挫敗感

cshowk

pizzafat 發表於 17-5-8 19:38
多謝呢位媽媽鼓勵，小朋友係慢熱型，年尾考k都唔敢有好大希望，希望平常心考到入心儀學校，我都知小朋友幾 ...

唔使失望喎，當你考完 K1 ，眼界闊左，就會發現有好多去左龍而放棄 SC !

我完全經歷過你而家所經歷嘅，我兩次 SC 都係 waiting，而家望返轉頭，無事

pizzafat

cshowk 發表於 17-5-10 20:08
唔使失望喎，當你考完 K1 ，眼界闊左，就會發現有好多去左龍而放棄 SC !

我完全經歷過你而家所經歷嘅，我 ...

多謝你過來人鼓勵，相信好多人都有同一經歷

chuheadlacool

睇完呢個post，先發覺原來之前既唔開心，係來自挫敗感，多謝樓主分享。

7月b，n班考4間村校得1間收，都未識驚。
到上年考k1，仍然係無準備下報屋企附近d村校，後尾人報我報情況下最終報左11間，當中4間名幼，諗住當去玩下無所謂。

經過漫長既面試月，感覺大人小朋友都身心俱疲，當中有表現得好、表現得差、未考已經扭計，先慶幸當初報左咁多間，應該點都有間收呱...

12月放榜月，隨住一間又一間公佈結果，一次又一次既失望，去到月尾10間1間offer都冇，灰到極點，已經一心諗住n原校升k1之際，竟然係最尾公佈結果個間，收到唯一間offer，個刻真係叫左出黎，開心過中六合彩!!!

曾過呢一役之後，明白到呢個遊戲既殘酷，真係要好好準備小一面試，大家加油。

pizzafat

chuheadlacool 發表於 17-5-25 09:08
睇完呢個post，先發覺原來之前既唔開心，係來自挫敗感，多謝樓主分享。

7月b，n班考4間村校得1間收，都未 ...

多謝你明白呀，我都覺得呢個遊戲好殘酷，小一時戰況應會更加激烈，所以依家都收拾好心情，希望年尾再戰k1

hkgra

考N時已經覺得自己準備不足,黎緊考K要開始做定資料搜集~

pizzafat

hkgra 發表於 17-5-26 12:38
考N時已經覺得自己準備不足,黎緊考K要開始做定資料搜集~

我其實都想知應該點做足準備，可以指教嗎？

自問已熟讀心儀學校理念，談吐尚可，小朋友可坐定但慢熱，希望大多半年可無咁慢熱

szeti

我囝係10月頭仔, 揀好耐只報到6間PN, 因有啲連FORM都打回頭, 一直收候補信, IN到最後一間終於收取, 好開心, 決意任何一間CALL WAIT 我都唔會轉, 因為呢間無歧視佢係細B, 佢亦表現得開心.
對名校幾鍾情都不能只報果間, 報多啲不同類型, 等小朋友自己揀, 一間合適的真係可以令小朋友短時間進步神速, 越戰越勇.
基本上佢年尾入學時可能K面試同時進行, 實在無機會熱身, 所以大家細B家長爭取時間培育小朋友.

最近朋友發生一些事, 終於醒覺名校並不適合自己女兒, 在努力找其他學校,  很欣嘗他不再埶迷, 他提醒我一句, 要認真傳達小朋友聽, 點解要返學, 點解要學習, 點解要每天做功課..返咗又點, 交好功課又點, ..  (因為這些大人都沒有在做﹗.﹗...)

pizzafat

szeti 發表於 17-6-2 17:40
我囝係10月頭仔, 揀好耐只報到6間PN, 因有啲連FORM都打回頭, 一直收候補信, IN到最後一間終於收取, 好開心, ...

好多謝你用心分享，其實係今次經歷我都學到要以平常心去看待小朋友成長過程中所遇既事，如人意當然開心，但有更多時係未如人意既，都要自己同教小朋友如何積極面對先啱

szeti

小一的挫敗感將會陪增，亦不會如幼稚園話轉就轉咁易，有時間可以看看小學討論區，就知現在面對既係雞毛蒜皮。
我囝未識講嘢，分分鐘見幼稚園時都表達不好，想知啲重語言考英考普果啲點做評估，話哂唔係見n班咁憑直覺.

pizzafat

szeti 發表於 17-6-3 01:11
小一的挫敗感將會陪增，亦不會如幼稚園話轉就轉咁易，有時間可以看看小學討論區，就知現在面對既係雞毛蒜皮 ...

我都有睇小學區呀，真係好殘酷，所以先希望入到間好幼稚園，等考小一時有d幫助

我諗小朋友未識講野係考佢聽唔聽做唔做指令，同家長交流呢d