sfa 真係咁難頂？

MrBeast

flyda 發表於 17-8-13 18:31
英文係教快一年，但其實我見好多學校也如是，此並非 SFA 獨有。中文及數學也並非教得特別深。

抄寫功課並 ...

Assuming 名幼或英文kg ，英快一年我都覺得ok，不過身邊sfa的朋友全都聞中色變，u sure 中唔深？

siden

出名嘅私小，功課一向重質不重量

zebrabb

siden 發表於 17-8-13 19:32
出名嘅私小，功課一向重質不重量

好怕某些津校式功課，寫來寫去都係寫⋯⋯

lhingw

msyoyolam 發表於 17-8-11 23:14
Waiting 中，雖然未call , 但都幾有信心會call 到，因為身邊好多人都放了，怕辛苦！其實係咪真係咁恐佈？但 ...

SFA 一、二年級一般每天 4-6 樣功課，抄寫也不算多，如果同谷些津校比，應該唔算多。

一般同學仔英文比較好，所以教快一年也沒太大問題。反而大多數同學都要追只教快半年的中文，而且中文功課紙也比較長及深，我小朋友每天花最多時間在中文功課上。

但家長要留意三測三考，基本上小朋友最好習慣每天或每星期溫書，咁到測考時才無咁大壓力。另外家長要學習接受名次上的升升跌跌，看似不難，但我都要用二年時間才可以開始漸漸接受。

另外，SFA 默書大概每月一中 unseen, 一中 seen, 英文一樣，一英 unseen， 一英 seen，比每星期都要默書的學校，算輕鬆些。

小朋友返小學前，我都在這裏看到及朋友間聽到比較負面意見。返小學後，小朋友回家有講老師比較嚴，尤其對那些比較曳的同學。不過，直至現在為止，小朋友依然非常喜歡返學，喜歡他的老師們、同學們。

b3410

同事仔仔SFA讀的幾辛苦，平日都會抱怨壓力大，不過細妹今年升小一，都係一樣讀SFA。我估應該都係SFA有他的吸引之處，才可以繼續捧場。

siden

真心欣賞SFA家長客觀分析學校好與壞

咁其他家長先可以得到有用資訊

Forum先有可讀性

最怕只識歌功頌德

momama

只係做過SFA兩年嘅家長，感受係：課程編排好，唔強逼體藝，鼓勵閲讀又唔做無謂嘅閲讀報告，老師非常常注重德行，喺一班四十人嘅情況下、十二月嘅家長日年青班主任已經講得出文靜唔標青嘅大女係乜性格、同邊個比較好朋友⋯⋯名校必有因，受到就最好，受唔到亦唔係任何一方面嘅錯，大家努力加油！

taxibird

請問SFA家長，小朋友平時還有時間閱讀課外書和進行課外活動嗎？小朋友好動的話，運動量足夠嗎？

neiviv

Sfa家長壓力大過學生，所以要學睇開啲。
咁多年係我緊張過啲仔，雖則不停測考默，病到死死吓佢哋都堅持要返學。
課外活動我見其他同學都join唔少，如果小朋友鍾意其實對學習完全無影響。

Wmacy89

flyda 發表於 17-8-13 18:31
英文係教快一年，但其實我見好多學校也如是，此並非 SFA 獨有。中文及數學也並非教得特別深。

抄寫功課並 ...

我了解到的是近年佢地初小中文不斷加深，有不少人稱中文是死亡之卷，如果你小朋友是高年級的話，相信已經脫節左sfa的初小課程

flyda

回覆 MrBeast 的帖子

中文方面 SFA 比起我所知的名津校也是較深但並不差太遠。最主要是測驗考試題目比較深。到四年班時要求明顯開始比較高。考試時閲讀理解比較多及深，作文考試要作二百五十字，作句及詞彙都有較多要求比較刁轉。所以每份卷都只能緊緊完成。平時作文字數也比較多及認真，工作紙也比較多及複雜有十多頁。但從來都沒有抄寫功課。
數學是中文卷計分但英文卷唔計分。以我所見即使教快半年但大多小朋友也能掌握。與名津校相比考試並不太難。比較上平時功課題目也並不多。

GS 及 Science 都係全英文。考試時會有比較深要思考及運用所學而變通嘅題目。但並沒有時事題。如果英文比較好的小朋友就不難應付。以我所見好多學校 GS 都是中文。


囝仔每年都能參加兩三様課外活動，我所見有很好而其他學校沒不一定有的課外活動如寫 Apps及辯論等。學校並沒有要求什麼體藝純以學術為主。

老師確實比較嚴格及有要求，但也有不少學生們眼中很 friendly 的老師。以我所見學校生活也很開心融洽。

其實每間學校都有自己的特色。在此我都想表達既嘅係，有時聽到比較負面消息未必是真，就算是真我們也未必知詳細原委，也不一定會發生在自己小朋友身上，就算發生在自己小朋友身上也不一定有相同睇法。所以選擇學校最主要認同學校教學理念及自己認為重要的目標便可，無需太介懷負面消息。希望我能以我的 humble opinion 幫到大家。

suzuki12

flyda 發表於 17-8-14 00:05
回覆 MrBeast 的帖子

中文方面 SFA 比起我所知的名津校也是較深但並不差太遠。最主要是測驗考試題目比較深 ...

感謝各位分享，係呢度睇得好舒服和好資訊性！

Wmacy89

yuenkw 發表於 17-8-13 23:10
其實而家高小有多篇文章，如木蘭辭、過零丁洋等文言文，己經係我哋讀中學用的教材，如再加深d，上到中學會 ...

咁真係要過多兩三年之後先答到你，因為我有望過下sfa的功課和測驗卷，我只知如果一般中文底子唔強的話，初初入到去一定會很辛苦，呢個也是我放棄入sfa的其中一個原因，我覺得中文係要浸的，加上小女一向中文也不是強項，一步步循序漸進咁黎會比較適合佢，如果一跳就咁深只會嚇怕佢！不過anyway，既然我已放棄學位，也不想係度講太多大家認為是負面的想法，免得以為我故意中傷，讀書係漫漫長路，如果大家已認清方向就勇往直前啦，大家加油！

siden

Wmacy89 發表於 17-8-14 05:59
咁真係要過多兩三年之後先答到你，因為我有望過下sfa的功課和測驗卷，我只知如果一般中文底子唔強的話，初 ...

已經知有一間女名私及女名津小三下學期要作over 250字。

仲要有校小三已經改寫句子冇例句，題目只寫「反問句」你自己改掂佢。

難係難，間間名校都係中文最難。

但SFA中文並不是你所講咁難頂。

mimi222shi

老師嚴係因為要控制大班既秩序.

據小朋友所講, 甚少責罵, 會講道理, 關心學生, 啲小朋友好喜歡小息時去找老師傾計, 老師態度歡迎.

對特別有需要學生, 校長/老師包容性高, 社工同心理學家都好盡責.

資優組課程多元化/價錢超平, 校長會去探班, 據聞也會參與.

我好欣賞呢度既老師好有責任心, 上堂有認真教書, 甚至會在小息幫成績較差既學生溫習.

flyda

今時今日我見中文對於大部分小朋友都是最難科目。的確囝仔在 SFA 時也是考得比較差。平時中英文書他亦有睇所以我都不明所以。班上的確亦有中文超強的同學，但同時佢數學及英文就未必會很強。囝仔與其他同學們會互相學習介紹睇什麼書所以已經很不錯。我好肯定囝仔讀其他學校中文也是他最差的科目，但考試成績應該會高出十分八分。

mimi222shi

中文係難，但也有數人考測長期9x分