寧做雞頭，莫做鳳尾

whl3868

戀仔狂 發表於 13-6-9 14:57
二線都唔叫雞頭啦

同意.....d討論都見唔到雞....何來做到雞頭~~~

CreativeAccount

我強調係二線唔係差，但可以的話唔好讀五六七八九線，唔係話出唔到狀元，機會較細而已。

講番我自己，我小學係港島BAND 2，成績中上，但小五六英英谷得好勁，父母唔識填，中學派得好差，去左一間BAND 5中文中學，父母仲怪我成績唔好。果時校長睇唔過眼，因為佢同港華，金文泰有關係，都親手寫信（果時冇電腦，封封手寫架），又打電話去打招呼，原則上只要家長陪去面試，入到機會好大。

偏偏我父母教育程度低，覺得讀邊間都冇所謂，唔想請假去面試，結果我在果間中文中學D 英文由中一 9X 分， 中二 8X，中三7X，中四中五6X， SYLL A 我只係拎到E， 其他成績好夾硬升上中六預科，當然考唔到大學大專（全級四十人得一個入到中大，七八個去到樹仁，好多仲係外面金文泰或其他名校轉來，由中一至中六只有我及另一個同學可以升到預科），最後要自己出來半工讀，走好多冤枉路。

最終我用左十幾年時間，讀完大學，碩士，考到社會認可專業資格，但錯過左好多時光及機會，以及人們見我唔係傳統大學出身，只係由細公司一級級升上來，都係睇低我一線，這便是所謂「輸在起步線」。

我好深深感受到細路仔係好易受朋輩影響，像我中學時，很多人初中便入黑社會，一係你被人蝦，一係你就入埋去，上堂個個係度劃公仔，傾計，溝仔溝女，放學一齊去食煙打機，我定力叫做夠而已，但睇住D 同學中二三走一D， 中四五走多D。。。好多都唔係做跟車便是做行街，仲要係上唔到位果D，最後見佢地都係做葯房，茶餐廳。

其實母校係進步中，廿年後已經上番BAND 2中，最近我被邀請回來同師弟妹講話，我都強調一定要專心讀書，考到大學同考唔到係天與地。副學士及IVE 也不是出路，錢花了很多，但也輸在起跑點。

我唔係贊成要谷到個小朋友好辛苦，但總唔可以冇讀書風氣，今時今日其實好少學校好似我當年咁差（BAND 4／5都殺哂），小朋友有時決定唔到自己點，做父母既，盡可能有前瞻性一點，幫到佢地幾多便幾多，以前好多同學七八個兄弟姐妹就理唔到者，而家大家都一個起兩個止，唔上一線，都盡力留在二三線，唔好讓小朋友太落後，香港小朋友之間智慧水平其實唔會差太遠，這時候也是他們學習能力最強，過度懶散只會浪費了他們，個人意見。

gdbnne

原帖由 CreativeAccount 於 13-06-10 發表
我強調係二線唔係差，但可以的話唔好讀五六七八九線，唔係話出唔到狀元，機會較細而已。

講番我自己，我小 ...

同意。小朋友要有適當的壓力。我的主張是不可過份，自己取個平衡。

gagalin

回復 CreativeAccount 的帖子

非常同意

tehebb

回復 CreativeAccount 的帖子

非常同意!!

sugarnana

非常同意！

Mat_Dad

回復 CreativeAccount 的帖子

相同睇法, 十分同意!

gdbnne

原帖由 yuenkw 於 13-06-10 發表
本帖最後由 yuenkw 於 13-6-10 18:13 編輯

鷄中學定鷄大學？鷄大學好似仲慘，高不成低不就。

dannyyau302

原帖由 CreativeAccount 於 13-06-10 發表
我強調係二線唔係差，但可以的話唔好讀五六七八九線，唔係話出唔到狀元，機會較細而已。

講番我自己，我小 ...

感謝誠意分享！這種理性陳述，正好描繪當今做家長的，都要花盡心機為子女在起跑線做足準備。唔駛最好，亦不要太落伍追逐低一線學校。傳統谷校名氣不是單靠出版商吹噓，掂與劣之分不用畫公仔都明。

VKwan

原帖由 CreativeAccount 於 13-06-10 發表
我強調係二線唔係差，但可以的話唔好讀五六七八九線，唔係話出唔到狀元，機會較細而已。

講番我自己，我小 ...

