收到康傑面試信啦

C蓓媽

原帖由 isababy117 於 12-11-01 發表
係呀

表現好差？不過我聽番來啲標準怪怪的，聽晒指令，乎合要求的不收，扭計，走來走去，不聽指令的反而收左！

isababy117

原帖由 C蓓媽 於 12-11-01 發表
表現好差？不過我聽番來啲標準怪怪的，聽晒指令，乎合要求的不收，扭計，走來走去，不聽指令的反而收左！



  ...

我個女坐係張椅5分鐘都冇，走去洗水，去隔離檯拎人玩具，我有叫佢返黎坐，個老師竟然話由佢。老師叫佢做既指令都有做呀，不過我個女係冇乜show老師，掛住玩。唉我都知應該唔收，但係真係開始知驚唉

isababy117

原帖由 isababy117 於 12-11-02 發表
我個女坐係張椅5分鐘都冇，走去洗水，去隔離檯拎人玩具，我有叫佢返黎坐，個老師竟然話由佢。老師 ...

洗手

juneforgbb

昨天收到MOS 康傑面試相, 11月中in, 之前報名時老師話夠歲半先可以interview﹐但係11月中我個仔都未到歲半..

C蓓媽

原帖由 juneforgbb 於 12-11-02 發表
昨天收到MOS 康傑面試相, 11月中in, 之前報名時老師話夠歲半先可以interview﹐但係11月中我個仔都未到歲半. ...

你仔是細仔？幾多月出世？

juneforgbb

回復 C蓓媽 的帖子

其實唔算細仔, 6月尾出世, 面試個日未夠17個月, 不過交表時個老師講到明話所有B一定係夠18個月先in, 話咁樣公平D, 其實我都冇咩所謂, 因為我個仔唔算識好多野, 我估18個月時都唔會有好大分別, 平常心, 不過覺得有D奇怪所以問下

C蓓媽

今日in左個啲可否分享下呀？

isababy117

原帖由 C蓓媽 於 12-11-04 發表
今日in左個啲可否分享下呀？

一月大B。學校好有系統，人唔算多。老師開咪叫小朋友入房 入到房得兩組，唔會好嘈，小朋友都專心D，老師先俾lego叫小朋友疊高，老師會教小朋友做一次先，老師好鼓勵，有拍手同讚小朋友。我個女開頭做唔到，之後做到，老師都好有耐性。我個女仲主動話俾老師聽D lego係咩色（blue, yellow, green) 希望咁樣會加分啦。之後叫小朋友tidy up放返D lego入藍。然後有第二份啡色既lego，叫小朋友放係碟上。我個女做到，做完又係tidy up。老師再拎架車出黎問咩黎既，我個女剩係係到唱the wheels on the bus冇答老師。老師再拎個波出黎問咩黎，我個女撥開個波，再去拾波。之後老師指住我問小朋友我係邊個，老師又指住自己問係邊個，我個女冇答，但老師有教返佢答媽媽同老師。之後獎勵小朋友俾左包餅佢。
然後就係問家長啦，問點識康傑，點解想俾小朋友讀，小朋友發脾氣點算，平時同小朋友去邊，有冇去開放日，有冇去簡介會，上午班滿晒既話下午班o唔ok。

總結女女面試不錯，有D唔專心，但基本上做到指令仲不停係到唱歌好enjoy，但真係擔心冇去開放日簡介會會扣分 希望收啦。有冇媽媽知道幾時有結果？

C蓓媽

原帖由 isababy117 於 12-11-04 發表
一月大B。學校好有系統，人唔算多。老師開咪叫小朋友入房 入到房得兩組，唔會好嘈，小朋友都專心D，老師先 ...

你個女表現不錯啊，至少主動唱歌及講顏色，肯定加分，大b真係唔同啲！不過估不到佢問家長咁多野啫！！照咁睇老師幾好咁，至少會引導個小朋友！我個11月b真係真係連in的機會都不知有無！

Cheerfulfish

C蓓媽 發表於 12-11-4 00:56
今日in左個啲可否分享下呀？

我個囡(1月B)都見完，學校安排真係好好，係之前見咁多間當中最好，我地係個主任見，個樣嚴肅d，呀囡開初小小驚佢,問咩都完全冇反應，好彩後來warm up 左好d，識答apple , car又肯握手give me five，肯執玩具, 老師係檯底搵野發聲佢有追尋聲音來源, 比餅佢佢肯講多謝，其他問家長d野都同iisababy117一樣，希望有機啦! 我有去open day簡介會，冇遅到冇早走，會唔會加分?

isababy117

原帖由 C蓓媽 於 12-11-04 發表
你個女表現不錯啊，至少主動唱歌及講顏色，肯定加分，大b真係唔同啲！不過估不到佢問家長咁多野啫！！照咁 ...

一定有既！到時就可能有家長有offer都唔要呢！有希望既！

shertam

尋日亞仔IN完，雖然亞仔瞓到一半就去IN，但佢都做到晒D指令。老師叫佢疊高啲LEGO等老師同媽咪傾吓計。佢疊完就行開咗，真係無騷擾到我同老師。

老師仲讚佢IN得好好，仲話佢應該無問題！兩個禮拜後就有書面通知，真係好快手呀。

愚妹妹

回復 shertam 的帖子

請問你小朋友係幾月b呀? 佢好叻又乖

dohertychan

我係in海怡果間, 星期六 下午3點in~
我覺得面試安排好好, 老師都好好人, 好有heart!
希望收啦!

C蓓媽

原帖由 shertam 於 12-11-04 發表
尋日亞仔IN完，雖然亞仔瞓到一半就去IN，但佢都做到晒D指令。老師叫佢疊高啲LEGO等老師同媽咪傾吓計。佢疊 ...

佢咁講起碼另你放心先啦！

skywalkwalk

請問你地小朋友，有無动物图案既貼紙。因为我見老師最后除左派餅外，仲会貼动物貼纸。

isababy117

原帖由 skywalkwalk 於 12-11-05 發表
請問你地小朋友，有無动物图案既貼紙。因为我見老師最后除左派餅外，仲会貼动物貼纸。



  ...

冇呀得餅咋

skywalkwalk

咁，請問有無其它家長既小朋友有呢？因为唔知佢地有無特別意思呢？

Cheerfulfish

原帖由 skywalkwalk 於 12-11-05 發表
請問你地小朋友，有無动物图案既貼紙。因为我見老師最后除左派餅外，仲会貼动物貼纸。



  ...

我個囡都係得餅，我見唔到有人有貼紙，佢地果日好似由上午in到下午3點幾，見咁多人，我估唔會即時有決定