初中生媽媽聊天室~分享會

rclamlam

Yokongi

你阿女宜家係邊度讀書呀? 學費點計呀? 怕唔怕佢學壞呀? 要讀幾多年呀?

rclamlam

我阿女叫佢看英文故事書, 叫極都唔看, 可能對佢來講係唔明, 或者係難啦, 因為要查字典, 真係擔心.

天倫之樂

rclamlam 寫道:
慘啦, 你地講到o的小朋友考第3, 第5, 第9, 12既都考唔到頭3志願, 我阿女上年考試全級約200人, 考八十幾, 咪即係唔駛預可以考Band 1英中?

其實除了成績之外,運氣都好緊要.隨机號碼在前,都有好大机會.

uncleedward

rclamlam 寫道:
慘啦, 你地講到o的小朋友考第3, 第5, 第9, 12既都考唔到頭3志願, 我阿女上年考試全級約200人, 考八十幾, 咪即係唔駛預可以考Band 1英中?

Check out the percentage of band 1 students in your girl's school. If it is a good school, for example, with more than 50% band 1 students, you girl stands the same chance in getting into an EMI school as the first place in the form.

fatbabymother

rclamlam 寫道:
fatbabymother,
咁銀禧中學係英中定中中?
想問另一樣, 係咪宜家好既中學, 中一至中三都唔可以出街食飯, 要係學校係架? 如果間學校可以比佢地出街食飯, 係咪間學校就唔好架?

rclamlam,sorry, 因這兩天很忙，沒有上BK, 現在才回覆。

銀禧中學係英中。

未必一定好的中學, 中一至中三都唔可以出街食飯, 只是學生少些機会學壞，家長比較放心。同時又要考慮學校在那一區，附近環境和其他學校好唔好。

Yokongi

rclamlam,

你都幾多野問喎，不過我喜歡你這種態度，唔明就問啦，我很樂意解答你的，首先我個女在英國讀緊 year 8 (中二)，因我們是英國居民所以個女現在讀政府學校唔需要俾錢的，怕唔怕她學壞，這點當然怕啦，不過我知道她現在識的同學仔都幾好，所以暫時唔會怕她學壞的，而且我又接送她返學放學，所以學壞的機會又會減半了！其實英國讀書和香港讀書都是一樣的，由year7-year11跟住讀多兩年A-level就入大學了。如果你還有什麼問題，隨時歡迎你再發問的！

rclamlam 寫道:
Yokongi

你阿女宜家係邊度讀書呀? 學費點計呀? 怕唔怕佢學壞呀? 要讀幾多年呀?

rclamlam

Yokongi,

我真係咁多野問架? 唔好意思呀!   
哦, 原來你宜家係英國架, 又係有英藉, 唔怪得唔駛錢讀書啦, 真係好呀, 我都想阿女可以去外國讀書, 不過一年既學費加住宿費都好貴, 我地根本負擔唔到, 所以希望阿女可以生性, 真係努力啦.

好高興認識你呀!     

Yokongi

rclamlam,

如果你個女日後讀書叻，考到獎學金就可以去外國讀書啦，我家姐個女前兩年都考到獎學金到來了英國讀大學，她明年就大學畢業啦，我都希望日後可以在英國見到你個女啦！ 你有幾多個細路呀，我只得一個女，所以好鬼得閒，日日都上網，你得閒就上網call下我啦！

rclamlam

Yokongi,

獎學金? 真係發夢都無咁早囉! 而家先擔心緊佢唔努力既問題, 連成績都未遲到Band 1, 點可能攞到獎學金呀, 宜家無野望, 只係望佢可以派到一間好既英中.
我有兩個女架, 一個咪讀緊六年級, 另一個細10年, 就來22個月大, 年尾就2歲啦.
好呀, 得閒傾下計啦, 交流下心得, 又可以傾下唔同既野.

Yokongi

rclamlam,
你兩個女年紀相差十年會否玩唔埋呢？現在你個細女還咁細，又要從頭捱過啦，好彩我現在就脫苦海了，有時見到些媽咪揍住個BB我都覺得她們慘呀！你個大女聽唔聽你話呀，我覺得香港的細路仔學壞的機會會多些的，因很多父母都要返工，沒有時間陪她們，況且香港的生活太多姿多彩了，真的好大吸引。我個女返埋今日學又放 half term啦，有時放假都唔知有咩野節目給她去玩，好彩還有部電腦陪她吧！

rclamlam

Yokongi,
又奇怪喎, 我同老公知道有左個細女之後不知幾開心, 因為我地想要左4-5年都無呀, 總於等到, 好奇? 唔知係咪真係風水問題, 搬左都唔夠一個月就有左.
家姐好錫細妹架, 只係細妹成日搞家姐o的野, 家姐一發皮氣就講o的說話難聽囉, 咁緊係要花多少少時間令家姐接受細妹, 雖然家姐咁對細妹, 但係見到佢兩個一齊玩就好開心.
我都擔心家姐考唔到間好既中學, 始終受同背既影響好大, 好彩~~~我通常都唔駛加班, 所以都好快返到屋企, 一返到屋企就家姐成日拉住我講野, 講今日學校既野之類咁.
咁你個邊又係幾悶既, 出街又要搭好耐車, 比我都令願係屋企度.