我要keep起你言論比我仔睇,等佢明白我的苦心

readingbee

我女兒小一考入港島區神級名校（亦是我的母校），當然讓她讀啦！所有家長都想給孩子最好的環境。三年下來，太催谷太辛苦了，決定轉國際學校。不想再做鳳尾。再好的校風，如果讀到令小孩失去自信和主動學習的興趣，都是不行的。雞頭或鳳尾都好，最重要孩子要對學習有興趣及主動，有時間做運動和課外興趣，一旦發現挫敗感太多，興趣下滑，就有問題了。下學期轉新環境，希望她做到雞頭啦！

polarbearlee

世界唔可能有不勞而獲。香港邊到有又唔谷又Hea的名小。小女讀名小，一日做2-3小時功課，溫2-3小時書，每日10-11點先訓，星期六日及長假多數用來溫習，暑假用來溫定下一年，考80分班長任話低，考得唔好就提議你幫個囡轉校校，好樣學校收其他學校的插班生。家長想入名小係正常，但要想清楚入名小只係開始，keep 到先係緊要。

elisliu

回復 garyz88 的帖子

同意

serinac

回復 readingbee 的帖子

請問是什麼原因造成太催谷太辛苦呢?

MIC-MIC

原帖由 garyz88 於 13-06-08 發表
本帖最後由 garyz88 於 13-6-8 13:53 編輯

好多家長追求名校, 並不單純為學業成績嫁!!

同意！

readingbee

回復 serinac 的帖子

催谷的原因：課程比一般的大多數小學深，可以高一級（小一學小二，小二學小三課程.....), 功課量多，整個小學階段平均每天2-3個小時等閑。最慘就是如果小朋友不能獨立完成作業（太難），家長就要陪做陪讀。家長等於自己重讀小學！家長自己的中英數程度也不能太差，不然教高年級功課會有困難，它們高小的英文程度達到中一，如果自己沒能力教只能去補習。（我不是開玩笑，所以才決定轉校，我都頂唔順！）個人覺得，勝任的小孩必須天資聰穎，記憶力很強，有定力坐得住做功課溫書，數學理解力強，還有父、母有時間監督。我不想小孩和我自己的生活完全被學業控制，一直活在“追趕”課業的壓力下。至少小學階段學習應該是愉快和有趣，小孩才有動力，有上進心。 雖是自己的母校，但今時今日已經和以前不一樣了，幾十年前輕鬆好多。

whl3868

催谷小朋友...大家認唔認為係來自家長們本身??
家長們由kg開始就追求早讓小朋友學寫字...早早裝備佢地...盲目追求該等名幼
該等牟利名幼...咪滿足客户要求...加深佢地教學水平...苦了小朋友
早年到現在...都聽到:
kg...校長話家長們投訴...不讓小孩子早點學寫字...上P1有問題
P1...校長回應...應盡快減少興趣班...不要於校外補習
現在...老師認同...太多小朋友在外補習...影向小朋友上堂態度
總之...壓力原自??
btw..我的小朋友都曾在教得淺名幼...現就讀受熱捧小學(或有家長可能會叫神級)...一向少補習...有數樣興趣班...從教佢建立品格...學習中...得番黎既個人體會

readingbee

回復 polarbearlee 的帖子

你講的情況，的確是有同感，進了這類學校就是要有準備過這種生活。

LeQ

回復 serinac 的帖子

我覺得小學每日要花2-3小時做功課，即係上堂吸收不到老師教學方法，再加上溫習，十點前都未訓覺，小朋友返學仲衰過大人返工，長期休息不足，面對同伴老師父母壓力，咁谷都係中游分子，其實已經很好，如果成績仲係中下的一群，小孩個自尊心何在？硬要繼續入讀，你又唔係叻既一群，又唔係中上產人仕，唔被人蝦已偷笑，家長仲想仔女可以埋到同學仔身邊做跟班都冇機會，人地會當你老死嗎？自信心自我形象低落，人可能越大越反叛，可能得不償失。