不是標簽, 但想知:為小孩選擇所謂一線或二線的原因

5tgb

回覆 boboapril 的帖子

自古以來，所謂的教養都是指輸送品德及處世智慧，並不包括學術 ;  因為古時有很多人根本目不識丁，如何輸送學術知識呢？而現時社會進步了，有強制入學制度，不排除有家長將教授學術的責任完全交給學校。加上現今社會共融，不要說成績未如理想啦，就算是目不識丁都可以找到工作，養活自已啦！家長跟唔跟孩子功課，絕對是個人決定。

little_yolky

boboapril 發表於 14-4-8 21:54
極其尊重不同的教養方法、極其欣賞家長的豁達。講得好好。不過何謂教養、父母都唔教、又可以怪邊個？養不教 ...

學業上完全放手唔代表唔教啊, 那是另一種教養手法呢。當家長觀察到自己小朋友有足夠的自律自理能力, 嘗試以完全放手的教養方法讓小朋友從小學習自我管理, 當然不是養不教的問題啊。

little_yolky

5tgb 發表於 14-4-8 19:18
回覆 little_yolky 的帖子

好高興大家能以包容的態度去討論。我先前發的帖子並不是想提出完全不跟孩子功課 ...

我囡囡的學校是非常的好, 所以就算我囡囡的成績是否合乎理想, 我們做家長的都無位可以插學校。

至於我小朋友的成績, 當然唔可能跟父母發功, 補習再補習的同學仔一樣好。始終只有她一個人在摸索, 有中上成績我跟學校老師也是覺得可以的了。始終「理想的成績」是父母定出的標準(當然起碼要升到班), 間中馬有失蹄,  只要不影響大局, 父母又何需介懷,。

ypchana

物以類聚，人以群分

bobbob

little_yolky 發表於 14-4-9 10:34
學業上完全放手唔代表唔教啊, 那是另一種教養手法呢。當家長觀察到自己小朋友有足夠的自律自理能力, 嘗試 ...

認同你嘅做法，呢種approach短時間内可能無乜成果，但長遠計對子女成長會有好處。

little_yolky

bobbob 發表於 14-4-9 13:26
認同你嘅做法，呢種approach短時間内可能無乜成果，但長遠計對子女成長會有好處。 ...

但係會好有壓力。
有時在EK中看到家長話小一最少要有85分先合標準, 但返屋企看看, 阿囡無喎！
見人家又話讀公文, 又話補英文會話, 返屋企望下阿囡, 英文係咪可以再好啲呢！
見到人家十項全能, 望下家中寶寶, 點解你咁平凡既！
陪阿囡上興趣班, 家長們圍圈講小朋友學習, 人哋話, 阿囡有20名以內, 我都唔迫佢咁緊了。望下自己果個, 20名以外喎, 係咪要迫一下呢? 係咪我太早放手唔啱呢！

做父母真係需要學習, 第一課：學習承受壓力！

anntx3

個point是：在不同學校，93分都有可能考尾。80分可以前列。
做父母的心理質素，就是這樣煉出來。
之前有留言，93分考尾的小孩，雖然不可能留班，但因為喜歡比較，失敗了，一生都失去自信。
come on! 這就是父母開導他的時候啊!自信不應該建立在名次上。
當然，亦有父母寧願去要求較低的學校，令他浮上前列，去保住因比較而獲得的自信。
這就是沒辦法中之辦法。

5tgb

回覆 anntx3 的帖子

93 分考第尾，我相信是一次半次的成績而已。要長期平均分93，都考第尾，我唔相信可以有學校做到。而學生因此失去自信，相信亦是短時間而己。要一生都失去自信，難道看的是50年前的留言，否則什知道未來50年會不會受影响呀？

5tgb

little_yolky 發表於 14-4-9 1357
但係會好有壓力。
有時在EK中看到家長話小一最少要有85分先合標準, 但返屋企看看, 阿囡無喎！
見人家又話 ...

壓力無論放唔放手都有架啦！唔通考第一就無學習壓力呀！問得人會唔會太早放手，唔通唔知自已事？不過話得說回頭，世間根本沒有所謂"最佳教導法“的，多人用不代表一定得。可能可行出另一條路呢！

Monstereasy

原帖由 little_yolky 於 14-04-09 發表
學業上完全放手唔代表唔教啊, 那是另一種教養手法呢。當家長觀察到自己小朋友有足夠的自律自理能力, 嘗試 ...

