中學面試後發信「適合就讀」 家長批誤導

mcl203

Band5 發表於 17-7-30 22:54
其實學校係好難違規嘅，因為學校都冇可能肯定邊幾個學生自行成功，正選名單裏有人會入咗直資，亦有人會入咗 ...

若依你咁講，即係學校封信可以明言我哋收左你子女，但基於最終佢地無從確實結果，最終由教育局出派位紙，呢D都唔算係違規。全港校長大部分都應缺乏智慧，咁簡單既事都唔識分辨，以後可以大大聲咁明言 收或唔收～～～

Band5

mcl203 發表於 17-7-31 10:32
若依你咁講，即係學校封信可以明言我哋收左你子女，但基於最終佢地無從確實結果，最終由教育局出派位紙， ...

重點係學校有冇明言話收咗個學生！如果有，家長當然大條道理投訴學校，迫學校俾返個位自己！

我係話就算學校想明示，都冇可能準確咁通知每一個將會取錄嘅學生！

如果係家長自己覺得被誤導嘅，係有需要睇返清楚封信嘅原文，同諗清楚自己有冇責任！

我唔認為封信寫得好，但想指出，如果家長唔認識升中嘅基本玩法，姑勿論有冇被誤導，都係好蝕底！

mcl203

Band5 發表於 17-7-31 20:03
重點係學校有冇明言話收咗個學生！如果有，家長當然大條道理投訴學校，迫學校俾返個位自己！

我係話就算 ...

不如你諗吓，若係有任何啟示學校既決定，無論最終成為事實與否，是否已滿足違規既條件。可參考下考試出貓，無論學生最終是否出貓成功，答案是否答對，行為是否已犯規～～～

但當然，我係同意該封信係無明確啟示，只係大家要回歸學校出信既非尋常行為既目的，無必要游到去教育局，或期望他人唔好理解錯誤～

Band5

mcl203 發表於 17-7-31 20:15
本帖最後由 mcl203 於 17-7-31 20:16 編輯

不如你諗吓，若係有任何啟示學校既決定，無論最終成為事實與 ...

我唔多相信學校會被捉違規，某男神津校講到咁明顯（其實我只係聽聞，唔肯定詳細情況），都冇違規，一般有諗過下嘅校長，都有辦法唔違規下俾到提示！

唔准明示暗示，我覺得純粹係靠自律，只要唔係太唔俾面，教育局都未必會貿然出聲！

mcl203

Band5 發表於 17-7-31 23:18
我唔多相信學校會被捉違規，某男神津校講到咁明顯（其實我只係聽聞，唔肯定詳細情況），都冇違規，一般有 ...

哎，無行動唔等於合規，踩到界唔違規唔等於可以做，身教除左家長，校長都不能豁免～

karen55407

小時了了 發表於 17-7-28 12:20
明報記者 鄧力行
https://news.mingpao.com/pns/dailynews/web_tc/article/20170728/s00002/1501177697026
...

收到呢封信，的確會令人誤會

Band5

mcl203 發表於 17-7-31 23:22
哎，無行動唔等於合規，踩到界唔違規唔等於可以做，身教除左家長，校長都不能豁免～
...

我又唔覺得學校係蓄意誤導（唔通想博投訴？），亦唔覺得學校係想暗中通水（冇理由搵非目標學生啫！），道德上睇唔到咩嘢問題（賣下廣告都唔得？），如果愚蠢，大意或者辭不達意係違規嘅，咁就點都中一兩瓣囉！

講身教就正正係好好嘅反面教材！

sammag

Band5 發表於 17-8-1 09:30
我又唔覺得學校係蓄意誤導（唔通想博投訴？），亦唔覺得學校係想暗中通水（冇理由搵非目標學生啫！），道 ...

本身學校就唔應該出哩類信件，
面試完就個個等711結果咪得囉，
蓄意誤導我也不敢評論係唔係，
不過令人誤解就肯定的了，
至於點解會有人誤解，其實好大原因係有人閱讀理解能力不高。

當時面試完，好多同學仔好快就收到第一封信，
有些還滿心歡喜在whatsapp群組宣告，一班有十幾廿個都話收到信，
其中一個學生成績也算名列前矛，卻收不到這信，
非常失望，鬱鬱不歡，看著別人"高興"，心裡很不好受，
我的兒子是班內沒有選擇此校的稀有份子，
看到老友如此落寞，趕緊安慰勉勵一番。

多天後，這個學生終於收到此校的信件，即是第二封簡單信件，
他認定自己落敗，沒精打采。
周邊同學朋友不斷說為他擔心。
學生們不太理解升中玩法，情有可原；
但家長不清楚，圍埋就評論收簡單信的學生即是落選。

看在眼裡，我忍不住找那個學生傾談，
分析兩封信件既內容及發出數量，
令他的心情從谷底慢慢爬升。

最後這個同學及另外少數幾個收簡單信的同學，
都成功獲派此校。

這個經歷真的不好受，煎熬了學生幾個月。

c.chan

回覆 sammag 的帖子

我當時都有同其中一位分析發出數量, 覺得奇怪! 原來我數理真係不錯!

