學校功課多，小朋友做得慢，長時間唔夠瞓！

greentea000

little_yolky 發表於 17-10-16 10:57
小學生可以有咩代價呢? 最多咪欠交寫手冊、罰無小息、唔合格等等, 佢全部都試過晒, 佢仲係一條好漢。 ...

欠交到記缺點未呢？唔合格到留班未呢？唔會發生，你一早出手干涉了。

little_yolky

greentea000 發表於 17-10-16 11:01
欠交到記缺點未呢？唔合格到留班未呢？唔會發生，你一早出手干涉了。

唔駛出手干涉, 其實佢做唔起功課, 做到10:00都會繼續做的, 而且佢測驗考試好少低分, 係中文, 但都會合格, 主要係默書惡劣D, 我好少出手的。係見到佢懶散既樣就起火。

greentea000

little_yolky 發表於 17-10-16 11:05
唔駛出手干涉, 其實佢做唔起功課, 做到10:00都會繼續做的, 而且佢測驗考試好少低分, 係中文, 但都會合格,  ...

我阿媽既底線係唔可以影響名次。我手工畫畫都唔掂，雖然佢有落力教我，無奈我最多C。然後所有拎返屋企做既勞作都係父母做，阿媽做手工，老豆畫畫，次次A。阿媽開頭仲有D唔好意思，之後佢話其他父母都會代工，佢唔做先係唔公平，佢就心安理得了。老豆為左家庭和諧，無奈屈服。不過佢又唔真心認同，權宜之下教我評畫，我唔畫得都可以講兩咀。果個C係可以令我主科100分都級10內無緣。

little_yolky

greentea000 發表於 17-10-16 11:20
我阿媽既底線係唔可以影響名次。我手工畫畫都唔掂，雖然佢有落力教我，無奈我最多C。然後所有拎返屋企做既 ...

我哋學校好好, 視藝老師話唔駛攞返屋企做, 最多見過家姐返屋企諗構思圖。所以我唔駛出手, 我一出手就弊, 技驚四座, 真係好難呃人。不過, touchwood都算好彩, 佢兩個D術科都算見得下人。

至於作文, 我聽阿大講, 有同學仔係阿媽教點作的, 不過, 經過我既催眠下, 佢覺得自己作都同最好個同學差唔多, 自我感覺十分良好, 所以我又可以慳返。我又比你阿媽開通D, 因為阿細進步多20名都係B2, 所以無乜所謂, 阿大自己嚟都係B1, 我出手, 都最多進步幾名, 所以我又可以唔理。只係阿細個態度實在令人把火。

little_yolky

IloveJJ 發表於 17-10-16 11:30
綠茶講得啱呀！係你唔捨得佢衰啫!我大仔咪又係瞓醒就無事嗰種人?佢唔怕老師罰架。佢做得慢，無得玩，點會 ...

佢大個喇, 有責任感喇, 佢唔會欠交 (間中一次半次咁啦), 佢會做, 不過係遊魂氏, 明明好快可以做完, 就係發夢。功課堂一個鐘, 只做好一樣功課, 放學返到屋企差唔多5:00, 沖涼可以磨45分鐘, 6:00食飯又飯一個鐘, 到我返屋企前, 第二樣功課都未做起。我獅子吼完, 個半鐘就做晒所有功課, 你話死唔死。

little_yolky

IloveJJ 發表於 17-10-16 11:34
佢寫手冊，你有無罰佢?我會鬧同罰，等佢覺得寫手冊係慘架

無罰佢, 話兩句咁。因為學校寫15次手冊要記缺點, 佢會知死, 唔會俾自己欠太多。

greentea000

little_yolky 發表於 17-10-16 11:34
佢大個喇, 有責任感喇, 佢唔會欠交 (間中一次半次咁啦), 佢會做, 不過係遊魂氏, 明明好快可以做完, 就係發 ...

阿細係咪用呢個方法爭寵呢？

little_yolky

IloveJJ 發表於 17-10-16 11:39
我朋友就係攪唔好個女為自己功課學習負責任，攪到小五仲要督住先溫先做。你而家唔攪好佢，你就一路都要自 ...

唓, 你阿細仔唔係自動波咩? 都係篤一個啫。


唔係, 阿細幼稚園做功課好爽手的, 因為少, 佢turbo手係咁做, 做好就玩。但升咗小學功課多, 好似見唔到終點, 咪peah囉。如果小四佢可以攪得掂, 我都要擋雞還神了。

little_yolky

IloveJJ 發表於 17-10-16 11:40
咁佢夠唔夠15次呀？我大仔舊年手冊寫滿呀！
呢啲唔夠自覺既細路，好難用咁遠既懲罰嚟令佢快手喎!一定要當 ...

吓? 寫滿晒? 最多果年都係三次咋, 佢已經知死啦。仲要係有一次幾日前派功課話下個禮拜交果D, 佢唔記得, 咁我就教佢幾日後交既要記得响交之前一日度寫。另外兩次係評估我唔記得簽名。

greentea000

little_yolky 發表於 17-10-16 11:36
無罰佢, 話兩句咁。因為學校寫15次手冊要記缺點, 佢會知死, 唔會俾自己欠太多。 ...

我如果夠膽欠交功課，阿媽會打到飛起，真正係律女以嚴。
老豆唔俾打，就改為無飯食（1餐）。老豆都唔俾，就改扣1個月零用錢。後尾發現老豆偷偷塞錢俾我，又打返（趁老豆不在）。

little_yolky

IloveJJ 發表於 17-10-16 11:47
我細仔係自動波，但男仔始終有li fei同頑皮，會亂執書包，唔見野，貪玩，只係整體專心，快手和企理過哥哥 ...

但男仔始終有li fei同頑皮，會亂執書包，唔見野，貪玩 <====== 咁呢D女仔又真係少好多...............咁其實係咪我唔夠耐性, 唔夠寬容呢?

little_yolky

IloveJJ 發表於 17-10-16 11:48
咪話你未俾佢衰囉！

唔係我唔俾佢衰, 係佢又無衰得咁離譜。

little_yolky

greentea000 發表於 17-10-16 11:49
我如果夠膽欠交功課，阿媽會打到飛起，真正係律女以嚴。
老豆唔俾打，就改為無飯食（1餐）。老豆 ...

咁我又寬容過你阿媽好多。