欣賞你！忍手從旁觀察加以引導，難度高，收成慢！但自小學會自我管理，終身受用。加油！

我係我

其實真係要揾一間適合自己小朋友的學校， 好似我女比較多說話愛發問同好動。 當年考幼稚園所有出名乖乖女的女校都全軍復沒， 反而有幾間出名愉快從遊戲中學習的學校都收佢， 仲讀得幾好。
小學我都選活動教學的學校比佢讀
所以讓小朋友發揮選適合的學校

我係我

而家d家長為面子只谷仔女入名校， 名校係好， 但適合自己小朋友嗎？
就正如大部份女人都想嫁有錢又靚仔既人， 但上流社會唔係人人頂得住。仲要睇埋你自己本身有咩條件。
當咁好彩比你嫁到有錢人(入到名校),  你都要識維繫段婚姻(keep到好成績),  如果唔係好易離婚收場(比人踢出校).

bobbob

little_yolky 發表於 14-4-9 13:57
但係會好有壓力。
有時在EK中看到家長話小一最少要有85分先合標準, 但返屋企看看, 阿囡無喎！
見人家又話 ...

其實無話百份百，始終個個小朋友nature唔同，對我嚟講成績尤其係初小唔太重要，最緊要培養到正確學習態度，父母終有放手嘅一天，我唔想見到個仔讀大學（or even worse出嚟搵工）時仲要我陪去interview

little_yolky

5tgb 發表於 14-4-9 19:07
壓力無論放唔放手都有架啦！唔通考第一就無學習壓力呀！問得人會唔會太早放手，唔通唔知自已事？不過話得說 ...

考頭幾名果啲係小朋友壓力大, 囡囡話, 學期頭, 果幾位朋友仔日日返學喊的, 我問囡囡佢哋喊乜, 囡囡話：壓力大囉。至於我既情況, 係家長有壓力！真係「人言可畏」, 上興趣班時媽咪們知道我無理阿囡學業, 好似睇怪獸咁, 眼神流露出：點解你唔同個囡溫書等佢高分啲呀, 基礎打唔好呈分你就知死等等的表情。但校長明明話, 學習留返俾學校老師煩, 家長剩係同小朋友搞好親子關係就可以了, 所以我咪照做囉。壓力呀！

little_yolky

Monstereasy 發表於 14-4-9 23:17
欣賞你！忍手從旁觀察加以引導，難度高，收成慢！但自小學會自我管理，終身受用。加油！



  ...

係, 好難忍！當你見到佢某次默書得60幾分時, 你就好想出手。但要忍住, 叫佢下次努力啲, 早啲準備, 咁下次又有80幾分, 又過咗一個難關。

ANChan59

原帖由 little_yolky 於 14-04-10 發表
考頭幾名果啲係小朋友壓力大, 囡囡話, 學期頭, 果幾位朋友仔日日返學喊的, 我問囡囡佢哋喊乜, 囡囡話：壓 ...

Well done.

little_yolky

bobbob 發表於 14-4-10 10:29
其實無話百份百，始終個個小朋友nature唔同，對我嚟講成績尤其係初小唔太重要，最緊要培養到正確學習態度， ...

我真係領教過阿媽陪interview, 即係俾我out咗。

父母要放手, 但時間上就有好大的商榷了。什麼才是最好時機? 只有事過境遷, 回頭望望先會發現, 那可能不是最好時機。但已是馬後炮了。現在, 我阿囡雖然成績唔係好標青, 但識自己溫書都好。我哋好奇怪唔多覺佢响屋企溫好多書, 次次默測前都睇佢一定唔合格, 但次次又過到關, 好唔明白。後來有一次同佢傾開偈, 原來佢話學校有三個小息, 佢只會用一個小息玩, 其餘兩個小息會用嚟溫書, 咁日日都溫半個鐘, 唔怪得識啦, 咁生性, 心頭即時暖一暖。

HaYi

如果小朋友是早定性, 早放手對其自理能力肯定是好事.

不過我卻對學校建議放晒手去讓學校去教小朋友有保留. 學校因要迎合大部份同學的水準/ 老師的能力/ 教署的規範等客觀條件而製定學習的內容, 對小朋友的獨特性或能力難以個別照顧, 有時家長在課餘的介入都可能是一件有益的事. 始終小朋友細, 未必可以知道在何方面或如何可以增加知識, 要小朋友自行探索去消化學校所教為應該可以成事, 但要深化/廣化所教有時亦可能需有家長從旁提點.

caca316

回覆 5tgb 的帖子

你係吾係老師?

5tgb

回覆 caca316 的帖子

我無也點讀過書架，祗靠看書羅D常識，邊有資格做老師呀！