返小一ge仔仔囡囡開心嘛???

大小不梁

我都有同阿仔改架~~~~d老師話如果一班入面有相同,就要其中一個改過另一個wor~~~   

kitty

大小不梁,
我地學校就如果有人相同就要叫埋個姓囉
我大女果班咪有兩個同學都叫"KITTY"
兩個男同學叫"ETER"

pingubj

咁我地咪要改定幾個英文名先得,好易撞名喎,除非個名好特別,咁你地有冇咩好提意.

大小不梁

係la....我又係度諗wor~~~~
如果今年冇相同姐.難保出年冇架wor~~~唔通到左出年又要改過呀???     

比比

好心痛呀！噚日就囝同我講佢話小息得好短，連食小食都唔夠時間，重話佢一開左包小食就夠鐘，咁佢只好將小食掉左(係一啖都無食過)，咁我初初都無為意，點知佢今日又同我講佢包餅只係食左一啖就夠鐘，跟住又係掉左，咁我問佢點解小息得咁短時間，原來佢話落到操場佢想搵佢某個同學仔，但搵來搵去都搵唔到咪坐低食野，但食左一啖就夠鐘lu。我諗佢係唔知時間，一心諗住搵個同學仔，搵到無時間食野，當我諗到佢好似個傻仔咁係個操場到行來行去個樣.....我就好心up，佢平時好珍惜佢d小食，但連續兩日都掉左，我諗佢都好唔捨得。唉！真係好擔心佢下個星期返全日會點。

LOOLOO

比比,

你介唔介意話我知, 小兒升讀邊間小學 ?  因我是多默寶寶媽咪, 想知升小派位如何 ?

比比

LOOLOO

CHECK PM PLEASE.

winwin323

比比 寫道:
好心痛呀！噚日就囝同我講佢話小息得好短，連食小食都唔夠時間，........我諗佢係唔知時間，一心諗住搵個同學仔，搵到無時間食野.....

唔好咁擔心啦~ 小朋友一定要比時間佢自己適應, 佢一定知道日後要點做.

我個傻女仲攪笑啦~
第一日返學比支益力多比佢, 點知又係唔夠時間飲, 個傻妹將支未飲完gei益力多放入餐盒, 放學時我咪見到一個濕晒gei書包 :
尋日~ 見到比佢包薯片, 又係食唔晒, 比個夾佢又無夾好包薯片, 之後又倒到成個袋都係, 仲攪到個袋肥林林 :-|


每日放學都有d攪笑野, 咪當係小朋友"成長必經階段", 經驗黎gar, 比$都買唔到 :  :  :

大小不梁

比比:
係la~~~我阿仔又係話個小息好短.....上兩日我去睇過佢(係阿仔第二個小息時)時間表上係寫住由11:15-11:30~~,我等到11:20先至見阿仔落到黎操場,跟住11:25就聽到個老師話....好0勒....差唔多夠鐘....咁我阿仔咪又行返去排隊law....    得果5分鐘ja,去得廁所黎都夠鐘la~~~   

比比 寫道:
好心痛呀！噚日就囝同我講佢話小息得好短，連食小食都唔夠時間，重話佢一開左包小食就夠鐘，咁佢只好將小食掉左(係一啖都無食過)，咁我初初都無為意，點知佢今日又同我講佢包餅只係食左一啖就夠鐘，跟住又係掉左，咁我問佢點解小息得咁短時間，原來佢話落到操場佢想搵佢某個同學仔，但搵來搵去都搵唔到咪坐低食野，但食左一啖就夠鐘lu。我諗佢係唔知時間，一心諗住搵個同學仔，搵到無時間食野，當我諗到佢好似個傻仔咁係個操場到行來行去個樣.....我就好心up，佢平時好珍惜佢d小食，但連續兩日都掉左，我諗佢都好唔捨得。唉！真係好擔心佢下個星期返全日會點。

