<討論> 讀龍校, 大家介唔介意佢考班20+?

retriever

敢問你識哂既定義係物？

papa71

retriever 發表於 16-8-25 13:52
我認為係識，但心急大意。

你認為係識,你認為足夠.那便足夠.

"心急大意"可以令到一個讀到書既小朋友變做讀唔到嗎?




又或者,你發覺學識冇問題,只係態度/表現問題....你又問下自己接唔接受到
接受唔到咪對症下藥囉.

mcl203

原帖由 retriever 於 16-08-25 發表
我係回應緊hkpapa既疑問。

當然知你答緊爸爸啦~~~

只係我見你講緊果D討論，似係緊貼小朋友學習進度既家長，而你題目又係2X 仲使唔使要緊貼定放手，好似已表現你睇法了

Felix223

retriever 發表於 16-8-25 13:52
我認為係識，但心急大意。

但如果讀書的態度經常"心急大意'就已經好有問題. 真係一定不能輕視.

mcl203

原帖由 papa71 於 16-08-25 發表
你認為係識,你認為足夠.那便足夠.

"心急大意"可以令到一個讀到書既小朋友變做讀唔到嗎?

似乎樓主既討論係班名次2X應否讓小朋友自由學習，放手輕鬆D，唔小心和大意，2者都可以忽略，順其自然，識就識，唔識池早都識

hkpapa852

retriever 發表於 16-8-25 14:02
敢問你識哂既定義係物？

唔同場合, "識晒"既定義係唔同

係學校, "識晒"課本既知識, 但不懂答題技巧, 都係無用, 因為咁代表呢個學生仲未"識晒"係學校既生存之道.

我從來唔會要求子女"識晒", 但一定要佢地學會知識之餘, 都一定要懂得答題技巧, 例如作句人地要求你最少8個字一句, 我會教佢地作8-10個字咁就OK, 無需要寫太多, 因為寫得多寫錯字俾人扣分就更無謂.

係香港教育制度, 唔係只靠知識就得, 仲需要有適當既技巧(應試技巧).

又或者咁講, 知識就好似內功, 應試技巧應好似招式, 兩者缺一, 都係有所不足

hkpapa852

Felix223 發表於 16-8-25 14:12
但如果讀書的態度經常"心急大意'就已經好有問題. 真係一定不能輕視.

又或者咁講, 如果一個人成人"心急大意", 好難令人相信佢係會"識晒"一D嘢喎!

Felix223

hkpapa852 發表於 16-8-25 14:18
又或者咁講, 如果一個人成人"心急大意", 好難令人相信佢係會"識晒"一D嘢喎!
...

認同. 因為一個成年人出來社會做事, 如經常"心急大意" , 會比人感覺不太可靠.

papa71

mcl203 發表於 16-8-25 14:13
似乎樓主既討論係班名次2X應否讓小朋友自由學習，放手輕鬆D，唔小心和大意，2者都可以忽略，順其自然，識就 ...

另外仲有預設值...
班名次不是上游,但"識晒"學校所教課程.

既然都話"識晒",仲唔俾小朋友自由學習?

名次低喎... 點解呀...."心急大意"?
反覆練習減少錯漏?值唔值?

都係自己心態啦.

miujoey

回覆 hkpapa852 的帖子

聽完你意見又真係學懂多些了, 小囡正是心急大意的人, 需然吸收力強, 但心急大意呢個性格如果在考試做工課上一定唔會有好成續,  多謝指教.

retriever

mcl203 發表於 16-8-25 14:09
當然知你答緊爸爸啦~~~

只係我見你講緊果D討論，似係緊貼小朋友學習進度既家長，而你題目又係2X 仲使唔使 ...

漏個句號差個S被扣哂分, 係唔少朋友既感嘆, 呢D 情況好多人都知...

佢地身處聯繫/直屬制度下, 按排名爭凳仔既環境, 真係一分都不能少...

但龍底下, 大家係咪仲係習慣左放唔低, 要跟著跑, 或者跑埋果幾分?

retriever

hkpapa852 發表於 16-8-25 14:16
唔同場合, "識晒"既定義係唔同

係學校, "識晒"課本既知識, 但不懂答題技巧, 都係無用, 因為咁代表呢個學生 ...

你講既野, 即考試即分數.. 不過分數都不等於名次呀...
唔明你不斷執拗不同定義既意義, 什麼是真龍, 跟到課程定或者"識哂"...


相信作為成年人, 不難判斷孩子對教授既課程內容是否理解明白.... 無論老師定家長...

學習成效是取決於評核? 不是吧!

評核是否要高分才等同 "識哂" (理解明白) 學習內容? 不是吧!