Band5

sammag 發表於 17-8-1 10:21
本身學校就唔應該出哩類信件，
面試完就個個等711結果咪得囉，
蓄意誤導我也不敢評論係唔係，

多謝解釋得好清楚！

所以除咗愚蠢，大意同埋辭不達意之外，真係估唔到學校想做乜！

想問問收第一封信嘅同學，有幾多個入到架（包括經甲一乙一抽獎）？又有冇經扣門入返呢？如果有，又唔可以話學校唔係善意提示！更唔可以話係錯誤訊息！

其實當家長有咁嘅疑問，係咪可以打電話去學校瞭解嘅呢？

sammag

Band5 發表於 17-8-1 10:51
多謝解釋得好清楚！

所以除咗愚蠢，大意同埋辭不達意之外，真係估唔到學校想做乜！

我講得太多了，恕我不方便透露這個數字，
只能說，去叩門的全部冇消息。

Band5

sammag 發表於 17-8-1 12:04
我講得太多了，恕我不方便透露這個數字，
只能說，去叩門的全部冇消息。

明白！

學校的確係害人，句“整體表現十分良好，十分適合於本校就讀及成長”已超越一般客套話，出信叫人叩門出得太濫！

little_yolky

Band5 發表於 17-8-1 13:40
明白！

學校的確係害人，句“整體表現十分良好，十分適合於本校就讀及成長”已超越一般客套話，出信叫人 ...

其實, 如果只係為一般客套禮貌, 學校大可以同直資/私校一樣, 多謝同學參加面試, 句號。

瑩瑩老豆

小時了了 發表於 17-7-28 12:20
明報記者 鄧力行
https://news.mingpao.com/pns/dailynews/web_tc/article/20170728/s00002/1501177697026
...

「整體表現十分良好，十分適合於本校就讀及成長」真係幾誤導, 特別是在通常都唔會收到信的情況下.
正如去搵工面試后, 收到封公司信話「整體表現十分良好，十分適合於本公司工作」, 咪容易讓人諗多左.

little_yolky

瑩瑩老豆 發表於 17-8-1 14:14
「整體表現十分良好，十分適合於本校就讀及成長」真係幾誤導, 特別是在通常都唔會收到信的情況下.
正如去 ...

仲要加埋家長來自四面八方, 有唔同既文化背景同教育程度, 响EK都見好多人閱讀理解有D問題啦, 成日將人D帖會錯意, 唔係個個家長都咬文嚼字, 學校响原因不明既情況下出封咁既信, 唔可以怪家長抵死會錯意的, 以為係救命索, 點知原來係攞命藤。

os_ecu

出呢啲信唔多唔少都會令人誤會，除咗令人覺得自己可能被"選中"外, 仲會左右咗部份人乙部既排位.

間學校做埋呢啲踩界嘢，跡近打茅波; EBD 好應該警告下佢. 勁哩唔使叫好學生們都會揀佢, 係啲二三線先會出此下策.

Band5

little_yolky 發表於 17-8-1 13:44
其實, 如果只係為一般客套禮貌, 學校大可以同直資/私校一樣, 多謝同學參加面試, 句號。 ...

學校出信當然唔會為咗客套禮貌，而係要“分享入讀本校嘅最佳策略“！

如果果兩句客套禮貌嘅開場白唔係過份咗，就完全係冇問題架！

Band5

little_yolky 發表於 17-8-1 13:44
其實, 如果只係為一般客套禮貌, 學校大可以同直資/私校一樣, 多謝同學參加面試, 句號。 ...

直資私立唔使參加抽獎，亦唔需要學生去扣門，自然唔需要玩項莊舞劍呢個鬧劇！

judy

津校面試完，學校将心水學生名單呈上教育局就得啦，根本甚麽都不用做。佢發出两封信自有其目的。且按其解釋：發信原意是為了感謝家長報讀該校、讚賞面試表現良好的學生，以及提示增加入讀機會的方法。出到信讚賞面試表現良好的學生，你能叫個個家長能完全不被誤導？你估個個好似呢度家長咁精明咩。

當然，全封信白纸黑字冇一隻字話取錄學生，家長也只好認倒霉。以後宜好好學習，别太衝動，别象這次一樣，你估信義中學校長就一定講信義咩，” 信義” 二字只是名稱而己。太衝動的结果只會换來校長的冷冷一句” 家長的想法我們控制不到” 。

judy

直資私立唔使參加抽獎，亦唔需要學生去扣門，自然唔需要玩項莊舞劍呢個鬧劇！

直私收到學生才有經費，都唔知幾肉緊。不過，肉緊還肉緊，唔會好似此校咁肉酸。冩封信俾人，封信冩到 “家長的想法我們控制不到” 你話肉唔肉酸。