大小不梁

唉~~~~~我今朝仲激c奀呀~~~~
由1/9-8/9日日阿仔返到學校都會係冇蓋操場度排隊,(7:45學校開口,我地0岩0岩到左)等到8:00仲要聽埋個校長講野先至上課室,(前前後後要25mins)而個操場係曬到太陽的,我個仔又怕曬又怕熱(平時行兩步就會出晒汗果隻),咁我係呢個星期開始就等到差唔多7:55先至返到學校(可以晒少d)...
今早又我地又係7:55先至到.....我遠望左一眼,點解操場冇人ge~~~行到學校門口咪叫阿仔照入去law~~阿仔行左入去兩步,就企左係到.....望返出黎(已經想喊咁ge樣)好迷茫咁,咁我咪話~~唔駛驚,跟住其他人一齊上去la...(我諗今日係自己上課室),之後我仲係學校門口等左一陣,聽到好多家長都罵緊間學校.....點解d老師琴日唔同個d小朋友講(話比小朋友知,由聽日開始自己上課室丫).....我見到阿仔咁,我都好心up呀~~   

kitty

早晨 la 咁多位,
係咁架 la...你地男仔仲好過女仔架 la已經,我女上年剛開學時成個小息等佢廁所都冇左 la,後來向學校反應去廁所的問題,佢地都好好肯讓小一的新生早五分鐘去廁所,咁就有時間食野~
比比,
其實你不如比個盒仔佢帶d 野食返學,咁唔洗開左食唔哂掉左咁,我女女都係咁架~

pingubj

咁快又返左學一個星期,聽日唔使返學啦,我仔仔今朝起身同我講佢話唔想放假,佢好鐘意返學喎,又話係學校好好玩好開心.

大小不梁

我想問下你地~~~開左學都成個幾星期la~~~你地有冇同老師傾過計呀   

winwin323

大小不梁 寫道:
........阿仔行左入去兩步,就企左係到.....望返出黎(已經想喊咁ge樣)好迷茫咁,咁我咪話~~唔駛驚,跟住其他人一齊上去la......

真係好似好慘咁 :cry: ~  唔好心up, 要諗下點樣開解囝囝, 話比佢聽係咁gar la, 大個仔就咩野都要自己黎gar la, 跟住d哥哥姐姐就得, 唔明最緊要問下人

pingubj

開學第二日,我遲左去接我仔仔,剩返佢一個,個老師同佢一齊等我,仲叫我第日早d喎,咁算唔算傾過計呀.

winwin323

大小不梁 寫道:
我想問下你地~~~開左學都成個幾星期la~~~你地有冇同老師傾過計呀   

我有呀~ 第2日接放學傾過1次
前日老師打電話到屋企又1次, 主要問下我囡囡返學慣唔慣, 我答: 都無咩大問題, 仲好開心, 之後唔知講咩野好, 返學太少時間, 好多事都唔知

yuetmama

winwin323 寫道:
[quote]
大小不梁 寫道:
我想問下你地~~~開左學都成個幾星期la~~~你地有冇同老師傾過計呀   

我有呀~ 第2日接放學傾過1次
前日老師打電話到屋企又1次, 主要問下我囡囡返學慣唔慣, 我答: 都無咩大問題, 仲好開心, 之後唔知講咩野好, 返學太少時間, 好多事都唔知 [/quote]

No telephone discussion wow but have contacted several times via email law  

大小不梁

係la......等陣要心理輔導下個仔先至得~~~   

winwin323 寫道:
真係好似好慘咁 :cry: ~  唔好心up, 要諗下點樣開解囝囝, 話比佢聽係咁gar la, 大個仔就咩野都要自己黎gar la, 跟住d哥哥姐姐就得, 唔明最緊要問下人

大小不梁

你地都話傾過幾句丫~~~~我連講句早晨都冇呀~~~

pingubj

我有呀~ 第2日接放學傾過1次
前日老師打電話到屋企又1次, 主要問下我囡囡返學慣唔慣, 我答: 都無咩大問題, 仲好開心, 之後唔知講咩野好, 返學太少時間, 好多事都唔知 [/quote]

老師主動打電話比你,都幾好喎,起碼可以有機會同老師傾吓計,我諗除左開家長會都冇乜機會可以傾計.