十年同行分享：亞氏保加症

vicky_leung2011

原帖由 貓后 於 16-01-08 發表
我仔仔依家3歲2個月大， 佢歲半時我已覺得佢唔望人， 唔會指野， 唔會講單字。 我有帶佢做評估， 果陣係2歲 ...

題外話。。想問排I位首先係咪要確診左先？

朱雅靜

我自己是在LS中作社工，好多LS的缺點我自己都明白同了解，我自己個人都會建議，如果能力可以負擔，真係可以比小朋友讀IS，首先，IS的學習比較彈性，比較少測驗同考試，對小朋友來講會開心同愉快，好多時候亞氐仔的問題非源自讀書，而係壓力，壓力一大，便大家都容易失控。另外，亞氐仔常會強某一科，如在LS是沒有可以某一科跳級，或者如果小朋友的學習情況未如理想，可以選某科REPEAT，這都是LS未能給予。師生比例及人手安排，都係IS較為優勝。
不過IS都看成績，有部份的學校知道自閉仔未能追上進度，都會建議較校或是係在外國讀，我有朋友的情況是小三便被人建議轉校，不過在IS讀了咁耐，要轉返LS並非易事﹐仔仔亦不能適應LS的學校模式，所以都要小心選擇

朱雅靜

貓后 發表於 16-1-8 16:32
我仔仔依家3歲2個月大， 佢歲半時我已覺得佢唔望人， 唔會指野， 唔會講單字。 我有帶佢做評估， 果陣係2歲 ...

做完評估後，媽媽可以再重新了解現在給予的治療是否合適，記住唔好等政府的治療，天荒地老都唔會等到，一定要自己在外面安排，加油，唔係好多媽媽可以接受仔仔的情況，還要在醫生都說沒有事的情況下，堅持自己，你係一個好好觀察力的媽媽

Monstereasy

原帖由 朱雅靜 於 16-01-09 發表
我自己是在LS中作社工，好多LS的缺點我自己都明白同了解，我自己個人都會建議，如果能力可以負擔，真係可以 ...

好認同，其實亞氏仔讀LS亦有其好處，因為變動少而且同同學互動時間少，出問題機會相對減少。
以前讀LS小息留課室閱讀或操場散步，但IS小息可以跑，打波，越多free time同同學之間衝撞機會越多。
我小朋友間IS, 有learning support teacher幫佢，以前LS都有上social class，但始終一大班上. IS幫助較為貼身，因為individual training, 個別行為改進。
LS唔好處係即使class teacher明白知道亞氏仔情況，其他科老師未必明。做錯事被罰好應該但老師唔知道孩子聽唔到長指令，罰完無效果，孩子自信低落但又唔知自己衰乜……
而IS老師內部溝通較多，因為learning support teacher會跟進，做錯事一樣罰但好清楚講明衰乜再定rule跟進，而且IS文化着重鼓勵所以一有進步會有讚賞，所以進步很快。

Jjchow2015

你小朋友是那間is?? 有support 咁好！可以分享嗎？

Monstereasy

原帖由 Jjchow2015 於 16-01-10 發表
你小朋友是那間is?? 有support 咁好！可以分享嗎？

好多間IS都有support, ESF都有。
有部分學校要另外收費，但可提供ABA 或容許自費請shadow teacher.

之前選校前做過research, SEN support最好係The Harbour School, 不過學費太貴所以放棄。

亦要留意school bully情況，始終A仔容易成欺寧對像，選校時選一些有教會背景或小班教學較為理想。

Monstereasy

原帖由 jj0608 於 16-01-06 發表
我仔都係k1,我都諗緊可以點幫佢。

其實我認為家長第一步要自己嘗試了解自閉症，坊間有好多書都有詳細講解。
係TED有一段Dr. Temple Grandin 既演講" The world needs all kinds of mind" 好啟發性可以睇下。 Dr. Temple Grandin本身係自閉症人士，佢亦有將自己經歴寫成書及電影。
其中一本書，The way I see it, 可了解自閉者思考角度。

Jjchow2015

我仔K1，讀緊全傳統K，會直升小學，雖然學校不是超谷那種，我成日驚佢最後頂唔住要去IS! 但佢性格比人打也不還手，所以我又驚！可能試下考個d IB 學校！
多謝你的分享！

Monstereasy

原帖由 Jjchow2015 於 16-01-11 發表
我仔K1，讀緊全傳統K，會直升小學，雖然學校不是超谷那種，我成日驚佢最後頂唔住要去IS! 但佢性格比人打也 ...