Yokongi

rclamlan,

我以為你係全職媽咪呀，原來你還要返工，那麼你的細路邊個睇住呀，我揍一個女都覺得辛苦呀，你還要揍兩個女，我都寫個服字啦！我住向倫敦區的，所以好方便，就算行出街口10分鐘到有間超市，我個女都唔願行的，要我駕車去呀，無計啦鬼叫由細到大她一出門口就坐車去到目的點，所以每次返香港無車坐要她行路時，她就覺得好辛苦啦！

rclamlam

Yokongi,

我比左o的咩感覺你會係全職媽咪? 咁我要返工緊係要搵人湊女啦, 阿媽身體唔係幾好, 有血壓高, 所以幫唔到我, 只好請工人(印), 總算呢個工人都老實, 咁實有野會唔滿意, 點都好過好多工人既, 佢好錫細女架, 出世已經係呢個工人湊, 剛開始第二個合約.
就算我有架車, 我都唔會比我兩個女只坐私家車, 唔識自己搭車, 我老公想買車架, 不過我住個度係唔可以駕私家車, 所以大條道理唔買, 如果唔係住呢度, 我都想有架車, 可以放假同兩個女周圍去. 你應該要教下你阿女, 唔可以行10分鐘都唔行架, 對身體唔好, 而且行路都可以帶比我們既樂趣, 係宜家未發掘到姐.
係呀, 我兩個女都好鐘意行超市架, 可以看好多野, 又可以傾計, 你都試下咁樣分享.   

virgokaren

Yokongi ：

嘩！行十分鐘至有一間超市你都話近呀？
哈！這就是住外國和住香港的分別了。香港行幾步就有一間超市，我地仲懶過你啦！
你囡囡識講粵語嗎？有學中文嗎？
想問下係cornwall讀書好不好？聽過Truro High School for girls嗎？你覺得這間學校好不好？
一般在London的學校，學校是不是比較貴？
如果讀寄宿學校係咪離開London遠些會比較好呢？
Thanks！

rclamlam

virgokaren,

唔係呀? 行10分鐘到超市都遠呀? 我宜家行去超市除非行得快, 唔係就要成10分鐘架, 就算無都要7-8分鐘.

Yokongi

rclamlam,

因為你有兩個女，而且細女咁細，所以以為你係全職媽咪吧！夏天的時候我都會帶個女去park踏單車的，但現在開始凍啦，所以都唔會行路的，我個女真的很少運動呀，在家裡叫她做下運動都唔肯，令願對住部電腦，無計啦似我吧，好彩她又唔係好肥，得閒我send些我個女的相片給你看啦！

Yokongi

virgokaren,

我個女學過兩年中文，後來她唔肯再學了，不過她講中文好叻呀，簡單的中文字都識睇，她現在又學緊法文和日文！這間學校我未聽過，不過我知 cornwall在那裡，因我去過，其實英國有很多好學校的在倫敦讀書當然貴啦，因市中心吧，有很多香港的仔女來英國讀書，一定係倫敦以外的，你咁多問題問，是否打算想仔女來英國讀書呢？如果係，我可以俾些網址你睇下吧！如有問題再發問，可以pm給我吧！

rclamlam

Yokongi,

期待見到你阿女既相, 有埋你係到仲好, 係喎, 你有無去過我細女個網頁先呀? 可能你都見到我個樣囉.
宜家o的細路真麻煩, 唔願做運動, 怕佢地越大就越懶, 病痛都會多左.

Yokongi

rclamlam,

我頭先睇完你個細女個網頁啦，你個細女個面好多肉，好鬼得意呀，你個大女都幾靚女呀，你們一定很喜歡映相啦，可以映到咁多相，下次返香港時一定約你出來的，因我想見你個細女呀！我見到你們全家福，好溫馨呀！

rclamlam

Yokongi,

係呀, 有時都覺得幾得意架, 我都覺宜家係好幸福, 所以要珍惜!
希望可以快o的看到你個女張相.