無外籍英, 國語老師教, 佢自己係出面有同佢阿女報英文, 國語班. 我見佢宜家上咗聖羅撒都讀得幾好.

你都講得啱, 小學真係要好守規則ga, 唔係成日比老師罰, 小朋友既自我型像會低, 好影響佢返學既表現, 同埋會唔開心ga.

PHmami

Bowiema,

Thank  you ~ 係囉，係 kv 讀我都預咗要出外比佢跟外籍老師學吓英文，永冇學校可以十全十美，升小涵接唔洗煩，已經好好架啦！ 我囝好好動，若比佢幼稚園活動教學，我驚升小學我同佢都會反肚！！ :tongue:  

Bowiema

PHmami,
所以宜家做父母真係唔容易, 到佢地大d又要再諗下學mud野樂器, 仲要睇埋佢地既品行. 最緊要係公子們肯合作, 所以成日都要諗下d計仔去教佢地. 大家都要努力啊!

Bowiema

J&Amom,

英華的確係好多人爭, 因為中學個個都唔想再煩ma.....esp. 中學既階段先最緊要, 所以宜家我都係同阿仔一齊努力緊, 希望佢keep住d成績, 入到間好既中學. 講真, 小學佢都仲會話聽下你講, 聽下你鬧, 到中學讀唔讀書都唔係我地可以管到, 只係希望佢入到間唔錯既中學, 至少唔會學壞ma.....

希望你地個個都幸運地入到所想既學校啦. 努力啊....

PHmami

好讚成，父母盡責比個好嘅學習環境佢哋，某個聽教的階段過咗，都唔到父母可以講嘢！只希望佢哋條路好行 d 咁解囉！

[quote]
Bowiema 寫道:
講真, 小學佢都仲會話聽下你講, 聽下你鬧, 到中學讀唔讀書都唔係我地可以管到, 只係希望佢入到間唔錯既中學, 至少唔會學壞ma.....

aprilma

想問下黎緊九月瑪利諾神父小學部是不是會搬來這區呢?

Bowiema

aprilma,

佢地要07年9月先搬去新校舍轉全日制.

aprilma

我個女而家k 2 咁咪可以報呢間囉,但我怕會太傳統.

Bowiema

aprilma,

我都聽人講佢地係傳統小學, 都幾多抄寫ga.

aprilma

其實我都知道好多功課,因為我小學都係讀呢間. 我梗係想佢入荔天,但佢得basic嘅分,要賭彩數,都唔知點好.

PHmami

瑪利諾神父小學不是男校嗎？

aprilma 寫道:
我個女而家k 2 咁咪可以報呢間囉,但我怕會太傳統.

Bowiema

PHmami,

瑪利諾神父小學係男女校黎ga.  

PHmami

Bowiema,

呢間好似有直屬英中，咁請問知否小學好唔好？

Bowiema

PHhmami,

佢地既成績都唔錯ga, 我大仔有好多幼稚園同學都讀呢間, 因為佢地k3時有去參觀過呢間學校, 好多家長都覺得佢地幾好, 因為有直屬英中. 不過果時我無選, 因為我比較喜歡全日制. 不過佢地因為係傳統小學, 家校溝通唔係甘夠.