孩子還小，可以進步空間好大。我仔仔最近先"確診“ (borderline case), 錯過左幼兒training黃金時間。至於是否轉IS, 你可以再觀察下再決定，不過要留意IS學位相當緊張，如果非外籍護照更加難入。高年級插班英語水平亦有相當要求，如果由K開始

Monstereasy

如果由K開始比較易入。

Jjchow2015

明白！所以要monitor 住這三年的情況，大小肌可以操，社交玩多d都可以有進步！但選擇性專注真是未有信心！

貓后

我諗唔一定！ 最初醫生係安排我仔只係排言語治療， 我自己喺做評估前已自己喺出面見緊ST, 所以我要求醫生可否比其他服務比我， 醫生就排左I位比我

LeeCC

Jjchow2015 發表於 16-1-11 10:01
我仔K1，讀緊全傳統K，會直升小學，雖然學校不是超谷那種，我成日驚佢最後頂唔住要去IS! 但佢性格比人打也 ...

我個仔細個時都係比人打，比人搶嘢都吾識還手，而家二年級，你試下搶他的東西，他一定吾會放過你
小朋友一路長大，會學習保護自己，不需太保護他

將來他們都要獨立，面對社會，何不在一個有老師引領的安全環境裡學習面對不同人，比人蝦下，學習點應付，點控制自己情緒

朱雅靜

其實LS同IS都有好有唔好，有一些LS校長比較開明唔介意成績，願意會有較多資源給予有需要的小朋友，坦白講學校係最多資源，學校每年都可以有錢自行運用，學校用錢買多兩部電腦定係開一個有需要小組，便是學校的選擇（亦都係作為社工的無奈）。

kat.baby

請問你去邊間做評估，可否pm資料比我！thx

大貓媽

我個仔都懷疑係有亞氏保加(已係健康院見左醫生寫信REFER去政府排做測試, 最少9,10個月後...(見醫生排左要2017年11月), 佢今年升小學了, 升上K3後..今年佢情緒變得更加波動, 郁D唔鍾意就出手, 發脾氣...佢又好鍾意想搵小朋友玩, 但社交技巧好差..(一係要人聽佢講, 又面皮薄唔激得)我真係好擔心升上小一唔知點算...希望係上小學前可以做到確診之後快快手睇吓有無D小組可以俾佢參加改善一吓... 都好想知邊間機構做評估好~~ 如方便都PM埋我資料呀, 唔該晒~

我都想問吓各位有亞氏保亞小朋友的媽媽, 你地個小朋友係咪成日都好易發脾氣?..我見個仔成日郁D又火山爆發咁..又掟野, 又叫...又大力推人...日日都係咁...唉~

CALVEN

大貓媽 發表於 16-1-26 00:45
我個仔都懷疑係有亞氏保加(已係健康院見左醫生寫信REFER去政府排做測試, 最少9,10個月後...(見醫生排左要20 ...

我諗每個亞氏小朋友唔同,我小朋友唔會發脾氣同打人,

佢會對人冷淡,鐘意喊,小氣唔同人分享,做事無信心,其他方面大致同普通人一樣.

irenelwl

回覆 大貓媽 的帖子

不要等評估後才做訓練，政府即使評估後還要排期上社交。你去坊間搵d情緒及社交小組比孩子。我仔都係情緒落大，打自己頭，喊dd表現，上左幾個月有好轉，識得講番下唔開心的感受，講到出黎，有對話，情緒回復穩定的時間會快左。我住北區，主要資料都在北區，大構構如協康你可上網搵資料。

jj100c

亞氏成長路上最大問題是情緒及焦慮問題，因為佢哋智力正常，會越來越l 覺得佢與其他人𣎴同，又不眀白融入唔到同學的原因，好容易睇唔開！青春期時情緒更易激動。

ericbobo

大家好,我兒子今年已中一。由開學到現在我兒子不斷與同學發生衝突,也不懂與人相處,他也自覺不太明白別人說話的意思。最近我到學校的社工幫助,社工都有懷疑他是亞氏,但再講落去又說不是,衹是性格比較固執、太自我和沒有同理心。但其實我自己覺得佢係,不過應該不太嚴重。但兒子現在12歲多,我應該可以由甚麼途徑幫到佢呢?請大家給我意見吧！謝謝。