天水圍小學

BrianMami

[quote]
RACHEL&MAVIS 寫道:
BrianMami ：

你知否這正是我最頭痛之處！英中為了保存有８０％學生有讀英文的能力，日後升中和富學生在第一輪選拔中，就係最大對手，所以我才選擇元小。

[quote]


難逃你法眼, 佢係踏單車陪女返學.

使乜驚!!! 你咁識栽培兩位千金, 佢地又咁醒, 邊間band 1中學會唔收.

BrianMami

我知18鄉小學一班2x人, 學生質數要自己放學去留意, 每人要求不同. 天水圍區有綜援學生係在所難免, 最多自己睇緊d,我識朋友羅綜援, 一大, 2小, 5千2一個月都死慳死抵,  每月留5百俾個女補習.  

聽朋友講宣小校長比較幫新移民 & 綜援家庭, 個仔蛋糕俾人搶左黎食,  佢叫我fan 諒解佢地, 因為佢地窮!!!!?????   

天耀,天盛比較少新移民.

soong

+MaMiAKiRA+,

hihi！原來你都有黎架？^^
我o既目標就係睇定多d 目標！哈哈！你仔仔咁叻﹐連日文都難唔到佢！(小女就差d 喇:cry: ) 我諗你仔仔佢入到李宗德架喇﹐其他band 1學校亦應唔難入！
如果我發左達﹐阿女又有能力﹐第一個目標實係李宗德﹐但好清楚呢個係妄想 津校亦其實唔到我諗﹐做阿媽緊心頭高﹐靈愛、元小、真光、校友會、商會、榮恩﹐(光明我讀過3年﹐個人感受--唔開心)呢d都係我的首輪目標﹐係咪講完等於無講呢？哈哈 哎呀~呢度講天水圍小學﹐如天水圍小學﹐呢度的媽媽講的科小啦(不過情況正如我之前所講咁....)、天官、潮陽、何德心﹐另外我有個又係天水圍老街坊的aunt 話李東海都升值緊....當然而家都係得個諗字﹐始終要睇個女黎緊個兩年表現點﹐如天資有限﹐我做阿媽的都苛求唔黎﹐希望囡囡佢好好發揮佢的小宇宙﹐至少努力追上你仔仔﹐唔好拋離太遠啦！

揀小學時﹐我都會奉行睇幼稚園的行動﹐親身去睇﹐而家都係收風住先﹐遲d睇都唔遲﹐你我都仲有成兩、三年先揀校﹐到時d學校的情況又可能唔同呢~哈哈~到時記得互通消息喎！

dear all ：
唔好意思﹐我阻住地方講埋d 無聊野    

ydoris

上星期,我同個女去面試時,有2個媽咪.佢地都係講普通話,我吾敢話佢地係咩人.佢地d普通話一流.一個媽咪好緊張,成日捉住d人問幾時可以知得吾得,有幾多人考.考咩野.又問另一個說普通話的媽咪好多野.但另一個就無咁緊張,佢話面試呢家野講緣份架...我其他都吾聽得懂佢講咩.最後我個女出來,佢仍然好緊張,我問佢個女考左邊間,佢話第2志願科小...其實有好多呢類家長都好緊張小朋友的..不過我覺得並不是大多數lor.因為上星期我同細女去屯門睇醫生,有個又係講d好吾正的廣東話女子同佢個仔睇醫生.佢個仔成日搶左我個女d玩具(我個女歲半)個媽咪都吾阻止佢個仔.攪到我個女發晒爛查...仲係搶左成5,6次咁多.呢d人真係.....

HoWangMami

各位,
唔好意思,我路過的,但我仔出年都要抽小學,所以都想知多d,我仔係比較好動的人,我都想比佢讀李宗德,但經濟能力係個大問題,所以都要睇定d先!
其實好似好少見你地講循道衛理,但有一次我睇電覝春風化雨有講到這學校,都係一間活動教學,同老師都好有愛心咁,唔知這學校係唔係都值得考慮呢?

軒軒

大家知唔知道18郷好唔好,係咪活動教學,多唔多功課,多唔多課外活動,老師好唔好人,或者關於這學校的事,我想了解這學校多d

同埋你地知唔知道李兆基,科小升中派位如何,多數會派到d咩中學,band幾

BrianMami

RACHEL&MAVIS

"人又老$又冇"~~~你講我呀!!!     