我覺得問題重點係, 雖然香港教育環境分數重要, 但要明白學習跟評核係分離既....

分數重要, 是否段段都要出力爭分數...


學習經歷, 太多太多從後趕上的例子...

除了極少數由頭帶到尾... 其他都不知到哪去了..

mcl203

原帖由 retriever 於 16-08-25 發表
漏個句號差個S被扣哂分, 係唔少朋友既感嘆, 呢D 情況好多人都知...

佢地身處聯繫/直屬制度下, 按排名爭凳 ...

唔知點解我直覺你好似有預設答案咁既~~

已經有真龍家長表述佢係OK接受既 ~~~

我作為一個前假龍直屬家長既分享係，唔覺得校內家長真係會為搶分好緊張喎，根本現實就會出現一班學生會自然出局，前中後一早已睇到係齊齊整整咁排好晒

只係學校唔會公佈名次，尾既家長係度估估吓，間唔中有D家長出手段去擾亂吓人地選校，絕大部份都係把口緊張，行動輕鬆，唔使以為個個都一分不能少啦

當然有家長係不論小朋友既位置，無論如何都積極參與，力保名聲啦

hkpapa852

mcl203 發表於 16-8-25 15:30
唔知點解我直覺你好似有預設答案咁既~~

已經有真龍家長表述佢係OK接受既 ~~~

就算係一間沒有龍, 或任何聯繫/直屬中學既官津小學, 亦有不少家長係唔介意唔去追

追唔追, 只係家長個人心態/要求, 其實同係咪龍校關係不大

hkpapa852

retriever 發表於 16-8-25 15:20
你講既野, 即考試即分數.. 不過分數都不等於名次呀...
唔明你不斷執拗不同定義既意義, 什麼是真龍, 跟到課 ...

什麼是真龍, 其實好重要

因為係EDB角度, 佢地只負責規管津貼一條龍既學校, 呢D亦先會被EDB視為龍校.

所有直資/私立既所謂一條龍學校, 係EDB眼中, 只係參考津貼一條龍既學校營運模式既學校, 亦不受佢地規管.

最大分別係, 津貼一條龍既學校, 小六學生有幾多, 中學部就要收番幾多(雖然可以要求小六生留班, 但只要佢唔走, 最後都要俾佢直升), 但直資/私立既所謂一條龍學校, 表面上小學部學生可以優先直升, 但比例有幾多係唔會有保証.

去吓中學版睇吓, 當初以建立一條龍學校名義申請轉做直資既德望, 今年中一只收番不足6成小學部既學生呢個事實, 有幾多家長係度慨嘆.

評核是否要高分才等同 "識哂" (理解明白) 學習內容?
倒轉嚟講, 如果你無辦法係評核時顯示出你既能力, 我又點可以認為你係識?

至於是否段段都要出力爭分數, 呢個係個人問題.

ok3

hkpapa852 發表於 16-8-25 15:33
就算係一間沒有龍, 或任何聯繫/直屬中學既官津小學, 亦有不少家長係唔介意唔去追

追唔追, 只係家長個人心 ...

講到尾, 家長心態先係最重要。

retriever

mcl203 發表於 16-8-25 15:30
唔知點解我直覺你好似有預設答案咁既~~

已經有真龍家長表述佢係OK接受既 ~~~

辯題點解要有預設答案?!

確實, 在讀直屬津校家長也講, 唔知點解, 無論佢地幾努力, 縱使平均分高左, 各自排名從小2開始沒變過.... 就如你說... "已睇到係齊齊整整咁排好晒"... 不過佢地都唔可以鬆懈, 因為怕不進側退, 成為B2 就要靠LUCK...

Bobo1210

retriever 發表於 16-8-25 15:04
漏個句號差個S被扣哂分, 係唔少朋友既感嘆, 呢D 情況好多人都知...

佢地身處聯繫/直屬制度下, 按排名爭凳 ...

考差唔多最尾話自己識哂，係咪自己呃緊自己？
就算龍校100%收返，都唔可以太hea，從小要培養學習態度認真d。

加s 、大細階、 貪快計錯、照抄都抄錯，你要提佢小心些呀！唔會10題加s ，10題都錯吧！

retriever

回覆 hkpapa852 的帖子

"評核是否要高分才等同 "識哂" (理解明白) 學習內容?
倒轉嚟講, 如果你無辦法係評核時顯示出你既能力, 我又點可以認為你係識?"

其他唔講, 以上呢句真係不敢苟同..


如果你係科主任講我能理解, 作為家長如果真心相信上面果句, 我有D 奇怪...

retriever

回覆 Bobo1210 的帖子

喂, 一個逗號扣5分... 初小普遍高分...
幾個標點已經足以排好後, 唔駛扣10個啦...