你公一份, 婆一份.   我隻佬一人搵4人洗, 出年重要交2個學費 +課外活動(好在細佬芭蕾舞而家免學費). 第時見倒個傻婆係閘口羅住隻兜, 唔該好心俾2毫.     

ydoris

BrianMami,
講到咁恐怖架...買隻兜都要幾蚊架,吾平wor~~曾經有報導指出,教養一個小朋友一生要成百萬,妳有2個,成幾百萬身家啦..(我都係~~he~~he~~).我計過,個大女出身時我都退休啦...真係吾知有無命等佢養番你啦..而家仲係度等叩門結果,真係飯都食吾落...我俾埋我d飯你食啦...

yoko(蕃薯媽媽)

如果全普通話,應該得科小係.
其他只會係中文科用普通話.

Venus's媽咪 寫道:
除了科小外，請問有否家長知道還有那一間小學用普通話授課？請問天水圍區那一間小學較好呢？天水圍官小或循導衞理又是否好難入？

風信子

HI~各位你地好嗎?唔知各位選定邊一間小學未呢?我就未喇!我就肯定我個女讀活動教學會開心d,宜家都係選官小,依小正校,係呢個topic裹都有好多家長話何德心幾好,開始令我有又d動搖,係我身邊既同學仔媽咪基本上個個都會話依小正校好,我宜家每次一諗起小學我就開始頭痛,如果真係入得好跟住我個細女就唔駛煩.     真係煩死.    請各位俾d意見,     

風信子

同埋係唔係中學真係首選英文中學會好d呢?好似中文中學既成績都唔係太差.

gloriap

[quote]
Venus's媽咪 寫道:
除了科小外，請問有否家長知道還有那一間小學用普通話授課？[quote]

天富果頭好似乜...創意科技
呢所唔錯

ydoris

請問有無家長知道後補生係未好快知道結果架.我重未有消息wor,要吾要打電話去問呀.後日要去買新書同造校服啦..都吾知點算好??

carmen-媽咪

BrianMami
多謝你的資料

各位媽咪
I have problem again. 就近上學好 or 選間有名但遠小小的學校好?我住天耀,潮陽及何德心較近,不知選那間好,依小一條龍中學很吸引,但聽說近年較差；聽保險 agent 講天耀多綜援人士,担心附近小學多綜援學生,會影響囡囡日後的社交；但我是在職人士,沒有請工人,假如選較遠的名校(如官小、你宗德、天主教等),接送是問題,不知怎麼辦?請指教。

乖仔媽

d學校多數有校車  你可以坐校車  然後才在落車處接她

就近入學未必一定好  最重要是選一間好學校

BrianMami

ydoris 寫道:
BrianMami,
講到咁恐怖架...買隻兜都要幾蚊架,吾平wor~~曾經有報導指出,教養一個小朋友一生要成百萬,妳有2個,成幾百萬身家啦..(我都係~~he~~he~~).我計過,個大女出身時我都退休啦...真係吾知有無命等佢養番你啦..而家仲係度等叩門結果,真係飯都食吾落...我俾埋我d飯你食啦...

幾蚊我有, 隻兜買定先.   
你有女第時有禮金羅返, 我2個仔唔供好d, 容mug 易第時養唔掂自己仲要帶條女返黎住 可能要我湊埋孫.

有結果未???

BrianMami

carmen-媽咪 寫道:
BrianMami
多謝你的資料

各位媽咪
I have problem again. 就近上學好 or 選間有名但遠小小的學校好?我住天耀,潮陽及何德心較近,不知選那間好,依小一條龍中學很吸引,但聽說近年較差；聽保險 agent 講天耀多綜援人士,担心附近小學多綜援學生,會影響囡囡日後的社交；但我是在職人士,沒有請工人,假如選較遠的名校(如官小、你宗德、天主教等),接送是問題,不知怎麼辦?請指教。

最緊要睇小朋友岩咩教學, 間間都有人話好or 唔好. 潮陽好田鴨式, 成績谷得好, 怕唔怕壓力大??  何德心ok. 依小一條龍..有冇唸過如果小學成績唔好直升中學, 變左中學都有一堆學生唔掂(唔同元朗果d簡過至收, 咁點入band 1中學), 綜援天水圍區有邊間冇, 李宗德都有.  接送問題有校車解決. 要唸放學後搵邊個睇住等你放工.

carmen-媽咪

BriamMami:
多謝你的回應,我都有担心一條龍中學的問題, 所以(就近入學)話,我會選潮陽或何德心其中一間,以成績來計,是否潮陽好的？何德心那方面好些？老師那間好(熱誠、愛心)？知吳知兩間升中派位怎樣呢？抱歉太多問題。